This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
უნიფიცირებული
დასახელება:
	
აცეტილსალიცილის მჟავა
Acetylsalicylic acid
ა.თ.ქ. კლასიფიკაცია:
	
 
N02BA01	
N ნერვული სისტემა
	
02 ანალგეზიური საშუალებები
	
B ანალგეზიური ანტიპირექსიული საშუალებები
	
A სალიცილის მჟავა და მისი წარმოებულები
A01AD05	
A საჭმლის მომნელებელი ტრაქტი და ნივთიერებათა ცვლა
	
01 სტომატოლოგიური პრეპარატები
	
A სტომატოლოგიური პრეპარატები
	
D სხვა პრეპარატები ადგილობრივი გამოყენებისათვის პირის ღრუს დაავადებების დროს
B01AC06	
B სისხლწარმოქმნა და სისხლი
	
01 ანტიკოაგულანტები
	
A ანტიკოაგულანტები
	
C თრომბოციტების აგრეგაციის ინჰიბიტორები (ჰეპარინის გარდა)
ანოტაცია:
	
	
ფარმაკოლოგიური თვისება:
	
პრეპარატის ანთების საწინააღმდეგო მოქმედება განპირობებულია ფერმენტ ციკლოოქსიგენაზას ინჰიბირებით და პროსტაგლანდინების სინთეზის დათრგუნვით. იგი ხასიათდება ტკივილდამაყუჩებელი, ანთების საწინააღმდეგო და სიცხის დამწევი თვისებებით.
ჩვენება:
	
აცეტილსალიცილის მჟავა გამოიყენება საშუალო და მსუბუქი ხარისხის თავის ტკივილის, სიცხის და გაცივების დროს. აგრეთვე სხვადასხვა ლოკალიზაციის ტკივილის სინდრომის (სახსროვანი, კუნთოვანი, მენსტრუალური, კბილის) დროს. შენიშვნა: აცეტილსალიცილის მჟავას გამოყენება არ შეიძლება ხანგრძლივად და ჭარბ დოზებში ექიმთან კონსულტაციის გარეშე, რეის სინდრომის განვითარების საშიშროების გამო. ბავშვებში და მოზრდილებში პრეპარატის გამოყენება დასაშვებია მხოლოდ ექიმის რეკომენდაციის შემდეგ და იმ შემთხვევებში, როდესაც სხვა პრეპარატები არაეფექტურია.
დოზირება და მიღების წესი:
	
შუშხუნა ტაბლეტები იხსნება წყალში. რეკომენდებული დოზა მოზრდილებში: ერთჯერადი - 1-2 აბი, სადღეღამისო - 8 აბამდე.
გვერდითი მოვლენები:
	
ჰიპერერგული რეაქციები (ბრონქოსპაზმი, კანის რეაქციები); კუჭნაწლავიდან სისხლდენები, სისხლში თრომბოციტების რაოდენობის შემცირება (თრომბოციტოპენია), კუჭის ეროზიის და წყლულის განვითარება.
უკუჩვენება:
	
აცეტილსალიცილის მჟავას გამოყენება არ არის რეკომენდებული სისხლდენისადმი მომატებული მიდრეკილების დროს. სიფრთხილე: აცეტილსალიცილის მჟავას გამოყენება რეკომენდებულია მხოლოდ ექიმთან კონსულტაციით შემდეგ შემთხვევებში: - აცეტილსალიცილის მჟავა დანიშვნა ერთდროულად სხვა ანტიკოაგულანტებთან ერთად (მაგალითად კუმარინის წარმოებული, ჰეპარინი); - გლუკოზო-6-ფოსფატდეჰიდროგენაზას უკმარისობის დროს; - ასთმის ან მომატებული მგრძნობელობის დროს სალიცილატების, სხვა ანთების საწინააღმდეგო და ანტირევმატული საშუალებების, ან სხვა ალერგენების მიმართ; - კუჭის ან 12-გოჯა ნაწლავის ქრონიკული დაავადებების დროს; - თირკმელების ფუნქციის დარღვევის, ორსულობის დროს, განსაკუთრებით ბოლო 3 თვის განმავლობაში. შენიშვნები: პაციენტებში, რომელთაც აღენიშნებათ: ასთმა, თივის ცხელება, ცხვირის ლორწოვანი გარსის ანთება (ცხვირის პოლიპები) ან სასუნთქი სისტემის ქრონიკული ინფექცია, მომატებული მგრძნობელობისას ტკივილიგამაყუჩებელი და რევმატიზმის საწინააღმდეგო ნებისმიერი საშუალებების მიმართ, აცეტილსალიცილის მჟავამ შეიძლება გამოიწვიოს ასთმის პროვოცირება (ე.წ. ინტოლერანტობა ანალგეტიკების მიმართ, ანალგეზიური ასთმა.) პრეპარატის მიღებამდე ასეთ პაციენტებში აუცილებელია ექიმთან კონსულტაცია. ორსულობის და ლაქტაციის პერიოდში აუცილებელია ექიმთან კონსულტაცია. ბავშვებში და მოზარდებში აცეტილსალიცილის მჟავა ინიშნება მხოლოდ ექიმის რეკომენდაციით, ვინაიდან შესაძლებელია რეის სინდრომის განვითარება, რომელიც საფრთხეს უქმნის სიცოცხლეს.
ჭარბი დოზირება:
	
ჭარბი დოზირებისას განსაკუთრებით ბავშვებში და ხანდაზმულებში აღინიშნება თავბრუსხვევა და ყურებში შუილი.
ურთიერთქმედება სხვა მედიკამენტებთან:
	
აცეტილსალიცილის მჟავას და ანტიკოაგულანტების (კუმარინის წარმოებულები, ჰეპარინი) ერთდროული გამოყენებისას იმატებს კუჭ-ნაწლავიდან სისხლდენების განვითარების რისკი. აცეტილსალიცილის მჟავას კომბინირებისას კორტიკოსტეროიდებთან, სხვა არასტეროიდულ, ჰიპოგლიკემიურ (სულფანილშარდოვანა) და სიმსივნის საწინააღმდეგო (მეტოტრექსატი) პრეპარატებთან შესაძლოა განვითარდეს არასასურველი გვერდითი ეფექტები. აცეტილსალიცილის მჟავას კომბინირების დროს მცირდება: სპირონოლაქტონის, ფუროსემიდის, პოდაგრის საწინააღმდეგო სა-შუალებების მოქმედება. ამიტომ აცეტილსალიცილის მჟავას გამოყენება ზემოთ აღნიშნულ საშუალებებთან ერთად შესაძლებელია მხოლოდ ექიმთან რეკომენდაციის შემთხვევაში.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 024864550 sec.