This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
სარეკლამო ადგილი







უნიფიცირებული
დასახელება:
	
აცეტილცისტეინი
Acetylcysteine
ა.თ.ქ. კლასიფიკაცია:
	
 
	
A
საჭმლის მომნელებელი ტრაქტი და ნივთიერებათა ცვლა
S01XA08	
S პრეპარატები გრძნობის ორგანოების დაავადებების მკურნალობისათვის
	
01 პრეპარატები თვალის დაავადებების მკურნალობისათვის
	
X სხვა პრეპარატები თვალის დაავადებების მკურნალობისათვის
	
A სხვა პრეპარატები თვალის დაავადებების მკურნალობისათვის
V03AB23	
V სხვა პრეპარატები
	
03 სხვადასხვა პრეპარატები
	
A სხვადასხვა პრეპარატები
	
B ანტიდოტები
R05CB01	
R სასუნთქი სისტემა
	
05 ხველებისა და გაციების დროს გამოსაყენებელი პრეპარატები
	
C ამოსახველებელი პრეპარატები (ხველების საწინააღმდეგო პრეპარატებთან კომბინაციის გარდა)
	
B მუკოლიზური საშუალებები
ანოტაცია:
	
	
ფარმაკოლოგიური თვისება:
	
პრეპარატი წარმოადგენს მუკოლიზურ საშუალებას. იგი ათხელებს ნახველს, ზრდის მის მოცულობას, აადვილებს მის გამოყოფას და ამოხველების პროცესს. აცეტილცისტეინის მოქმედება დაკავშირებულია მასში შემავალი სულფჰიდრილური ჯგუფის თვისებასთან დაარღვიოს ნახველის მჟავე მუკოპოლისაქარიდების დისულფიდური კავშირები, რაც იწვევს მიკოპროტეინების დეპოლიმერიზაციას და ლორწოს სიბლანტის შემცირებას. იგი ინარჩუნებს აქტივობას ჩირქოვანი ნახველის არსებობისას.
ჩვენება:
	
პრეპარატი გამოიყენება სასუნთქი სისტემის ორგანოების დაავადების დროს, რომელთა თანმხლებია ბლანტი და ჩირქოვანი ნახველი: მწვავე და ქრონიკული ბრონქიტი, ბაქტერიული და/ან ვირუსული ინფექციებით გამოწვეული ტრაქეიტი, პნევმონია, ბრონქოექტაზური დაავადება, ბრონქული ასთმა, ატელექტაზი, რომელიც გამოწვეულია ბრონქების ობტურაციით ლორწოვანი საცობით, მუკოვისციდოზის (კომბინირებული თერაპიის დროს), აგრეთვე ტრავმისა და ოპერაციის შემდგომ პერიოდში სასუნთქი გზებიდან ბლანტი სეკრეტის ევაკუაციისათვის და სინუსიტების დროს სეკრეციის შესამსუბუქებლად.
დოზირება და მიღების წესი:
	
მიღების წესი და დოზირება ინდივიდუალურია. 6 წლის ასაკის ზევით ბავშვებსა და მოზრდილებში პრეპარატი გამოიყენება პერორალურად 200მგ-ის ოდენობით 2-3-ჯერ დღეში; 2-დან 6 წლამდე ასაკის ბავშვებში - 200მგ 2-ჯერ დღეში, ან 100მგ 3-ჯერ დღეში, 2 წლამდე ასაკის ბავშვებში - 100მგ 2-ჯერ დღეში. მოზრდილებში ინიშნება კუნთებში დოზით 300მგ ერთხელ დღეში, ბავშვებში - 150მგ-მდე ერთხელ დღეში. ინჰალაციის სახით იგი გამოიყენება 300მგ-ის ოდენობით დღეში. ბრონქების შიგნით ინსტილაციისათვის გამოიყენება დოზით 300მგ დღეში, ხოლო ადგილობრივად, პროცედურის დროს - 150მგ-დან 300მგ-მდე (ყურის გარე გასავალში ჩასაწვეთებლად). გამოხატული სეკრეტოლიზური მოქმედების შემთხვევაში აწარმოებენ სეკრეტის ასპირაციას, ხოლო ინჰალაციის სიხშირესა და პრეპარატის სადღეღამისო დოზას ამცირებენ.
გვერდითი მოვლენები:
	
იშვიათად - გულისრევა, ღებინება, კუჭის ავსების შეგრძნება, ცხვირიდან სისხლდენა, ურტიკარია, ყურებში შუილი. ძალიან იშვიათად - გულძმარვა, დისპეფსია. აეროზოლური თერაპიის დროს: რეფლექსური ხველა, სასუნთქი გზების ადგილობრივი გაღიზიანება, იშვიათად - სტომატიტი.
უკუჩვენება:
	
- კუჭისა და 12-გოჯა ნაწლავის წყლულოვანი დაავადება გამწვავების ფაზაში; - სისხლიანი ნახველი; - ფილტვიდან სისხლდენა; - ორსულობა; - აცეტილცისტეინის მიმართ მომატებული მგრძნობელობა.
განსაკუთრებული მითითებები:
	
პრეპარატი სიფრთხილით ინიშნება ბრონქული ასთმით, ღვიძლისა და თირკმელების, აგრეთვე თირკმელზედა ჯირკვლის დაავადებების დროს. ბრონქული ასთმით შეპყრობილ პაციენტებში პრეპარატის გამოყენებისას აუცილებელია უზრუნველყოფილ იქნას ნახველის დრენაჟი. ახალშობილებში პრეპარატი გამოიყენება მხოლოდ სასიცოცხლო აუცილებლობის შემთხვევაში დოზით 10მგ/კგ სხეულის წონის მიხედვით ექიმის მკაცრი მეთვალყურეობის ქვეშ. აცეტილცისტეინთან კონტაქტის დროს აუცილებელია გამოვიყენოთ მინის ჭურჭელი. არ შეიძლება ლითონისა და რეზინის ნაწარმის, აგრეთვე ადვილად ჟანგვადი ნივთიერებების გამოყენება. აცეტილცისტეინი შეუთავსებადია ტეტრაციკლინთან, ამპიცილინთან, ერითრომიცინთან და ამფოტერიცინ B-სთან.








Page generation time: 0. 027580980 sec.