This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
უნიფიცირებული
დასახელება:
	
ლორატადინი
Loratadine
ა.თ.ქ. კლასიფიკაცია:
	
 
R06AX13	
R სასუნთქი სისტემა
	
06 ანტიჰისტამინური პრეპარატები სისტემური გამოყენებისათვის
	
A ანტიჰისტამინური პრეპარატები სისტემური გამოყენებისათვის
	
X სხვა ანტიჰისტამინური პრეპარატები სისტემური გამოყენებისათვის
ანოტაცია:
	
	
დოზირება და მიღების წესი:
	
პრეპარატს როგორც წესი პაციენტები კარგად იტანენ. მკურნალობის დროს აღინიშნება: თავის ტკივილი, ძილიანობა, დაღლილობა, პირის სიმშრალე, ღებინება, მომატებული მადა, უსიამოვნო შეგრძნება კუჭის არეში, ნაწლავების ფუნქციის დარღვევა. ბავშვებში იწვევს მოუსვენრობას, ასთმური ტიპის სუნთქვას, დაღლილობას, ჰიპერკინეზს, მუცლის ტკივილს, კონიუნქტივიტს, დისფონიას და ადინამიას.
ფარმაკოლოგიური თვისება:
	
იგი წარმოადგენს ხანგრძლივად და შერჩევითად მოქმედ პერიფერიული ჰისტამანური H1-რეცეპტორების სელექტიურ ბლოკა ტორს. მისი კლინიკური თავისებურება გამოიხატება სედაციური და ქოლინომაბლოკირებელი თვისებების უქონლობაში. ცუდად გაივლის ჰემატოენცეფალურ ბარიერს და ახასიათებს სუსტი აფინიტეტი თავის ტვინის ჰისტამინური რეცეპტორების მიმართ. პრეპარატი გამოირჩევა უსაფრთხოებით. მისი ხანგრძლივი დანიშვნა არ იწვევს ფიზიოლოგიური ფუნქციების, ლაბორატორიული მაჩვენებლების, ფსიქიური სტატუსის და ელექტროენცეფალოგრამის მხრივ ცვლილებებს. პრეპარატის ხანგრძლივი შეყვანის დროს უშუალო ტოქსიკური ზემოქმედების ან მასთან დაკავშირებული სპეციფიკური ეფექტების შესწავლისას ცვლილებები არ იქნა გამოვლენილი.
ფარმაკოკინეტიკა:
	
პერორალური გამოყენებისას სწრაფად შეიწოვება კუჭ-ნაწლავის ტრაქტიდან. პრეპარატის მოქმედება იწყება მიღებიდან 1-3 სთ-ში, ხოლო ეფექტის მაქსიმუმი აღინიშნება 8-12 საათის შემდეგ. მოქმედების ხანგრძლივობა ერთჯერადი გამოყენებისას შეადგენს 24-48 საათს. მისი მიღებისას ჭამის შემდეგ ფართობი მრუდის ქვეშ “კონცენტრაცია-დრო” და მისი აქტიური მეტაბოლიტისათვის იზრდება, ასევე პროლონგირებას განიცდის Tmax ორივე სუბსტანციისათვის. ერთჯერადი გამოყენებისას იგი აღწევს წონასწორულ კონცენტრაციას მე-5 დღეს. თუ პრეპარატი შეჰყავთ დოზით 10 მგ-დან 40 მგ-მდე, საწყისი ნივთიერების და მისი აქტიური მეტაბოლიტის ფარმაკოკინეტიკური პარამეტრები არ არის დამოკიდებული დოზაზე. იგი განიცდის სრულ მეტაბოლიზმს ღვიძლში იზოენზიმ CYP 3A4-ს ზემოქმედებით. ამ ფერმენტული სისტემის ინჰიბიტორების ზეგავლენით განიცდის მეტაბოლიზმს იზოენზიმ CYP 2D6-ით. ინტენსიური მეტაბოლიზმის დროს წარმოიქმნება აქტიური მეტაბოლიტი - დესკარბოეტოქსილორატადინი. იგი უფრო აქტიურია, ვიდრე საწყისი ნივთიერება და განიცდის ინაქტივირებას კონიუგაციის გზით. მისი შეკავშირების ხარისხი პლაზმის ცილებთან შეადგენს 97%, ხოლო მისი აქტიური მეტაბოლიტის -73-77%-ს; იგი განსხვავებით ცენტრალური ნერვული სისტემის რეცეპტორებისაგან უფრო ინტენსიურდ უერთდება პერიფერიული ლოკალიზაციის ჰისტამინურ H1-რეცეპტორებს. პრეპარატი და მისი აქტიური მეტაბოლიტი ცუდად აღწევენ ჰემატოენცეფალურ ბარიერში. ჯანმრთელ პაციენტებში მისი ნახევრადგამოყოფის პერიოდი შეადგენს 12-15 საათს. აღნიშნული დრო უფრო ხანგრძლივია ხანდაზმულებში და ავადმყოფებში ღვიძლის ქრონიკული დაავადებებით. პრეპარატის მიღებიდან 24 საათის შემდეგ თირკმელებით გამოიყოფა დოზის 27%. პრეპარატის დანიშვნისას 10 დღის განმავლობაში შეყვანილი რაოდენობის 40%42% განიცდის ელიმინაციას შესაბამისად შარდით და განავალით. ეროლინი და მისი აქტიური მეტაბოლიტი გამოიყოფა დედის რძესთან ერთად.
ჩვენება:
	
მოზრდილებში: - სეზონური ან მუდმივი რინიტი; - ალერგიული კონიუნქტივიტი; - იდიოპათური ქრონიკული ურტიკარია; ბავშვებში 2 წლის ასაკის ზევით: - სეზონური ალერგიული რინიტი და კონიუნქტივიტი; - ალერგიული გამონაყარი კანზე, მაგალითად, იდიოპათური ურტიკარია. დოზირების რეჟიმი მოზრდილებში: საწყისი დოზა მოზრდილებისათვის და მოზარდებში 12 წლის ასაკის ზევით ინიშნება 10 მგ ერთხელ დღეში. ავადმყოფებში ღვიძლის და თირკმელების ფუნქციის უკმარისობით დოზირება წარმოებს ინდივიდუალურად. საწყისი დოზა მცირდება 5 მგ-მდე (1/2 აბი) დღეში, ან ინიშნება 10 მგ დღეში დღეგამოშვებით. ხანდაზმულებში: პრეპარატის უსაფრთხოება და ეფექტურობა ავადმყოფებში 60 წლის ასაკის ზევით არასაკმარისად არის შესწავლილი. სავარაუდოა გვერდითი მოვლენების ხშირი განვითარება. ამიტომ პრეპარატის დანიშვნისას ამ ასაკში საჭიროა სიფრთხილე. ბავშვებში: ბავშვებში 6 წლიდან 12 წლამდე პრეპარატი ინიშნება სხეულის წონის გათვალისწინებით. ბავშვებში 30 კგ-ზე ნაკლები წონით ინიშნება 5 მგ (1/2 აბი) დღეში, ბავშვებში წონით 30 კგ-ზე მეტი - 10 მგ (1 აბი) დღეში.
უკუჩვენება:
	
- მომატებული მგრძნობელობა პრეპარატის და მისი ინგრედიენტების მიმართ; - ორსულებში და ლაქტაციის პერიოდში; - ბავშვებში 2 წლის ასაკის ქვევით.
განსაკუთრებული მითითებები:
	
პრეპარატით მკურნალობის ხანგრძლივობა დგინდება ინდივიდუალურად. მისი მიღება წყდება 4 დღით ადრე Prick-ტესტის ჩატარებამდე, რადგანაც შესაძლებელია ამ სინჯის უარყოფითი შედეგი. მისი პირველი მიღებისას აუცილებელია ყურადღება მიექცეს გვერდითი მოვლენების განვითარებას (მაგალითად, ძილიანობა), რასაც შეუძლია იმოქმედოს მანქანის და მექანიზმების მართვის უნარზე. ავადმყოფებმა თავი უნდა შეიკავონ ამგვარი სამუშაოსგან გვერდითი მოვლენების გაქრობამდე.
ჭარბი დოზირება:
	
40-180 მგ პრეპარატის მიღების შემდეგ აღინიშნება ძილიანობა, ტაქიკარდია, თავის ტკივილი. მკურნალობა: სპეციფიკური ანტიდოტი არ არსებობს. აუცილებელია სწრაფად დაიწყოს სიმპტომატური თერაპია. ავამყოფებში, რომლებსაც შენარჩუნებული აქვთ ცნობიერება, ინიშნება ემეტური საშუალებები. იპეკაკუანას პრეპარატების მიღება ნაჩვენებია სპონტანური ღებინების შემთხვევაშიც. კუჭის გაწმენდის შემდეგ ინიშნება გააქტივებული ნახშირი და სითხე დიდი რაოდენობით. თუ ღებინების გამოწვევა წინააღმდეგნაჩვენებია, აუცილებელია კუჭის ამორეცხვა. გადაუდებელი ღონისძიებების ჩატარების შემდეგ ავადმყოფები საჭიროებენ სამედიცინო დაკვირვებას.
ურთიერთქმედება სხვა მედიკამენტებთან:
	
აუცილებელია სიფრთხილე მისი ერთდროული დანიშვნისას ერითრომიცინთან, ციმეტიდინთან, ან კეტოკონაზოლთან, რაც იწვევს პრეპარატის და მისი მეტაბოლიტის კონცენტრაციის გაზრდას სისხლის პლაზმაში. ციმეტიდინის და კეტოკონაზოლის კონცენტრაცია სისხლის პლაზმაში რჩება უცვლელი, ხოლო ერითრომიცინის შემცველობა მცირდება 15%-ით. მისი ერთდროული დანიშვნისას ღვიძლის ფერმენტების ინჰიბიტორებთან (გუანეტიდინი, ფლუკონაზოლი, ფლუოქსეტინი) საჭიროა სიფრთხილე, ვინაიდან არ მოიპოვება საკმარისი მონაცემები ამ კომბინაციის უსაფრთხოების შესახებ.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 021815834 sec.