| უნიფიცირებული დასახელება: | ნატრიუმის პიკოსულფატიSodium picosulfate | ||
| ა.თ.ქ. კლასიფიკაცია: | |||
A06AB08 | A საჭმლის მომნელებელი ტრაქტი და ნივთიერებათა ცვლა | ||
| 06 საფაღარათო პრეპარატები | |||
| A საფაღარათო პრეპარატები | |||
| B კონტაქტური საფაღარათო პრეპარატები | |||
| ანოტაცია: | |||
| ფარმაკოლოგიური თვისება: | პიკოსულფატ ნატრიუმი წარმოადგენს საფაღარათო საშუალებას, რომლის სუბსტანცია აქტივირდება მსხვილ ნაწლავში არსებული ბაქტერიული სულფატაზებით. მსხვილ ნაწლავში გამონთავისუფლებული სუბსტანცია ასტიმულირებს Plexus mesentericus-ის რეცეპტორებს, ნაწლავების მოტორიკის გაუმჯობესებით თანმხლები სპაზმის და ტენეზმების გარეშე. პიკოსულფატ ნატრიუმის მოქმედების მექანიზმის თავისებურობით აიხსნება, თუ რატომ არ აღინიშნება ჩვილ ბავშვებში მისი გამოყენების შემდეგ სასურველი ეფექტი. ბაქტერიების არ არსებობის გამო, რომლებიც წარმოქმნიან სულფატაზებს, არ გამონთავისუფლდება საკმარისი რაოდენობის სუბსტანცია. პიკოსულფატ ნატრიუმის სუბსტანცია ქიმიური თვალსაზრისით წარმოადგენს ნახევრადეთერს, რაც იწვევს კუჭში მის უმნიშვნელო აბსორბციას, რის გამოც გვერდითი მოვლენები მისი გამოყენებისას პრაქტიკულად არ აღინიშნება. პრეპარატის მოქმედების ეფექტი აღინიშნება მი-ღებიდან 10-12 სთ-ის შემდეგ, ამიტომ პიკოსულფატ ნატრიუმის გამოყენება რეკომენდებულია საღამოს. პრეპარატის მი-ღებისას არ ვლინდება შეჩვევის სინდრომი. | ||
| ჩვენება: | პრეპარატი გამოიყენება ყველა ფორმის ყაბზობის სამკურნალოდ, სპასტიური ობსტიპაციის გარდა. ობსტიპაციის მწვავე და ქრონიკული ფორმის სამკურნალოდ, განსაკუთრებით როდესაც პაციენტი ხანგრძლივად იმყოფება საწოლში; საკვების შეცვლისას, მოგზაურობისას, პაციენტებში, რომლებსაც აღენიშნებათ საერთო მძიმე დაავადებების დროს განვითარებული ყაბზობა, აგრეთვე სხეულის მომატებული ტემპერატურის, გულ-სისხლძარღვთა დაავადებების და ნივთიერებათა ცვლის დარღვევის შედეგად გამოწვეული ყაბზობის სამკურნალოდ. პიკოსულფატ ნატრიუმი, როგორც საფაღარათო საშუალება გამოიყენება ოპერაციის წინ და მის შემდგომ პერიოდში, მეან-გინეკოლოგიაში, ასევე ბუასილის დროს ფეკალიების გამოყოფის შესამსუბუქებლად, ანუსის მიდამოში ნაპრალის, მიოკარდიუმის ინფარქტის, ჰიპერტონიის, ინოპერაბელური თიაქარის, კუჭ-ნაწლავის ტრაქტის რენტგენოსკოპული გამოკვლევის წინ ნაწლავის დაცლის მიზნით. | ||
| დოზირება და მიღების წესი: | მოზრდილებში საწყისი დოზა შეადგენს 10 წვეთს, ცალკეულ შემთხვევებში აუცილებლობისას შესაძლებელია დოზის მომატება (15 წვეთი). 4 წლის ასაკის ზევით ბავშვებში საწყისი დოზა შეადგენს 8-10 წვეთს. წვეთების მიღება შესაძლებელია როგორც კოვზით, ასევე მცირეოდენი წყლის მიყოლებით. წვეთების მიღებიდან დაახლოებით 10 საათის შემდეგ ვლინდება მისი მოქმედების სასურველი ეფექტი, რაც უზრუნველყოფს მშვიდ ძილს. მეორე დღეს აღინიშნება ერთი ან ორი მსუბუქი დეფაკაცია. მას მნიშვნელოვანი უპირატესობა გააჩნია სხვა პრეპარატებთან შედარებით, ვინაიდან მისი გემოვნებითი თვისებები ნეიტრალურია, რის გამოც იგი შესაძლებელია გამოვიყენოთ ბავშვებში საკვებთან ერთად. | ||
| გვერდითი მოვლენები: | ფაღარათმა შესაძლოა გამოიწვიოს დეჰიდრატაცია, ორგანიზმში ელექტროლიტებისა და კალიუმის ნაკლებობა, კუნთების სისუსტე და დაღლილობა. | ||
| უკუჩვენება: | პიკოსულფატ ნატრიუმის გამოყენება არ არის რეკომენდებული შემდეგი მდგომარეობების დროს: ნაწლავების გაუვალობის და ეპიგასტრალურ მიდამოში ტკივილის შეგრძნებისას (მაგ; ეჭვი სწორი ნაწლავის ანთებაზე), 4 წლამდე ასაკის ბავ-შვებში. | ||
| ჭარბი დოზირება: | პრეპარატის ჭარბი დოზით გამოყენებამ შესაძლოა გამოიწვიოს სითხის, ელექტროლიტების და კალიუმის დეფიციტი. კალიუმის დეფიციტი შესაძლოა გაძლიერდეს დიურეზული და გლუკოკორტიკოიდული საშუალებების გამოყენების შედეგად, რაც გასათვალისწინებელია. განსაკუთრებით საგულე გლიკოზიდების გამოყენებისას. | ||
| ურთიერთქმედება სხვა მედიკამენტებთან: | ანტიბიოტიკებისა და პრეპარატის ერ-თდროული გამოყენება იწვევს პიკოსულფატ ნატრიუმის საფაღარათო ეფექტის დაქვეითებას. |
Page generation time: 0. 021375449 sec.
