| უნიფიცირებული დასახელება: | ატაპულჯიტიAttapulgite | ||
| ა.თ.ქ. კლასიფიკაცია: | |||
A07BC04 | A საჭმლის მომნელებელი ტრაქტი და ნივთიერებათა ცვლა | ||
| 07 ფაღარათის საწინააღმდეგო, ნაწლავის ანთების და მიკრობების საწინააღმდეგო პრეპარატები | |||
| B ნაწლავების ადსორბენტები | |||
| C ნაწლავების სხვა ადსორბენტები | |||
| ანოტაცია: | |||
| ფარმაკოლოგიური თვისება: | დიარეის საწინააღმდეგო საშუალება, ბუნებრივი გასუფთავებული ნარევი პალიგორსკული მინერალების ჯგუფიდან. კნტ-ში ახდენს ტოქსინების, ზოგიერთი ბაქტერიისა და გაზების ადსორბციას. ამცირებს ინტოქსიკაციას და ახდენს ნაწლავების ფლორის ნორმალიზებას. ხსნის ნაწლავების სპაზმს, უზრუნველყოფს ფორმირებული განავლის ჩამოყალიბებას და ამცირებს ნაწლავების დაცლის ჯერადობას. შემკვრელი ეფექტის ხარჯზე ამშვიდებს ნაწლავების გაღიზიანებულ ლორწოვან გარსს. ამცირებს ნაწლავის გლუვი მუსკულატურის სპაზმს. | ||
| ჩვენება: | სიმპტომური მკურნალობა მწვავე დიარეის სხვადასხვა გენეზისა (ინფექციურის, ალერგიულის, წამლისმიერის), ნაწლავური მიკროფლორის წონასწორობის დარღვევა, ნაწლავის ლორწოვანი გარსის გაღიზიანება (კომბინირებული თერაპიის შემადგენლობაში). | ||
| დოზირება და მიღების წესი: | მოზრდილებში დიარეის პირველი სიმპტომების გამოვლენისას - 1.5გ, ხოლო - 1.5გ ყოველი თხელი განავლის შემდეგ. მაქსიმალური სადღეღამისო დოზა შეადგენს 9 გრ. ბავშვებში 6-დან 12 წლამდე - 750მგ დიარეის პირველი სიმპტომების გამომჟღავნებისას და 750 მგ ყოველი მომდევნო დეფეკაციის შემდეგ. მაქსიმალური სადღეღამისო დოზაა - 4.5 გრ. მკურნალობის ხანგრძლივობა -2 დღე. | ||
| გვერდითი მოვლენები: | იშვიათად: შეკრულობა, ალერგიული რეაქცია. | ||
| უკუჩვენება: | ნაწლავების გაუვალობა, ცხელება, ქრონიკული დიარეა, პარაზიტული გენეზის დიზენტერია, ბავშვებში 3 წლამდე, მომატებული მგრძნობელობა ატაპულგინის მიმართ. | ||
| განსაკუთრებული მითითებები: | სიფრთხილითა და ექიმების მუდმივი კონტროლის ქვეშ ინიშნება 3-დან 6 წლამდე ასაკის ბავშვებში. | ||
| ურთიერთქმედება სხვა მედიკამენტებთან: | შესაძლოა კნტ-დან სხვა სამკურნალო პრეპარატების აბსორბციის შემცირება, ატაპულგიტთან მათი ერთდროულად მიღების დროს. |
Page generation time: 0. 021578712 sec.
