This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
უნიფიცირებული
დასახელება:
	
აზიტრომიცინი
Azythromycin
ა.თ.ქ. კლასიფიკაცია:
	
 
D06A	
D დერმატოლოგია
	
06 ანტიმიკრობული პრეპარატები კანის დაავადებების მკურნალობისათვის
	
A ანტიბიოტიკები გარეგანი გამოყენებისათვის
J01FA10	
J მიკრობების საწინააღმდეგო პრეპარატები სისტემური გამოყენებისათვის
	
01 მიკრობების საწინააღმდეგო პრეპარატები სისტემური გამოყენებისათვის
	
F მაკროლიდები და ლინკოზამიდები
	
A მაკროლიდები
S01AA26	
S პრეპარატები გრძნობის ორგანოების დაავადებების მკურნალობისათვის
	
01 პრეპარატები თვალის დაავადებების მკურნალობისათვის
	
A მიკრობების საწინააღმდეგო პრეპარატები
	
A ანტიბიოტიკები
ანოტაცია:
	
	
ჩვენება:
	
- ზემო სასუნთქი გზების ინფექციები (ბაქტერიული ფარინგიტი/ტონზილიტი, სინუსიტი, ოტიტი); - ქვემო სასუნთქი გზების ინფექციები (ბაქტერიული ბრონქიტი, ინტერსტიციური და ალვეოლური პნევმონია); - კანისა და რბილი ქსოვილების ინფექციები: ქრონიკული მიგრირებადი ერითემა (ლაიმას დაავადების საწყისი სტადია), წითელი ქარი, იმპეტიგო, მეორადი პიოდერმატოზები. - უროგენიტალური ტრაქტის ინფექციები (გართულებული ურეთრიტი ან ცერვიცეტი). - ქუნთრუშა.
დოზირება და მიღების წესი:
	
პრეპარატი ინიშნება პერორალურად ერთხელ დღეში. ჭამამდე 1 სთ-ით ადრე ან ჭამიდან 2 სთ-ის შემდეგ. ზემო და ქვემო სასუნთქი გზების, კანის და რბილი ქსოვილების (გამონაკლისია ქრონიკული მიგრირებადი ერითემა) ინფექციები: 500 მგ/კგ-ზე ერთხელ დღეში 3 დღის განმავლობაში. გაურთულებელი ურეთრიტი ან ცერვიცეტის დროს ინიშნება 1 გ ერთხელ დღეში; ბავშვებში სხეულის წონით 10-20 კგ: 1 აბი (125 მგ) ერთხელ დღეში; ბავშვებში სხეულის წონით 21-30 კგ: 2 აბი (250 მგ) ერთხელ დღეში. ბავშვებში სხეულის წონით 45 კგ-ზე ზევით - რეკომენდებულია იგივე დოზები, რაც მოზრდილებისათვის. ქრონიკული მიგრირებადი ერითემა: ერთხელ დღეში 5 დღის განმავლობაში პირველ დღეს 20 მგ/კგ-ზე, მეორე-მეხუთე დღეს - 10 მგ/კგ-ზე. პირველი დოზის გამოტოვების შემთხვევაში რეკომენდებულია მისი მიღება რაც შეიძლება სწრაფად, ხოლო შემდგომი დოზების - 24 საათიანი ინტერვალით.
ფარმაკოლოგიური თვისება:
	
აზითრომიცინი მაკროლიდური ანტიბიოტიკების ახალი ჯგუფის - აზალიდების პირველი წარმომადგენელია. მას გააჩნია ანტიმიკრობული მოქმედების ფართო სპექტრი. მისი ანტიმიკრობული ეფექტი რეალიზდება მიკროორგანიზმის უჯრედის ცილების სინთეზის დათრგუნვით რიბოსომების SOs სუბერთეულის დონეზე ტრანსლოკაციის პროცესის ინჰიბირებით, რაც ვლინდება პრეპარატის ბაქტერიციდული მოქმედებით მისი მაღალი კონცენტრაციისას ანთებით კერაში. იგი აქტიურია რიგი გრამდადებითი და გრამუარყოფითი ანაერობული მიკროორგანიზმების მიმართაც. პრეპარატი არ მოქმედებს ერითრომიცინის მიმართ მდგრად გრამდადებით ბაქტერიებზე. იგი ეფექტურია უჯრედშიდა მიკროორგანიზმების მიმართაც. მის მიმართ მგრძნობიარეა გრამდადებითი კოკები: Streptococcus pneumoniae, S. pyogenes, S. agalactiae, S. viridans, Staphylococcus aureus. გრამუარყოფითი ბაქტერიები: Haemophilus influenzae, Moraxella catarrhalis, Bordetella pertussis, Legionella pneumophila, H. due-rei, Campylobacter jejuni, neisseria gonorrholae, Gardnerella vaginalis. ზოგიერთი ანაერობული მიკროორგნაზმები: Bacteroides, Clostridium perfringens, Pertostreptococcus spp., Chlamydia trachomatis, Mycoplasma pneumonia, Urealyticum, Treponema palidum, Borrelia burgdorferi.
ფარმაკოკინეტიკა:
	
პერორალური მიღებისას პრეპარატი სწრაფად შეიწოვება, ნაწილდება მთელ ორგანიზმში და ქსოვილებში აღწევს მაღალ კონცენტრაციას, რაც განპირობებულია მისი მაღალი ლიპოფილობით. აზითრომიცინის პერორალურად მიღებისას დოზით 500 მგ მისი მაქსიმალური კონცენტრაცია შრატში აღინიშნება 2.5-2.96 სთ-ის შემდეგ და შეადგენს 0,4 მგ/ლ. ბიოშეღწევადობა შეადგენს 37%-ს. აზითრომიცინი კარგად აღწევს სასუნთ გზებში და უროგენიტალურ ტრაქტში, მათ შორის წინამდებარე ჯირკვალში. მაღალი კონცენტრაცია ქსოვილებ-ში (10-50-ჯერ მეტი, ვიდრე შრატში), ხოლო ნახევრადგამოყოფის ხანგრძლივი პერიოდი განპირობებულია აზითრომიცინის დაბალი ხარისხის შეკავშირებით შრატის ცილებთან, მისი შეღწევის უნარით ეუკარიოტულ უჯრედებში და ლიზოსომების ირგვლივ გარემოში (დაბალი pH) კონცენტრირებით, რის გამოც მისი განაწილების მოცულობაა 33,1 ლ/კგ-ზე მაღალი პლაზმური კლირენსით. პრეპარატის კონცენტრაცია ანთებით კერაში გაცილებით მაღალია, ვიდრე ქსოვილებში. პრეპარატის გამოყოფა პლაზმიდან წარმოებს ორ ეტაპად. მისი მი-ღებიდან 8-24 სთ-იან ინტერვალში ნახევრადგამოყოფის პერიოდი შეადგენს 14-20 სთ-ს, ხოლო 41 სთ-ის ინტერვალში 72 სთ-ს, რაც იძლევა მისი დღეში ერთხელ მიღების საშუალებას. პრეპარატი ძირითადად ელიმინირდება უცვლელი სახით ნაღველით, ხოლო მისი მცირე ნაწილი გამოიყოფა თირკმელებით.
გვერდითი მოვლენები:
	
პრეპარატის გამოყენებისას გვერდითი მოვლენები აღინიშნება იშვიათად. შესაძლებელია განვითარდეს რეაქცია კუჭ-ნაწლავის ტრაქტის მხრიდან: მუცლის შებერვა, გულისრევა, ღებინება, დიარეა, მუცლის ტკივილი; ასევე გამონაყარი კანზე; შესაძლებელია აღინიშნოს ღვიძლის ტრანსამინაზების აქტივობის ზომიერი შექცევადი მომატება, ნეიტროპენია; იშვიათად - ნეიტროფილია და ეოზინოფილია. შეცვლილი მაჩვენებლები აღწევს ნორმის ფარგლებს მკურნალობის შეწყვეტიდან 2-3 კვირის შემდეგ.
ორსულობა და ლაქტაცია:
	
ამ პერიოდში ინიშნება მხოლოდ მოსალოდნელი სარგებლიანობისა და პოტენციური რისკის შეფასების შემდეგ.
უკუჩვენება:
	
მომატებული მგრძნობელობა მაკროლიდური ანტიბიოტიკების მიმართ.
განსაკუთრებული მითითებები:
	
- პრეპარატი სიფრთხილით ინიშნება ბავ-შვებში ღვიძლის და თირკმელების ფუნქციის დარღვევით; - პრეპარატი ინიშნება ჭამამდე 1 საათით ადრე ან ჭამიდან 2 საათის შემდეგ, ვინაიდან საკვებთან ერთდროული მიღება ამცირებს აზიტრომიცინის შეწოვას; - პრეპარატის და ანტაციდური საშუალებების ერთდროული გამოყენებისას აუცილებელია 2 საათიანი ინტერვალის დაცვა; - პრეპარატი სიფრთხილით ინიშნება თეოფილინთან, ტერფენადინთან, ვარფარინთან, კარბამაზეპინთან, ფენიტოინთან, ტრიაზოლამთან, დიგოქსინთან, ერგოტამინთან, ციკლოსპორინთან ერთად, ვინაიდან მაკროლიდური ანტიბიოტიკები აძლიერებენ ჩამოთვლილი საშუალებების ეფექტს. დღემდე აზითრომიცინის ურთიერთქმედება ზემო-თაღნიშნულ პრეპარატებთან აღწერილი არ არის.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 022711624 sec.