This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
უნიფიცირებული
დასახელება:
	
ცეფტაზიდიმი
Ceftazidime
ა.თ.ქ. კლასიფიკაცია:
	
 
D06A	
D დერმატოლოგია
	
06 ანტიმიკრობული პრეპარატები კანის დაავადებების მკურნალობისათვის
	
A ანტიბიოტიკები გარეგანი გამოყენებისათვის
J01DD02	
J მიკრობების საწინააღმდეგო პრეპარატები სისტემური გამოყენებისათვის
	
01 მიკრობების საწინააღმდეგო პრეპარატები სისტემური გამოყენებისათვის
	
D სხვა ბეტა-ლაქტამური ანტიბიოტიკები
	
D მესამე თაობის ცეფალოსპორინები
ანოტაცია:
	
	
ფარმაკოლოგიური თვისება:
	
ცეფტაზიდიმი წარმოადგენს III თაობის ცეფალოსპორინების რიგის ფართო სპექტრის ანტიბიოტიკს პარენტერალური გამოყენებისათვის. ცეფტაზიდიმის ბაქტერიოციდული მოქმედება განპირობებულია მიკრობის უჯრედის კედლის სინთეზის ინჰიბირებით. იგი მდგრადია ბეტა-ლაქტამაზების (უმრავლესი გრამუარყოფითი და გრამდადებითი ბაქტერიების მიერ პროდუცირებული, როგორც პენიცილინაზას, აგრეთვე ცეფალოსპორინაზას) მიმართ. აქტიურია შემდეგი გრამ-უარყოფითი მიკროორგანიზმების მიმართ: Pseudomonas spp. (მათ შორის P. aeruginosa), Klepsiella spp. (მათ შორის K. pneumoniae), Proteus spp. (მათ შორის P. mirabilis, P. vulgaris, P. retteri), Morganella morganii, Providencia spp., Echerichia coli, Enterobacter spp., Citrobacter spp., Serratia spp., Salmonella spp., Shogela spp., Yersinia enterocolitica, Pasteurella multocida, Acinetobacter spp., Neisseria gonorrhoeae, N. meningitidis, Haemophilus inflienzae, H. parainfluenzae (ამპიცილინის მიმართ მდგრადი შტამები). გრამდადებითი მიკროორგანიზმები: Staphylococcus aureus, Staphylococcus epidermidis (მეტიცილინის მიმართ მგრძნობიარე შტამები), Micrococcus spp., Streptococcus spp. ( მათ შორის St. pyogenes, St. pneumoniae, St. mitis, St. faecalis-ის გარდა; ანაერობული მიკროორგანიზმები: Peptococcus spp., Peptostreptococcus spp., propionibacterium spp., Clostridium perfringers, Fusobacterium spp., Bacteroides spp., ( Bacteroides fragilis-ის მრავალი შტამები რეზისტენტულია). ცეფტაზიდიმი ლურჯ-მწვანე ჩხირით გამოწვეული დაავადებების სამკურნალო პირველი რიგის პრეპარატია. ცეფტაზიდიმი არააქტიურია მეტიცილინის მიმართ მდგრადი Staphylococcus, Streptococcus faecalis და სხვა მრავალი Enterococcus, Listeria monocytogenes, Campylobacter spp. და Clostridium difficile-ის მიმართ.
ფარმაკოკინეტიკა:
	
შეწოვა: ადვილად შეიწოვება ორგანოებსა და ქსოვილებში (მათ შორის ძვლის ქსოვილში), ნახველში, სინოვიალურ, პლევრალურ, პერიტონიალურ სითხეში, თვალის ქსოვილსა და ლორწოვანში. განაწილება: აქტიური ნივთიერების თერაპიული კონცენტრაცია სისხლის პლაზმაში 8-12 საათის განმავლობაში რჩება. სისხლის პლაზმის ცილებთან პრეპარატის კავშირი შეადგენს 10%-ს. ცეფტაზიდიმი ცუდად გაივლის დაუზიანებელ ჰემატოენცეფალურ ბარიერს. თავის ტვინის გარსების ანთების დროს თავზურგტვინის სითხეში აღინიშნება მისი თერაპიული კონცენტრაცია. მეტაბოლიზმი: ცეფტაზიდიმი არ მეტაბოლიზირდება. გამოყოფა: გამოიყოფა ძირითადად თირკმელების საშუალებით შეუცვლელი სახით 24 სთ-ის განმავლობაში (80-90%) გორგლოვანი ფილტრაციის მეშვეობით. თირკმელების ნორმალური ფუნქციის დროს ნახევრადგამოყოფის პერიოდი შეადგენს 1,8 სთ-ს განსაკუთრებული შემთხვევების ფარმაკოკინეტიკა: თირკმელების ფუნქციის დარღვევის შემთხვევაში ნახევრადდაშლის პერიოდი 2,2 საათამდე ხანგრძლივდება.
ჩვენება:
	
პრეპარატის მიმართ მგრძნობიარე მიკროორგანიზმებით გამოწვეული ინფექციურ-ანთებადი დაავადებები: სასუნთქი გზების მძიმე ინფექციები (მათ შორის მწვავე და ქრონიკული ბრონქიტი,ინფიცირებული ბრონქოექტაზია, ბაქტერიული პნევმონია, ფილტვის აბსცესი, პლევრის ემპიემა, მუკოვისციდოზის ფონზე განვითარებული ფილტვის ინფექციები) ყელ-ყურ-ცხვირის ინფექციები (მათ შორის შუა ყურის ანთება, გარეთა ყურის ავთვისებიანი ანთება, მასტოიდიტი, სინუსიტი) საშარდე გზების ინფექციები (მათ შორის მწვავე და ქრონიკული პიელონეფრიტი, პიელიტი, პროსტატიტი, ცისტიტი, ბაქტერიული ურეთრიტი, თირკმლის აბსცესი, /კენჭოვანი დაავადების ფონზეც/) რბილი ქსოვილების ინფექციები (მათ შორის ცელულიტი, წითელი ქარი, პერიტონიტი, ჭრილობის ინფექციები, მასტიტი, კანის დაწყლულება) ძვლისა და სახსრების ინფექციები (მათ შორის ოსტეომიელიტი, სეპტიური ართრიტი) კუჭ-ნაწლავის ტრაქტის ინფექციები (მათ შორის ქოლანგიტი, ქოლეცისტიტი, ნაღვლის ბუშტის ემპიემა, რეტროპერიტონული აბსცესი, პერიტონიტი, დივერტიკულიტი, ენტეროკოლიტი) მცირე მენჯის ინფექციები გონორეა (განსაკუთრებით პენიცილინის მიმართ მომატებული მგრძნობელობის დროს), სხვა ინფექციები (მათ შორის სეპტიცემია, მენინგიტი), დიალიზთან დაკავშირებული ინფექციები.
დოზირება და მიღების წესი:
	
პრეპარატი მხოლოდ პარენტერალურად ინიშნება. დოზა ინდივიდუალურად დგინდება დაავადების სიმძიმის, გამომწვევის სახეობის, ავადმყოფის ასაკის სხეულის მასის და თირკმლის ფუნქციის გათვალისწინებით. მოზრდილებს ენიშნებათ სადღეღამისო დოზით 1-6 გ. საშარდე გზების ინფექციების დროს ინიშნება 0,5-1გ ყოველ 12 საათში ერთხელ. უმრავლესი ინფექციების სამკურნალო ეფექტური დოზაა 1გ 8საათში ერთხელ ან 2გ 12 ყოველ საათში. მძიმე ინფექციების დროს, განსაკუთრებით იმუნიტეტის დაქვეითების ფონზე (მათ შორის ნეიტროპენია) ინიშნება 2გ 8 ან 12 საათში ერთხელ. მუკოვისციდოზის ფონზე განვითარებული ფილტვის ინფექციების დროს მოზრდილ ავადმყოფებს ცეფტაზიდინი ენიშნებათ სადღეღამისო დოზით 100-150 მგ/კგ დაყოფილი 2-3ჯერად მიღებაზე. ბავშვებს 2 თვის ზევით ენიშნებათ სადღე-ღამისო დოზით 30-100 მგ/კგ დაყოფილი 3ჯერად მიღებაზე. ბავშვებს Bმუკოვისციდოზის ან მენინგიტის დროს, დაქვეითებული იმუნიტეტის ფონზე, ენიშნებათ სადღე-ღამისო დოზით 150 მგ/კგ (მაქსიმალური დღიური დოზა 6გ) დაყოფილი 2ჯერად მიღებაზე. 2 თვემდე ასაკის ახალშობილებს ეძლევათ 25-60მგ/კგ დღე-ღამეში 2-ჯერადი ინექციის სახით. თირკმლის ფუნქციის დარღვევისEშემთხვევაში პრეპარატის დოზა კრეატინინის კლირენსის ინდექსის მიხედვით დგინდება. კრეატინინის კლირენსი (მლ/წთ) - 50-31, სხვა წამლებთან ურთიერთქმედება - 1გ 12 საათში ერთხელ; კრეატინინის კლირენსი (მლ/წთ) - 30-16, სხვა წამლებთან ურთიერთქმედება - 1გ 24 საათში ერთხელ; კრეატინინის კლირენსი (მლ/წთ) - 38-18, სხვა წამლებთან ურთიერთქმედება - 500 მგ 24 საათში ერთხელ; კრეატინინის კლირენსი (მლ/წთ) -5-ზე ნაკლები, სხვა წამლებთან ურთიერთქმედება - 500მგ 48 საათში ერთხელ; პერიტონეული დიალიზის დროს შეიძლება ცეფტაზიდიმის შერევა დიალიზურ სითხეში დოზით 125 ან 250 მგ დიალიზური სითხის ყოველ 2ლ-ზე.
გვერდითი მოვლენები:
	
გასტროინტესტინალური ტრაქტის მხრივ: ფაღარათი, გულისრევა, ღებინება, ტკივილები მუცლის არეში; იშვიათად - სტომატიტი, კოლიტი. ცნს-ის მხრივ: თავის ტკივილი, თავბრუსხვევა, პარესთეზიები. ლაბორატიული მაჩვენებლების მხრივ: ეოზინოფილია, კუმბსის დადებითი სინჯი ჰემოლიზის გარეშე, სისხლის შრატში ტრანსამინაზებისა და კრეატინინის დონის გარდამავალი მომატება. ქიმიოთერაპიული მოქმედებით განპირობებული მოქმედება: სუპერინფექცია (კანდიდოზი, მათ შორის საშოსი). ალერგიული რეაქციები: გამონაყარი, ცხელება, ქავილი, ბრონქოსპაზმი. ადგილობრივი რეაქციები: ვენაში შეყვანისას ფლებიტი ან თრომბოფლებიტი. კუნთებში ინექცია მტკივნეულია.
უკუჩვენება:
	
ცეფტაზიმიდის, ცეფალოსპორინებისა და პენიცილინების მიმართ მომატებული მგრძნობელობა.
ორსულობა და ლაქტაცია:
	
ორსულობისა და ლაქტაციის პერიოდიში პრეპარატის გამოყენება შესწავლილი არ არის.
განსაკუთრებული მითითებები:
	
ცეფტაზიდიმისა და მარყუჟოვანი დიურეზული საშუალებების ერთდროული გამოყენება ნებადართული არ არის. საინექციოდ უმჯობესია ახლად მომზადებული ხსნარის გამოყენება. პრეპარატის აქტივობა შენარჩუნებულია 18სთ-ის განმავლობაში ხსნარის მომზადებიდან.
ჭარბი დოზირება:
	
სისხლში ცეფტაზიდიმის კონცენტრაციის შემცირება ხდება ჰემოდიალიზის საშუალებით.
ურთიერთქმედება სხვა მედიკამენტებთან:
	
ამინოგლიკოზიდების ჯგუფის ანტიბიოტიკებთან ცეფტაზიდიმის კომბინაციით აღინიშნება პრეპარატის ადიტიური ეფექტი, ხოლო ზოგიერთ შტამებთან ერთად - სინერგიზმი.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 021590298 sec.