This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
უნიფიცირებული
დასახელება:
	
სილიმარინი
Silymarin
ა.თ.ქ. კლასიფიკაცია:
	
 
A05BA03	
A საჭმლის მომნელებელი ტრაქტი და ნივთიერებათა ცვლა
	
05 პრეპარატები ღვიძლისა და ნაღვლმდენი გზების დაავადებების მკურნალობისათვის
	
B პრეპარატები ღვიძლის დაავადებების მკურნალობისათვის
	
A პრეპარატები ღვიძლის დაავადებების მკურნალობისათვის
ანოტაცია:
	
	
ფარმაკოლოგიური თვისება:
	
პრეპარატის მოქმედების მექანიზმი განპირობებულია სილიმარინის (ფლავანოიდური ნაერთების ჯგუფი) ანტიოქსიდანტური აქტივობით, რომელიც რეალიზდება მისი ურთიერთქმედებით ღვიძლში თავისუფალ რადიკალებთან და მათი გარდაქმნით ნაკლებად ტოქსიკურ ნაერთებად. ეს ყველაფერი იწვევს ლიპიდების ზეჟანგვითი დაჟანგვის დათრგუნვას, ცილის სინთეზის სტიმულაციას, ფოსფოლიპიდების ცვლის ნორმალიზაციას და ჰეპატოციტების მემბრანების სტაბილიზაციას. აღნიშნულის გამო, ადგილი აქვს უჯრედული მემბრანის ნორმალიზებას და შესაბამისად ღვიძლის უჯრედული მემბრანების დაშლილი ნაწილების და ფერმენტების დანაკარგის შემცირებას (მაგ, ტრანსამინაზების). სილიმარინი ხელს უშლის გარკვეული ჰეპატოტოქსიკური ნივთიერებების (შხამა სოკოს ტოქსინების) უჯრედში შეღწევას. სილიმარინით გამოწვეული ცილის სინთეზის გაძლიერების პროცესი დაკავშირებულია უჯრედის ბირთვში არსებული რნმ პოლიმერაზა-1 აქტივობის სტიმულაციასთან, რომელიც იწვევს რიბოსომული რნმ წარმოქმნის გაზრდას, რის გამოც მიმდინარეობს სტრუქტურული და ფუნქციური პროტეინების (ფერმენტების) ინტენსიური სინთეზი. ამის შედეგად ადგილი აქვს ქსოვილის დეფექტის შეხორცებასა და ღვიძლის აღდგენითი გაძლიერებას.
ფარმაკოკინეტიკა:
	
დადგენილია, რომ პრეპარატი საჭმლისმომნელებელი ტრაქტი და რეზორბციის შემდეგ ძირითადად გამოიყოფა ნაღვლის საშუალებით (შეწოვილი რაოდენობის 80%-ზე მეტი). ნაღველში მეტაბოლიტების სახით აღმოჩენილია გლუკურონიდები და სულფატები. საგულისხმოა ის ფაქტი, რომ სიმარინი დეკონიუგაციის შემდეგ ხელმეორედ შეიწოვება ნაწლავებში და ღვიძლში და ამ გზით ცირკულირებს სისხლში. ვინაიდან პრეპარატი ნაღველის მიერ სწრაფად გამოიყოფა ორგანიზმიდან, სისხლში მისი კონცენტრაცია და რენული ელიმინაცია უმნიშვნელოა. ნახევრადაბსორბციის პერიოდი შეადგენს 2.2სთ-ს, ხოლო ნახევრადგამოყოფის პერიოდი - 6.3 სთ-ს.
ჩვენება:
	
ღვიძლის დაზიანება ქრონიკული ალკოჰოლიზმის დროს; შემანარჩუნებელი მკურნალობა ღვიძლის მწვავე და ანთებითი დაავადებების დროს. ღვიძლის ქრონიკული ინტოქსიკაცია (მათ რიცხვში პროფესიული) ჰალოგენირებული ნახშირწყალბადებით, მძიმე ლითონთა მარილებით. ღვიძლის დაზიანება ფსიქოტროპული, ტუბერკულოსტატური პრეპარატებით, პერორალური კონტრაცეპტივებით, პარაცეტამოლით, ზოგიერთი ანტიბიოტიკით, იმუნოდეპრესანთებით, ოპიოიდური ანალგეტიკებით. აგრეთვე შემანარჩუნებელი თერაპიის სახით ღვიძლის ციროზის დროს.
დოზირება და მიღების წესი:
	
მძიმე შემთხვევებში ინიშნება პერორალურად 1 კაფსულა 3-ჯერ დღეში. შემანარჩუნებელ დოზას შეადგენს 1 კაფსულა 2-ჯერ დღეში. კაფსულების მიღება ხდება დაუღეჭავად მცირე რაოდენობის სითხესთან ერთად. მკურნალობის კურსი დგინდება ექიმის მიერ.
გვერდითი მოვლენები:
	
ზოგიერთ შემთხვევებში ფაღარათი.
უკუჩვენება:
	
დადგენილი არ არის. 12 წლამდე ასაკის ბავშვებში პრეპარატის დანიშვნა არ არის რეკომენდირებული. პრეპარატის კომპონენტების მიმართ მომატებული მგრძნობელობა.
განსაკუთრებული მითითებები:
	
შესაძლებელია პრეპარატის გამოყენება ლიპიდური ცვლის კორექციისათვის.
ორსულობა და ლაქტაცია:
	
ორსულობის და ლაქტაციის პერიოდში პრეპარატის გამოყენება, არასაკმარისი კვლევების გამო, შესაძლებელია მხოლოდ ექიმთან კონსულტაციის შემდეგ. ჭარბი დოზირება არ არის აღწერილი. ჭარბი დოზირების შემთხვევაში საჭიროა პრეპარატით მკურნალობის შეწყვეტა. სპეციფიური ანტიდოტი არ არსებობს. გადაუდებელ შემთხვევებში საჭიროა სიმპტომატური მკურნალობა.
ურთიერთქმედება სხვა მედიკამენტებთან:
	
აღწერილი არ არის.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 020658092 sec.