This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
უნიფიცირებული
დასახელება:
	
მესტეროლონი
Mesterolone
ა.თ.ქ. კლასიფიკაცია:
	
 
G03BB01	
G შარდსასქესო სისტემა და სასქესო ჰორმონები
	
03 სასქესო ჰორმონები და სასქესო სისტემის მოდულატორები
	
B ანდროგენები
	
B 5-ანდროსტანონის წარმოებულები
ანოტაცია:
	
	
ფარმაკოლოგიური თვისება:
	
პრეპარატი იწვევს მამაკაცების სასქესო ჯირკვლების ჰორმონების (ანდროგენების) უკმარისობის კომპენსაციას და უზრუნველყოფს ისეთი მდგომარეობის მკურნალობას, რომელიც გამოწვეულია ანდროგენების აუტოგენური გამომუშავების უკმარისობით ან მათი სრული არ არსებობით. იგი ასტიმულირებს მამაკაცის სასქესო ნიშნების განვითარებას, ააქტივებს ლიბიდოს და პოტენციას, ავლენს ანაბოლურ მოქმედებას. პრეპარატის რეკომენდებული დოზები უარყოფითად არ მოქმედებს სპერმატოგენეზზე.
ჩვენება:
	
მამაკაცებში ორალური ანდროგენული თერაპიის მიზნით: - ფუნქციური აქტივობის დაქვეითება საშუალო და ხანდაზმულ ასაკში; - იგი ხსნის ანდროგენების უკმარისობით გამოწვეულ შემდეგ ჩივილებს: დაქვეითებული შრომის უნარი, ადვილი დაღლა, მეხსიერების და ყურადღების კონცენტრაციის დაქვეითება, ლიბიდოს და პოტენციის დარღვევა, გაღიზიანება, ძილის დარღვევა, დეპრესიული მდგომარეობა, ფსიქოვეგეტატური დარღვევები; - პოტენციის დარღვევა; - თუ ეს ჩივილი გამოწვეულია სხვა მიზეზით, პროვირონი ინიშნება კომპლექსურ თერაპიაში დამატებითი საშუალების სახით; - სასქესო ჯირკვლების ფუნქციის დაქვეითება (ჰიპოგენიტალიზმი); - მას გააჩნია მასტიმულირებელი მოქმედება ზრდის პროცესზე და იგი უზრუნველყოფს მასზე დამოკიდებული ორგანოების ფუნქციონირებას. ანდროგენების უკმარისობის შემთხვევაში სქესობრივი მომწიფების დამთავრებამდე, პრეპარატი ხელს უწყობს მეორადი სასქესო ნიშნების ჩამოყალიბებას; - იგი ხსნის მოვლენებს, რომლებიც გამოწვეულია სასქესო ჯირკვლების ფუნქციის დეფიციტით. - უნაყოფობა მამაკაცებში, რომლის მიზეზი შეიძლება იყოს ოლიგოზსპერმია და ლეიდიგის ინტერსტიციური უჯრედების უკმარისობა. მისი დახმარებით შესაძლებელია სპერმატაზოიდების რაოდენობის და ხარისხის ნორმალიზება. იგი ასევე იწვევს ფრუქტოზის კონცენტრაციის ნორმალიზებას სპერმის უჯრედების ციტოპლაზმაში, რაც ზრდის განაყოფიერების შესაძლებლობას.
დოზირება და მიღების წესი:
	
აბების მიღება ხორციელდება სრულად, დაუღეჭავად. აბების მიღება წარმოებს შემდეგი წესით: - ფუნქციური აქტივობის დაქვეითების და პოტენციის დარღვევის დროს: მკურნალობის დასაწყისში: 1 აბი 25მგ 3 ჯერ დღეში. მდგომარეობის გაუმჯობესების შემთხვევაში შესაძლებელია დოზის შემცირება. შემდგომი მკურნალობა: 1 აბი 1-2 ჯერ დღეში. პაციენტის მდგომარეობის მიხედვით პრეპარატის დოზის შერჩევა ხორციელდება ინდივიდუალურად. რეკომენდებულია უწყვეტი მკურნალობა რამდენიმე თვის განმავლობაში. სასქესო ჯირკვლების ფუნქციის დაქვეითებისას (ჰიპოგენიტალიზმი) აუცილებელია ხანგრძლივი მკურნალობა: მეორადი სასქესო ნიშნების განვითარებისათვის რამდენიმე თვის განმავლობაში ინიშნება 1-2 აბი 3 ჯერ დღეში. შემანარჩუნებელი დოზის სახით ხშირად საკმარისია 1 აბი 2-3 ჯერ დღეში. - უნაყოფობის შემთხვევაში სპერმატოზოიდების რაოდენობის და ხარისხის გაზრდის მიზნით: სპერმატოგენეზის სრული ციკლის დროს, დაახლოვებით 90 დღის განმავლობაში, ინიშნება დოზით 1 აბი 2-3 ჯერ დღეში. აუცილებლობის შემთხვევაში მკურნალობის კურსი მეორდება რამდენიმე კვირიანი ინტერვალის შემდეგ. ლეიდიგის ინტერსტიციური უჯრედების უკმარისობის შემთხვევაში ეაკულატში ფრუქტოზის კონცენტრაციის გაზრდის მიზნით სქესობრივი მომწიფების ასაკის მიღწევის შემდეგ ინიშნება დოზით 1 აბი 2-ჯერ დღეში.
გვერდითი მოვლენები:
	
ხშირი ან ხანგრძლივი ერექციის შემთხვევაში აუცილებელია პრეპარატის დოზის შემცირება ან პრეპარატის მიღების შეწყვეტა, რათა თავიდან ავიცილოთ ხანგრძლივი ერექციით გამოწვეული გართულებები.
უკუჩვენება:
	
- პროსტატის კიბო; - ღვიძლის სიმსივნე.
განსაკუთრებული მითითებები:
	
დაუშვებელია ანდროგენების გამოყენება ჯანმრთელი პირების მიერ კუნთების გასამაგრებლად ან ორგანიზმის ზოგადი ფიზიკური ფუნქციური უნარის მომატებისათვის. პრეპარატი განკუთვნილია გამოსაყენებლად მხოლოდ მამაკაცებში. პრეპარატის პროფილაქტიკის მიზნით გამოყენებისას აუცილებელია პროსტატის ფუნქციის პერიოდული კვლევა. იშვიათად ჰორმონული პრეპარატების გამოყენების დროს აღინიშნება კეთილთვისებიანი, უფრო იშვიათად - ავთვისებიანი ცვლილებები ღვიძლის მხრივ, რაც იწვევს სიცოცხლისათვის სახიფათო სისხლდენებს მუცლის ღრუში. ეპიგასტრალურ არეში უჩვეულო ჩივილების განვითარების შემთხვევაში აუცილებელია მკურნალი ექიმის გაფრთხილება, რადგანაც ასეთ შემთხვევაში აუცილებელია პრეპარატის მიღების შეწყვეტა.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 021679523 sec.