| უნიფიცირებული დასახელება: | ურსოდეოქსიქოლის მჟავაUrsodeoxycholic acid | ||
| ა.თ.ქ. კლასიფიკაცია: | |||
A05AA02 | A საჭმლის მომნელებელი ტრაქტი და ნივთიერებათა ცვლა | ||
| 05 პრეპარატები ღვიძლისა და ნაღვლმდენი გზების დაავადებების მკურნალობისათვის | |||
| A პრეპარატები ღვიძლისა და ნაღვლმდენი გზების დაავადებების მკურნალობისათვის | |||
| A ნაღვლის მჟავას პრეპარატები | |||
| ანოტაცია: | |||
| ფარმაკოლოგიური თვისება: | პრეპარატი ხელს უწყობს ნაღვლის ბუშტის ქოლესტერინული კონკრემენეტების დაშლას. იგი უერთდება გლიცინს და ტაურინს და გამოიყოფა ღვიძლიდან ნაღვლის საშუალებით. ამცირებს ნაღვლის გაჯერებას ქოლესტერინით და აძლიერებს ქოლესტერინის ხსნადობას უკვე წარმოქმნილი ნაღვლის კონკრემენტების ზედაპირზე. ნაწლავებში ურსოდეოქსიქოლის მჟავა იშლება, დეჰიდროქსილირდება და გარდაიქმნება ლიტოქოლის მჟავად. ლიტოქსოლის მჟავა ნაწილობრივ აბსორბირდება და უკავშირდება სულფატურ ანიონებს, შემდეგ გლიცინს, ტაურინს და გამოიყოფა ნაღველში. | ||
| ჩვენება: | ურსოდეოქსიქოლის მჟავა გამოიყენება პირველადი ბილიარული ციროზის, ქრონიკული აქტიური ჰეპატიტის დროს ქოლესტატური სინდრომით, მწვავე ჰეპატიტის, ღვიძლის მუკოვისციდოზის, ნაღვლის სადინარის თანდაყოლილი ატრეზიის, ბილიარული ეზოფაგიტისა და რეფლუქს-გასტრიტის, ქოლეცისტოპათიის დროს ბილიარული დისპეფსიური სინდრომის არსებობისას, ჰორმონული ჩასახვის საწინააღმდეგო სამკურნალო საშუალებების მიღებით გამოწვეული ქოლესთაზური სინდრომის მკურნალობისა და პროფილაქტიკისათვის. აგრეთვე ღვიძლის ფუნქციის ნორმალიზაციისთვის პაციენტებში, რომლებსაც უტარდებათ ციტოსტატური საშუალებებით მკურნალობა, აგრეთვე ღვიძლის და სხვა ორგანოების ტრანსპლატაციის დროს დამხმარე მკურნალობის სახით, ღვიძლის ალკოჰოლური დაზიანებისას. პრეპარატის კაფსულები გამოიყენება ქოლესტერინული ნაღვლის კენჭების, აგრეთვე ლიტოტრიფსიის შემდეგ ნაღვლის ბუშტსა და ნაღვლის საერთო სადინარში მათი ფრაგმენტების დასაშლელად. | ||
| დოზირება და მიღების წესი: | ინდივიდუალურია. ქოლესტერინული წარმოშობის კენჭების დაშლის და ღვიძლის ქოლესტაზური დაავადებების მკურნალობის შემთხვევაში სადღეღამისო დოზა შეადგენს 10 მგ/კგ სხეულის წონაზე. სხეულის წონა - 60 კგ-მდე, სადღეღამისო დოზა - 2 კაფსულა, სხეულის წონა - 80 კგ-მდე, სადღეღამისო დოზა - 3 კაფსულა, სხეულის წონა - 100 კგ-მდე, სადღეღამისო დოზა - 4 კაფსულა; ნაღვლის კენჭების დასაშლელად პრეპარატის სადღეღამისო დოზის მიღება წარმოებს ერთჯერადად საღამოს. ღვიძლის ქოლესტაზური დაავადებების მკურნალობისათვის სადღეღამისო დოზა ნაწილდება შემდეგნაირად: - 60 კგ-მდე 1 კაფსულა დილას და 1 კაფსულა საღამოს; - 80 კგ-მდე 1 კაფსულა 3 დღეში; - 100 კგ-მდე 1 კაფსულა დილას, 1 კაფსულა შუადღით და 2 კაფსულა საღამოს. ბილიარული რეფლუქს-გასტრიტის მკურნალობის დროს გამოიყენება დღეში 1 კაფსულის ოდენობით. კაფსულა აუცილებელია მივიღოთ საღამოს ძილის წინ. კაფსულა უნდა გადავყლაპოთ მთლიანად, მცირე რაოდენობით სითხის მიყოლებით. პრეპარატი უნდა მივიღოთ რეგულარულად. მკურნალობის ხანგრძლივობა ინდივიდუალურია. იმ შემთხვევაში, თუ მკურნალობიდან 12 თვის შემდეგ არ აღინიშნება კონკრემენტების ზომაში შემცირება, მკურნალობის გაგრძელება არ არის მიზანშეწონილი. მკურნალობის შედეგები მოწმდება ყოველ 6 თვეში ულტრაბგერითი ან რენტგენოლოგიური კვლევების შედეგად. რეფლუქს-გასტრიტის მკურნალობის შემთხვევაში პრეპარატი ჩვეულებრივ მიიღება 10-14 დღის განმავლობაში. მკურნალობის გაგრძელების აუცილებლობა დგინდება მკურნალი ექიმის მიერ. მკურნალობის ეფექტურობისათვის აუცილებელია პრეპარატის რეგულარული მიღება. მკურნალობის პერიოდში რეკომენდებულია ღვიძლის ფუნქციური სინჯების კონტროლი. | ||
| გვერდითი მოვლენები: | დიარეა, კანის ქავილი, ღვიძლის ტრანსამინაზების აქტივობის გარდამავალი მომატება. მკურნალობის პერიოდში შესაძლოა აღინიშნოს ნაღვლის კონკრემენტების ჩაკირვა. იშვიათ შემთხვევაში ფაფისებრი განავალი. | ||
| უკუჩვენება: | ურსოდეოქსიქოლის მჟავას მიღება წინააღმდეგნაჩვენებია: ღვიძლის ციროზის დროს სისხლძარღვოვანი და პარენქიმული დეკომპენსაციის სტადიაში, ნაღვლის ბუშტისა და ნაღვლის სადინარების მწვავე ანთების, აგრეთვე ტრაქტის გამტარობის (ნაღვლის საერთო სადინარის ან ნაღვლის ბუშტის) დარღვევის შემთხვევაში: აგრეთვე არასპეციფიკური წყლულოვანი კოლიტის, კრონის დაავდების, ღვიძლის და თირკმელების ფუნქციის მძიმე დარღვევის დროს. პრეპარატის გამოყენება ორსულობის პერიოდში არ არის რეკომენდებული. პრეპარატის მიღება წინააღმდეგნაჩვენებია იმ შემთხვევაში, როდესაც ნაღვლის ბუშტი არ ვიზუალირდება რენტგენოლოგიური კვლევის შედეგად, კალციფიცირებული კონკრემენტების არსებობისას, აგრეთვე როდესაც დარღვეულია ნაღვლის ბუშტის კუმშვადი ფუნქცია. პრეპარატის მიღება არ არის რეკომენდებული პაციენტებში, როდესაც მათ ხშირად აღენიშნებათ შეტევა სანაღვლე გზების ჭვალის სახით. | ||
| ორსულობა და ლაქტაცია: | პრეპარატი არ ინიშნება ორსულობისა და ლაქტაციის პერიოდში. | ||
| განსაკუთრებული მითითებები: | პრეპარატის დანიშვნისას ნაღვლის კონკრემენტების დაშლის მიზნით მკურნალობის პირველი 3 თვის განმავლობაში 4 კვირაში ერთხელ საჭიროა ღვიძლის ტრანსამინაზების აქტივობის განსაზღვრა. შემდგომში აღნიშნული კვლევები შეიძლება ჩატარდეს 3 თვეში ერთხელ. რეციდივის პროფილაქტიკის მიზნით მკურნალობა უნდა გაგრძელდეს კიდევ რამოდენიმე თვის განმავლობაში ნაღვლის კონკრემენეტების დაშლის შემდეგ. |
Page generation time: 0. 021178960 sec.
