This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
უნიფიცირებული
დასახელება:
	
აპროტინინი
Aprotinin
ა.თ.ქ. კლასიფიკაცია:
	
 
B02AB01	
B სისხლწარმოქმნა და სისხლი
	
02 ჰემოსტატური პრეპარატები
	
A ფიბრინოლიზის ინჰიბიტორები
	
B პლაზმის პროტეინაზების ინჰიბიტორები
ანოტაცია:
	
	
ურთიერთქმედება სხვა მედიკამენტებთან:
	
დაუშვებელია პრეპარატის ერთდროული გამოყენება საინფუზიო ხსნარებთან, რომლებიც შეიცავენ დექსტრანს (ჰიპერმგრძნობელობის რეაქციის გაძლიერება). პრეპარატის ერთდროული გამოყენება კორტიკოსტეროიდებთან, საკვებ ხსნარებთან, რომლებიც შეიცავენ ამინომჟავებს და ლიპიდებს, დაუშვებელია მათი ქიმიური შეუთავსებლობის გამო.
ჩვენება:
	
- პირველადი ჰიპერფიბრინოლიზური სისხლდენის მკურნალობა; - გულზე ღია ოპერაციების დროს სისხლდენის შემცირების და სისხლდაკარგვის შემთხვევაში.
დოზირება და მიღების წესი:
	
ინტრავენურად: აუცილებლობის დროს შესაძლებელია პრეპარატის განზავება იზოტონურ ხსნარში ან გლუკოზის 5% ხსნარში. ტესტ-დოზა: ინფუზიამდე 10 წუთით ადრე შეჰყავთ ინტრავენურად 1მლ (10000კმე აპროტინინი) ტესტდოზა პრეპარატის მიმართ მგრძნობელობის დასადგენად. 1. პირველადი ჰიპერფიბრინოლიზური სისხლდენის სამკურნალოდ: მოზრდილებში: - საწყისი დოზა: აპროტინინის 500000კმე (50 მლ) ინტრავენურად, ნელა (მაქსიმალური სიჩქარე 10მლ/წუთში). ავადმყოფი ამ დროს იმყოფება მწოლიარე მდგომარეობაში; - შემდგომში: აპროტინინის 200000კმე ყოველ 4 საათში ერთხელ, ნელი ინფუზიის სახით. ბავშვებში: დღეღამური დოზა შეადგენს: აპროტინინის 20000კმე/კგ სხეულის წონაზე/დღეში. 2. კარდიოქირურგიაში (სისხლმიმოქცევის ხელოვნური აპარატი), სისხლდენის სისხლდაკარგვის დროს და სისხლის გამოყენებისათვის: -საწყისი დოზა: ანესთეზიის დაწყების შემდეგ სტერნოტომიამდე -აპროტინინის 2000000კმე ინტრავენურად 15-20 წუთის განმავლობაში; -შემანარჩუნებელი დოზა: აპროტინინის 500000კმე უწყვეტი ინტრავენური ინფუზია ყოველ საათში ოპერაციის დამთავრებამდე; -აპროტინინის 2000000კმე ემატება სითხეს ოქსიგენატორის შესავსებად; 2 საათიანი ოპერაციის დროს შეჰყავთ აპროტინინის 5000000კმე.
გვერდითი მოვლენები:
	
ჰიპერმგრძნობელობის რეაქცია: ერითემა, ურტიკარია, ბრონქოსპაზმი, ანაფილაქსიური რეაქცია, შოკური მდგომარეობა. ასეთ შემთხვევაში პრეპარატის მიღება წყდება. ძალიან იშვიათად: გულისრევა, ღებინება, დიარეა, კუნთების ტკივილი, არტერიული წნევის ცვალებადობა.
უკუჩვენება:
	
- მომატებული მგრძნობელობა აპროტინინის მიმართ; - სისხლის დისემინირებული სისხლძარღვთაშიდა შედედება; - ორსულობის 1 ტრიმესტრი.
ფარმაკოლოგიური თვისება:
	
აპროტინინი წარმოადგენს ერთჯაჭვიან პოლიპეპტიდს, რომელიც შედგება 58 ამინომჟავასაგან. მისი მოლეკულური წონა შეადგენს 6500. აპროტინინი იწვევს პროტეოლიზური ფერმენტს, კერძოდ, კოლიდინოგენაზის, ტრიფსინის და ზოგიერთი პლაზმური აქტივატორის ბლოკირებას.
განსაკუთრებული მითითებები:
	
პრეპარატის აქტიურ ნივთიერებას გააჩნია პოლიპეპტიდური სტრუქტურა, ამიტომ იგი მოქმედებს როგორც ანტიგენი და შეუძლია გამოიწვიოს ანაფილაქსიური რეაქცია და შოკური მდგომარეობა. პრეპარატის მიმართ ჰიპერმგრძნობელობის დასადგენად საწყისი დოზის შეყვანამდე 10 წუთით ადრე აუცილებელია 1მლ ტესტ-დოზის (10000კმე აპროტინინი) ინტრავენური შეყვანა. იმ ავადმყოფებში, რომლებსაც აღენიშნებათ ნებისმიერი ხასიათის ალერგიული რეაქცია ტესტ-დოზაზე, პრეპარატის გამოყენება წყდება, რადგანაც სამკურნალო დოზამ შეიძლება გამოიწვიოს ანაფილაქსიური რეაქცია. პრეპარატის გამოყენება კარდიოქირურგიაში ბავშვებში საკმარისად შესწავლილი არ არის. არ არსებობს მონაცემები პრეპარატის უსაფრთხო გამოყენების შესახებ ორსულობის და ლაქტაციის პერიოდში, რის გამოც მისი მიღება ორსულობის 1 ტრიმესტრში დაუშვებელია. ორსულობის 11 და 111 ტრიმესტრში და ლაქტაციის პერიოდში პრეპარატი ინიშნება მოსალოდენელი სარგებლიანობის და პოტენციური რისკის განსაზღვრის შემდეგ.
ჭარბი დოზირება:
	
სპეციფიკური ანტიდოტი არ არსებობს. ჭარბი დოზირების შემთხვევაში რეკომენდებულია სიმპტომატური მკურნალობა.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 021193835 sec.