This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
უნიფიცირებული
დასახელება:
	
პიპერაცილინი + ტაზობაქტამი
Piperacillin + Tazobactam
ა.თ.ქ. კლასიფიკაცია:
	
 
J01CR05	
J მიკრობების საწინააღმდეგო პრეპარატები სისტემური გამოყენებისათვის
	
01 მიკრობების საწინააღმდეგო პრეპარატები სისტემური გამოყენებისათვის
	
C ბეტა-ლაქტამური ანტიბიოტიკები - პენიცილინები
	
R პენიცილინების კომბინაციები (მათ შორის ბეტა-ლაქტამაზების ინჰიბიტორებთან)
ანოტაცია:
	
	
ფარმაკოლოგიური თვისება:
	
პრეპარატი წარმოადგენს კომბინირებულ ანტიბაქტერიულ პრეპარატს, რომელიც შეიცავს ფართო სპექტრის ნახევრადსინთეზურ ანტიბიოტიკს-პიპერაცილინს და უმრავლესი ბეტა-ლაქტამაზების ინჰიბიტორს, პლაზმიდური და ქრომოსომული ფერმენეტების ჩათვლით. პრეპარატი აქტიურია აერობული გრამუარყოფითი ბაქტერიების: Escherichia coli, Citrobavter spp., Klebsiella spp., Enterobacter spp., Proteus spp., (მათ შორის Pseudomonas aeruginosa), Neisseria gonorrhoeae, Haemophilus influenzae; ასევე აერობულ გრამდადებითი ბაქტერიების Streptococcus spp. (Streptococcus pneumoniae, Streptococcus bovis, C და G ჯგუფის სტრეპტოკოკები); Enterococcus spp. (Enterococcus faecalis, Enterococcus faecium), Staphylococcus aureus, Staphylococcus epidermidis და შემდეგი ანაერობული ბაქტერიების Bacteroides spp., (Bacteroides fragilis, Bacteriodes ovatus) Fusobacterium spp-ს მიმართ. პრეპარატი აქტიურია ბეტა-ლაქტამაზას მაპროდუცირებელი მიკროორგანიზმების შტამების მიმართ.
ფარმაკოკინეტიკა:
	
პიპერაცინისა და ტაზობაქტამის ფარმაკოკინეტიკის ყველა მაჩვენებლები იდენტურია. პერორალურად მიღების შემდეგ პიპერაცილინი არ აბსორბირდება. Cmax აღინიშნება პრეპარატის ვენაში ან კუნთებში შეყვანიდან 30 წთ-ის შემდეგ. პლაზმაში ცილებს უკავშირდება პრეპარატის 16%. პიპერაცილინი ადვილად აღწევს ორგანიზმის სითხეებსა და ქსოვილებში, ასევე ძვალსა და წინამდებარე ჯირკვალში. იგი გამოიყოფა დედის რძეში. პრეპარატი ორგანიზმიდან გამოიდევნება უცვლელი სახით ძირითადად თირკმელებით. თირკმელების უმნიშვნელო ან ზომიერი დაზიანების შემთხვევაში TЅ 2-ჯერ იზრდება, ხოლო მძიმე ფორმის დაზიანებისას - 5-6-ჯერ.
ჩვენება:
	
ინფექციურ-ანთებითი დაზიანებისას: - ქვედა სასუნთქი გზების ინფექცები: - ინტრააბდომინალური ინფექციები; - ინფექციები გართულების გარეშე; - ძვლისა და რბილი ქსოვილების გართულებული და გაურთულებელი ინფექციები (მათ შორის ცელულიტი, აბსცესი, ინფიცირებული ტროფიკული წყლულები); - მცირე მენჯის ღრუს ორგანოების ინფექციები (მათ შორის ენდომეტრიტი); - ინფექციები ნეიტროპენიით შეპყრობილ პაციენტებში; - სეპტიცემია; - შერეული სახის ინფექციები, რომლებიც გამოწვეულია აერობული და ანაერობული მიკროორგანიზმებით; მძიმე ფორმის ინფექციურ-ანთებითი დაავადებების მკურნალობა გამომწვევის იდენტიფიკაციამდე.
დოზირება და მიღების წესი:
	
მიღების წესი და დოზირება დგინდება ინდივიდუალურად დაავადების სიმძიმისა და ინფექციის ლოკალიზაციის მიხედვით, ასევე პრეპარატის მიმართ გამომწვევების მგრძნობელობის მიხედვით. პრეპარატი შეჰყავთ მხოლოდ ვენაში წვეთოვანი გზით ან ნაკადის სახით (30 წთის განმავლობაში). მოზრდილებსა და 12 წლამდე ასაკის ბავშვებში საშუალო დღე-ღამური დოზა შეადგენს 12 გ პიპერაცილინსა და 1,5 გ ტაზობაქტამს (მათ შორის 2,25 გ ტაზოცინი ყოველ 6 სთ-ში ან 4,5 გ ტაზოცინი ყოველ 8 სთ-ში ერთხელ). ჰემოდიალიზზე მყოფ პაციენტებში მაქსიმალური დოზა შეადეგსნ 2,25 გ ყოველ 8 სთ-ში. მკურნალობის კურსის ხანგრძლივობა შეადგენს 7-10 დღეს. ხსნარის მომზადების წესი: ვენაში შესაყვანი ხსნარის მოსამზადებლად გამხსნელის სახით იყენებენ ფიზიოლოგიურ ხსნარს, 5% დექსტროზას ხსნარს, სტერილურ სა ინექციო წყალს (1 გ პიპარაცილინი - 5 მლ ხსნარზე).
გვერდითი მოვლენები:
	
საჭმლის მომნელებელი ტრაქტის მხრივ; შესაძლებელია გულისრევა, ღებინება, დიარეა; იშვიათად - ღვიძლის ტრანსამინაზების ტუტე ფოსფატაზას აქტივობის ტრანზიტორული მომატება. ალერგიული რეაქციების მხრივ: შესაძლებელია კანზე გამონაყარი; ქავილი, ურტიკარია, ერითემა.
უკუჩვენება:
	
პენიცილინების და ცეფალოსპორინების მიმართ ალერგიული რეაქციები ანამნეზში.
ორსულობა და ლაქტაცია:
	
პრეპარატი ორსულობის პერიოდში გამოიყენება მკაცრად ჩვენების მიხედვით. სიფრთხილით ინიშნება ლაქტაციის პერიოდში.
განსაკუთრებული მითითებები:
	
კოაგულაციის დარღვევის სიმპტომების გამოვლენისას საჭიროა პრეპარატის მიღების შეწყვეტა. მისი მიღების შემთხვევაში შესაძლებელია კუმბსის სინჯების ცრუდადებითი პასუხი. მოზრდილებსა და 12 წლამდე ასაკის ბავშვებში პრეპარტის ეფექტურობისა და უსაფრთხოების შესახებ კვლევა არ ჩატარებულა.
ჭარბი დოზირება:
	
არ არის ცნობილი.
ურთიერთქმედება სხვა მედიკამენტებთან:
	
არ არის აღწერილი.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 021008448 sec.