This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
უნიფიცირებული
დასახელება:
	
ნატრიუმის ვალპროატი
Valproate sodium
ა.თ.ქ. კლასიფიკაცია:
	
 
N03AG01	
N ნერვული სისტემა
	
03 ეპილეფსიის საწინააღმდეგო პრეპარატები
	
A ეპილეფსიის საწინააღმდეგო პრეპარატები
	
G ცხიმოვანი მჟავების წარმოებულები
ანოტაცია:
	
	
ფარმაკოლოგიური თვისება:
	
პრეპარატი წარმოადგენს ეპილეფსიის საწინააღმდეგო საშუალებას, რომლის მოქმედების მექანიზმი ბოლომდე დადგენილი არ არის. პრეპარატი ძირითადათ მოქმედებს ცნს-ზე და ავლენს აქტივობას ეპილეფსიის გენერალიზებული და ლოკალური ფორმების დროს. პრეპარატის მოქმედების მექანიზმში დიდი როლი ენიჭება ცენტრალური ნეირონების Na-ის არხების ბლოკირებას, გამაამინოერბომჟავათი (გაემ) გამოწვეული შეკავების პროცესების გაძლიერებას ცნს-ში, გლუტამატდეკარბოქსილაზას აქტივობის მომატებას და გაემ-ტრანსამინაზას ინჰიბირებას.
ფარმაკოკინეტიკა:
	
პრეპარატის თერაპიული კონცენტრაცია სისხლის პლაზმაში შეადგენს 40-50 მგ/ლ-ში. თუ მისი კონცენტრაცია აღემატება 200 მგ/ლ, აუცილებელია დოზის შემცირება. პრეპარატის რეგულარული მიღებისას წონასწორული კონცენტრაცია აღინიშნება მკურნალობიდან მე-3-4 დღეს. პრეპარატი ელიმინირდება მეტაბოლიტების სახით. მისი ნახევრადგამოყოფის პერიოდი შეადგენს 15-17 საათს.
ჩვენება:
	
- გენერალიზებული კრუნჩხვები; - შეტევები მცირე ეპილეფსიის დროს; - მიოკლონუს-ეპილეფსიის დროს; - კეროვანი (პარციული) კრუნჩხვები (მარტივი და რთული სიმპტომატიკით); - კრუნჩხვები თავის ტვინის ორგანული დაავადებების დროს; - ეპილეფსიით გამოწვეული ქცევის დრღვევა; - ფებრილური კრუნჩხვები ბავშვებში; - ტიკი ბავშვებში.
დოზირება და მიღების წესი:
	
ყოველდღიური დოზა დგინდება პაციენტის ასაკის, სხეულის წონის მიხედვით. ამის გარდა გასათვალისწინებელია პაციენტის ინდივიდუალური მგრძნობელობა ვალპროატის მიმართ. არ არის დადგენილი სრული კორელაცია პრეპარატის დღიურ დოზას, მის კონცენტრაციას სისხლის შრატში და თერაპიულ ეფექტს შორის, რის გამოც ოპტიმალური დოზა უნდა დადგინდეს კლინიკური ეფექტის შესაბამისად. ვალპროის მჟავას კონცენტრაციის დადგენა პლაზმაში დაკავშირებულია დამატებით კლინიკურ მონიტირინგთან, როდესაც კლინიკური კრიტერიუმები არ იძლევა ადექვატური კონტროლის საშუალებას, ან როდესაც არსებობს ეჭვი გვერდითი მოვლენების განვითარებაზე. ეფექტური კონცენტრაცია შეადგენს 40- 100 მგ/ლ-ზე. პრეპარატით მკურნალობის დაწყება: - იმ პაციენტებისათვის, რომლებიც არ იღებენ ეპილეფსიის საწინააღმდეგო სხვა პრეპარატებს, დოზის გაზრდა შეიძლება 2-3 დღის შემდეგ, რათა ოპტიმალური დოზა მიღებული იქნას 1 კვირის განმავლობაში. - პაციენტებისათვის, რომლებიც იღებენ ეპილეფსიის საწინააღმდეგო სხვა საშუალებებს, მათი შეცვლა პრეპარატით ხორციელდება თანდათანობით 2 კვირის განმავლობაში. ამავე დროს მცირდება ადრე გამოყენებული პრეპარატის დოზა, შემდგომში მისი მიღების შეწყვეტით. პრეპარატის პერორალური გამოყენება: დოზები: საწყისი დოზა შეადგენს 10-15 მგ/კგ-ზე, შემგომში მისი თანდათანობითი გაზრდით. ოპტიმალურ დოზამდე -20-30 მგ/კგ-ზე. თუ კრუნჩხვები არ წყდება, დოზა იზრდება ადექვატურად. აუცილებელია პაციენტების მონიტორინგი, რომლებიც იღებენ პრეპარატს დოზით 50 კგ/კგ-ზე მეტს. - ბავშვებისათვის ჩვეულებრივი დოზა შეადგენს დაახლოებით 30 მგ/კგ დღეში, მოზრდილებისათვის 20-30 მგ/კგ დღეში. - ხანდაზმულებში, პრეპარატის ფარმაკოკინეტიკა იცვლება თუმცა ამას გააჩნია შეზღუდული კლინიკური მნიშვნელობა. დოზები დგინდება კლინიკური კრიტერიუმების მიხედვით. პრეპარატი ენტერიკის აბები ინიშნება 2-ჯერ დღეში.
გვერდითი მოვლენები:
	
კუჭ-ნაწლავის ტრაქტის მხრივ: გულისრევა, ღებინება, დიარეა, ღვიძლის და კუჭქვეშა ჯირკვლის ფუნქციის დარღვევა. ცნს-ის მხრივ: სტუპოროზული მდგომარეობა, ატაქსია, ტრემორი. ალერგიული რეაქციები: გამონაყარი კანზე, ანგიონევროზული შეშუპება. სისხლმბადი სისტემის მხრივ: ანემია, თრომბოციტოპენია, ლეიკოპენია. სხვადასხვა: ალოპეცია, სხეულის მასის მომატება, სისხლდენის ხანგრძლივობის გაზრდა.
უკუჩვენება:
	
- მომატებული მგრძნობელობა პრეპარატის მიმართ; - ჰემორაგიული დიაითეზი; - ღვიძლის ან კუჭქვეშა ჯირკვლის ფუნქციის დარღვევა.
ორსულობა და ლაქტაცია:
	
ორსულობის დროს საჭიროა პაციენტის მდგომარეობაზე სათანადო კონტროლი. მშობიარობის შემდგომ აუცილებელია სპეციალური მონიტორინგი, რათა გამოვლინდეს ნერვული არხის დახურვის ანომალია. ლაქტაციის პერიოდში უნდა განისაზღვროს მოსალოდნელი სარგებლიანობა პოტენციურ რისკთან მიმართებაში. რეპროდუქციის ასაკში მყოფ ქალებში პრეპარატით მკურნალობა რეკომენდებულია საიმედო კონტრაცეპციის გამოყენების ფონზე.
განსაკუთრებული მითითებები:
	
პრეპარატის გამოყენებისას არსებობს ღვიძლის ფუნქციის დარღვევის განვითარების რისკი 3 წლამდე ასაკის ბავშვებში. მკურნალობის პირველი 6 თვის მანძილზე აუცილებელია ღვიძლის სინჯების და პროთრომბინის დონის რეგულარული კონტროლი. ტრანსპორტის მართვა და სამუშაოს შესრულება, რომელიც საჭიროებს ყურადღების კონცენტრაციას: აუცილებელია პაციენტის გაფრთხილება შესაძლო ძილიანობის შესახებ, განსაკუთრებით ანტიკონვულსიური თერაპიის დროს ან მისი კომბინირებისას ბენზოდიაზეპინებთან. ჭარბი დოზირება სიმპტომები: კომატოზური მდგომარეობა, ჰიპორეფლექსია, მიოზი. მკურნალობა: კუჭის ამორეცხვა, თუ პრეპარატის მიღებიდან არ არის გასული 10-12 საათი. ოსმოსური დიურეზის უზრუნველყოფა და გულ-სისხლძარღვთა სისტემის მდგომარეობის მირიტორინგი და კორექცია. აუცილებლობის შემთხვევაში შესაძლებელია დიალიზის გამოყენება.
ურთიერთქმედება სხვა მედიკამენტებთან:
	
ერთდროული დანიშვნისას პრეპარატი აძლიერებს ნეირილეფსიური საშულებების და ანტიდეპრესანტების მოქმედებას, ასევე ზრდის ბარბიტურატების კონცენტრაციას სისხლის პლაზმაში. პრეპარატი ამცირებს ფენიტოინის საერთო კონცენტრაციას, ამავე დროს იზრდება მისი თავისუფალი ფრაქციის კონცენტრაცია. კრუნჩხვების საწინააღმდეგო პრეპარატები (ფენიტოინი, ფენობარბიტალი, კარბამაზეპინი), რომლებსაც გააჩნიათ ღვიძლის მიკროსომული ფერმენტების ინდუქციის უნარი, ამცირებენ პრეპარატის კონცენტრაციას სისხლის პლაზმაში. მათთან კომბინაციისას აუცილებელია დოზების კორეგირება სისხლის პლაზმაში პრეპარატის კონცენტრაციის შესაბამისად.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 020751412 sec.