This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
უნიფიცირებული
დასახელება:
	
ნიტროგლიცერინი
Nitroglycerin
ა.თ.ქ. კლასიფიკაცია:
	
 
C01DA02	
C გულ-სისხლძარღვთა სისტემა
	
01 პრეპერატები გულის დაავადებების მკურნალობისათვის
	
D პერიფერიული ვაზოდილატატორები გულის დაავადებების მკურნალობისათვის
	
A ორგანული ნიტრატები
ანოტაცია:
	
	
ფარმაკოლოგიური თვისება:
	
ნიტროგლიცერინი ხასიათდება ანტიანგინალური მოქმედებით. იგი სისხლძარღვების კედლების გლუვ კუნთოვან ქსოვილზე მოქმედებით იწვევს პერიფერიული ვენების, არტერიების და კორონალური სისხლძარღვების გაფართოვებას, რითაც ამცირებს გულის პრე და პოსტ დატვირთვას, მის მიერ ჟანგბადზე მოთხოვნილებას, აძლიერებს კორონალურ სისხლისმიმოქცევას მიოკარდის იშემიურ ზონაში, ხელს უწყობს გულის მუშაობას და ტოლერანტობის გაუმჯობესებას ფიზიკური დატვირთვის მიმართ. სუბლინგვალურად გამოყენების დროს ადგილი აქვს აქტიური ნივთიერების დიფუზიას, მის სწრაფ აბსორბციას პირის ღრუს ლორწოვანი გარსიდან. პრეპარატის მოქმედება იწყება 1წთ-ის განმავლობაში.
ფარმაკოკინეტიკა:
	
მისი ბიოშეღწევადობა შეადგენს 100%-ს. პრეპარატი სწრაფად (1-2 წთ-ის განმავლობაში) აღწევს სისხლში, სადაც მაქსიმალური კომცენტრაცია აღინიშნება მისი მიღებიდან 5 წთ-ის შემდეგ. 30წთ-ის შემდეგ კონცენტრაცია სწრაფად მცირდება. ახასიათებს განაწილების დიდი მოცულობა, მეტაბოლიზდება ღვიძლში ორი აქტიური მეტაბოლიტის-1.2-და 1.3-დინიტროგლიცეროლის წარმოქმნით, ელიმინირდება შარდთან ერთად გლუკურონიდების სახით.
ჩვენება:
	
- სტენოკარდიული შეტევების კუპირება; - მარცხენა პარკუჭის მწვავე უკმარისობა, მიოკარდიუმის ინფარქტის ჩათვლით (კომბინირებული თერაპიის შემადგენლობაში); - ბადურას ცენტრალური არტერიის ოკლუზია.
დოზირება და მიღების წესი:
	
ინდივიდუალურია, იგი დამოკიდებულია ავადმყოფის მგრძნობელობაზე ნიტროგლიცერინის მიმართ და დაავადების მიმდინარეობის სიმძიმეზე. სტენოკარდიის შეტევის კუპირებისათვის სუბლინგვალურად ენიშნებათ პრეპარატის 1-2 დოზა. აუცილებლობის შემთხვევაში დასაშვებია პრეპარატის ხელმეორედ მიღება, მაგრამ არა უმეტეს 3 დოზისა 15 წთის განმავლობაში, სასურველია მჯდომარე მდგომარეობაში. ფიზიკური დატვირთვის დროს, სტენოკარდიული შეტევის თავიდან აცილების მიზნით გამოიყენება 1 დოზა დატვირთვამდე 5-10 წთ-ით ადრე. მარცხენა პარკუჭის მწვავე უკმარისობისას ფილტვების შეშუპების განვითარებით დასაშვებია 4 და მე-ტი დოზის მიღება ხანმოკლე პერიოდში ექიმის კონტროლის ქვეშ.
გვერდითი მოვლენები:
	
ც.ნ.ს-ის მხრივ: თავის ტკივილი, თავბრუსხვევა, თავში პულსაციის შეგრძნება, საერთო სისუსტე. გულსისხლძარღვთა სისტემის მხრივ: არტერიული ჰიპოტენზია, ტაქიკარდია, სახის კანის ჰიპერემია. საჭმლის მომნელებელი სისტემის მხრივ: პირის ღრუში მსუბუქი წვის შეგრძნება, იშვიათად - გულისრევა, ღებინება. სისხლის სურათის მხრივ: იშვიათად - მეტჰემოგლობინემია, ციანოზი. პრეპარატის ხანგრძლივად გამოყენებისას მაღალ დოზებში, ადგილი აქვს “მოხსნის სინდრომის” განვითარებას.
უკუჩვენება:
	
- მომატებული მგრძნობელობა ნიტროგლიცერინის და სხვა ორგანული ნიტრატების მიმართ; - მკვეთრად გამოხატული არტერიული ჰიპოტენზია, შოკი, კოლაფსი, თვალის მახვილკუთხოვანი გლაუკომა, ქალასშიდა წნევის მომატებით გამოწვეული პათოლოგიური მდგომარეობა (აპოპლექსია, თავის ტვინის დაზიანება). მკვეთრად გამოხატული ანემია.
განსაკუთრებული მითითებები:
	
იგი სიფრთხილით ინიშნება ავადმყოფებში ღიაკუთხოვანი გლაუკომის და შაკიკის დროს. პრეპარატი აძლიერებს ორგანიზმიდან შარდთან ერთად კატექოლამინების გამოყოფის პროცესს. ნიტროგლიცერინის მიმართ ავადმყოფების ინდივიდუალური მგრძნობელობა სხვადასხვაა, რაც აუცილებლად გათვალისწინებული უნდა იქნეს პრეპარატის დოზის განსაზღვრისას. ორსულობის დროს მისი მიღება რეკომენდებულია მხოლოდ იმ შემთხვევაში, როდესაც დედისთვის შესაძლებელი სარგებლიანობა აღემატება ნაყოფზე მოქმედების პოტენციურ რისკს. მკურნალობის პროცესში საჭიროა ალკოჰოლური სასმელებისაგან თავის შეკავება. ნიტროგლიცერინი განსაკუთრებით მკურნალობის დასაწყისში, უარყოფითად მოქმედებს პაციენტის რეაქციის სიჩქარეზე, რაც მხედველობაში უნდა იქნეს მიღებული ავტოტრანსპორტის მძღოლებში და იმ პირებში, რომელთა მუშაობა მოითხოვს განსაკუთრებულ ყურადღებას.
ურთიერთქმედება სხვა მედიკამენტებთან:
	
ნიტროგლიცერინი გაძლიერებულ ჰიპოტენზიურ მოქმედებას ადგილი აქვს პრეპარატის კომბინაციით მაო-ს ინჰიბიტორებთან, ბეტა-ადრენობლოკატორებთან, დიურეზულებთან, აგრეთვე ტრიციკლურ ანტიდეპრესანტებთან. ნიტროგლიცერინის და ბეტა-ადრენობლოკატორების, ვერაპამილის, დილთიაზემის, ნიფედიპინის ერთდროული დანიშვნით, ძლიერდება პრეპარატის ანტიანგინალური ეფექტი. ქინიდინის გამოყენების ფონზე მისმა მიღებამ შეიძლება გამოიწვიოს ორთოსტატული კოლაფსი.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 021628689 sec.