This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
უნიფიცირებული
დასახელება:
	
ნალოქსონი
Naloxone
ა.თ.ქ. კლასიფიკაცია:
	
 
V03AB15	
V სხვა პრეპარატები
	
03 სხვადასხვა პრეპარატები
	
A სხვადასხვა პრეპარატები
	
B ანტიდოტები
ანოტაცია:
	
	
დოზირება და მიღების წესი:
	
პრეპარატი გამოიყენება კუნთებში, კანქვეშ, საჭიროების შემთხვევაში კი ინტრავენურად. ნარკოტიკული ნივთიერებების ჭარბი დოზირების შემთხვევაში ნალოქსონი გამოიყენება დაყოფილი დოზების სახით, ავადმყოფის მდგომარეობის, გამოყენებული დოზის, ოპიოიდის სახის და ექიმის გამოცდილების მიხედვით. მოზარდებში: პრეპარატის საწყისი დოზა შეადგენს ჩვეულებრივ 0.4 მგ (ერთი ამპულა) კუნთებში, კანქვეშ ან ინტრავენურად. საჭიროების შემთხვევაში შესაძლებელია ინექციის გამეორება ყოველ 2-3 წუთში, ნარკოტიკული სიმპტომების გაქრობამდე. ბავშვებში: პრეპარატის საწყისი დოზა შეადგენს 0.005-0.01 მგ/კგ/წონაზე. როგორც მოზარდებში ასევე ბავშვებში, შესაძლებელია დოზის განმეორება. პოსტოპერაციული მდგომარეობა: ჩვეულებრივ მოზარდებში საწყისი დოზა შეადგენს 0.1-0.2 მგ ინტრავენურად, ბავშვებში - 0.001-0.002 მგ/კგ/წონაზე ინტრავენურად. დოზა შეიძლება განმეორდეს ყოველ 2-3 წუთში, სანამ პაციენტი არ გაიღვიძებს და არ აღდგება სუნთქვა, ტკივილის გარეშე. შემდგომში 1-2 საათის განმავლობაში ნალოქსონის შეყვანა კუნთებში. ახალშობილებში: პრეპარატის შეყვანამდე დარწმუნებული უნდა ვიყოთ, რომ სუნთქვის დათრგუნვის შემთხვევაში სასუნთქი გზები გამავალია. ახალშობილებში სუნთქვის დათრგუნვის მოსახსნელად, რომელიც გამოწვეულია ნარკოტიკების შეყვანით მშობიარობის დროს, ნალოქსონი გამოიყენება კუნთებში, ინტრავენურად ან კანქვეშ 0.01 მგ/კგ/წონაზე. როგორც მოზარდებში ასევე ბავშვებში, შესაძლებელია დოზის განმეორება.
გვერდითი მოვლენები:
	
ზოგიერთ შემთხვევაში აღინიშნება ფსიქომოტორული აგზნება (კანკალი, ტაქიკარდია, გაძლიერებული ოფლიანობა), აგრეთვე გულისრევა და პირღებინება. შესაძლებელია ალერგიული რეაქციების განვითარება. პრეპარატის სწრაფად შეყვანისას ვითარდება არტერიული ჰიპოტენზია, ან ჰიპერტენზია, შესაძლებელია პარკუჭოვანი ტაქიკარდიის ან პარკუჭთა ციმციმის და განვითარება, ფილტვების შეშუპება.
უკუჩვენება:
	
პრეპარატი უკუნაჩვენებია მის მიმართ მომატებული მგრძნობელობის დროს. ქრონიკული ნარკომანიით დაავადებულებში პრეპარტმა შეიძლება გამოიწვიოს მწვავე აბსტინენციის სინდრომის განვითარება. ტკივილის დროს არ არის რეკომენდებული ნალოქსონის გამოყენება ნარკოტიკულ ნივ-თიერებებთან კომბინაციაში.
განსაკუთრებული მითითებები:
	
ნალოქსონი შეიძლება გამოვიყენოთ დიფერენციული დიაგნოსტიკისთვის ნარკოტიკული ანალგეტიკებით მოწამვლისას. მას სიფრთხილით იყენებენ ორსულობის დროს. შესაძლებელია მისი გამოყენება ოპიოიდური რეცეპტორების ნაწილობრივი აგონისტებით-პენტაზოცინით და ნალბუფინით ჭარბი დოზირების დროს.
ფარმაკოლოგიური თვისება:
	
ნალოქსონი წარმოადგენს ნარკოტიკული ანალგეზიური საშუალებების ანტაგონისტს. ნალორფინთან შედარებით გააჩნია უფრო ძლიერი ანტაგონისტური მოქმედება ნარკოტიკული საშუალებების მიმართ. იგი აბლოკირებს ოპიოიდურ რეცეპტორებს და ხელს უშლის ნარკოტიკული ანალგეტიკების (ენდოგენური ენკეფალინების ჩათვლით) ცენტრალური და პერიფერიული მოქმედების გამოვლენას, მაგ. სუნთქვის დათრგუნვას, არტერიულ ჰიპოტენზიას, გუგების შევიწროებას და ა.შ. ნალოქსონს იყენებენ პარენტერულად. იგი გაივლის ჰემატოენცეფალურ და პლაცენტურ ბარიერებს. მისი ნახევრადდაშლის პერიოდი შეადგენს 90 წუთს.
ჩვენება:
	
პრეპარატი ნაჩვენებია: - ნარკოტიკული საშუალებებით, ბარბიტურატებით, ბენზოდიაზეპინებით, აგრეთვე ალკოჰოლით მწვავე მოწამვლის დროს; - ანესთეზიოლოგიაში - ზოგადი ნარკოზიდან და ნეიროლეპტანალგეზიიდან უფრო სწრაფად გამოსასვლელად; - ახალშობილებში სუნთქვის ცენტრის დათრგუნვის მოსახსნელად, რომელიც გამოწვეულია ნარკოტიკების შეყვანით მშობიარობის დროს; მართვითი სუნთქვის დამთავრების წინ. - შოკის დროს კომბინირებული თერაპიის შემადგენლობაში. - სუნთქვის ცენტრის დათრგუნვის მიზეზების დიაგნოსტირებისათვის.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 021793712 sec.