| უნიფიცირებული დასახელება: | დიპირიდამოლიDipyridamole | ||
| ა.თ.ქ. კლასიფიკაცია: | |||
B01AC07 | B სისხლწარმოქმნა და სისხლი | ||
| 01 ანტიკოაგულანტები | |||
| A ანტიკოაგულანტები | |||
| C თრომბოციტების აგრეგაციის ინჰიბიტორები (ჰეპარინის გარდა) | |||
| ანოტაცია: | |||
| ფარმაკოლოგიური თვისება: | დიპირიდამოლი თრგუნავს თრომბოციტების აგრეგაციის პროცესს და აუმჯობესებს მიკროცირკულაციას. იგი ასევე ხასიათდება სისხლძარღვთა გამაფართოვებელი თვისებით. დიპირიდამოლი იწვევს სისხლძარღვების (ძირითადად წვრილი რეზისტიული სისხლძარღვები) წინააღმდეგობის შემცირებას, ზრდის კორონარულ სისხლძარღვებში სისხლმიმოქცევის მოცულობით სიჩქარეს და ჟანგბადით მიოკარდის უზრუნველყოფას. ორგანული ნიტრატებისა და კალციუმის იონების ანტაგონისტებისაგან განსხვავებით პრეპარატის მოქმედებისას მსხვილი ყალიბის კორონალური სისხლძარღვების გაფართოვებას არა აქვს ადგილი. დიპირიდამოლის სისხლძარღვებზე გამაფართოვებელ მოქმედებას საფუძვლად უდევს ორი სხვადასხვა მექანიზმი: ადენოზის რაოდენობის მომატება, მისი უკუმიტაცების დათრგუნვის შედეგად და ფოსფოდიესთერაზას ინჰიბირების შედეგად ცამფ-ის (ციკლური ადენოზინმონოფოსფატი) კონცენტრაციის მომატება. In vivo ადენოზინი აღინიშნება კონცენტრაციაში, რომელიც შეადგენს დაახლოვებით 0.15-0.20 მკმოლს. მისი ამგვარი დონე შენარჩუნებულია “უკუმიტაცების” და მის გამოყოფას შორის დინამიური წონასწორობის გამო. დიპირიდამოლი თრგუნავს ენდოთელური უჯრედებით, ერითროციტებითა და თრომბოციტების მეშვეობით ადენოზინის უკუმიტაცებას. მისი შეყვანისას სისხლში აღინიშნება ადენოზინის კონცენტრაციის მომატება და ადენოზინით ინდუცირებული ვაზოდილატაციის გაძლიერება. შედარებით მაღალ დოზებში იგი თრგუნავს თრომბოციტების აგრეგაციას და ამცირებს თრომბის წარმოქმნის მიმართ მიდრეკილებას. ფოსფოდიესთერაზას დათრგუნვა: ციკლური ადენოზინმონოფოსფატაზის და ციკლური გუანოზინმონოფოსფატის დაშლა წარმოებს თრომბოციტების შესაბამისი ფერმენტების-ფოსფოდიესთერაზების ზეგავლენით. დიპირიდამოლი მაღალ დოზებში თრგუნავს ორივე სახის ფოსფოდიესთერაზას. | ||
| დოზირება და მიღების წესი: | დოზა დგინდება ინდივიდუალურად დაავადების სიმძიმისა და პაციენტის მდგომარეობის მიხედვით. გულის იშემიური დაავადებით შეპყრობილ პაციენტებში პრეპარატი ინიშნება დღეში 3-ჯერ 3 აბის (1 აბი 25-50 მგ) ოდენობით. აუცილებლობის შემთხვევაში დოზა შესაძლებელია გავზარდოთ ექიმის რეკომენდაციით. თავის ტვინში სისხლმიმოქცევის დარღვევის პროფილაქტიკისათვის და თრომბოზების განვითარების პრევენციისათვის რეკომენდებულია მისი მიღება დღეში 3-6-ჯერ 3 აბის ოდენობით. მაქსიმალური დღეღამური დოზა შეადგენს 450 მგ დიპირიდამოლს. შედარებით მაღალი დოზის გამოყენებისას პრეპარატის (ასევე შემოგარსული აბები) მოქმედი ნივთიერება შეიცავს 75 მგ დიპირიდამოლს. აბებს ყლაპავენ დანაწევრების გარეშე, მთლიანად წყლის მიყოლებით მკურნალობის ხანგრძლივობა დგინდება ინდივიდუალურად. პრეპარატი შესაძლებელია გამოვიყენოთ ხანგრძლივი დროით. პარენტერულად პრეპარატი აუცილებლობისას შეჰყავთ კუნთებში ან ვენაში ნელა - 5-10 მგ. დღეღამური დოზა შეადგენს 150-200 მგ-ს. ინფუზიის სიჩქარე არ უნდა აჭარბებდეს 200 მკგ/წთ-ში. | ||
| ფარმაკოკინეტიკა: | პრეპარატის პერორალურად შეყვანის შემდეგ მისი ბიოშეღწევადობა ინდივიდუალურია. საკვების მიღება გავლენას ახდენს პრეპარატის შეწოვაზე. ერთჯერადად 150 მგ დიპირიდამოლის მიღებისას სისხლის პლაზმაში მისი კონცენტრაცია შეადგენს საშუალოდ 2.66 მკგ/ლ. დიპირიდამოლის პლაზმის ცილებთან კავშირი შეადგენს 99%-ს. ღვიძლში იგი უკავშირდება გლუკურონის მჟავას და გლუკურონიდის სახით გამოიყოფა უშუალოდ ნაღველით. მონოგლუკურონიდის დაახლოვებით 20% ექვემდებარება ენტეროჰეპატურ რეცირკულაციას. | ||
| ჩვენება: | თავის ტვინში იშემიური ტიპის სისხლმიმოქცევის დარღვევის მკურნალობა და პროფილაქტიკა; - დისცირკულატორული ენცეფალოპათია; - გულის იშემიური დაავადების პირველადი და მეორადი პროფილაქტიკა (განსაკუთრებით აცეტილსალიცილის მჟავას აუტანლობის შემთხვევაში); - არტერიული და ვენური თრომბოზების მკურნალობა და მათი პროფილაქტიკა; გულის სარქვლოვან აპარატზე ოპერაციისას თრომბოემბულური გართულებების პროფილაქტიკა; - პლაცენტური უკმარისობის პროფილაქტიკა გართულებული ორსულობის პერიოდში. - მიკროცირკულაციის ყველა სახის დარღვევისას კომპლექსური თერაპიის შემადგენლობაში. | ||
| გვერდითი მოვლენები: | თავის ტკივილი, თავბრუსხვევა, კუნთების ტკივილი; - გულისრევა, ღებინება; - ჰიპოტონია, ტაქიკარდია პრეპარატის ვენაში სწრაფად შეყვანისას; - კანის სიწითლე, რომლის თანმხლებია სიცხის შეგრძნება. იშვიათად აღინიშნება გულის კორონალური დაავადების მიმდინარეობის გაუარესება; - ჰიპერერგიული რეაქცია (მომატებული მგრძნობელობა), მაგალითად, კანზე ხანმოკლე გამონაყარის და ურტიკარიის სახით. ცალკეულ შემთხვევებში ქირურგიული ჩარევისას ან მისი მსგავსი პროცედურის ჩატარებისას მოსალოდნელია სისხლდენის განვითარება. პრეპარატის მიღების უეცარმა შეწყვეტამ შესაძლებელია გამოიწვიოს: - სტენოკარდია; - მიოკარდიუმის ინფარქტი. სატრანსპორტო საშუალებების მართვის უნარზე ზემოქმედება: პრეპარატის გამოყენება თერაპიულ დოზებშიც კი იწვევს სატრანსპორტო საშუალებების მართვის უნარზე უარყოფით ზემოქმედებას, ვინაიდან წნევის დაქვეითება ხელს უწყობს ფსიქომოტორული რეაქციის უნარის დაქვეითებას. | ||
| უკუჩვენება: | - მიოკარდიუმის მწვავე ინფარქტი; - კორონალური არტერიების გავრცელებული მასტენოზირებელი ათეროსკლეროზი (ე. წ. “მოპარვის ფენომენი”); - სუბაორტული სტენოზი; - გულის დეკოპენსირებული უკმარისობა; - არტერიული ჰიპოტენზია, კოლაფსი; - გულის რითმის მძიმე ფორმის დარღვევა; თირკმელების გამოხატული უკმარისობა; - მოსალოდნელი სისხლდენები; - პრეპარატის მიმართ მომატებული მგრძნობელობა. | ||
| ორსულობა და ლაქტაცია: | ორსულობისა და ლაქტაციის პერიოდში პრეპარატი ინიშნება მხოლოდ იმ შემთხვევაში, როდესაც დედისთვის მოსალოდნელი სარგებელი სჭარბობს ნაყოფზე შესაძლო მოქმედების პოტენციურ რისკს. | ||
| განსაკუთრებული მითითებები: | პრეპარატი სიფრთხილით ინიშნება ორსულობისა და ლაქტაციის პერიოდში, განსაკუთრებით ორსულობის II და III ტრიმესტრში. დისპეფსიური მოვლენების შესამცირებლად შესაძლოა მისი მიღება რძესთან ერთად. პრეპარატის გამოყენება 12 წლამდე ასაკის ბავშვებში არ არის რეკომენდებული, ვინაიდან არ არსებობს საკმარისი კლინიკური გამოცდილება. ვენაში პრეპარატი შეყავთ იშვიათად გამოხატული გვერდითი მოვლენების გამო. | ||
| ჭარბი დოზირება: | პრეპარატის ჭარბი დოზირებისას აღინიშნება საერთო ვაზოდილატაცია, რომლის თანმხლებია ჰიპოტონია. ასევე სტენოკარდიული ხასიათის ჩივილები, ტაქიკარდია, სიმხურვალის შეგრძნება, სახის ჰიპერემია, სისუსტე და თავბრუსხვევა. მკურნალობა სიმპტომატურია: კუჭის ამორეცხვა, ხელოვნური ღებინების გამოწვევა. შეწოვის ხარისხის შემცირების ზომების მიღება. | ||
| ურთიერთქმედება სხვა მედიკამენტებთან: | ქსანტინის წარმოებულებისა (კოფეინი და თეოფილინი) და დიპირიდამოლის ერ-თდროული გამოყენება იწვევს ამ უკანასკნელის მოქმედების ეფექტის დაქვეითებას. კოფეინის შემცველი პროდუქტების - მაგალითად ყავისა და დიპირიდამოლის ერ-თდროული გამოყენებისას მცირდება დიპირიდამოლის ეფექტურობა. ანტიჰიპერტენზიული საშუალებებისა და კურანტილის ერთდროული გამოყენებით ძლიერდება ჰიპოტენზიური ეფექტი. შესაძლოა დიპირიდამოლით პირიდოსტიგმინის მოქმედების შესუსტება (ქოლინესთერაზას ინჰიბიტორი). დიპირიდამოლი აძლიერებს ანტიკოაგულანტებისა და აცეტილსალიცილის მჟავას ეფექტს. იმ შემთხვევაში, როდესაც იგი გამოიყენება აცეტილსალიცილის მჟავასთან და ანტიკოაგულანტებთან კომბინაციაში მხედველობაში უნდა იქნას მიღებული მოსალოდნელი რისკი და პრეპარატის მიმართ ტოლერანტობის შესაძლო დაქვეითება. პენიცილინები, ცეფალოსპორინები, ტეტრაციკლინები და ქლორამფენიკოლი აძლიერებენ დიპირიდამოლის ანტიაგრეგანტულ ეფექტს. |
Page generation time: 0. 021153822 sec.
