This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
უნიფიცირებული
დასახელება:
	
ასპარაგინაზა
Asparaginase
ა.თ.ქ. კლასიფიკაცია:
	
 
L01XX02	
L სიმსივნის საწინააღმდეგო პრეპარატები და იმუნომოდულატორები
	
01 სიმსივნის საწინააღმდეგო პრეპარატები
	
X სიმსივნის საწინააღმდეგო სხვა პრეპარატები
	
X სიმსივნის საწინააღმდეგო სხვა პრეპარატები
ანოტაცია:
	
	
ორსულობა და ლაქტაცია:
	
ამ დროს პრეპარატის მიღება წინააღმდეგნაჩვენებია. ცხოველებზე ჩატარებული ექსპერიმენტებით დადგენილია, რომ პრეპარატი უარყოფითად მოქმედებს ნაყოფის განვითარებაზე. არ არის გამოვლენილი, გამოიყოფა თუ არა პრეპარატი დედის რძით. თუ დედის მკურნალობა აუცილებელია Lასპარაგინაზით, უნდა შეწყდეს ბავშვის ძუძუთი კვება.
გვერდითი მოვლენები:
	
ღებინება, გულისრევა, გამონაყარი, ტემპერატურის მომატება, რომელსაც ახლავს შეციების შეგრძნება, ალერგიული რეაქციები. გართულებების კუპირება ხდება ჩვეულებრივ სიმპტომატური საშუალებების მიღებით (ანტიჰისტამინური საშუალებები, კალციუმის ქლორიდი). პრეპარატის მიღებისას შესაძლებელია ღვიძლისა და თირკმელების, აგრეთვე კუჭქვეშა ჯირკვლის ფუნქციის დარღვევა, ამიტომ მკურნალობის დროს აუცილებელია სისხლში ბილირუბინის, ქოლესტერინის, საერთო ცილის, ცილების ფრაქციის, აგრეთვე ტრანსამინაზების, დიასტაზას აქტივობის და სხვა ფერმენტების, პერიფერიული სისხლის სურათის, სისხლის შედედების, სისხლმბადი ორგანოების მონიტორინგი. ზემოთჩამოთვლილი მაჩვენებლების მწვავე და პროგრესირებადი ცვლილებისას, საჭიროა პრეპარატის მიღების შეწყვეტა და სიმპტომატური მკურნალობის დაწყება.
უკუჩვენება:
	
- ღვიძლისა და თირკმელების, ცნს-ის, კუჭქვეშა ჯირკვლის ფუნქციის დარღვევა; - პრეპარატის მიმართ მომატებული მგრძნობელობა.
განსაკუთრებული მითითებები:
	
პრეპარატის მიღების წინ აუცილებელია დადგენილი იქნას პაციენტის ინდივიდუალური მგრძნობელობა L-ასპარაგინაზას მიმართ. პრეპარატს სიფრთხილით იყენებენ ინფექციური გართულებების, აგრეთვე ძვლის ტვინის ფუნქციის დათრგუნვის დროს. პრეპარატის ტოქსიკურობა მოზრდილებში უფრო ნათლად ვლინდება, ვიდრე ბავშვებში.
ჭარბი დოზირება:
	
პრეპარატის ჭარბი დოზით მიღებამ შესაძლოა გამოიწვიოს სერიოზული და საშიში გართულებები: ანაფილაქსიური შოკი, ძლიერი სისხლდენა, თირკმელების მწვავე უკმარისობა ლეტალური გამოსავალით. ყველა ზემოთჩამოთვლილი გართულებების თავიდან ასაცილებლად საჭიროა გამოყენებულ იქნას ყველა ის შესაძლებლობები, რაც გამოყენებულია ტერმინალური მდგომარეობების შემთხვევაში.
ურთიერთქმედება სხვა მედიკამენტებთან:
	
ინტრავენურად L-ასპარაგინაზას შეყვანისას, თუ მკურნალობამდე გამოიყენებოდა ვინკრისტინი ან პრედნიზოლონი, ან მათი კომბინაცია აძლიერებს მის გვერდით ეფექტებს. L-ასპარაგინაზას შეუძლია გააძლიეროს ან შეამციროს მეტოტრექსატის სიმსივნის საწინააღმდეგო მოქმედება.
ფარმაკოლოგიური თვისება:
	
L-ასპარაგინაზა წარმოადგენს ფერმენტს, რომელიც მიღებულია ნაწლავის ჩხირის E-ცოლი-ს სხვადასხვა შტამებისაგან. Pპრეპარატის ანტიბლასტომური მოქმედების საფუძველს წარმოადგენს ასპარაგინაზას თვისება, დაარღვიოს ამინომჟავა ასპარაგინის (რომელიც აუცილებელია ლეიკოზური უჯრედების გამრავლებისათვის) მეტაბოლიზმი და მისი შეღწევა ასპარაგინ დამოკიდებულ ბლასტურ ქსოვილში, რაც საბოლოო ჯამ-ში იწვევს ცილის სინთეზის დარღვევას და სიმსივნური უჯრედების დაღუპვას. L-ასპარაგინაზა ნაკლებად მოქმედებს სისხლწარმოქმნაზე. იგი მნიშვნელოვნად ამცირებს ბლასტურ ქსოვილის პერიფერიულ სისხლსა და ძვლის ტვინში.
ჩვენება:
	
მწვავე ლიმფობლასტური ლეიკოზი, ლიმფოსარკომა, ავთვისებიანი არახოჯკინის ლიმფომები, რეტიკულოსარკომა.
დოზირება და მიღების წესი:
	
გამოიყენება ლიოფილიზებული ფხვნილი ინექციის დასამზადებლად. მკურნალობის დაწყებამდე ატარებენ ინდივიდუალურ სინჯს პრეპარატის მიმართ მგრძნობელობაზე. აამისათვის 0.1 მლ დისტილირებული წყალი, რომელიც შეიცავს 10 სე-ს L-ასპარაგინაზას, შეჰყავთ კანქვეშ, მხრის ლატერალურ ზედაპირზე, კონტროლისათვის ერ-თდროულად მის გვერდით შეყავთ 0.1 მლ ნატრიუმის ქლორიდის იზოტონური ხსნარი. 3 საათის შემდეგ აფასებენ რეაქციის შედეგს. იმ შემთხვევეაში თუ გამონაყარი 1 სმ-ზე ნაკლებია, მაშინ სინჯი ითვლება უარყოფითად და შესაძლოა L-ასპარაგინაზათი მკურნალობის დაწყება. პრეპარატი შეჰყავთ ინტრავენურად ან წვე-თოვანი ინფუზიის სახით. ხსნარი მზადდება ex tempore, პრეპარატს ხსნიან ნელა და ყურადღებით, ფლაკონის შენჯღრევის გარეშე ვენაში შეყვანის წინ ფლაკონის შიგთავსს პრეპარატით ხსნიან 20,0-40,0 მლ, ხოლო წვეთოვანი ინფუზიისათვის (30–40 წთ-ის განმავლობაში) 150 მლ ნატრიუმის ქლორიდის იზოტონურ ხსნარში. მოზრდილებში და ბავშვებში ერთჯერადი დოზა შეადგენს 50-300 სე/კგ-ზე. მოზრდილებში კურსობრივი დოზა შეადგენს 300000-400000 სე, ხოლო ბავშვებში დოზას ამცირებენ სხეულის წონის შესაბამისად. პრეპარატი შეჰყავთ ყოველდღიურად ან დღეგამოშვებით. მკურნალობის კურსის ხანგრძლივობა 3 კვირაა. მწვავე ლეიკოზის და ჰემატოსარკომის გენერალიზებული ფორმების დროს (პერიფერიული სისხლის და ძვლის ტვინის ბლასტოზის დროს) პრეპარატს ნიშნავენ პერიფერიული სისხლის მაჩვენებლებისგან დამოუკიდებლად. სხვა შემთხვევების დროს მკურნალობას იწყებენ, თუ პერიფერიულ სისხლში ლეიკოციტების რაოდენობა შეადგენს არანაკლებ 3X10 9/ლ, ხოლო თრომბოციტების - 100X10 9/ლ. ლეიკოზით დაავადებულ პაციენტებში, რომლებსაც პერიფერიულ სისხლში აღმოაჩნდათ ბლასტები, პრეპარატის მოქმედების შესაჯამებლად იკვლევენ ძვლის ტვინს მკურნალობის დაწყების და დამთავრების შემდეგ. ჰემატოსარკომით დაავადებულ პაციენტებში ასევე საზღვრავენ სიმსივნის ზომებს.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 020881554 sec.