| უნიფიცირებული დასახელება: | დობუტამინიDobutamine | ||
| ა.თ.ქ. კლასიფიკაცია: | |||
C01CA07 | C გულ-სისხლძარღვთა სისტემა | ||
| 01 პრეპერატები გულის დაავადებების მკურნალობისათვის | |||
| C კარდიოტონური პრეპარატები (გარდა საგულე გლიკოზიდებისა) | |||
| A ადრენო- და დოპამინომიმეტური საშუალებები | |||
| ანოტაცია: | |||
| ფარმაკოლოგიური თვისება: | პრეპარატი წარმოადგენს ბეტა1-ადრენომიმეტურ საშუალებას. იგი მიოკარდზე ავლენს დადებით ინოტროპულ მოქმედებას. ზომიერად ზრდის გულის შეკუმშვის სიხშირეს, ზრდის გულის სისტოლურ და წუთმოცულობას, სისხლმიმოქცევის მცირე წრეში აქვეითებს სისხლძარღვების და პერიფერიული სისხლძარღვების საერთო წინააღმდეგობას, სისტემური არტერიული წნევის მნიშვნელოვანი ცვლილების გარეშე პრეპარატი იწვევს გულის პარკუჭებში ენდოდიასტოლური წნევის დაქვეითებას. იგი ზრდის კორონალურ სისხლმიმოქცევას და ხელს უწყობს მიოკარდის ჟანგბადით მომარაგების გაუმჯობესებას. გულის სისტოლური მოცულობის მომატებამ შესაძლებელია გამოიწვიოს თირკმელების პერფუზიის გაუმჯობესება და ნატრიუმისა და წყლის ექსკრეციის მომატება. ბავშვებში წუთმოცულობის მომატებას თან ახლავს შედარებით ნაკლებად გამოხატული პერიფერიული სისხლძარღვების საერთო წინააღმდეგობის დაქვეითება და პარკუჭების ენდოდიასტოლური წნევის შემცირება. ამავე დროს აღინიშნება უფრო მეტად გამოხატული გულისცემის სიხშირის და არტერიული წნევის მომატება. | ||
| ჩვენება: | გულის მწვავე და ქრონიკული უკმარისობა (დეკომპენსაციის დროს, როგორც დროებითი დამხმარე საშუალება ტრადიციული თერაპიის ფონზე), გულის დაბალი წუთმოცულობა, როგორც ფილტვების ხელოვნური ვენტილაციის გვერდითი მოვლენა. დადებითი ნარჩენი წნევით ამოსუნთქვისას. გულის იშემიური დაავადების დროს დიაგნოსტიკური საშუალების სახით, კარდიოგენული შოკის დროს. | ||
| დოზირება და მიღების წესი: | მიღების წესი და დოზირება დგინდება ინდივიდუალურად. იგი შეჰყავთ ვენაში წვეთოვანი გზით, სიჩქარით 25-10 მკგ/კგ/წთ-ში. აუცილებლობისას შეყვანის სიჩქარე შესაძლებელია გავზარდოთ 20-40 მკგ/კგ/წთ-ში. | ||
| გვერდითი მოვლენები: | ტაქიკარდია, პარკუჭოვანი ტაქიკარდია, პარკუჭოვანი ექსტრასის ტოლია მოციმციმე არითმია (ტაქისისტოლური ფორმა), გულმკერდში ტკივილი, ტკივილი მკერდის ძვლის უკან, ქოშინი, არტერიული წნევის დაქვეითება, გულისრევა, თავის ტკივილი, მკერდის არეში არასპეციფიკური ტკივილი, ჰიპოკალიემია. შეყვანის ადგილას შესაძლებელია ფლებიტის განვითარება. | ||
| უკუჩვენება: | იდიოპათური ჰიპერტროფული სუბაორტული სტენოზი, პრეპარატის მიმართ მომატებული მგრძნობელობა. | ||
| განსაკუთრებული მითითებები: | ჰიპოვოლემიის არსებობისას მისი კომპენსაცია უნდა მოვახდინოთ დობუტამინის შეყვანამდე. როდესაც არსებობს წინააღმდეგობა პარკუჭების ავსების დროს ან სისხლის დინების გზაზე პარკუჭებიდან, დობუტამინის შეყვანა არ იძლევა ჰემოდინამიკის გაუმჯობესებას. დობუტამინის შეყვანა უნდა ვაწარმოოთ გულის შეკუმშვის სიხშირის, ეკგ-ს და არტერიული წნევის, აგრეთვე დიურეზის სიდიდის კონტროლის შესაბამისად. რეკომენდებულია აგრეთვე გულის სისტოლური და წუთმოცულობის, პარკუჭების ავსების წნევის, ცენტრალური ვენური წნევის, ფილტვის არტერიის წნევის კონტროლი. აუცილებელია პაციენტის სხეულის ტემპერატურის და მისი ფსიქიური მდგომარეობის კონტროლი. პრეპარატი სიფრთხილით ინიშნება ორსულობის პერიოდში და ბავშვებში. |
Page generation time: 0. 021621009 sec.
