This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
უნიფიცირებული
დასახელება:
	
იზოსორბიდ დინიტრატი
Isosorbide dinitrate
ა.თ.ქ. კლასიფიკაცია:
	
 
D03AX08	
D დერმატოლოგია
	
03 ჭრილობებისა და წყლულების სამკურნალო პრეპარატები
	
A ნორმალური შეხორცების ხელშემწყობი პრეპარატები
	
X ნორმალური შეხორცების ხელშემწყობი პრეპარატები
C01DA08	
C გულ-სისხლძარღვთა სისტემა
	
01 პრეპერატები გულის დაავადებების მკურნალობისათვის
	
D პერიფერიული ვაზოდილატატორები გულის დაავადებების მკურნალობისათვის
	
A ორგანული ნიტრატები
ანოტაცია:
	
	
ფარმაკოლოგიური თვისება:
	
იგი მიეკუთვნება ორგანული ნიტრატების ჯგუფს. იზოსორბიდის დინიტრატი წარმოადგენს ერთ-ერთ ძირითად პერორალურ ანტიანგინალურ საშუალებას. ხასიათდება პერიფერიული ვაზოდილატაციური თვისებებით, უპირატესი მოქმედებით ვენურ სისხლძარღვებზე. მისი მოქმედება დაკავშირებულია მიოკარდის მიერ ჟანგბადის მოთხოვნის შემცირებასთან, რაც განპირობებულია: გულზე პრედატვირთვის (პერიფერიული ვენების გაგნიერება და მარჯვენა წინაგულში ნაკლები რაოდენობით სისხლის მიდინება) და პოსტდატვირთვის (სისხლძარღვთა საერთო პერიფერიული წინააღმდეგობის დაქვეითება) შემცირებით და მისი უშუალო კორონაროგამაფართოვებელი მოქმედებით. იგი ხელს უწყობს კორონარული სისხლმიმოქცევის გადანაწილებას დაზიანებულ უბნებში. მისი გამოყენებისას პაცინეტებში იშემიური დაავადებით იზრდება ტოლერანტობა ფიზიკური დატვირთვის მიმართ. გულის უკმარისობის დროს პრეპარატი ხელს უწყობს მიოკარდზე დატვირთვის მოხსნას პრედატვირთვის შემცირების ხარჯზე. იგი ასევე აქვეითებს წნევას სისხლმიმოქცევის მცირე წრეში. სუბლინგვალურად ან აეროზოლის სახით გამოყენებისას ხელს უწყობს სტენოკარდიის შეტევის კუპირებას 2-3 წთ-ში. ეფექტი გრძელდება 1 სთ-ის განმავლობაში. იგი აქვეითებს არტერიულ წნევას, კაპილარების დილატაციით აძლიერებს მიოკარდის სისხლით და ჟანგბადით მომარაგების პროცესებს, ახშირებს გულის მუშაობას, აღრმავებს და აძლიერებს სუნთქვას. შიგნით მიღებისას აბების სახით ნიტროგლიცერინისაგან განსხვავებით ნელა შეიწოვება. პრეპარატის მოქმედება იწყება მიღებიდან 30-50 წთ-ის შემდეგ. მაქსიმალურ ეფექტს აღწევს 1.5-2 სთ-ის შემდეგ და მისი მოქმედების ხანგრძლივობა შეადგენს 4-6 სთ-ს და მეტს.
ჩვენება:
	
შიგნით მისაღებად: სტენოკარდიის შეტევის კუპირებისა და პროფილაქტიკისათვის; აღდგენითი მკურნალობა გადატანილი მიოკარდიუმის ინფარქტის შემდეგ. სტენოკარდიის შეტევის კუპირებისა და პროფილაქტიკისათვის, როგორც გადაუდებელი დახმარების საშუალება მიოკარდიუმის მწვავე ინფარქტის და მარცხენა პარკუჭის მწვავე უკმარისობისას (ჰოსპიტალიზაციამდელ ეტაპზე), კორონაროსპაზმის პროფილაქტიკისათვის და მკურნალობის მიზნით გულის კათეტერის გამოყენებისას. ინტრავენურად: გულის მწვავე ინფარქტი (მათ რიცხვში გართულებული მარცხენა პარკუჭის მწვავე უკმარისობით),ფილტვების შეშუპების შემთხვევაში. პრეპარატი აგრეთვე ენიშნებათ, როგორც ანტიანგინალური საშუალება გულის ქრონიკული იშემიური დაავადების შემთხვევაში, დაძაბვის სტენოკარდიის შეტევების დროს. იყენებენ აგრეთვე, როგორც პერიფერიულ ვაზოდილატატორს გულის ქრონიკული უკმარისობის მძიმე ფორმების დროს (კომბინირებული თერაპიის სახით). პერიფერიული ვენური სისხლძარღვების (ვენულები) ტონუსის დაქვეითების გამო პრეპარატი ამცირებს ვენური სისხლის დინებას გულისაკენ, წნევას სისხლის მიმოქცევის მცირე წრეში, ქოშინს, მოხრჩობის შეგრძნებას, ციანოზს, რის გამოც მას იყენებენ აგრეთვე ფილტვისმიერი ჰიპერტენზიის, ფილტვისმიერი გულის (კომბინირებული თერაპიის შემადგენლობაში) სამკურნალოდ. იშვიათად ენიშნებათ ანგიოსპაზმებით მიმდინარე დაავადებების და ენდარტერიტების დროს.
დოზირება და მიღების წესი:
	
მოზრდილებს შიგნით მისაღებად ენიშნებათ 0.005-0.01 გ (5-10 მგ) 3-4-ჯერ დღეში ჭამამდე 30 წთ-ით ადრე. ზოგ შემთხვევებში, ჩვენებების მიხედვით, შესაძლებელია ერთჯერადი დოზის გაზრდა 20-30 მგ-მდე. გულის მწვავე უკმარისობის დროს ენიშნებათ 2 აბი (20 მგ) ყოველ 4-5 სთ-ში. აბების სახით სუბლინგვალურად მი-ღებული პრეპარატი, ნიტროგლიცერინის მსგავსად, მაგრამ შედარებით უფრო სუსტად ახდენს სტენოკარდიული შეტევის კუპირებას. სტენოკარდიული შეტევის პროფილაქტიკისათვის საწყისი დოზა შეადგენს 10 მგ 4-5-ჯერ დღეში. არასაკმარისი ეფექტის შემთხვევაში მე-3-5 დღიდან დოზას ზრდიან 60-120 მგ-მდე დღეში.
გვერდითი მოვლენები:
	
თავის ტკივილი, თავბრუსხვევა, ღებინება, რომლებიც პრეპარატის დოზის შემცირებით მალევე გაივლის. აგრეთვე სახის ჰიპერემია, ტაქიკარდია, სიმხურვალის შეგრძნება, არტერიული წნევის დაქვეითება იშვიათად კოლაფსით. ხანგრძლივად მიღების დროს ვითარდება ტოლერანტობა, რომლის თავიდან აცილების მიზნით, რეკომენდებულია პრეპარატით 3-6 კვირიანი მკურნალობის შემდეგ შესვენების გაკეთება 3-5 დღით და მისი შეცვლა სხვა ანტიანგინალური პრეპარატით.
უკუჩვენება:
	
ჰემორაგიული ინსულტი, ქალასშიდა წნევის მომატება, ქალა-ტვინის ტრავმა, კოლაფსი, შოკი, მიოკარდიუმის ინფარქტის მწვავე პერიოდი გამოხატული ჰიპოტენზიით (სისტოლური წნევა 100 მმ ვწყ. სვ. ნაკლები, ხოლო დიატოლური ნაკლები 60 მმ ვწყ. სვ-ზე), დახურულკუთხოვანი გლაუკომა (ღია კუთხოვანი გლაუკომის დროს პრეპარატის გამოყენება წინააღმდეგნაჩვენები არ არის).
ურთიერთქმედება სხვა მედიკამენტებთან:
	
კალციუმის ანტაგონისტები, ვაზოდილატატორები, ტრიციკლური ანტიდეპრესანტები, ალკოჰოლი აძლიერებენ იზოსორბიდ დინიტრატის ჰიპოტენზიურ ეფექტს.
განსაკუთრებული მითითებები:
	
სიფრთხილით იყენებენ პაციენტებში თავის ტვინის სისხლმიმოქცევის დარღვევისას, ჰიპოტენზიისადმი მიდრეკილების, ინტრაკრანიული ჰიპერტენზიის, ხანდაზმულებში, ორსულობისა და ლაქტაციის პერიოდში. პრეპარატის ხანგრძლივად გამოყენებისას არ არის რეკომენდებული ავტომობილის მართვა და დანადგარებთან მუშაობა, განსაკუთრებით ალკოჰოლის მიღების ფონზე.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 021646634 sec.