This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
უნიფიცირებული
დასახელება:
	
ქლორფენამინი
Chlorphenamine
ა.თ.ქ. კლასიფიკაცია:
	
 
R06AB04	
R სასუნთქი სისტემა
	
06 ანტიჰისტამინური პრეპარატები სისტემური გამოყენებისათვის
	
A ანტიჰისტამინური პრეპარატები სისტემური გამოყენებისათვის
	
B ალკილამინები ჩანაცვლებული
ანოტაცია:
	
	
ფარმაკოლოგიური თვისება:
	
ქლორფენირამინი წარმოადეგენს ეთილენდიამინის წარმოებულ ანტიჰისტამინურ (H1-რეცეპტორების ბლოკატორი) პრეპარატს. იგი ხელს უშლის ალერგიული პროცესების განვითარებას და ამსუბუქებს მათ მიმდინარეობას. ანტიალერგიული ეფექტის გარდა პრეპარატი ხასიათდება მკვეთრად გამოხატული სედატიური, საძილე და ქავილის საწინააღმდეგო მოქმედებით. გააჩნია აგრეთვე პერიფერიული ანტიქოლინერგული აქტივობა და ზომიერად გამოხატული სპაზმოლიზური თვისებები.
ფარმაკოკინეტიკა:
	
პერორალურად მიღებისას სწრაფად და კარგად აბსორბირდება კუჭ-ნაწლავის ტრაქტიდან. მაქსიმალურ კონცენტრაციას სისხლის პლაზმაში აღწევს მიღებიდან პირველი 2 სთ-ის განმავლობაში. პრეპარატის სამკურნალო ეფექტი გრძელდება 4-6 სთ-ის განმავლობაში. პრეპარატი კარგად ნაწილდება ორგანიზმში ცნს-ის ჩათვლით. პრეპარატი ინტენსიურად მეტაბოლიზდება ღვიძლში და ელიმინირდება თირკმელების და ნაწლავების საშუალებით.
ჩვენება:
	
- ალერგიული დაავადებები: შრატისმიერი დაავადება, თივის ცხელება, კვინკეს შეშუპება, ალერგიული რინიტი, ალერგიული კონიუნქტივიტი, ურტიკარია, ალერგიული დერმატიტი, ნეიროდერმიტი, კონტაქტური დერმატიტი, ტოქსიკოდერმია, ეგზემა, ალერგიული მედიკამენტოზური რეაქციები, სისხლის გადასხმის შედეგად განვითარებული ალერგიული რეაქციები, ანაფილაქსიური რეაქციები; - ბრონქული ასთმის მსუბუქი ფორმა (კომპლექსური თერაპიის სახით).
დოზირება და მიღების წესი:
	
აბები: მოზრდილებში: 1-2 ტაბ. (25-50 მგ) 3-4-ჯერ დღეში ჭამის დროს. საჭიროების შემთხევევაში შესაძლებელია სადღეღამისო დოზის გაზრდა. ბავშვებში: 1-12 თვემდე ასაკის ბავშვებში 1/4 ტაბ. 2-3-ჯერ დღეში. 1-6 წლის ასაკამდე ბავშვებში 1/3 2-3 ჯერ დღეში. 7-14 წლის ასაკამდე ბავშვებში 1/2 2-3ჯერ დღეში. საინექციო ხსნარი: მწვავე შემთხვევების დროს, მაგალითად ალერგიული და ანაფილაქსიური რეაქციები, პრეპარატი შეჰყავთ პარენტერალურად. მოზრდილებში ვენაში ან კუნთებში შეჰყავთ 2%-იანი ხსნარის 1-2 მლ.
გვერდითი მოვლენები:
	
ცნს-ის მხრივ: სედაცია, თავბრუსხვევა, ძილიანობა, კოორდინაციის დარღვევა. კუჭ-ნაწლავის ტრაქტის მხრივ: პირის სიმშრალე, ღებინება, იშვიათად გასტრალგიები.
უკუჩვენება:
	
- მომატებული მგრძნობელობა პრეპარატის ან სხვა ეთილენდიამინის წარმოებულების მიმართ; - გლაუკომა, პეპტიური წყლული, პროსტატის ჰიპერტროფია, სუნთქვის მოშლა, ობსტრუქციული დაავადებების სიმპტომები; - მაო-ს ინჰიბიტორებით მკურნალობა; - ორსულობა და ლაქტაციის პერიოდი; - 1 თვემდე ასაკის ბავშვებში.
განსაკუთრებული მითითებები:
	
ანაფილაქსიური შოკის მძიმე შემთხვევებში რეკომენდებულია პრეპარატის ფრთხილად შეყვანა ვენაში, შემდგომში გადადიან კუნთებში ინექციებზე. ანტიჰისტამინური პრეპარატები იწვევენ აგზნებას, განსაკუთრებით ბავშვებში. ხანდაზმულ ავადმყოფებში (60 წელი და ზემოთ) შესაძლებელია თავბრუსხვევის, სედაციის, ჰიპოტენზიის განვითარება. მკურნალობის პროცესში აუცილებელია ალკოჰოლური სასმელების მიღებისაგან თავის შეკავება. ქლორფენირამინი აქვეითებს ორგანიზმის ფსიქიკურ და ფიზიკურ შესაძლებლობებს, ამიტომ იგი სიფრთხილით ენიშნებათ ავტოტრანსპორტის მძღოლებს და იმ პირებს, რომელთა მუშაობა მოითხოვს განსაკუთრებულ ყურადღებას.
ჭარბი დოზირება:
	
სიმპტომები: ბავშვებში: აგზნება, მოუსვენრობა, ჰალუცინაციები, ატაქსია, ატეტოზი, კრუნჩხვები, მიდრიაზი, გუგების უმოძრაობა, სახის ჰიპერემია, ჰიპერთერმია, სისხლძარღვოვანი კოლაფსი, კომა. მოზრდილებში: დათრგუნული მდგომარეობა, დეპრესია, კომა, ფსიქომოტორული აგზნება, კრუნჩხვები; იშვიათად - ჰიპერემია და კანის ჰიპერემია. მკურნალობა: კუჭის ამორეცხვა, გააქტივებული ნახშირის მიღება (ინტოქსიკაციიდან ადრეულ პერიოდში დეტოქსიკაციის ჩატარება), ანტიკონვულსიური საშუალებების მიღება, ფილტვების ხელოვნური ვენტილაცია და სხვა რეანიმაციული ღონისძიებები.
ურთიერთქმედება სხვა მედიკამენტებთან:
	
ქლორფენირამინი აძლიერებს ნარკოტიკული, საძილე, სანარკოზო, ანალგეზიური, ადგილობრივი საანესთეზიო საშუალებების მოქმედების ეფექტებს. ქლორფენირამინის კოფეინთან ან ფენამინ-თან კომბინირებისას ადგილი აქვს ქლორფენირამინის დამთრგუნველი მოქმედების დაქვეითებას ცნს-ზე. ქლორფენირამინის და ტრიციკლური ანტიდეპრესანტების კომბინაციით ძლიერდება ქლორფენირამინის მ-ქოლინომაბლოკირებელი და აგრეთვე ცნს-ზე დამთრგუნველი მოქმედება.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 021112769 sec.