| უნიფიცირებული დასახელება: | ბეტაქსოლოლიBetaxolol | ||
| ა.თ.ქ. კლასიფიკაცია: | |||
S01ED02 | S პრეპარატები გრძნობის ორგანოების დაავადებების მკურნალობისათვის | ||
| 01 პრეპარატები თვალის დაავადებების მკურნალობისათვის | |||
| E გლაუკომის საწინააღმდეგო პრეპარატები და მიოზური საშუალებები | |||
| D ბეტა- ადრენობლოკატორები | |||
C07AB05 | C გულ-სისხლძარღვთა სისტემა | ||
| 07 ბეტა- ადრენობლოკატორები | |||
| A ბეტა- ადრენობლოკატორები | |||
| B სელექტური ბეტა- ადრენობლოკატორები | |||
| ანოტაცია: | |||
| ფარმაკოლოგიური თვისება: | კარდიოსელექტიური ბეტა1-ადრენობლოკატორი შინაგანი სიმპატომიმეტიური აქტიურობის გარეშე. აქვს სუსტი მემბრანომასტაბილიზირებელი აქტივობა. აქვს ჰიპოტენზიური მოქმედება, დაკავშირებული გულის წუთ მოცულობის დაქვეითებასა და პერიფერიული სისხლძარღვების სიმპათიური სტიმულაციის შემცირება. თერაპიული დოზებით მიღებისას არ ახდენს კარდიოდეპრესიულ მოქმედებას, არ მოქმედებს გლუკოზის ცვლაზე, არ ამცირებს ბეტა-ადრენომიმეტური საშუალებების ბრონქოგამაფართოვებელ მოქმედებას, არ იწვევს ორგანიზმში ნატრიუმის იონების შეკავებას. მოქმედებს ხანგრძლივად. ადგილობრივად გამოყენებისას თვალის წვეთების სახით აქვეითებს თვალშიდა წნევას. რეზორბციული მოქმედება გამოხატულია უმნიშვნელოდ. | ||
| ფარმაკოკინეტიკა: | შინაგანად მიღების შემდეგ ბეტაქსოლოლის დოზის 95%-ზე მეტი სწრაფად აბსორბირდება კნტ-დან. სისხლის პლაზმაში აქტიური ნივთიერების Cmax მიიღწევა 1-2 საათში. ექვემდებარება ეფექტს ღვიძლში „პირველადი გამავლობა“. პლაზმის ცილებთან შეკავშირება შეადგენს დაახლოებით 50%-ს. Vd - დაახლოებით 6ლ/კგ. T1/2 ბეტაქსოლოლის - 15-20 სთ. თირკმელების საშუალებით გამოიყოფა ძირითადად მეტაბოლიტების სახით, 10-15% - შეუცვლელი სახით. | ||
| ჩვენება: | სისტემური გამოყენებისათვის: არტერიული ჰიპერტენზია. ოფთალმოლოგიაში ადგილობრივი გამოყენებისას: ქრონიკული ღია კუთხიანი გლაუკომა, თვალშიდა წნევის მომატება, ლაზერული ტრაბეკულოპლასტიკის შემდგომი მდგომარეობა. | ||
| დოზირება და მიღების წესი: | სისტემური გამოყენებისას ავადმყოფებისათვის, რომლებიც იმყოფებიან მუდმივ ჰემოდიალიზს ან პერიტონიალურ დიალიზზე შინაგანად იღებენ 20მგ 1 ჯერ/, საწყისი დოზა შადგენს 10მგ/; ბეტაქსოლოლის მიღების დრო დგინდება დიალიზის სიანსების რეჟიმისაგან დამოუკიდებლად. ოფთალმოლოგიაში ადგილობრივი გამოყენებისას - თითო წვეთი 2 ჯერ დაზიანებულ თვალში. მკურნალობა პირველი თვის განმავლობაში მიმდინარეობს თვალისშიდა წნევის დონის კონტროლით, შემდგომში თვალშიდა წნევის გაზომვის სიხშირე განისაზღვრება ინდივიდუალურად. სხვა წინამორბედი ანალოგიური პრეპარატების მიღების შემდეგ ბეტაქსოლოლის დოზირების რეჟიმი დგინდება ინდივიდუალურად. | ||
| გვერდითი მოვლენები: | გულ-სისლძარღვთა სისტემის მხრივ: მკურნალობის დასაწყისში - AV- ბლოკადა, სინუსური ბრადიკარდია, არტერიული ჰიპერტენზია, გულის უკმარისობა, რეინოს სინდრომი. საჭმლის მომნელებელი სისტემის მხრივ: იშვიათად - ტკივილი მუცლის არეში, გულისრევა, ღებინება. ცენტრალური და პერიფერიული ნერვული სისტემის მხრივ: მკურნალობის დასაწყისში - ასთენია, კიდურების პარესთეზია, ძილის მოშლა, დეპრესია, ძილიანობა, თავბრუსხვევა. სასუნთქი სისტემის მხრივ: იშვიათად - ბრონქოსპაზმი. ალერგიული რეაქციები: იშვიათად - ფსორიაზის მსგავსი კანისმიერი გამოვლინებები. ადგილობრივი რეაქციები: თვალის წვეთის სახით გამოყენების დროს, ჩაწვეთების თანავე შესაძლოა ხანმოკლე დისკომფორტი თვალებში, ზოგჯერ ცრემლდენა; იშვიათად - რქოვანას მგრძნობელობის დაქვეითება, ერითემა, ქავილი, რქოვანას ლაქოვანი შეფერვა, კერატიტი, ანიზოქორია, სინათლის შიში. | ||
| უკუჩვენება: | კარდიოგენული შოკი, გულის ქრონიკული უკმარისობის მძიმე ფორმები, II და III ხარისხის AV-ბლოკადა, სინუსის კვანძის სისუსტის სინდრომი, სინოატრიალური ბლოკადა, სინუსური ბრადიკარდია, პერიფერიული სისხლის მიმოქცევის გამოხატული დარღვევა, მომატებული მგრძნობელობა ბეტაქსოლოლის მიმართ. | ||
| ორსულობა და ლაქტაცია: | ორსულობისა და ლაქტაციის პერიოდში ბეტაქსოლოლის გამოყენება შესაძლოა მხოლოდ იმ შემთხვევაში, როდესაც დედის სავარაუდო სარგებელი აჭარბებს ნაყოფისა და ბავშვის შესაძლო რისკს. | ||
| განსაკუთრებული მითითებები: | პრეპარატის მიღება არ არის რეკომენდირებული ბრონქული ასთმისა და ბრონქოობსტრუქციული სინდრომით მიმდინარე ქრონიკული ბრონქიტის დროს. სიფრთხილით ინიშნება შაქრიანი დიაბეტის, თირეოტოქსიკოზზე ეჭვის შემთხვევაში, პაციენტებში, რომლებიც ანამნეზში აღნიშნავენ ბრონქულ ჰიპერრეაქციას, ასევე I ხარისხის AV-ბლოკადის, რეინოს სინდრომის, ფეოქრომოციტომიის დროს. ღვიძლის უკმარისობის დროს შინაგანად მიღებისას, ასევე თირკმლის უკმარისობისას (კრეატინინის კლირენსი 20 მლ/წთ ნაკლები) დოზირების რეჟიმის კორექცია არ არის აუცილებელი, თუმცა მკურნალობის პირველი რამდენიმე დღის განმავლობაში საჭიროა რეგულარული კლინიკური დაკვირვება. ბეტაქსოლოლი არ მოქმედებს გუგის სიფართოვეზე, ამიტომ დახურულკუთხიანი გლაუკომის დროს პრეპარატი უნდა მიიღონ მხოლოდ მიოტროპულ პრეპარატებთან ერთად. პაციენტის გადაყვანისას ბეტაქსოლოლზე რამოდენიმე ანტიგლაუკომური პრეპარატით მკურნალობის შემდეგ, ამ უკანასკნელთა რაოდენობა თანდათანობით შემცირდება, არანაკლებ ერთი კვირის ვადაში ყოველ პრეპარატზე. თვალის წვეთების ფორმით ბეტაქსოლოლისა და ბეტა-ადრენობლოკატორების შინაგანად ერთდროულად მიღებისას შესაძლოა ადიტიური ეფექტის განვითერება, როგორც თვალშიდა წნევის, ასევე ბეტა-ადრენობლოკატორების სისტემური მოქმედების გამოვლინებით. გეგმიური ოპერაციების ჩატარების წინ ბეტა-ადრენობლოკატორების, მათ შორის ბეტაქსოლოლის, მიღება უნდა შეწყდეს. ბეტაქსოლოლის ადგილობრივად მიღებისას კონტაქტური ლინზების გამოყენება არ შეიძლება. ბეტაქსოლოლის მიღება ბავშვებისათვის რეკომენდირებული არ არის. გავლენას ახდენს ავტოტრანსპორტის ტარებასა და მექანიზმების მართვის უნარზე. სიფრთხილით ინიშნება იმ პაციენტებში, რომელთა საქმიანობასაც ჭირდება მომატებული ყურადღება და სწრაფი ფსიქომოტორული რეაქციები. | ||
| ურთიერთქმედება სხვა მედიკამენტებთან: | ერთდროულად მიღებისას ადრენომიმეტიურ საშუალებებთან, ქსანტინის წარმოებულებთან მცირდება ბეტაქსოლოლის ეფექტურობა. ანტაციდებსა და დიარეის საწინააღმდეგო საშუალებებთან ერთდროულად მიღებისას შესაძლოა ბეტა–ადრენობლოკატორების აბსორბციის შემცირება. ერთდროულად მიღებისას ანტიჰიპერტენზიულ საშუალებებთან ძლიერდება ანტიჰიპერტენზიული მოქმედება. საინჰალაციო ნარკოზისათვის საჭირო ჰალოგენშემცველ საშუალებებთან ერთდროულად მიღებისას შესაძლოა უარყოფითი ინოტროპული მოქმედების გაძლიერება. არადეპოლარიზებულ მიორელაქსანტებთან ერთდროულად მიღებისას შესაძლოა მათი მოქმედების ხანგრძლივობის გაზრდა. არასტეროიდულ ანთების საწინააღმდეგო, გლუკოკორტიკოიდულ საშუალებებთან ერთად ბეტაქსოლოლის მიღებისას მცირდება მისი ანტიჰიპერტენზიული მოქმედება. საგულე გლიკოზიდებთან ერთდროულად მიღებისას შესაძლოა ბრადიკარდიის გაძლიერება. ტრიციკლურ ანტიდეპრესანტებთან (იმიპრამინი) ერთდროულად მიღებისას ქვეითდება АД, წარმოიშვება ორთოსტატული ჰიპოტენზიის განვითარების რისკი. ერთდროულად მიღებისას ამიოდარონთან, ვერაპამილთან, დილთიაზემთან, ბეტა–ადრენობლოკატორებთან ადგილობრივად გამოყენებისათვის გლაუკომის დროს შესაძლოა გაძლიერება უარყოფითი ინოტროპული მოქმედების და გამტარებლობის მოშლა. ლიდოკაინთან ერთდროულად მიღებისას იზრდება ლიდოკაინის კონცენტრაცია სისხლის პლაზმაში. ერთდოულად მიღებისას პრეპარატებთან, რომლებიც ფიტავენ კატექოლამინების მარაგს (მათ შორის რეზერპინთან), შესაძლოა ჰიპოტენზიური ეფექტისა და ბრადიკარდიის გაძლიერება. სულფასალაზინთან ერთდროულად მიღებისას სისხლის პლაზმაში ბეტაქსოლოლის კონცენტრაცია იზრდება. |
Page generation time: 0. 022862948 sec.
