| უნიფიცირებული დასახელება: | ტერბინაფინიTerbinafine | ||
| ა.თ.ქ. კლასიფიკაცია: | |||
D01BA02 | D დერმატოლოგია | ||
| 01 სოკოს საწინააღმდეგო პრეპარატები კანის დაავადებების მკურნალობისათვის | |||
| B სოკოს საწინააღმდეგო პრეპარატები სისტემური გამოყენებისათვის | |||
| A სოკოს საწინააღმდეგო პრეპარატები სისტემური გამოყენებისათვის | |||
D01AE15 | D დერმატოლოგია | ||
| 01 სოკოს საწინააღმდეგო პრეპარატები კანის დაავადებების მკურნალობისათვის | |||
| A სოკოს საწინააღმდეგო პრეპარატები გარეგანი გამოყენებისათვის | |||
| E სოკოს საწინააღმდეგო სხვა პრეპარატები გარეგანი გამოყენებისათვის | |||
| ანოტაცია: | |||
| ფარმაკოლოგიური თვისება: | პრეპარატი წარმოადგენს ალილამინების ჯგუფის ანტიმიკოზურ საშუალებას, რომელიც ხასიათდება მოქმედების ფართო სპექტრით. იგი აქტიურია დერმატოფიტების, ობის, ზოგიერთი დიმორფული და საფუარას სოკოების მიმართ. ძირითადად მოქმედებს ფუნგიციდურად, თუმცა ზოგიერთი საფუარა სოკოების მიმართ ახასიათებს ფუნგისტატური ეფექტი. მისი მოქმედების მექანიზმი განპირობებულია სოკოს უჯრედის მემბრანის ძირითადი სტეროიდის - ერგესტეროლის სინთეზის ადრეული ეტაპის დათრგუნვით, ფერმენტ სკვალენეპოქსიდაზის ბლოკირების შედეგად. | ||
| ჩვენება: | პრეპარატს იყენებენ დერმატოფიტებით გამოწვეული ტრიქოფიტიის, ეპიდერმოფიტიის, მიკროსპორიის, ონიქომიკოზების (ფრჩხილების), კანის კანდიდოზის, მრავალფეროვანი ქატოსებრი ლიქენის დროს. | ||
| დოზირება და მიღების წესი: | ბავშვებში 2 წლის ასაკის ზევით: 20კგ-ზე ნაკლები სხეულის წონის მქონე ბავშვებში ინიშნება ტერბინაფინის ნახევარი აბი (62.5მგ) ერთხელ დღეღამეში. 20-40კგ სხეულის წონის მქონე ბავშვებ-ში-1ტაბ. ტერბინაფინი (125მგ) ერთხელ დღეში. 40კგ-ზე მეტი სხეულის წონის მქონე ბავშვებში- 2 აბი. ტერბინაფინი (250მგ) ერთხელ დღეღამეში. ტერბინაფინის აბების მიღება ხდება დაუღეჭავად მცირე რაოდენობის წყალთან ერთად, საკვების მიღებისაგან დამოუკიდებლად. მკურნალობის კურსის დადგენა ხდება ექიმის მიერ. მკურნალობის ნაადრევი შეწყვეტით შესაძლებელია დაავადების რეციდივის განვითარება. აბების მიღება წარმოებს ერთსა და იმავე დროს. აბების მიღების დავიწყებისას შემდეგი აბის მიღებამდე 4სთ-ზე მეტი დროის დარჩენის შემთხვევაში შესაძლებელია მისი მიღება. | ||
| გვერდითი მოვლენები: | პრეპარატი ძირითადად ხასიათდება კარგი ამტანობით. ზოგჯერ შესაძლებელია გულისრევა, მუცლის ქვედა არეში ტკივილი, დიარეა, მადის დაკარგვა, კანზე გამონაყარი, გემოს შეგრძნების გარდამავალი დაქვეითება. იშვიათად-სახსრების და კუნთების ტკივილი. აღნიშნული სიმპტომები სუსტად არის გამოხატული და მკურნალობის შემდეგ მალევე ქრება. ერთეულ შემთხვევებში შესაძლებელია სტივენს-ჯონსონის სინდრომის და ეპიდერმული ნეკროლიზის განვითარება, ცვლილებები პერიფერიული სისხლის სურათის მხრივ. | ||
| უკუჩვენება: | - პრეპარატის ამ მისი შემადგენელი კომპონენტების მიმართ მომატებული მგრძნობელობა; - ორსულობა და ლაქტაცია; - 2 წლამდე ასაკის ბავშვებში. | ||
| განსაკუთრებული მითითებები: | ტერბინაფინი სიფრთხილით ენიშნებათ ღვიძლისა და თირკმელების დაავადებებით შეპყრობილ პაციენტებს. ამ დროს საჭიროა ექიმთან კონსულტაცია. გულისრევის, მადის დაკარგვის, ყელის ტკივილის, ტემპერატურის მომატების, თვალის სკლერების და კანის ყვითლად შეფერვის, შარდის გამუქების ან ღია ფერის განავალის შემთხვევაში საჭიროა პრეპარატით მკურნალობის შეწყვეტა და ექიმთან კონსულტაცია. | ||
| ჭარბი დოზირება: | სიმპტომები: თავის ტკივილი, თავბრუსხვევა, გულისრევა, მუცლის არეში ტკივილი. ამ დროს საჭიროა ექიმთან კონსულტაცია. | ||
| ურთიერთქმედება სხვა მედიკამენტებთან: | ღვიძლის ფერმენტების ინდუქტორები ამცირებენ ტერბინაფინის მოქმედებას, ხოლო ინჰიბიტორები პირიქით აძლიერებენ მის ეფექტს. ღვიძლისა და თირკმელების დაზიანებისას საჭიროა დოზის კორექცია. |
Page generation time: 0. 021927940 sec.
