| უნიფიცირებული დასახელება: | ეპროზარტანიEprosartan | ||
| ა.თ.ქ. კლასიფიკაცია: | |||
C09CA02 | C გულ-სისხლძარღვთა სისტემა | ||
| 09 რენინ ანგიოტენზიურ სისტემაზე მოქმედი პრეპარატები | |||
| C ანგიოტენზინ II-ის ანტაგონისტები | |||
| A ანგიოტენზინ II-ის ანტაგონისტები | |||
| ანოტაცია: | |||
| ფარმაკოლოგიური თვისება: | პრეპარატი წარმოადგენს ანგიოტენზინ II-ის რეცეპტორების ანტაგონისტს, რომელიც შერჩევით უკავშირდება AT1-რეცეპტორებს. ანგიოტენზინ II წარმოადგენს რენინ-ანგიოტენზინ-ალდოსტერონის სისტემების განსაკუთრებით აქტიურ ჰორმონს, რომელიც დიდ როლს ასრულებს არტერიული ჰიპერტენზიის ფორმირების პათოგენეზში. ანგიოტენზინ II უკავშირდება AT1-რეცეპტორებს მრავალ ქსოვილში (მაგალითად სისხლძარღვების გლუვი კუნთები, თირკმელზედა ჯირკვალი, თირკმელები, გულის ქსოვილი) და იწვევს ისეთ მნიშვნელოვან ბიოლოგიურ ეფექტებს, როგორიცაა ვაზოკონსტრიქცია, ნატრიუმის შეკავება და ალდოსტერონების გამონთავისუფლება. მოგვიანებით ანგიოტენზინ II მონაწილეობს მიოკარდიუმის და სისხლძარღვების ჰიპერტროფიის გენეზში. ეპროსარტანი ანტაგონისტური მექანიზმით აინჰიბირებს ანგიოტენზინ II-ის მოქმედებას არტერიულ წნევაზე, თირკმელების სისხლმიმოქცევაზე და ალდოსტერონის სეკრეციაზე. არტერიული ჰიპერტენზიით შეპყრობილ პაციენტებში, არტერიული წნევის შემოწმება საკმარისია იმ შემთხვევაში, თუკი ეპროსარტანის დღეღამური დოზა მიიღება ერთ მიღებაზე ან მას ყოფენ ორ მიღებაზე. მუდმივი ან მცირე ჰიპოტენზიური ეფექტი შენარჩუნებულია 24 სთ-ის განმავლობაში ორთოსტატული არტერიული ჰიპოტენზიის განვითარების გარეშე, მაშინ როდესაც მოქმედების ეფექტი აღინიშნება პრეპარატის საწყისი დოზის მიღებისთანავე. პრეპარატის მიღების შეწყვეტისას არ აღინიშნება არტერიული წნევის სწრაფი მომატება (მოხსნის სინდრომი). არტერიული ჰიპერტენზიით შეპყრობილ პაციენტებში არტერიული წნევის დაქვეითება არ იწვევს გულისცემის სიხშირის მხრივ ცვლილებებს. არტერიული ჰიპერტენზიით შეპყრობილ პაციენტებში პრეპარატი არ ახდენს ზეგავლენას ტრიგლიცერიდების, საერთო ქოლესტერინის ან დაბალი სიმკვრივის ლიპოპროტეიდების შემადგენლობაში მყოფ ქოლესტერინზე. პრეპარატი ასევე არ მოქმედებს სისხლში შაქრის დონეზე. ესენციური არტერიული ჰიპერტენზიით და თირკმელების უკმარისობით შეპყრობილ პაციენტებში პრეპარატი არეგულირებს თირკმელების ფუნქციას. პრეპარატი ჯანმრთელ მამაკაცებში, ასევე არტერიული ჰიპერტენზიით შეპყრობილ ან სხვადასხვა ხარისხის თირკმელების უკმარისობის მქონე პაციენტებში არ აქვეითებს გორგლოვანი ფილტრაციის სიჩქარეს. პრეპარატი ჯანმრთელ პირებში, რომლებიც იმყოფებიან უმარილო დიეტაზე იწვევს ნატრიურეზულ ეფექტს. პრეპარატის გამოყენება ესენციური არტერიული ჰიპერტენზიით და თირკმელების უკმარისობით შეპყრობილ პაციენტებში რეკომენდებულია. პრეპარატი შარდთან ერთად შარდმჟავას გამოყოფაზე არ ახდენს მნიშვნელოვან მოქმედებას. პრეპარატი არ იწვევს ისეთი ეფექტების პოტენცირებას, რომლებიც დაკავშირებულია ბრადიკინინთან, მაგალითად ხველა. | ||
| ჩვენება: | პრეპარატი გამოიყენება არტერიული ჰიპერტენზიის სამკურნალოდ. | ||
| დოზირება და მიღების წესი: | რეკომენდებული დღეღამური დოზა შეადგენს 600 მგ-ს. იგი მიიღება დღეში ერთხელ დილით. პრეპარატი შესაძლებელია მივიღოთ ჭამის დროს ან საკვების მიღებათა შორის. დღე-ღამური დოზა არ უნდა აჭარბებდეს 800 მგ-ს, არტერიული წნევის მაქსიმალური დაქვეითება აღინიშნება მკურნალობიდან 23 კვირის შემდეგ. კლინიკური კვლევების შედეგად დადგენილია, რომ დღეღამეში 1200 მგ პრეპარატის 8 კვირის განმავლობაში გამოყენებისას აღინიშნებოდა ჰიპოტენზიური ეფექტი. ხანდაზმულ, თირკმელებისა და ღვიძლის უკმარისობით შეპყრობილ პაციენტებში (კრეატინინის კლირენსი>5 მლ/წთ-ში) დოზის კორექცია არ წარმოადგენს აუცილებლობას. | ||
| გვერდითი მოვლენები: | იშვიათად არსებობს მონაცემები ანგიონევროზული შეშუპების შესახებ. | ||
| უკუჩვენება: | პრეპარატის მიმართ მომატებული მგრძნობელობა, ორსულობა. იმის გამო, რომ არ არსებობს საკმარისი მონაცემები ბავშვებში პრეპარატის უსაფრთხოების შესახებ, მისი გამოყენება ამ დროს არ არის რეკომენდებული. | ||
| ორსულობა და ლაქტაცია: | ორსულობის პერიოდში პრეპარატის გამოყენების შესახებ მონაცემები უმნიშვნელოა. სამკურნალო საშუალებებმა, რომლებიც პირდაპირ მოქმედებენ რენინ-ანგიოტენზინალდოსტერონის სისტემაზე, შესაძლებელია გამოიწვიონ ნაყოფის დაღუპვა ან ახალშობილების დაავადება იმ შემთხვევაში, თუ კი პრეპარატს გამოიყენებენ ორსულობის II და III ტრიმესტრში. ამიტომ პრეპარატის გამოყენება ორსულობის პერიოდში დაუშვებელია. ჯერჯერობით უცნობია აღწევს თუ არა ეპროსარტანი დედის რძეში. ამიტომ იგი ლაქტაციის პერიოდში გამოიყენება მხოლოდ იმ შემთხვევაში, როდესაც დედისათვის მოსალოდნელი სარგებელი მკვეთრად სჭარბობს ნაყოფზე მოსალოდნელ პოტენციურ რისკს. | ||
| განსაკუთრებული მითითებები: | გულის უკმარისობის მქონე პაციენტებში ან თირკმლის არტერიის სტენოზის დროს პრეპარატის გამოყენების შესახებ არ არსებობს საკმარისი კვლევები. ამიტომ, პრეპარატმა შესაძლებელია გამოიწვიოს თირკმელების ფუნქციის დარღვევა რენინ-ანგიოტენზინ-ალდოსტერონის სისტემების დათრგუნვის შედეგად. | ||
| ჭარბი დოზირება: | არსებობს მხოლოდ შეზღუდული რაოდენობის პრეპარატის ჭარბი დოზირების შესახებ მონაცემები. ეპროსარტანი კარგად გადაიტანება მისი შიგნით შეყვანის შემდეგ (მაქსიმალური ერთჯერადი დოზა შეადგენს 1200 მგ-ს). ჭარბი დოზირების შესაძლო მოვლენას წარმოადგენს არტერიული ჰიპოტენზია., რომლის სიმპტომების წარმოშობისთანავე საჭიროა შემანარჩუნებელი მკურნალობის დაწყება. | ||
| ურთიერთქმედება სხვა მედიკამენტებთან: | კლინიკურად მნიშვნელოვანი ურთიერთქმედება სხვა სამკურნალო საშუალებებთან არ აღინიშნება. პრეპარატი არ მოქმედებს დიგოქსინისა და ვარფარინის ან გლიბურიდის (გლიბენკლამიდის) ფარმაკოკინეტიკაზე. პრეპარატისა და რანიტიდინის, ასევე კეტოკონაზოლის ან ფლუკონაზოლის ერ-თდროული გამოყენებისას არ აღინიშნება პრეპარატის ფარმაკოდინამიკის ცვლილება. პრეპარატის თიაზიდურ (მაგალითად ჰიდროქლორთიაზიდთან) დიურეზულ სამკურნალო საშუალებებთან და კალციუმის იონების ანტაგონისტებთან ერთდროული გამოყენება (მაგალითად პროლონგირებული მოქმედების ნიფედიპინთან) დასაშვებია. პრეპარატის კომბინაცია ჰიპოლიპიდემიურ საშუალებებთან (ლოვასტატინთან, სიმვასტატინთან, პრავასტატინთან, ფენოფიბრატთან, ჰემფიბრიზოლთან და ნიაცინთან) შესაძლებელია. არტერიული წნევის შედარებით ძლიერი დაქვეითების აუცილებლობის შემთხვევაში პრეპარატის გამოყენება შესაძლებელია როგორც ცალკე, ასევე სხვა ჰიპოტენზიურ საშუალებებთან, მაგალითად თიაზიდის ჯგუფის დიურეზულ საშუალებებთან ან კალციუმის იონების ანტაგონისტებთან კომბინაციაში. პრეპარატი არ იწვევს ძილიანობას და არ მოქმედებს სატრანსპორტო საშულებების მართვის უნარზე, ასევე ყურადღების მაქსიმალურ კონცენტრაციაზე. |
Page generation time: 0. 020773613 sec.
