| უნიფიცირებული დასახელება: | ჰიდროკორტიზონიHydrocortisone | ||
| ა.თ.ქ. კლასიფიკაცია: | |||
S01BA02 | S პრეპარატები გრძნობის ორგანოების დაავადებების მკურნალობისათვის | ||
| 01 პრეპარატები თვალის დაავადებების მკურნალობისათვის | |||
| B ანთების საწინააღმდეგო პრეპარატები | |||
| A კორტიკოსტეროიდები | |||
S02BA01 | S პრეპარატები გრძნობის ორგანოების დაავადებების მკურნალობისათვის | ||
| 02 პრეპარატები ყურის დაავადებების მკურნალობისათვის | |||
| B კორტიკოსტეროიდები | |||
| A კორტიკოსტეროიდები | |||
D07AA02 | D დერმატოლოგია | ||
| 07 კორტიკოსტეროიდები გარეგანი გამოყენებისათვის კანის დაავადებების მკურნალობისათვის | |||
| A კორტიკოსტეროიდები | |||
| A კორტიკოსტეროიდები სუსტი აქტივობით (I ჯგუფი) | |||
C05AA01 | C გულ-სისხლძარღვთა სისტემა | ||
| 05 ანგიოპროტექტორები | |||
| A ადგილობრივი გამოყენების პრეპარატები ბუასილის მკურნალობისათვის | |||
| A კორტიკოსტერეოიდების შემცველი პრეპარატები | |||
A07EA02 | A საჭმლის მომნელებელი ტრაქტი და ნივთიერებათა ცვლა | ||
| 07 ფაღარათის საწინააღმდეგო, ნაწლავის ანთების და მიკრობების საწინააღმდეგო პრეპარატები | |||
| E ნაწლავის ანთების საწინააღმდეგო პრეპარატები | |||
| A კორტიკოსტეროიდები ადგილობრივი გამოყენებისათვის | |||
H02AB09 | H ჰორმონები სისტემური გამოყენებისათვის (სასქესო ჰორმონების გარდა) | ||
| 02 კორტიკოსტეროიდები სისტემური გამოყენებისათვის | |||
| A კორტიკოსტეროიდები სისტემური გამოყენებისათვის | |||
| B გლუკოკორტიკოიდები | |||
A01AC03 | A საჭმლის მომნელებელი ტრაქტი და ნივთიერებათა ცვლა | ||
| 01 სტომატოლოგიური პრეპარატები | |||
| A სტომატოლოგიური პრეპარატები | |||
| C კორტიკოსტეროიდები ადგილობრივი გამოყენებისათვის პირის ღრუს დაავადებების დროს | |||
| ანოტაცია: | |||
| ფარმაკოლოგიური თვისება: | ჰიდროკორტიზონი წარმოადგენს გლუკოკორტიკოიდს. ხასიათდება შოკის, ანთების, ალერგიის საწინააღმდეგო მოქმედებით, ხოლო გარეგანი და ადგილობრივი გამოყენებისას - ანტიექსუდაციური და ქავილის საწინააღმდეგო ეფექტით. ხელს უწყობს გლიკოგენის დაგროვებას ღვიძლში, ზრდის სისხლში გლუკოზის რაოდენობას, ამცირებს Na-ის და წყლის გამოყოფას, ზრდის ორგანიზმიდან K-ის ექსკრეციას, თრგუნავს ჰისტამინის სინთეზს, ახდენს ანტიმეტაბოლურ მოქმედებას, ხასითდება კატაბოლისტური ეფექტით. იგი ამცირებს ანთებით უჯრედულ ინფილტრატებს, თრგუნავს ანთების უბანში ლეიკოციტებისა და ლიმფოციტების მიგრაციას. | ||
| ჩვენება: | - თირკმელზედა ჯირკვლის მწვავე უკმარისობა, მწვავე ალერგიული რეაქცია, ასთმური სტატუსი, შოკის პროფილაქტიკა და მკურნალობა, მიოკარდიუმის ინფარქტი გართულებული კარდიოგენული შოკით, თირეოტოქსიკური კრიზი, თირეოიდიტი, თირკმელზედა ჯირკვლების თანდაყოლილი ჰიპერპლაზია, სიმსივნური დაავადებების თანმხლები ჰიპერკალციემია, რევმატიული დაავადების მწვავე პერიოდში ხანმოკლე და დამატებითი თერაპია, კოლაგენური დაავადებანი, ბულოზური ჰერპეტიფორმული დერმატიტი (დიურინგის დაავადება), პოლიმორფული ბულოზური ერითემა, ექსფოლიატური დერმატიტი, სოკოსებრი მიკოზი, ფსორიაზის მძიმე ფორმები და სებორეული დერმატიტი, თვალის დაზიანებისას მძიმედ მიმდინარე მწვავე და ქრონიკული ალერგიული და ანთებითი პროცესები, სიმპტომატური სარკოიდოზი, ლეფლერის სინდრომი, რომელიც არ ექვემდებარება სხვა სახის თერაპიას, ტუბერკულოზის მწვავე და დისემინირებული ფორმები ერთდროულად ტუბერკულოზის საწინააღმდეგო ქიმიოთერაპიის გამოყენებისას, ასპირაციული პნევმონიტი, მოზრდილებში იდიოპათური თრომბოციტოპენიური პურპურა (მხოლოდ ინტრავენურად), მოზრდილების მეორადი თრომბოციტოპენია, შეძენილი (აუტოიმუნური) ჰემოლიზური ანემია, ერითრობლასტოპენია, შე-ძენილი (ერითდროიდული) ჰიპოპლასტური ანემია, მოზრდილებში ლეიკოზებისა და ლიმფომების დროს პალიატიური თერაპია, ბავშვებში მწვავე ლეიკოზები; დიურეზის გაძლიერებისათვის, ან ნეფროზული სინდრომის დროს ურემიის გარეშე პროტეინურიის შემცირებისათვის, იდიოპათური ტიპის ნეფროზული სინდრომისა და წითელი მგლურას დროს, წყლულოვანი კოლიტის მწვავე სტადიაში და რეგიონული ენტერიტის დროს (როგორც სისტემური მკურნალობა), ტუბერკულოზური მენინგიტი სუბარაქნოიდული ბლოკის განვითარებისას და მისი საშიშროებისას (ტუბერკულოზის საწინააღმდეგო ქიმიოთერაპიის თანხლებით), ნერვული ქსოვილისა და მიოკარდიუმის დაზიანებით მიმდინარე ტრიქინელოზი, ბრონქული ასთმა; სახსრების დაავადებები; ადგილობრივად თვალის მალამოს სახით: თვალის კაკლის წინა ნაწილის ანთება რქოვანას ეპითელიუმის დაზიანების გარეშე, ტრავმის შემდეგ და თვალის კაკალზე ქირურგიული ჩარევის დროს. გარეგანი გამოყენებისათვის: ალერგიული დერმატიტი, სხვადასხვა ფორმის ეგზემა, ნეიროდერმიტი, ფსორიაზი, წითელი ბრტყელი ლიქენი. | ||
| დოზირება და მიღების წესი: | პარენტერული გამოყენებისას დოზირების რეჟიმი ინდივიდუალურია. იყენებენ ინტრავენურად ინექციის, წვეთოვანი სახით, იშვიათად - კუნთებში. გადაუდებელი თერაპიის დროს რეკომენდებულია ინტრავენური შეყვანა. საწყისი დოზა შეადგენს 100 მგს, შემდგომში განმეორებით ყოველ 2-6 სთ-ში, კლინიკური სიტუაციიდან გამომდინარე. პრეპარატი დიდი დოზებით ინიშნება ავადმყოფის მდგომარეობის სტაბილიზაციაზე, მაგრამ ჩვეულებრივ არა უმეტეს 48-72 სთ-ისა, რადგანაც შეიძლება განვითარდეს ჰიპერნატრიემია. ბავშვებს ენიშნებათ დოზით 25 მგ/კგ სხეულის წონაზე დღეში. პრეპარატი დეპო-ფორმის სახით შეჰყავთ პერიარტიკულურად 5-50 მგ-ის დოზით ერთჯერადად 1-3 კვირის ინტერვალით. თვალის მალამო დაიტანება კონიუნქტივას პარკზე 2-3-ჯერ დღეში. გარეგანი ხმარებისას პრეპარატი კრემის ან მალამოს სახით ინიშნება 1-3-ჯერ დღეში. ქრონიკული ლიქენის და ჰიპერტროფული ცვლილებებისას რეკომენდებულია ოკლუზიური ნახვევის გამოყენება. | ||
| გვერდითი მოვლენები: | ორგანიზმში ნატრიუმის და წყლის შეკავება, გულის შეგუბებითი უკმარისობა, კალიუმის დაკარგვა, ჰიპოკალიემიური ალკალოზი, არტერიული ჰიპერტონია, მხრისა და ბარძაყის ძვლების თავის ასეპტიური ნეკროზი, სტეროიდული მიოპათია, კუნთების სისუსტე, ოსტეოპოროზი, პათოლოგიური მოტეხილობები, ულცეროგენული მოქმედება, გულისრევა, პანკრეატიტი, ეზოფაგიტი, რეგენერაციის დარღვევა, პეტექიები და ეკქიმოზები, კანის განლევა, ცილების კატაბოლიზმის გამო უარყოფითი აზოტოვანი ბალანსი, ფსიქიური მოშლილობა, გულყრა, მენსტრუაციული ციკლის დარღვევა, იცენკო-კუშინგის სინდრომი, ჰიპოფიზისა და თირკმელზედა ჯირკვლის ქერქის ფუნქციის დათრგუნვა, სტეროიდული დიაბეტი, ბავშვებში ზრდის დათრგუნვა, უკანა სუბკაფსულური კატარაქტა, ქალასშიდა წნევის მომატება, ეგზოფტალმი, იმუნიტეტის დათრგუნვა. კორტიკოსტეროიდების პარენტერული გზით შეყვანისას განვითარებული რეაქციები: ანაფილაქსიური რეაქცია ცირკულატორული კოლაფსით, არითმია გულის გაჩერებით, ბრონქოსპაზმით, გულის რიტმის დარღვევით, არტერიული ჰიპოტონია, არტერიული ჰიპერტენზია. თვალის მალამოს ხანგრძლივი გამოყენებისას შესაძლებელია თვალშიდა წნევის მომატება, კატარაქტის განვითარება. გარეგანი გამოყენებისას იშვიათად - კანის გაღიზიანება. ხანგრძლივი გამოყენებისას ან დიდ ფართობზე მისი მოთავსებისას შესაძლებელია სისტემური გვერდითი ეფექტების განვითარება. | ||
| უკუჩვენება: | ჰიპერტონული დაავადების და იცენკო-კუშინგის დაავადების მძიმე ფორმები, ფსიქოზები, ნეფრიტი, ოსტეოპოროზი, კუჭისა და 12-გოჯა ნაწლავის წყლულოვანი დაავადება, ტუბერკულოზის აქტიური ფორმები სპეციფიკური მკურნალობის გარეშე, შაქრიანი დიაბეტი, ახლად გადატანილი ოპერაციები, სისტემური სოკოვანი დაავადებანი, ფეხმძიმობა, პრეპარატის კომპონენტების მიმართ მომატებული მგრძნობელობა. ექსტრემალური მდგომარეობის დროს უკუჩვენებები შეიძლება განხილულ იქნას როგორც შედარებითი; გარეგანი გამოყენებისას: ბაქტერიული, ვირუსული, კანის სოკოვანი დაავადებანი, კანის ტუბერკულოზი, ათაშანგის, კანის მხრივ გამოვლინება, კანის სიმსივნე. | ||
| ორსულობა და ლაქტაცია: | ორსულობის, ლაქტაციის პერიოდში და ახალშობილებში პრეპარატი ინიშნება მხოლოდ უკიდურესი საჭიროების შემთხვევაში და ექიმის უშუალო კონტროლის ქვეშ. ბავშვები, რომელთა დედები ორსულობის პერიოდში იღებდნენ ჰიდროკორტიზონს, საჭიროებენ გულდასმით დაკვირვებას, რათა თავიდან იქნას აცილებული თირკმელზედა ჯირკვლის ქერქის უკმარისობა. | ||
| განსაკუთრებული მითითებები: | ჰიდროკორტიზონის არასაკმარისი ეფექტურობისას 48-72 სთ-ის განმავლობაში და კორტიკოსტეროიდული თერაპიის უფრო ხანგრძლივი საჭიროებისას, მიზანშეწონილია ჰიდროკორტიზონის ჩანაცვლება სხვა კორტიკოსტეროიდული პრეპარატით, რომელიც არ იწვევს ნატრიუმის შეკავებას ორგანიზმში. ჰიდროკორტიზონით მკურნალობის დროს რეკომენდებულია დიეტის დანიშვნა ნატრიუმის ნაკლებობითა და კალიუმის რაოდენობის მომატებით. ავადმყოფებში თვალის ჰერპესული ინფექციით პრეპარატი უნდა დაინიშნოს სიფრთხილით, ვინაიდან შესაძლებელია რქოვანას პერფორაციის განვითარება. აუცილებელია სიფრთხილე - არასპეციფიკური წყლულოვანი კოლიტის, დივერტიკულის, კუჭის ახლად დადებული ანასტომოზების, თირკმელების ფუნქციის უკმარისობისას, არტერიული ჰიპერტონიის, ოსტეოპოროზის, ავთვისებიანი მიასთენიის დროს. თირკმელზედა ჯირკვლის ქერქის უკმარისობა შეიძლება შენარჩუნებული იყოს რამოდენიმე თვის განმავლობაში პრეპარატის მოხსნის შემდეგ. ამ პერიოდში წარმოქმნილი სტრესული სიტუაციების გათვალისწინებით, ჰორმონულ თერაპიას აღადგენენ მარილების ან მინერალკორტიკოიდების ერთდროული დანიშვნით. კორტიკოსტეროიდული თერაპია წარმოადგენს დამატებით მკურნალობას, რომელსაც არ შეუძლია ძირითადი დაავადებების მკურნალობის ჩანაცვლება. ტუბერკულოზის აქტიური ფორმით დაავადებულებში ჰიდროკორტიზონის დანიშვნა შესაძლებელია შესაბამის ტუბერკულოზის საწინააღმდეგო საშუალებებ-თან ერთად. ტუბერკულოზის ლატენტური ფორმის დროს საჭიროა ავადმყოფის მდგომარეობის გულდასმითი კონტროლი, საჭიროების დროს კი ქიმიოპროფილაქტიკის ჩატარება. მკურნალობის შემთხვევაში არ არის მიზანშეწოლი ვაქცინაციის ჩატარება. |
Page generation time: 0. 025598299 sec.
