This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
უნიფიცირებული
დასახელება:
	
პლატიფილინი
Platiphylline
ა.თ.ქ. კლასიფიკაცია:
	
 
A03A	
A საჭმლის მომნელებელი ტრაქტი და ნივთიერებათა ცვლა
	
03 სპაზმოლიზური და ქოლინობლოკატორები
	
A სინთეზური სპაზმოლიზური საშუალებები და ქოლინობლოკატორები
ანოტაცია:
	
	
ფარმაკოლოგიური თვისება:
	
პლატიფილინი წარმოადგენს მ-ქოლინოლიზურ საშუალებას, რომელიც იწვევს მუსკარინომგრძნობიარე ქოლინორეცეპტორების ბლოკადას. მისი ეფექტები წააგავს ატროპინის მოქმედებას, თუმცა მისგან განსხვავებით იგი ნაკლებად ტოქსიკურია და ახასიათებს კარგი ამტანობა. გააჩნია მადეპრემირებელი მოქმედება ვაზომოტორულ ცენტრზე, ატროპინთან შედარებით ნაკლებად მოქმედებს სეკრეციასა და აკომოდაციაზე, გააჩნია გამოხატული სპაზმოლიზური მოქმედება, რის გამოც ამცირებს კუჭ-ნაწლავის ტრაქტის, ნაღვლის სადინარების, ნაღვლის ბუშტის, ბრონქების ტონუსს. იგი ზომიერად იწვევს გუგის გაფართოვებას და თვალშიდა წნევის მომატებას.
ჩვენება:
	
- ღვიძლის, თირკმლის, ნაწლავების ჭვალი; - კუჭისა და 12-გოჯა ნაწლავის წყლულოვანი დაავადების დროს სპაზმური ტკივილების მოსახსნელად; როგორც დამხმარე საშუალება ბრონქული ასთმით დაავადებულებში ბრონქოსპაზმის მოსახსნელად.
დოზირება და მიღების წესი:
	
პრეპარატი ინიშნება კანქვეშ. კუჭის წყლულის დროს არსებული მწვავე ტკივილების და სხვადასხვა გენეზის ჭვალის კუპირებისათვის მოზრდილებში ინიშნება კანქვეშ 0.2% ხსნარის 1-2 მლ (2-4 მგ). მკურნალობის კურსის ხანგრძლივობა შეადგენს 10-15-20 დღეს. უმაღლესი დოზა მოზრდილთათვის შეადგენს: ერთჯერადი - 0.01 გ, სადღეღამისო დოზა - 0.03 გ. ბავშვებში ერთჯერადი დოზა შეადგენს 200-300 მკგ-ს ასაკის მიხედვით.
გვერდითი მოვლენები:
	
მაღალი დოზირებით გამოყენების შემთხვევაში აღინიშნება პირის სიმშრალე, ტაქიკარდია, მიდრიაზი (აკომოდაციის დარღვევით), ცენტრალური ნერვული სისტემის აგზნება, თავბრუსხვევა, შარდვის გაძნელება, ნაწლავების ატონია.
უკუჩვენება:
	
- გლაუკომა; - ღვიძლის და თირკმელების ორგანული დაავადებები; - წინამდებარე ჯირკვლის ჰიპერტროფია.
განსაკუთრებული მითითებები:
	
სიფრთხილით ინიშნება გულ-სისხლძარღვთა სისტემის მძიმე პათოლოგიები დროს. ჭარბი დოზირება: პლატიფილინით ჭარბი დოზირებისას: ინიშნება ფიზოსტიგმინის სალიცილატი ნატრიუმის ქლორიდის იზოტონურ ხსნარში (ინტრავენურად ყოველ 5 წუთში ერთხელ) ან პროზერინი. ჰიპოტენზიის დროს ფიზოსტიგმინის და პროზერინის გამოყენება დაუშვებელია. ინიშნება პრედნიზოლონი, ფორსირებული დიურეზი, სისხლის ტუტე მაჩვენებლების მოსამატებელი საშუალებები, შარდის ბუშტის კათეტერიზაცია. მოსალოდნელი ტაქიკარდიის დროს -, ანაპრილინი, ოქსიგენოთერაპია.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 019599115 sec.