This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
სარეკლამო ადგილი







უნიფიცირებული
დასახელება:
	
ასკორბინის მჟავა
Ascorbic acid
ა.თ.ქ. კლასიფიკაცია:
	
 
G01AD03	
G შარდსასქესო სისტემა და სასქესო ჰორმონები
	
01 ანტისეპტიკური საშუალებები და მიკრობების საწინააღმდეგო პრეპარატები გინეკოლოგიური დაავადებების მკურნალობისათვის
	
A ანტისეპტიკური საშუალებები და მიკრობების საწინააღმდეგო პრეპარატები გინეკოლოგიური დაავადებების მკურნალობისათვის (კორტიკოსტეროიდებთან კომბინაციის გარდა)
	
D ორგანული მჟავები
A01AD11	
A საჭმლის მომნელებელი ტრაქტი და ნივთიერებათა ცვლა
	
01 სტომატოლოგიური პრეპარატები
	
A სტომატოლოგიური პრეპარატები
	
D სხვა პრეპარატები ადგილობრივი გამოყენებისათვის პირის ღრუს დაავადებების დროს
A11GA01	
A საჭმლის მომნელებელი ტრაქტი და ნივთიერებათა ცვლა
	
11 ვიტამინები
	
G ასკორბინის მჟავა (სხვა პრეპარატებთან კომბინაციაში)
	
A ასკორბინის მჟავა
ანოტაცია:
	
	
ჩვენება:
	
პრაპარატი გამოიყენება ჰიპო- და ავიტამინოზის სამკურნალოდ და პროფილაქტიკისათვის, ვიტამინზე გაზრდილი მოთხოვნილების დროს ზრდის პერიოდში, რეკონვალესცენციის პერიოდში, ზამთარში ვირუსული და ბაქტერიული ინფექციების დროს, დაქვეითებული იმუნიტეტის, ჰემორაგიული დიათეზის, ფსიქიური და ფიზიკური დატვირთვის შემთხვევაში.
ფარმაკოლოგიური თვისება:
	
ვიტამინი C ხელს უწყობს ორგანიზმის ზრდას და მისი ნორმალური ფუნქციონირების უნარის შენარჩუნებას. იგი იღებს მონაწილეობას ორგანიზმის მრავალ ფუნქციაში: ნახშირწყლების, ცილებისა და ცხიმების შეთვისებაში, ჭრილობების შეხორცების პროცესში, სისხლძარღვების კედლის რეზისტენტობის მომატებაში. ადამიანის ორგანიზმში ასკორბინის მჟავა არ სინთეზირდება და ამ ვიტამინით უზრუნველყოფა წარმოებს ეგზოგენური გზით საკვების მეშვეობით. ასკორბინის მჟავა მონაწილეობას იღებს მრავალ ბიოქიმიურ პროცესებში, ძირითადად კი ჟანგვით პროცესებში. იგი აუცილებელია ქსოვილოვანი სუნთქვისათვის. ქსოვილოვან დონეზე მას გააჩნია განსაკუთრებული როლი კოლაგენის სინთეზის, ძვლების და კბილების მატრიცის, კაპილარების შიდაუჯრედული შრის ფორმირების პროცესში. იგი მონაწილეობას იღებს სისხლის შედედებაში და ძირითადი ცვლის პროცესებში. ვიტამინი C ასტიმულირებს სპეციფიკურ ანტიმიკრობულ ანტიტოქსინებს, ზრდის ზოგიერთი ფაქტორის დონეს, რომლებიც მონაწილეობენ იმუნურ პროცესებში. ზემოთაღნიშნულიდან გამომდინარე ვიტამინი C აუცილებელია ანთებითი პროცესების დასათრგუნად, დესენსიბილიზაციისათვის და სიხხლის შედედებისათვის. იგი აუმჯობესებს ქსოვილების რეგენერაციას და ააქტიურებს ორგანიზმის დაცვით ძალებს. დღეღამური მოთხოვნილება ვიტამინი C -ზე შეადგენს 60-100 მგ-ს. ორგანიზმში მისი აუცილებელი რაოდენობის (3500 მგ) შესანარჩუნებლად.
დოზირება და მიღების წესი:
	
თერაპიული დოზა მოზრდილთათვის მერყეობს 100-300 მგ/დღეში (1 აბი 3ჯერ დღეში); ბავშვებში - 20, 50, 100 მგ (1/4, 1/2 ან 1 აბი) ასაკის მიხედვით (1-17 წელი). გვერდითი მოვლენები ვიტამინის მაღალი დოზები ხელს უწყობს ინსულინის გამონთავისუფლებას კუჭქვეშა ჯირკვლიდან. ზოგჯერ იგი იწვევს თავის ტკივილს, გულისრევას, ღებინებას, ჭვალს, კანის ჰიპერემიას, დიურეზის მომატებას, ტკივილს ზურგის არეში. მაღალი დოზების (1 გ-ზე მეტი) მიღებისას იქმნება კრისტალების დალექვის პირობები, თირკმელებში ურატული და ოქსალატური კონკრემენტების წარმოქმნით.
უკუჩვენება:
	
- გლუკოზა-6-ფოსფატდეჰიდროგენაზას დეფიციტის დროს; - ჰემოქრომატოზი; - თალასემია ან სიდერობლასტური ანემია; - ნეფროლითიაზი; - ორსულთა ტოქსიკოზის დროს საჭიროა სიფრთხილე.
ორსულობა და ლაქტაცია:
	
ორსულობის ნორმალური მიმდინარეობის დროს უპირატესობა ეძლევა ვიტამინის მი-ღებას კვების პროდუქტებთან ერთად. ამ დროს ვიტამინის მაღალი დოზების გამოყენება არ არის რეკომენდებული. პრეპარატი აღწევს დედის რძეში, რის გამოც დამატებით ვიტამინის დანიშვნა ჩვილ ბავ-შვებში არ არის მიზანშეწონილი.
განსაკუთრებული მითითებები:
	
თამბაქოს მოწევა ამცირებს ვიტამინ C-ს დონეს ოორგანიზმში და ასევე მის მოქმედებას. თირკმელებისა და საშარდე გზებში კონკრემენტების არსებობისას არ არის სასურველი პრეპარატის მიღება. იგი მოქმედებს სისხლის ზოგიერთი ანალიზის შედეგებზე (ტრანსამინაზები, ბილირუბინი) და ასევე სისხლის არსებობაზე განავალში. ამ შემთხვევაში აუცილებელია ექიმის ინფორმირება. ტრანსპორტის მართვა და სამუშაოს შესრულება, რომელიც საჭიროებს ყურადღების კონცენტრაციას: პრეპარატის მიღება ამ შემთხვევაში არ მოქმედებს უარყოფითად.
ჭარბი დოზირება:
	
სიმპტომები: სისხლის შედედების მომატება, თრომბოფლებიტის და თრომბოზის განვი-თარება, შფოთვა, უძილობა, თავის ტკივილი, ეზოფაგიტი, დიარეა. შარდის მჟავიანობის მომატების გამო იქმნება თირკმელებ-ში კონკრემენტების წარმოშობის საშიშროება. მკურნალობა სიმპტომატურია ამავე დროს, არ აღინიშნება ვიტამინის ტოქსიკური დონე, რადგანაც მისი ჭარბი რაოდენობა გამოიყოფა შარდით. ლიტერატურაში აღწერილია ყოველდღიურად 15გ ვიტამინის გამოყენების შემთხვევა გვერდი-თი მოვლენების განვითარების გარეშე.
ურთიერთქმედება სხვა მედიკამენტებთან:
	
ვიტამინი C მონაწილეობს ზოგიერთი სამკურნალო საშუალებების ცვლაში. ვიტამინი C და ვიტამინი B12 მიღებებს შორის აუცილებელია 2 საათიანი ინტერვალი, ვინაიდან ეს უკანასკნელი იშლება ვიტამინი C-ს ზეგავლენით. მის ეფექტურობაზე ზეგავლენას ახდენენ ატროპინი, ამინოფილინი, ამფოტერიცინი, ტეტრაციკლინი, პროქლორპერაზინი, ამფეტამინი, ქინიდინი, სისხლის შედედებაზე მოქმედი პრეპარატები, ამონიუმის ქლორიდი, ქლორამფენიკოლი, ერითრომიცინი, თიროქსინი, ესტროგენული პრეპარატები, ჩასახვის საწინააღმდეგო გონადოტროპული ჰორმონები და ვიტამინი E.








Page generation time: 0. 022008302 sec.