| უნიფიცირებული დასახელება: | პარაცეტამოლიParacetamol | ||
| ა.თ.ქ. კლასიფიკაცია: | |||
N02BE01 | N ნერვული სისტემა | ||
| 02 ანალგეზიური საშუალებები | |||
| B ანალგეზიური ანტიპირექსიული საშუალებები | |||
| E ანილიდები | |||
| ანოტაცია: | |||
| ფარმაკოლოგიური თვისება: | პარაცეტამოლი მიეკუთვნება არანარკოტიულ ანალგეზიურ საშუალებას. მას გააჩნია ტკივილგამაყუჩებელი, სიცხის დამწევი და უმნიშვნელოდ გამოხატული ანთების საწინააღმდეგო მოქმედება. პრეპარატი არ იწვევს კუჭის ლორწოვანი გარსის გაღიზიანებას. მისი მოქმედების მექანიზმი დაკავშირებულია პროსტაგლანდინების სინთეზის დათრგუნვასთან, უპირატესად ჰიპოტალამუსში ლოკალიზებულ თერმორეგულაციის ცენტრზე ზეგავლენით. პარაცეტამოლი ამცირებს ციტოპლაზმური პეროქსიდაზების აქტივობას, რომლებიც ხელს უწყობენ ციკლოოქსიგენაზას გარდაქმნას აქტიურ ფორმად. პრეპარატი ეფექტურია ტკივილის დროს, რომელიც არ არის ანთებით გამოწვეული (როდესაც არა აქვს ადგილი ქსოვილთა ინფილტრაციას ლეიკოციტებით). | ||
| ფარმაკოკინეტიკა: | პრეპარატი სწრაფად შეიწოვება კუჭ-ნაწლავის ტრაქტიდან. პლამზაში მისი მაქსიმალური კონცეტრაცია აღინიშნება მიღებიდან 30-60 წუთის შემდეგ. პარაცეტამოლის ნახევრადგამოყოფის პერიოდი შეადგენს 1-3 საათს. სისხლის პლაზმის ცილებს იგი უკავშირდება ნაკლები ხარისხით. მეტაბოლიზმს განიცდის ღვიძლში. წარმოქმნილი კონიუგატები (გლუკურონიდები და სულფატები) გამოიყოფიან შარდით. | ||
| ჩვენება: | პრეპარატი გამოიყენება თავის ტკივილის, შაკიკის, კბილის ტკივილის, მენსტრუალური ციკლის დროს არსებული ტკივილის, ყელის ტკივილის კუპირებისათვის. პარაცეტამოლი ინიშნება აგრეთვე გრიპისა და გაცივების შედეგად სხეულის მომატებული ტემპერატურის დასაქვეითებლად და სიმპტომატური მკურნალობისათვის. | ||
| დოზირება და მიღების წესი: | მოზრდილებში პრეპარატი ინიშნება 1-2 აბის ოდენობით 3-4-ჯერ დღეში, თუკი ეს აუცილებელია. მიღებებს შორის ინტერვალი უნდა შეადგენდეს არანაკლებ 4 სთ-ს. მაქსიმალური ერთჯერადი დოზა მოზრდილებში შეადგენს 2 აბს (1 გ), მაქსიმალური სადღეღამისო - 8 აბს (4 გ). ბავშვებში დოზა დგინდება სხეულის წონის მიხედვით: მაქსიმალური ერთჯერადი დოზა - 10-15 მგ/კგ სხეულის წონაზე, მაქსიმალური დღეღამური დოზა -60 მგ/კგ სხეულის წონაზე. ბავშვებში რეკომენდებულია საბავშვო სამკურნალო ფორმები. პრეპარატი, როგორც ტკივილგამაყუჩებელი საშუალება არ უნდა გამოვიყენოთ 5 დღეზე მეტ ხანს, ხოლო სიცხის დამწევის სახით 3 დღეზე მეტ ხანს ექიმის რეკომენდაციის გარეშე. სადღეღამისო დოზის მომატება ან მკურნალობის კურსის გახანგრძლივება ხდება მხოლოდ ექიმის რეკომენდაციით. | ||
| გვერდითი მოვლენები: | რეკომენდებულ დოზებში გვერდითი მოვლენები არ აღინიშნება. ხანდახან მოსალოდნელია ალერგიული რეაქციები კანზე გამონაყარის, ქავილის, კვინკეს შეშუპების სახით. იშვიათად - ჰემოპოეზური სისტემის მხრივ დარღვევები (თრომბოციტოპენია, მეტჰემოგლობინემია, ლეიკოპენია, აგრანულოციტოზი). პრეპარატის მაღალი დოზითა და ხანგრძლივად გამოყენებისას მოსალოდნელია ღვიძლისა და თირკმელების ფუნქციის დარღვევა, რის გამოც აუცილებელია სისხლის სურათის შემოწმება. პრეპარატის მაღალი დოზით გამოყენებისას შესაძლებელია ჰეპატოტოქსიკური და ნეფროტოქსიკური მოქმედება. არასასურველი სიმპტომების გამოვლენისთანავე საჭიროა ექიმთან კონსულტაცია. | ||
| უკუჩვენება: | პრეპარატის ერთდროული გამოყენება არ არის მიზანშეწონილი პარაცეტამოლის შემცველ სხვა სამკურნალო საშუალებებთან, აგრეთვე მის შემადგენლობაში შემავალი კომპონენტების მიმართ მომატებული მგრძნობელობისას, ფერმენტ გლუკოზა-6ფოსფატდეჰიდროგენაზას გენეტიკური დეფიციტის დროს, სისხლის სისტემის დაავადებების, ღვიძლისა და თირკმელების ფუნქციის დარღვევისას. ჟილბერის სინდრომის (კონსტიტუციური ჰიპერბილირუბინემია) არსებობისას პრეპარატი სიფრთხილით ინიშნება. პრეპარატის გამოყენება ორსულობისა და ლაქტაციის პერიოდში არ არის რეკომენდებული. | ||
| განსაკუთრებული მითითებები: | პარაცეტამოლი სიფრთხილით ინიშნება ღვიძლისა და თირკმელების უკმარისობის დროს. პარაცეტამოლის და ბარბიტურატების, დიფენინის, კარბამაზეპინის, რიფამპიცინის, ზიდოვუდინის, ღვიძლის მიკროსომული ფერმენტების სხვა ინდუქტორების, აგრეთვე მეტოკლოპრამიდის, დომპერიდონის დ ქოლესტირამინის ერთდროული გამოყენებისას მოსალოდნელია ჰეპატოტოქსიური მოქმედების განვითარების გაძლიერება. პარაცეტამოლის, როგორც ტკივილგამაყუჩებელი საშუალების ხანგრძლივად და რეგულარულად გამოყენება, ანტიკოაგულანტურ სამკურნალო საშუალებებთან ერთად არ არის რეკომენდებული. ღვიძლის ტოქსიური დაზიანებების თავიდან აცილების მიზნით არ არის რეკომენდებული პარაცეტამოლისა და ალკოჰოლური სასმელების კომბინაცია. პრეპარატის გამოყენება აგრეთევ ეკრძალებათ იმ პირებს, რომლებსაც მიდრეკილება გააჩნიათ ალკოჰოლური სასმელების მიღების მიმართ. პარაცეტამოლის გამოყენებისას სისხლში შარდმჟავასა და შაქრის რაოდენობის განსაზღვრის ტესტის ჩატარებისას მოსალოდნელია ცრუდადებითი შედეგი. | ||
| ჭარბი დოზირება: | პარაცეტამოლის ჭარბი დოზირების შემთხვევაში მოსალოდნელია - გულისრევა, ღებინება, კუჭის არეში ტკივილი. 2 დღის შემდეგ მოსალოდნელია ღვიძლის დაზიანების ნიშნების გამოვლენა, რაც დაკავშირებულია ტოქსიკური მეტაბოლიტის N მეთილ-ბენზოქინონიმინის დაგროვებასთან, რომელიც პარაცეტამოლის მიღებისას თერაპიულ დოზებში ინაქტივირდება გლუტათიონთან კონიუგაციის ხარჯზე. მძიმე შემთხვევების დროს ვითარდება ღვიძლის უჯრედების, თირკმელების უკმარისობა და კომატოზური მდგომარეობა. ჭარბი დოზირების შემთხვევაში საჭიროა კუჭის ამორეცხვა, ადსორბენტების დანიშვნა (გააქტივებული ნახშირი), აცეტილცისტეინის (ზრდის ღვიძლში გლუტათონის წარმოქმნას) და მეთიონინის შეყვანა. |
Page generation time: 0. 021302450 sec.
