This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
უნიფიცირებული
დასახელება:
	
მებენდაზოლი
Mebendazole
ა.თ.ქ. კლასიფიკაცია:
	
 
P02CA01	
P პარაზიტების საწინააღმდეგო პრეპარატები, ინსექტიციდები და რეპელენტები
	
02 ჰელმინტების საწინააღმდეგო პრეპარატები
	
C სხვა პრეპარატები ნემატოდოზის მკურნალობისათავის
	
A ბენზიმადაზოლის წარმოებულები
ანოტაცია:
	
	
უკუჩვენება:
	
მებენდაზოლის გამოყენება წინააღმდეგნაჩვენებია პრეპარატის მიმართ მგრძნობიარე ავადმყოფებში.
ფარმაკოლოგიური თვისება:
	
მებენდაზოლი წარმოადგენს ფართო სპექტრის სინთეზურ ანტიჰელმინთურ პრეპარატს. მებენდაზოლის ანტიჰელმინთური მოქმედების ძირითად მექანიზმს განსაზღვრავს მისი ეფექტი ჰელმინთების ენერგეტიკულ ცვლაზე. იგი ხელს უშლის უჯრედული ტუბულინის წარმოქმნას ჭიებში, იწვევს ციტოპლაზმური მიკროარხების დეგენერაციას და ამ გზით შერჩევითად აბლოკირებს გლუკოზის შეწოვის პროცესს, რაც იწვევს გლიკოგენის რესურსების თანდათანობით გაქრობას. ჰელმინთების დაღუპვა წარმოებს ატფ-ის უკმარისობის პირობებ-ში, რომელიც საჭიროა სასიცოცხლოდ აუცილებელი პროცესებისათვის. პერორალურად მიღების შემდეგ მებენდაზოლი მცირე რაოდენობით შეიწოვება კუჭ-ნაწლავის ტრაქტიდან, ვინაიდან იგი ცუდად იხსნება წყალში და ორგანულ გამხსნელებში. ჩვეულებრივ თერაპიულ დოზებში ახასიათებს მხოლოდ ადგილობრივი მოქმედება ნაწლავებში, რადგან მისი ცუდი შეწოვისა და ღვიძლში პირველადი მეტაბოლიზმის ინტენსივობის გამო ბიოშეღწევადობა ძალიან დაბალია. პრეპარატის მცირე აბსორბირებული ფრაქციის 90% უკავშირდება პლაზმის ცილებს.
ჩვენება:
	
იყენებენ ჭიებით ერთეული ან შერეული ინვაზიების სამკურნალოდ: ენტერობიოზი, ტრიქურიოზი, ასკარიდოზი, ანკილოსტომოზი, ნეკატორიოზი, Enterobius vermicularis (ნემატოდა/მახვილა) - ენტერობიოზი; Trichuris trichiura (ტრიქოცეფალუსი); Ascaris lumbricoides (დიდი მრგვალი ჭია); Ancylostoma duodenale, Necator americanus (ანკილოსტომა); Strongyloides stercoratis, Taenia spp. (ლენტისებრი ჭია).
დოზირება და მიღების წესი:
	
ენტერობიოზი: პერორალურად მისაღებად ინიშნება 1 ტაბ. ერთხელ დღეში. რადგან ხშირად ადგილი აქვს განმეორებით ინვაზიებს Enterobius vermicularis, რეკომენდებულია მკურნალობის განმეორება 24კვირის შემდეგ, განსაკუთრებით ინვაზიის სალიკვიდაციო პროგრამების ჩატარების დროს. ასკარიდოზი, ტრიქურიოზი, ანკილოსტომოზი და შერეული ინვაზიები: 1 ტაბ. 2ჯერ დღეში დილას და საღამოს 3 დღის განმავლობაში თანმიმდევრობით. პრეპარატი მოზრდილებს და ბავშვებს 1 წლის ასაკის ზევით ენიშნებათ ერთნაირი დოზით. ტენიოზი და სტრონგილოიდოზი: - მოზრდილებში - 2 ტაბ. 2-ჯერ დღეში 3 დღის განმავლობაში თანმიმდევრობით. ამ შემთხვევაში დიდი დოზების მიუხედავად გვერდითი მოვლენები იშვიათად აღინიშნება. ბავშვებში - 1 ტაბ. 2-ჯერ დღეში 3 დღის განმავლობაში თანმიმდევრობით. პრეპარატით მკურნალობის პროცესში დიე-ტის დაცვა და საფაღარათო საშუალებების მიღება არ არის რეკომენდებული.
გვერდითი მოვლენები:
	
იშვიათია და ძირითადად დაკავშირებულია კუჭ-ნაწლავის ტრაქტის ფუნქციის დარღვევასთან. ჭიებით მასიური ინვაზიის დროს აღინიშნება: მუცლის არეში ტკივილი, დიარეა. იშვიათად - ალერგიული რეაქციები (კანზე გამონაყარი, ურტიკარია, ანგიონევროზული შეშუპება).
ორსულობა და ლაქტაცია:
	
პრეპარატს ახასიათებს ემბრიოტოქსიკურობა და ტერატოგენობა. ორსულობის დროს მისი დანიშვნა მხოლოდ იმ შემთხვევაშია შესაძლებელი, როდესაც დედისათვის სასარგებლო შედეგი მკვეთრად სჭარბობს ნაყოფზე მოქმედების პოტენციურ რისკს, განსაკუთრებით ორსულობის I ტრიმესტრში. ლაქტაციის პერიოდში მებენდაზოლი სიფრთხილით ინიშნება, ვინაიდან არ არსებობს მონაცემები პრეპარატის დედის რძეში გადასვლის შესახებ.
განსაკუთრებული მითითებები:
	
1 წლამდე ასაკის ბავშვებში, კრუნჩხვების განვითარების გამო, მისი გამოყენება არ არის ნებადართული, რადგან არ არსებობს მონაცემები მისი უსაფრთხოების შესახებ. მცირე ასაკის ბავშვებში მებენდაზოლის დანიშვნა მხოლოდ იმ შემთხვევაშია შესაძლებელი, როდესაც მათი ჭიებით ინვაზია სერიოზულად მოქმედებს მათი კვების სტატუსზე და ფიზიკურ განვითარებაზე. ჭიებით განმეორებითი ინვაზიისა და დაავადების რეციდივის თავიდან აცილების მიზნით, საჭიროა პაციენტების მიერ პირადი ჰიგიენის სისტემატური დაცვა. ავტოტრანსპორტის მძღოლებში და იმ პირებში, რომელთა მუშაობა ტექნიკასთან მოითხოვს გაძლიერებულ ყურადღებას, პრეპარატის უარყოფითი მოქმედების შესახებ არ მოიპოვება მონაცემები.
ჭარბი დოზირება:
	
აღინიშნება ცვლილებები კუჭ-ნაწლავის ტრაქტის მხრივ - მუცლის მხრივ სპაზმები, გულისრევა, ღებინება, დიარეა. მებენდაზოლის დანიშვნისას რეკომენდებულ დოზაზე მეტი რაოდენობით, იშვიათად აღინიშნება ნეიტროპენია და ღვიძლის ფუნქციის დარღვევა, მათ შორის ჰეპატიტი. მკურნალობა: კუჭის ამორეცხვა კალიუმის პერმანგანატის წყლიანი ხსნარით 20 მგ/100 მლ და გააქტივებული ნახშირის მიღება. სპეციფიკური ანტიდოტი არ მოიპოვება.
ურთიერთქმედება სხვა მედიკამენტებთან:
	
მებენდაზოლის ხანგრძლივი კომბინაციით ციმეტიდინთან შესაძლებელია პრეპარატის ინაქტივაციის შეფერხება ღვიძლში და შემდგომში მისი დაგროვება ორგანიზმში. მისი ხანგრძლივი გამოყენებისას მაღალ დოზებში, აუცილებელია პერიფერიული სისხლის სურათის სისტემატური კონტროლი.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 020831315 sec.