| უნიფიცირებული დასახელება: | დაკარბაზინიDacarbazine | ||
| ა.თ.ქ. კლასიფიკაცია: | |||
L01AX04 | L სიმსივნის საწინააღმდეგო პრეპარატები და იმუნომოდულატორები | ||
| 01 სიმსივნის საწინააღმდეგო პრეპარატები | |||
| A მაალკილირებული პრეპარატები | |||
| X მაალკილირებელი სხვა პრპარატები | |||
| ანოტაცია: | |||
| დოზირება და მიღების წესი: | პრეპარატი შეჰყავთ ვენაში 1-2 წუთის განმავლობაში. დაკარბაზინი მონოთერაპიის სახით გამოიყენება 5 დღის განმავლობაში ყოველდღიურად დოზით 200-250 მგ/მ 2. განმეორებითი კურსი შესაძლებელია ჩავატაროთ 3 კვირიანი შესვენების შემდეგ. დაკარბაზინი სხვა ციტოსტატურ საშუალებებთან კომბინაციაში შეყავთ 4-5 დღის განმავლობაში დოზით 100-150 მგ/მ 2. მკურნალობის კურსებს შორის ინტერვალი შეადგენს 4 კვირას. პრეპარატის შეყვანამდე ამ უკანასკნელს ხსნიან საინექციო წყალში 10 მგ/1 მლ კონცენტრაციის მიღწევამდე. | ||
| გვერდითი მოვლენები: | სისხლმბადი სისტემების მხრივ: მიელოპოეზის დათრგუნვა წარმოადგენს დოზის შემზღუდველ გვერდით მოვლენას და ატარებს გამოხატულ ხასიათს. ლეიკოპენია ჩვეულებრივ აღინიშნება მე-14 დღეს, თრომბოციტოპენია კი მკურნალობის დამთავრებიდან მე-18 დღეს და გრძელდება საშუალოდ ერთი კვირის განმავლობაში. არსებობს მონაცემები სისხლმბადი სისტემის ნაადრევი (10-12 დღე) და გვიანი (მკურნალობიდან 30-ე დღეს) დათრგუნვის შესახებ. სისხლის მაჩვენებლების აღდგენა ხდება მეოთხე დღეს. იშვიათად ვითარდება ანემია. კუჭ-ნაწლავის ტრაქტის მხრივ: შედარებით ხშირ გართულებას წარმოადგენს გულისრევა და ღებინება, რომლებიც ჩვეულებრივ ვითარდება მკურნალობის პირველი 2 დღის განმავლობაში და რომლებიც კარგად განიცდიან კუპირებას ღებინების საწინააღმდეგო პრეპარატებით. ზოგიერთ პაციენტში აღნიშნულ პერიოდში აღინიშნება ფაღარათი, ერთეულ შემთხვევაში კი - სტომატიტი. ადგილობრივი რეაქციები: ინექციის ადგილას ვენის ირგვლივ აღინიშნება ტკივილი. კანში პრეპარატის შემთხვევით მოხვედრისას ადგილი აქვს ტკივილის შეგრძნებას და დაზიანებული უბნის ირგვლივ ქსოვილის ნეკროზს. სხვადასხვა: 3-5 % შემთხვევაში აღინიშნება გრიპის მსგავსი სინდრომი (სხეულის ტემპერატურის 390 C-მდე მომატება, გამოხატული მიალგია და სისუსტე), ღვიძლის ფერმენტების დონის შექცევადი მომატება სისხლის შრატში, თავის ტკივილი, პარესთეზიები. ცალკეულ პაციენტებში - კანზე გამონაყარი, ალოპეცია, ფლებიტები, სახის სიწითლე. | ||
| უკუჩვენება: | პრეპარატის გამოყენება წინააღმდეგნაჩვენებია მასში შემავალი კომპონენტების მიმართ მომატებული მგრძნობელობის დროს, აგრეთვე მიელოსუპრესიის შემთხვევაში. დაკარბაზინის მიღება არ არის ნებადართული ორსულობისა და ლაქტაციის პერიოდში. | ||
| განსაკუთრებული მითითებები: | პრეპარატი შეჰყავთ ექიმის მეთვალყურეობის ქვეშ. განსაკუთრებული ყურადღება უნდა მიექცეს სისხლის მაჩვენებლების სისტემატურ შემოწმებას. კომბინირებული თერაპიის დროს დაკარბაზინს უპირველეს ყოვლისა იყენებენ ბლეომიცინთან, ცისპლატინთან, 5-ფტორურაცილთან, ვინკრისტინთან და პრედნიზოლონთან ერთად. | ||
| ჭარბი დოზირება: | ჭარბი დოზირების შემთხვევაში შესაძლებელია ძვლის ტვინის ფუნქციის დათრგუნვა და გასტროინტესტინურ სისტემაზე ტოქსიკური ზემოქმედების გაძლიერება. | ||
| ურთიერთქმედება სხვა მედიკამენტებთან: | პრეპარატებთან, რომლებიც ხელს უწყობენ ღვიძლის მიკროსომული ფერმენტების ინდუქციას (ბარბიტურატები, რიფამპიცინი, ფენიტოინი) ერთდროული მიღების შემთხვევაში მათ შეუძლიათ დაკარბაზინის ტოქსიკური მოქმედების პოტენცირება. დაკარბაზინის-6-მერკაპტოპურინთან, აზათიოპრინთან და ალოპურინოლთან ურთიერთქმედებისას შესწევს უნარი გააძლიეროს მათი მოქმედება და ასევე გაზარდოს მათი ტოქსიკურობა. | ||
| ფარმაკოლოგიური თვისება: | პრეპარატი წარმოადგენს ტრიაზენების ქიმიური ჯგუფის სიმსივნის საწინააღმდეგო საშუალებას, რომელიც თავისი სტრუქტურით და მოქმედებით ნიტროზოშარდოვანას წარმოებულების მსგავსია. მას გააჩნია მაალკილირებელი მოქმედება. პრეპარატი განიცდის აქტივაციას ღვიძლში მეტაბოლიზმის შემდეგ. ვარაუდობენ, რომ დაკარბაზინის მოქმედების მექანიზმი რეალიზდება სამი გზით: მისი მაალკილირებელი მოქმედებით, პურინების სინთეზის ინჰიბირებით და SH ჯგუფებთან ურთიერთქმედებით. | ||
| ფარმაკოკინეტიკა: | პრეპარატის ვენაში შეყვანის შემდეგ მისი კონცენტრაციის პიკი პლაზმაში აღინიშნება სწრაფად. ცილებთან პრეპარატის შეკავშირების ხარისხი ძალიან დაბალია (დაახლოებით 5%). დაკარბაზინი ძალიან მცირე რაოდენობით აღწევს ჰემატოენცეფალურ ბარიერში. არ არსებობს მონაცემები პლაცენტაში და დედის რძეში დაკარბაზინის შეღწევის შესახებ. ორგანიზმიდან დაკარბაზინი გამოიყოფა ორფაზიანი სახით, როდესაც ნახევარგამოყოფის საწყისი პერიოდი შეადგენს 20 წუთს, ხოლო ტერმინალური კი დაახლოებით 5 საათს. ღვიძლის ან თირკმელების ფუნქციის დარღვევის შემთხვევაში აღნიშნული მაჩვენებლები შეადგენს დაახლოებით 55 წუთს და 7 საათს შესაბამისად. პრეპარატი განიცდის დიმეთილირებას ღვიძლის მიკროსომული ფერმენტებით, რის შედეგადაც წარმოიქმნება CO2 (რომელიც გამოიყოფა ამონასუნთქ ჰაერთან ერთად) და ამინოიმიდაზოლკარბოქსამიდი, რომელიც ელიმინირდება შარდით. დაკარბაზინის 40% გამოიყოფა თირკმელებით უცვლელი სახით, ძირითადად ფილტრაციის ხარჯზე. | ||
| ჩვენება: | პრეპარატი გამოიყენება ავთვისებიანი მელანომის, ლიმფოგრანულემატოზის, რბილი ქსოვილების სარკომის სამკურნალოდ. არსებობს მონაცემები, დაკარბაზინის ეფექტური კომბინირების შესახებ სხვა ციტოსტატურ საშუალებებთან, რომლებიც გამოიყენება ოსტეოგენური სარკომის, საშვილოსნოს სარკომის, კაპოშის სარკომის, ნეირობლასტომის, ცნს-ის სიმსივნეების სამკურნალოდ. |
Page generation time: 0. 039372242 sec.
