| უნიფიცირებული დასახელება: | პოვიდონ-იოდინიPovidone-iodine | ||
| ა.თ.ქ. კლასიფიკაცია: | |||
R02AA15 | R სასუნთქი სისტემა | ||
| 02 პრეპარატები ყელის დაავადებების მკურნალობისათვის | |||
| A პრეპარატები ყელის დაავადებების მკურნალობისათვის | |||
| A ანტისეპტიკური საშუალებები | |||
S01AX18 | S პრეპარატები გრძნობის ორგანოების დაავადებების მკურნალობისათვის | ||
| 01 პრეპარატები თვალის დაავადებების მკურნალობისათვის | |||
| A მიკრობების საწინააღმდეგო პრეპარატები | |||
| X მიკრობების საწინააღმდეგო სხვა პრეპარატები | |||
D08AG02 | D დერმატოლოგია | ||
| 08 ანტისეპტიკური საშუალებები და სადეზინფექციო პრეპარატები | |||
| A ანტისეპტიკური საშუალებები და სადეზინფექციო პრეპარატები | |||
| G იოდის პრეპარატები | |||
G01AX11 | G შარდსასქესო სისტემა და სასქესო ჰორმონები | ||
| 01 ანტისეპტიკური საშუალებები და მიკრობების საწინააღმდეგო პრეპარატები გინეკოლოგიური დაავადებების მკურნალობისათვის | |||
| A ანტისეპტიკური საშუალებები და მიკრობების საწინააღმდეგო პრეპარატები გინეკოლოგიური დაავადებების მკურნალობისათვის (კორტიკოსტეროიდებთან კომბინაციის გარდა) | |||
| X ანტისეპტიკური საშუალებები და მიკრობების საწინააღმდეგო სხვა პრეპარატები გინეკოლოგიური დაავადებების მკურნალობისათვის | |||
D11AC06 | D დერმატოლოგია | ||
| 11 სხვა პრეპარატები კანის დაავადებების მკურნალობისათვის | |||
| A სხვა პრეპარატები კანის დაავადებების მკურნალობისათვის | |||
| C შამპუნები სამკურნალო მოქმედების | |||
D09AA09 | D დერმატოლოგია | ||
| 09 შესახვევი მასალა სამკურნალო საშუალებებით | |||
| A შესახვევი მასალა | |||
| A შესახვევი მასალა მალამოს ფუძეზე დამზადებული მიკრობების საწინააღმდეგო პრეპარატებით | |||
A01AB11 | A საჭმლის მომნელებელი ტრაქტი და ნივთიერებათა ცვლა | ||
| 01 სტომატოლოგიური პრეპარატები | |||
| A სტომატოლოგიური პრეპარატები | |||
| B მიკრობების საწინააღმდეგო პრეპარატები ადგილობრივი გამოყენებისათვის პირის ღრუს დაავადებების დროს | |||
| ანოტაცია: | |||
| ფარმაკოლოგიური თვისება: | ბეტადინი წარმოადგენს სადეზინფექციო ხსნარს, რომელსაც გააჩნია ფართო სპექტრის ანტიმიკრობული, ანტიფუნგინალური, ანტივირუსული, ანტიპროტოზოული აქტივობა. | ||
| ჩვენება: | ხსნარი: პრეპარატი გამოიყენება კანის ზედაპირის სადეზინფექციოდ ინექციის წინ, აგრეთვე სისხლის აღების, პუნქციის, ბიოფსიის, ტრანსფუზიის და ინფუზიის პროცესების ჩატარების დროს. პრეპარატის გამოყენება რეკომენდებულია აგრეთვე ქირურგიული ჩარევის წინა პერიოდში კანის სადეზინფექციოდ, ჭრილობის ასეპტიკურად დამუშავებისთვის, კანის ბაქტერიული და სოკოვანი დაავადებების სამკურნალოდ. სანთელი: პრეპარატი გამოიყენება ქრონიკული ვაგინიტების, არასპეციფიკური ინფექციების (Carderella vaginalis), სოკოვანი დაავადებების, აგრეთვე ტრიქომონოზის დროს. მალამო: პრეპარატი გამოიყენება დამწვრობის, დაჟეჟილობის, ჭრილობების, ტროფიკული წყლულის (ნაწოლები, წვივის წყლული), დერმატიტის სამკურნალოდ. თხევადი საპონი: პრეპარატი გამოიყენება პაციენტებში, რომლებსაც ჩაუტარდათ ან უტარდებათ კვლევა ამბულატორიულ, სტაციონარულ სამედიცინო დაწესებულებაში; მედ-დებში, რომლებიც გადიან სამედიცინო პრაქტიკას; საცხოვრებელ სახლებსა და სანატორიუმებში; ბაგა-ბაღებში, მიკრობიოლოგიურ ლაბორატორიებში, აგრეთვე ისეთი სამუშაოს შესრულებისას, რომელიც მოითხოვს ხელის მაქსიმალურ სტერილურობას, აგრეთვე ქირურგიული ჩარევის შემთხვევაში როგორც სადეზინფექციო საშუალება. | ||
| დოზირება და მიღების წესი: | ხსნარი: პრეპარატი გამოიყენება 10%-ანი და 1%ანი წყლიანი ხსნარის სახით: პრეპარატი კონცენტრირებული სახით გამოიყენება: კანის ზედაპირის სადეზინფექციოდ ინექციის, აგრეთვე სისხლის აღების, პუნქციის, ბიოფსიის, ტრანსფუზიის და ინფუზიის პროცესების ჩატარების დროს. პრეპარატის 10%ანი წყლიანი ხსნარი გამოიყენება ჭრილობის ასეპტიკურად დამუშავების, კანის ბაქტერიული და სოკოვანი დაავადების სამკურნალოდ. პრეპარატის გამოყენება რეკომენდებულია აგრეთვე ქირურგიული ჩარევის წინა პერიოდში კანის სადეზინფექციოდ. პრეპარატის 1%-ანი წყლიანი ხსნარი გამოიყენება იმ პაციენტბის ნაწილობრივი ან მთლიანი ფორმით სადეზინფექციოდ, რომლებიც საჭიროებს ქირურგიულ ჩარევას (ე. წ. სადეზინფექციო აბაზანა). ამ დროს პაციენტის სხეულის ზედაპირზე ზომიერად დაიტანება ბეტადინის 1%-იანი წყლიანი ხსნარი, რომელსაც 2 წთ-ის გასვლის შემდეგ ჩამოაშორებენ თბილი წყლით. ბეტადინის ხსნარს განაზავებენ უშუალოდ გამოყენების წინ. სანთელი: პრეპარატით მკურნალობის ხანგრძლივობა შეადგენს 14 დღეს. დღის განმავლობაში გამოყენება 2 ვაგინალური სანთელი დილას და საღამოს ძილის წინ. ინფექციის მიმდინარეობის მიხედვით პრეპარატი მიიღება 2-ჯერ დღეში, საჭიროებისას ხანგრძლივი დროით. მალამო: პრეპარატი გამოიყენება რამდენჯერმე დღე-ში. მალამოს თხელი ფენა დაიტანება კანის დაზიანებულ უბანზე. თხევადი საპონი: პრეპარატი ყოველთვის გამოიყენება კონცენტრირებული სახით: ხელების დეზინფექციის დროს ხელის მტევნები და წინამხრები საჭიროა დავიბანოთ ონკანის გამდინარე თბილი წყლით, რის შემდეგაც დაახლოებით 5 მლ პრეპარატი დაიტანება ხელის გულზე, რომელიც საჭიროა შევიზილოთ ორივე ხელსა და წინამხრებზე, ხოლო 1 წუთიანი პროცედურის შემდეგ საჭიროა ონკანის გამდინარე თბილი წყლით ჩამოვიბანოთ. პრეპარატი გამოიყენება ქირურგიაში ხელების დასამუშავებლად, რომლის დროსაც 10 მლ პრეპარატი დაიტანება ხელის გულზე, შემდეგ წინამხრებზვ, 2.5 წუთის შემდეგ უნდა ჩამოვიბანოთ ონკანის თბილი გამდინარე წყლით, რომლის შემდეგ საჭიროა პროცედურის განმეორება. ხელების სადეზინფექციო პროცედურა გრძელდება 5 წუთის განმავლობაში. | ||
| გვერდითი მოვლენები: | ვინაიდან პრეპარატის შემადგენლობაში შედის იოდი, შესაძლებელია ადგილი ჰქონდეს პრეპარატის მიმართ მომატებულ მგრძნობელობას. | ||
| უკუჩვენება: | პრეპარატის მიღება წინააღმდეგნაჩვენებია მასში შემავალი იოდის მიმართ მომატებული მგრძნობელობის დროს, აგრეთვე ჰიპერთირეოზის, ფარისებრი ჯირკვლის ადენომის, დერმატიტის, თირკმელების უკმარისობის დროს. პრეპარატის მიღება წინააღმდეგნაჩვენებია რადიაქტიური იოდის შეყვანის წინ, აგრეთვე ფარისებრი ჯირკვლის დაავადებების ქიმიოთერაპიული საშუალებებით მკურნალობის დროს. | ||
| ორსულობა და ლაქტაცია: | პრეპარატის მიღება არ არის რეკომენდებული დღენაკლულ და ახალშობილ ბავშვებში, ორსულობისა და ლაქტაციის პერიოდში; ზემოთაღნიშნული შემთხვევების დროს პრეპარატი ინიშნება დიდი სიფრთხილით, ექიმის მუდმივი მეთვალყურეობის ქვეშ. | ||
| განსაკუთრებული მითითებები: | ხსნარი: თუ პრეპარატს გააჩნია მუქი-ყავისფერი შეფერილობა, ეს მიუთითებს მის ვარგისიანობაზე, ხოლო ხსნარის გაუფერულება მიუთითებს პრეპარატის უვარგისობაზე. ბეტადინის ანტიმიკრობული აქტივობა ვლინდება მაშინ, როდესაც pH-2-7-ის ტოლია. პრეპარატის მიღება არ არის რეკომენდებული იმ სადეზინფექციო საშუალებებთან, რომლებიც შეიცავენ ვერცხლისწყალს. ვინაიდან პრეპარატის შემადგენლობაში შედის იოდი, რომელიც შეუთავსებადია მარედუცირებელ აგენტებთან, ალკალოიდების მარილებთან და იმ ნაერთებთან, რომლებიც რეაგირებენ მჟავას თვისებებით, პრეპარატის მათთან კომბინირება არ არის რეკომენდებული. სანთელი: პაციენტებში, რომლებსაც აღენიშნებათ ჰიპერთირეოზის უმნიშვნელოდ გამოხატული მოვლენები და ფარისებრი ჯირკვლის სხვა დაავადებები (განსაკუთრებით ხანდაზმულ პაციენტებში), პრეპარატი ინიშნება ექიმის მკაცრი კონტროლის ქვეშ და მისივე მეთვალყურეობით. მალამო: პრეპარატი სიფრთხილით ინიშნება ფარისებრი ჯირკვლის დაავადებებით შეპყრობილ ხანდაზმულ პაციენტებში, ექიმის კონსულტაციით. ახალშობილებსა და ჩვილ ბავშვებში პრეპარატი ინიშნება მხოლოდ აუცილებლობის შემთხვევაში, ფარისებრი ჯირკვლის ფუნქციური სინჯების ჩატარების შემდეგ. თხევადი საპონი: პაციენტებს, რომლებსაც გააჩნიათ მგრძნობიარე კანი, პრეპარატის გამოყენების შემდეგ აღენიშნებათ მისი სიწითლე. ამიტომ პრეპარატის სისტემატურად გამოყენების შემთხვევაში საჭიროა ხელის საცდელი დეზინფექციის ჩატარება. პრეპარატი სხვა სადეზინფექციო საშუალებებთან ერთად არ გამოიყენება. პრეპარატის გამოყენებისას სიფრთხილეა საჭირო, რათა იგი არ მოხვდეს თვალის ლორწოვან გარსზე. |
Page generation time: 0. 025579887 sec.
