| უნიფიცირებული დასახელება: | ტერაზოზინიTerazosin | ||
| ა.თ.ქ. კლასიფიკაცია: | |||
C02CA05 | C გულ-სისხლძარღვთა სისტემა | ||
| 02 ანტიჰიპერტენზიული პრეპარატები | |||
| C პერიფერიული ანტიადრენერგული პრეპარატები | |||
| A ალფა- ადრენობლოკატორები | |||
G04CA03 | G შარდსასქესო სისტემა და სასქესო ჰორმონები | ||
| 04 პრეპარატები უროლოგიური დაავადებების მკურნალობისათვის | |||
| C პრეპარატები წინამდებარე ჯირკვლის კეთილთვისებიანი ჰიპერპლაზიის მკურნალობისათვის | |||
| A ალფა- ადრენობლოკატორები | |||
| ანოტაცია: | |||
| ფარმაკოლოგიური თვისება: | პრეპარატი წარმოადგენს ალფა-1-ადრენორეცეპტორების ბლოკატორს, რომელიც იწვევს არტერიოლებისა და ვენულების გაფართოვებას. იგი ამცირებს სისხლძარღვების საერთო პერიფერიულ წინააღმდეგობას და პრე- და პოსტდატვირთვას გულზე, აგრეთვე არტერიულ წნევას. ტერაზოზინით ხანგრძლივი მკურნალობა ჩვეულებრივ არ იწვევს რეფლექსურ ტაქიკარდიას. პრეპარატი უმნიშვნელოდ მოქმედებს გულის სისტოლურ მოცულობაზე, თირკმელების პერფუზიაზე და გორგლოვანი ფილტრაციის სიჩქარეზე. მისი ერთჯერადი დოზის მიღების შემდეგ ჰიპოტენზიური ეფექტი შენარჩუნებულია 24 სთ-ის განმავლობაში. არსებობს მონაცემები, რომ ტერაზოზინი აქვეითებს სისხლში დაბალი და ძალიან დაბალი სისმკვრივის ლიპოპროტეინების კონცენტრაციას (მექანიზმი უცნობია). ტერაზოზინი აბლოკირებს რა შარდის ბუშტის გლუვი კუნთების, ურეთრისა და წინამდებარე ჯირკვლის პროქსიმალური ნაწილის ალფა-1-ადრენორეცეპტორებს, იგი ამცირებს წინააღმდეგობას შარდის ნაკადის მიმართ და ხელს უწყობს შარდის ნორმალიზაციას, წინამდებარე ჯირკვლის კეთილთვისებიანი ჰიპერპლაზიის დროს. პრეპარატი არ ახდენს ზეგავლენას წინამდებარე ჯირკვლის ზომაზე. | ||
| ფარმაკოკინეტიკა: | პრეპარატი პერორალურად მიღების შემდეგ სწრაფად და თითქმის მთლიანად აბსორბირდება კუჭ-ნაწლავის ტრაქტიდან. ტერაზოზინის აბსორბციაზე არ მოქმედებს საკვების მიღება. ტერაზოზინის ბიოშეღწევადობა შეადგენს 90%-ს. 2 მგ პრეპარატის მიღებისას მისი Cmax აღინიშნება 1 სთ-ის შემდეგ. პლაზმის ცილებს იგი უკავშირდება 90-94%-ით. იგი მეტაბოლიზდება ღვიძლში ჰიდროლიზის, დემეთილირების, დეალკილირების გზით და წარმოქმნის 5 მეტაბოლიტს. მისი T1/2 შეადგენს 12 სთ-ს. დოზის დაახლოებით 10% გამოიყოფა უცვლელი სახით შარდით და 30% არააქტიური მეტაბოლიტების სახით. მიღებული დოზის 5560% გამოიყოფა კუჭ-ნაწლავის ტრაქტის მეშვეობით. | ||
| ჩვენება: | - წინამდებარე ჯირკვლის კეთილთვისებიანი ჰიპერპლაზია; - არტერიული ჰიპერტენზია (მონოთერაპიის სახით ან კომბინირებული თერაპიის შემადგენლობაში); - გულის შეგუბებითი უკმარისობა (კომბინირებული თერაპიის შემადგენლობაში). | ||
| დოზირება და მიღების წესი: | წინამდებარე ჯირკვლის კეთილთვისებიანი ჰიპერპლაზიის დროს პრეპარატი ინიშნება საწყისი დოზით 1 მგ ერთხელ დღეში. შემანარჩუნებელი დოზაა - 5 -10 მგ, ხოლო მაქსიმალური სადღეღამისო დოზა შეადგენს 20 მგ-ს. თირკმელების უკმარისობით შეპყრობილ და ხანდაზმულ პაციენტებში დოზის კორექცია არ არის საჭირო. არტერიული ჰიპერტენზიის სამკურნალოდ პრეპარატის საწყისი სადღეღამისო დოზა შეადგენს 1 მგ-ს (ღამით). “პირველი დოზის ეფექტის” თავიდან აცილების მიზნით საწყისი დოზა არ უნდა აჭარბებდეს 1 მგ-ს. სადღეღამისო დოზის გაზრდა ხდება თანდათანობით. რეკომენდებულია დოზის გაორმაგება 1 კვირიანი ინტერვალით შემანარჩუნებელი დოზის მიღწევამდე. შემანარჩუნებელი დოზა შეადგენს 1-5 მგ-ს ერთხელ დღეში. აბები საჭიროა მივიღოთ მთლიანად, დაუღეჭავად საკვების მიღებისაგან დამოუკიდებლად. | ||
| გვერდითი მოვლენები: | გულ-სისხლძარღვთა სისტემის მხრივ: მკურნალობის დასაწყისში შესაძლებელია “პირველი დოზის ეფექტის” განვითარება. ზემოთაღნიშნული მდგომარეობა ვლინდება არტერიული წნევის დაქვეითებით, ორთოსტატული ჰიპოტენზიით გონების დაკარგვამდე, რომელიც აღინიშნება პაციენტების 1%-ში (უშუალოდ დოზის სწრაფად მომატებისას, აგრეთვე ტერაზოზინისა და დიურეზული. ან სხვა ანტიჰიპერტენზიული პრეპარატების კომბინირებისას), რომელსაც ჩვეულებრივ თან ახლავს პოსტურალური ჰიპოტენზია, ტაქიკარდია, გულისცემის შეგრძნება. ცნს-ის მხრივ: თავბრუსხვევა, თავის ტკივილი, ძილიანობა, მხედველობის დაქვეითება. საჭმლის მომნელებელი ტრაქტის მხრივ: გულისრევა; სხვადასხვა: ასთენია, ცხვირით სუნთქვის გაძნელება, პერიფერიული შეშუპება, სხეულის წონის მომატება, იმპოტენცია, ჰემოდილუციის მოვლენები. | ||
| უკუჩვენება: | ტერაზოზინის ან სხვა ალფა-ადრენოლიზური საშუალებების მიმართ მომატებული მგრძნობელობა. | ||
| ორსულობა და ლაქტაცია: | ორსულობისა და ლაქტაციის პერიოდში პრეპარატი ინიშნება მხოლოდ იმ შემთხვევაში, როდესაც დედისათვის მოსალოდნელი სარგებელი მკვეთრად სჭარბობს ნაყოფსა და ახალშობილზე მოსალოდნელ პოტენციურ რისკს. ლაქტაციის პერიოდში ძუძუთი კვება უნდა შეწყდეს. განსაკუთრებული მითითებანი: ტერაზოზინი სიფრთხილით ენიშნებათ იმ პაციენტებს, რომლებსაც ანამნეზში აღენიშნებათ ორთოსტატული ჰიპოტენზიის განვითარების მიმართ მიდრეკილება. პრეპარატი ასევე სიფრთხილით ინიშნება გულის იშემიური და სხვა სახის დაავადებების, თავის ტვინში სისხლმიმოქცევის დარღვევის, III და IV ხარისხის ჰიპერტენზიული რეტინოპათიის, ინსულინდამოკიდებული შაქრიანი დიაბეტის და თირკმელების გამოხატული უკმარისობის დროს. ტერაზოზინით წინამდებარე ჯირკვლის კეთილთვისებიანი ჰიპერპლაზიის მკურნალობის პერიოდში უნდა გამოირიცხოს ავთვისებიანი წარმონაქმნის არსებობა. წინამდებარე ჯირკვლის ჰიპერპლაზიით დაავადებულ პაციენტებში პრეპარატის დანიშვნისას, აგრეთვე მკურნალობის პროცესში დოზის შეცვლისას საჭიროა არტერიული წნევის შემოწმება. მხედველობაში უნდა მივიღოთ ის ფაქტი, რომ ორთოსტატული ჰიპოტენზიის განვი-თარების რისკი იზრდება ორგანიზმში სითხის მოცულობის შემცირებისას და მარილების შეზღუდული რაოდენობით მიწოდებისას, აგრეთვე პრეპარატის მიღების განახლებისას რამდენიმე დღის შესვენების შემდეგ. ორთოსტატული ჰიპოტენზიის განვითარების თავიდან აცილების მიზნით მკურნალობა საჭიროა დავიწყოთ 1 მგ დოზით. პოსტურალური ჰიპოტენზიის და გონების დაკარგვის შედარებით მაღალი ალბათობა არსებობს პრეპარატის მიღებიდან 30-90 წთ-ის განმავლობაში. პაციენტი უნდა იყოს ინფორმირებული იმის შესახებ, რომ თავბრუსხვევა, მოძრაობის კოორდინაციის დარღვევისას საჭიროა იმყოფებოდეს წოლით მდგომარებაში. გონების დაკარგვის ალბათობა იზრდება ფეხზე ხანგრძლივად დგომის, მომატებული ფიზიკური დატვირთვის, ალკოჰოლის გამოყენებისას და ცხელ ამინდში. პრეპარატის გამოყენებისას კომბინირებული თერაპიის სახით მისი საწყისი სადღეღამისო დოზა არ უნდა აჭარბებდეს 1 მგ-ს. დიურეზული და/ან ანტიჰიპერტენზიული საშუალებების დამატებითი გამოყენებისას (გამოიყენება მცირე დოზებით) რეკომენდებულია ტერაზოზინის დოზის შემცირება. | ||
| განსაკუთრებული მითითებები: | სატრანსპორტო საშუალებების მართვის უნარზე ზემოქმედება: მკურნალობის დასაწყიაში და დოზის მომატების შემთხვევაში პაციენტებმა თავი უნდა აარიდონ იმ სამუშაოების შესრულებას, რომლებიც მოითხოვენ ყურადღების მაქსიმალურ კონცენტრაციას (მათ შორის სატრანსპორტო საშუალებების მართვა). | ||
| ჭარბი დოზირება: | პრეპარატის ჭარბი დოზირებისას აღინიშნება არტერიული ჰიპოტენზია, მოძრაობის კოორდინაციის დარღვევა, გონების დაკარგვა. ჭარბი დოზირების შემთხვევაში პაციენტს უნდა მივაღებინოთ ჰორიზონტული მდგომარეობა და ქვედა კიდურები უნდა მოვა-თავსოდ ოდნავ ზემოთ. აღნიშნულ პერიოდში ატარებენ სიმპტომატურ მკურნალობას. სპეციფიკური ანტიდოტი არ არსებობს. ამ დროს ჰემოდიალიზი არ არის ეფექტური, ვინაიდან ტერაზოზინი მაღალი ხარისხით უკავშირდება სისხლის პლაზმის ცილებს. შოკის განვითარებისას აუცილებელია ცირკულაციაში მყოფი სისხლის მოცულობის გაზრდა და შემდეგში ვაზოპრესორული პრეპარატების შეყვანა. | ||
| ურთიერთქმედება სხვა მედიკამენტებთან: | ტერაზოზინისა და სხვა ანტიჰიპერტენზიული პრეპარატების ერთდროული გამოყენებისას შესაძლებელია ანტიჰიპერტენზიული მოქმედების გაძლიერება. |
Page generation time: 0. 021588207 sec.
