| უნიფიცირებული დასახელება: | მიტომიცინიMitomycin | ||
| ა.თ.ქ. კლასიფიკაცია: | |||
L01DC03 | L სიმსივნის საწინააღმდეგო პრეპარატები და იმუნომოდულატორები | ||
| 01 სიმსივნის საწინააღმდეგო პრეპარატები | |||
| D სიმსივნის საწინააღმდეგო ანტიბიოტიკები | |||
| C სიმსივნის საწინააღმდეგო სხვა ანტიბიოტიკები | |||
| ანოტაცია: | |||
| ფარმაკოკინეტიკა: | პრეპარატი არ გაივლის ჰემატოენცეფალურ ბარიერს. იგი ბიოტრანსფორმირდება ძირითადად ღვიძლში. მისი ნახევარგამოყოფის პერიოდი შეადგენს-50 წუთს. პრეპარატი გამოიყოფა ძირითადათ თირკმლებით უცვლელი სახით. | ||
| ფარმაკოლოგიური თვისება: | სიმსივნის საწინააღმდეგო ანტიბიოტიკი. მოქმედების მექანიზმი განპირობებულია სიმსივნურ უჯრედებში დნმ-ის სინთეზის სელექტიური დათრგუნვით, რაც დაკავშირებულია ამ უკანასკნელის ალკილირების პროცესთან. იგი აქტივირდება ქიმიური ან ფერმენტული აღდგენითი პროცესის შედეგად, რომლის დროსაც მიტომიცინი ქმნის კოვალენტურ კავშირებს სხვადასხვა მოლეკულების ნუკლეოფილურ ჯგუფებთან რნმ-ისა და ცილების ჩათვლით. | ||
| ჩვენება: | მიტომიცინი გამოიყენება შემდეგი დაავადებების დროს: - კარცინომა: საყლაპავის კიბო, კუჭის კარცინომა, კარცინომატოზული პერიტონიტის დროს, სარძევე ჯირკვლის კიბო, ღვიძლის კიბო, ნაღვლის ბუშტის კიბო, ფილტვის კიბო, პანკრეასის კიბო, და კანის კიბო, საშვილოსნოს ყელის კიბო, მეზოთელიომა. | ||
| დოზირება და მიღების წესი: | დოზირება ინდივიდუალურია. პრეპარატი შეჰყავთ მხოლოდ ინტრავენურად. მისი საშუალო დოზა შეადგენს 1,2 მგ/მ 2 6-8 კვირაში ერთხელ. დოზირების კორექცია დამოკიდებულია პერიფერიული სისხლის მდგომარეობაზე (ლეიკოციტების და თრომბოციტების რაოდენობაზე). მაღალ დოზებს არ გააჩნიათ უფრო გამოხატული ეფექტი, და უფრო ტოქსიკურია, ვიდრე დაბალი დოზები. | ||
| გვერდითი მოვლენები: | თრომბოციტოპენია, ლეიკოპენია, ანემია, ცელულიტი, სტომატიტი, ანორექსია, გულისრევა, პირღებინება, მშრალი ხველა, ინფილტრატი ფილტვებში, კრეატინინის კონცენტრაციის მომატება სისხლის შრატში, ჰემოლიზური სინდრომი, თირკმლების ფუნქციის დარღვევა, ალოპეცია, გამონაყარი კანზე, სიცხის მომატება, მიკროანგიოპათიური ჰემოლიზური ანემია. | ||
| უკუჩვენება: | თრომბოციტოპენია, კოაგულოპათია, სისხლდენა, თირკმლების ფუნქციის გამოხატული დარღვევა, ორსულობა, მომატებული მგრძნობელობა პრეპარატისადმი. | ||
| ორსულობა და ლაქტაცია: | პრეპარატი არ გამოიყენება ორსულობის დროს, პრეპარატის მიღებისას უნდა შეწყდეს ძუძუთი კვება. | ||
| ურთიერთქმედება სხვა მედიკამენტებთან: | მიტომიცინის და იმ პრეპარატების კომბინირებამ, რომლებსაც გააჩნიათ მიელოტოქსიკური და ნეფროტოქსიკური მოქმედება, შეიძლება გამოიწვიოს მათი ტოქსიკურობის გაზრდა. | ||
| განსაკუთრებული მითითებები: | მიტომიცინის გამოყენება არ არის რეკომენდებული მონოთერაპიის სახით. მას უფრო ხშირად იყენებენ სხვა ქიმიოთერაპიულ საშუალებებთან კომბინაციაში. მკურნალობის დროს და მისი დამთავრებიდან 8 კვირის განმავლობაში საჭიროა პერიფერიული სისხლის კონტროლი. თრომბოციტების კონცენტრაციის დაქვეითება 100 000 მმ 3 , ხოლო ლეიკოციტების 4000 მმ 3 ქვევით საჭიროებს პრეპარატის მიღების შეწყვეტას. მკურნალობის განახლება შესაძლებელია მხოლოდ სისხლის მაჩვენებლების ნორმალიზაციის შემთხვევაში. პრეპარატი არ ინიშნება თუ კრეატინინის კონცენტრაცია სისხლის შრატში აჭარბებს 1,7 მგ %-ს. |
Page generation time: 0. 021197805 sec.
