| უნიფიცირებული დასახელება: | ადამიანის პლაზმის კოაგულაციის IX ფაქტორიHuman coagulation Factor IX | ||
| ა.თ.ქ. კლასიფიკაცია: | |||
B02BD04 | B სისხლწარმოქმნა და სისხლი | ||
| 02 ჰემოსტატური პრეპარატები | |||
| B ვიტამინი K და სხვა ჰემოსტატური საშუალებები | |||
| D სისხლის შედედების ფაქტორები | |||
| ანოტაცია: | |||
| ფარმაკოლოგიური თვისება: | პრეპარატი წარმოადგენს კოაგულაციის IX ფაქტორის გაწმენდილ კონცენტრატს, რომელიც უმნიშვნელო რაოდენობით შეიცავს კოაგულაციის სხვა ფაქტორებს. პრეპარატით მკურნალობისას კოაგულაციის IX ფაქტორის კონცენტრაცია იზრდება, რითაც სისხლდენის რისკი მცირდება. | ||
| ჩვენება: | სისხლდენის ეპიზოდების პროფილაქტიკისა და მკურნალობისათვის, რომლებიც გამოწვეულია IX ფაქტორის თანდაყოლილი და შეძენილი დეფიციტით (ჰემოფილია B, IX ფაქტორის ინჰიბიტორთან ერთად, როდესაც IX ფაქტორის შეძენილი დეფიციტი გამოწვეული IX ფაქტორის ინჰიბიტორის სპონტანური განვითარებით). | ||
| დოზირება და მიღების წესი: | პრეპარატი დოზით 1 სე/კგ-ზე ზრდის IX ფაქტორის დონეს 0.8%-ით. სასურველი დოზა გამოითვლება ფორმულით: სხეულის წონა (კგ) Χ სასურველ მაჩვენებელზე (IX ფაქტორის) X 1.2 საჭიროა რეგულარული დაკვირვება IX ფაქტორის დონეზე, რათა განისაზღვროს მისი თერაპიული დოზა. მსუბუქი ჰემართროზების, კუნთებიდან და პირის ღრუდან სისხლდენის დროს IX ფაქტორი უნდა შეადგენდეს ნორმის 2040%-ს. იგი კეთდება 24 საათში ერთხელ სისხლდენის შეჩერებამდე. გამოხატული ჰემართროზის და ჰემატომის დროს IX ფაქტორი უნდა უტოლდებოდეს ნორმის 30-60%, რომელიც კეთდება 24 საათში ერთხელ. მკურნალობა გრძელდება 3-4 დღე. სიცოცხლისთვის საშიში სისხლდენისას IX ფაქტორი უნდა შეადგენდეს ნორმის 60100%. ინფუზია ტარდება ყოველ 8-24 საათში მდგომარეობის გაუმჯობესებამდე. მცირე ოპერაციების დროს IX ფაქტორი დონე ნორმის 30-60% უნდა უტოლდებოდეს, რომელიც შეჰყავთ 24 საათში ერთხელ. დიდი ოპერაციების შემთხვევაში IX ფაქტორის დონე 80-100 % უნდა შეადგენდეს, რომელიც შეჰყავთ ყოველ 8-24 საათში 7 დღის განმავლობაში. ორგანიზმის რეაქცია მკურნალობის მიმართ ინდივიდუალურია. ჰემოფილიის დროს ხანგრძლივი პროფილაქტიკისთვის ინიშნება პრეპარატის 10-25 სე./კგ-ზე 3-4 დღის ინტერვალით. მკურნალობის არაეფექტურობისას საჭიროა IX ფაქტორის ინჰიბიტორის არსებობის დადგენა. თუ ინჰიბიტორის არსებობა ვლინდება, მაშინ დამატებითი დოზით IX ფაქტორის დანიშვნა გაანეიტრალებს ინჰიბიტორს. თუ ინჰიბიტორის დონე მაღალია (>10 ბეტეზდას ერთეული), საჭიროა პროთრომბინის კომპლექსის კონცენტრატის ან გააქტივებული VII ფაქტორის გადასხმა. დანიშვნის წესი: ხსნარი მზადდება მხოლოდ გამოყენების წინ. იგი შეყავთ ინტრავენურად. გამოუყენებელი ხსნარი უნდა გადაიღვაროს. განზავების წესი: გამხსნელი თბება ოთახის ტემპერატურამდე, სპირტით ადეზინფიცირებენ გამხსნელის და კონცენტრატის რეზინის სახურავს, გახვრეტენ გამხსნელის რეზინის ხუფს ორწვერა ნემსით, გადმოაბრუნებენ ფლაკონს და მოათავსებენ კონცენტრატის ფლაკონის ზევით. ნემსის მეორე ბოლოთი გახვრეტენ კონცენტრატის რეზინის ხუფს, რის შედეგადაც გამხსნელი შეიწოვება კონცენტრატის ფლაკონში ვაკუუმის არსებობის გამო. მოხსნიან ნემსს და ოდნავ შეანჯღრევენ გახსნილ ფლაკონს. მეორე “საჰაერო” ნემსით გახვრეტენ რეზინის ხუფს, რის შემდეგაც ნებისმიერი ქაფი ხსნარის ზედაპირზე გაქრება. ამოიღებენ “საჰაერო” ნემსს და მესამე “ფილტრიანი” ნემსით ამოიღებენ საჭირო რაოდენობის ხსნარს ი/ვ ინფუზიისათვის (მაქსიმალური სიჩქარე 2 მლ/წთ). | ||
| გვერდითი მოვლენები: | შესაძლოა მომატებული მგრძნობელობის რეაქციების განვითარება. ალერგიული ანამნეზის და IX ფაქტორის ინჰიბიტორის არსებობის შემთხვევაში შესაძლოა ნეფროზული სინდრომის განვითარება. იშვიათად შესაძლოა IX ფაქტორის მაინჰიბირებელი ანტისხეულების გაჩენა. პრეპარატით მკურნალობა ნაკლებად იწვევს თრომბოემბოლურ გართულებებს, თუმცა მისი მაღალი დოზებით მკურნალობის და თრომბოზების რისკის არსებობის დროს შესაძლოა თრომბოზების განვითარება. | ||
| უკუჩვენება: | პრეპარატი უკუნაჩვენებია მის მიმართ მომატებული მგრძნობელობის შემთხვევაში და დისემინირებული ინტრავასკულური კოაგულაციის დროს. | ||
| ორსულობა და ლაქტაცია: | კლინიკური გამოკვლევებით არ დადასტურდა პრეპარატის უსაფრთხოება ორსულობის დროს. იგი ორსულებში და ლაქტაციის პერიოდში ინიშნება მხოლოდ სასიცოცხლო ჩვენების შემთხვევაში. | ||
| განსაკუთრებული მითითებები: | ინექცია/ინფუზიის დროს მომატებული მგრძნობელობის გამოვლენისას ინფუზია წყდება. მსუბუქი რეაქციის შემთხვევაში გამოიყენება ანტიჰისტამინური პრეპარატები, ხოლო ჰიპოტენზიური რეაქციის დროს ტარდება შოკის საწინააღმდეგო მკურნალობა. თრომბოზების განვითარების რისკის შემთხვევაში IX ფაქტორის დონე ნორმის 60%-ზე მეტს არ უნდა შეადგენდეს. დისემინირებულ ინტრავასკულურ კოაგულაციაზე ეჭვის დროს პრეპარატით მკურნალობა უნდა შეწყდეს. პრეპარატი პლაზმისგან მზადდება, ამიტომ მისმა გადასხმამ შეიძლება გამოიწვიოს ინფექციური დაავადებების გადაცემა. ინფექციის გადატანის რისკის შესამცირებლად საჭიროა პლაზმაში ვირუსების არსებობაზე გამოკვლევის ჩატარება და მათი ინაქტივაცია შესაბამისი პროცედურის ჩატარებით. პროცედურა არაეფექტურია პარვოვირუს 19 შემთხვევაში, რომელიც განსაკუთრებით საშიშია იმუნოდეფიციტის და ორსულობის პირობებში. | ||
| ჭარბი დოზირება: | ჭარბი დოზირების შემთხვევები არ არის ცნობილი. | ||
| ურთიერთქმედება სხვა მედიკამენტებთან: | არ არის ცნობილი. არ არის სასურველი სხვა პრეპარატებთან მისი შერევა ინექციის დროს. |
Page generation time: 0. 020952229 sec.
