| უნიფიცირებული დასახელება: | გლიქვიდონიGliquidone | ||
| ა.თ.ქ. კლასიფიკაცია: | |||
A10BB08 | A საჭმლის მომნელებელი ტრაქტი და ნივთიერებათა ცვლა | ||
| 10 პრეპარატები შაქრიანი დიაბეტის მკურნალობისათვის | |||
| B პერორალური ჰიპოგლიკემიური პრეპარატები | |||
| B სულფანილ შარდოვანას წარმოებულები | |||
| ანოტაცია: | |||
| დოზირება და მიღების წესი: | აუცილებელია ექიმის რეკომენდაციის მკაცრი დაცვა. დაუშვებელია მკურნალობის თვითნებურად შეწყვეტა. საწყისი დოზა: 0.5 აბი (15 მგ) საუზმის დროს. საჭიროებისას, ექიმის რეკომენდაციის თანახმად, დასაშვებია დოზის თანდათანობითი გაზრდა. სადღეღამისო დოზის გაზრდა 4 ტაბლეტამდე (120 მგ) ფარმაკოლოგიური ეფექტის გაძლიერებას არ იწვევს. პერორალური ჰიპოგლიკემიური პრეპარატის სხვა მსგავსი მოქმედების მექანიზმის მქონე საშუალებით შეცვლისას საწყისი დოზის განსაზღვრა დაავადების სიმძიმეზეა დამოკიდებული. ასეთ შემთხვევაში საწყისი დოზა ძირითადად 1/2 -1 აბის (15-30 მგ) ტოლია. დოზის შემდგომი გაზრდა მიმდინარეობს ექიმის მეთვალყურეობის ქვეშ. თუ გლიქვიდონის სადღეღამისო დოზა 2 ტაბლეტს (60 მგ) არ აღემატება, მისი მიღება შესაძლებელია ერთჯერადად საუზმის დროს, თუმცა აღსანიშნავია, რომ პრეპარატის სადღეღამისო დოზის ორჯერადად მიღებისას თერაპიული ეფექტი უმჯობესდება. გლიქვიდონი გამოიყენება უშუალოდ საკვების მიღების წინ. | ||
| გვერდითი მოვლენები: | იშვიათად: ჰიპოგლიკემიური და კანის ალერგიული რეაქციები, სისხლმბადი სისტემის მხრივ ცვლილებები და კუჭ-ნაწლავის ტრაქტის მხრივ გართულებები. | ||
| უკუჩვენება: | - 1 ტიპის შაქრიანი დიაბეტი (ინსულინდამოკიდებული); - დიაბეტური კეტოაციდოზი, პრეკომა, კომა; - მომატებული მგრძნობელობა სულფანილშარდოვანას ან სულფანილამიდების წარმოებულების მიმართ; - ორსულობისა და ლაქტაციის პერიოდი. | ||
| განსაკუთრებული მითითებები: | მიუხედავად იმისა, რომ გლიქვიდონი შარდთან ერთად უმნიშვნელო რაოდენობით გამოიყოფა და თირკმელების დაავადების დროს ხასიათდება კარგი ტოლერანტობით, თირკმელების მკვეთრად გამოხატული უკმარისობის ფონზე პრეპარატით მკურნალობა ექიმის გულმოდგინე მეთვალყურეობას საჭიროებს. ორსულობის შემთხვევაში პაციენტმა უნდა შეწყვიტოს პრეპარატის მიღება და დაუყოვნებლივ მიმართოს ექიმს. დიაბეტის ფონზე ავადმყოფებს აღენიშნებათ მიდრეკილება გულ-სისხლძარღვთა სისტემის ფუნქციის დარღვევების მხრივ, რომელთა განვითარების რისკის შემცირება დიეტის მკაცრი დაცვით არის შესაძლებელი. პერორალური ანტიდიაბეტური საშუალებები ვერ ცვლიან სამკურნალო დიეტას, რომელიც ავადმყოფის სხეულის მასის კონტროლის საშუალებას იძლევა. რეკომენდებული დოზირების დარღვევა, შაქრის, კამფეტების ან ტკბილი სასმელების მიღება ხელს უშლის ჰიპოგლიკემიური ეფექტის განვითარებას. ჰიპოგლიკემიური რეაქციის გახანგრძლივების შემთხვევაში საჭიროა დაუყოვნებელი ღონისძიებების ჩატარება. გლიქვიდონით მკურნალობისას ცხელების, გამონაყარის ან გულისრევის განვითარების შემთხვევაში საჭიროა ექიმთან კონსულტაცია. გლიქვიდონით მკურნალობის დროს ალერგიული რეაქციის განვითარებისას საჭიროა პრეპარატის მიღების შეწყვეტა და სხვა ანტიდიაბეტური საშუალების ან ინსულინის დანიშვნა. გლიქვიდონის დოზის შერჩევის ან სხვა პრეპარატით მისი შეცვლის დროს დაუშვებელია იმ სამუშაოს შესრულება, რომელიც ყურადღების მაქსიმალურ კონცენტრაციას მოითხოვს. | ||
| ჭარბი დოზირება: | ჰიპოგლიკემიური მდგომარეობა, კუჭ-ნაწლავის ტრაქტის მხრივ ცვლილებები. ჰიპოგლიკემიური მდგომარეობის განვითარების შემთხვევაში აუცილებელია გლუკოზის პერორალური ან ინტრავენური შეყვანა. | ||
| ურთიერთქმედება სხვა მედიკამენტებთან: | სალიცილატები, სულფანილამიდები, ფენილბუტაზონის ნაწარმები, ქლორამფენიკოლი, ტეტრაციკლინები, კუმარინის ნაწარმები, ციკლოფოსფამიდი, მაო-ს ინჰიბიტორები და ბეტა-ადრენობლოკატორები აძლიერებენ სულფანილშარდოვანას ჰიპოგლიკემიურ ეფექტს. ქლორპრომაზინი, სიმპათომიმეტური საშუალებები, გლუკოკორტიკოსტეროიდები, თირეოიდული ჰორმონები, ჩასახვის საწინააღმდეგო პერორალური საშუალებები და ნიკოტინის მჟავას შემცველი პრეპარატები ამცირებენ გლიქვიდონის ჰიპოგლიკემიურ ეფექტს. გლიქვიდონი აქვეითებს ალკოჰოლის მიმართ ტოლერანტობას. | ||
| ფარმაკოლოგიური თვისება: | გლიქვიდონი ასტიმულირებს კუჭქვეშა ჯირკვლის ბეტა-უჯრედების მიერ ინსულინის პროდუქციას. | ||
| ფარმაკოკინეტიკა: | გლიქვიდონი სწრაფად და თითქმის მთლიანად შეიწოვება კუჭ-ნაწლავის ტრაქტიდან. ერთჯერადი დოზის მიღების შემდეგ პლაზმაში მისი მაქსიმალური კონცენტრაცია -500-700 ნგ/მლ 0.5-1 საათში აღინიშნება, ხოლო 1 საათში 50%-ით ქვეითდება. გლიქვიდონი ღვიძლში განიცდის სრულ მეტაბოლიზმს. მეტაბოლიტების ძირითადი ნაწილი გამოიყოფა ნაღველთან და განავალთან ერთად, ხოლო უმნიშვნელო ნაწილი კი შარდით ელიმინირდება. დოზის და მიღების წესის მიუხედავად შარდში (მეტაბოლიტების სახით) პრეპარატის მიღებული დოზის მხოლოდ 5% აღინიშნება. გლიქვიდონის რეგულარული გამოყენების მიუხედავად შარდთან ერთად მისი გამოყოფა მინიმალურია. | ||
| ჩვენება: | II ტიპის შაქრიანი დიაბეტი საშუალო და ხანდაზმული ასაკის ავადმყოფებში (დიეტოთერაპიის არაეფექტურობის შემთხვევაში). |
Page generation time: 0. 020887578 sec.
