| უნიფიცირებული დასახელება: | ეტამზილატიEtamsylate | ||
| ა.თ.ქ. კლასიფიკაცია: | |||
B02BX01 | B სისხლწარმოქმნა და სისხლი | ||
| 02 ჰემოსტატური პრეპარატები | |||
| B ვიტამინი K და სხვა ჰემოსტატური საშუალებები | |||
| X სხვა ჰემოსტატური პრეპარატები სისტემური გამოყენებისათვის | |||
| ანოტაცია: | |||
| ფარმაკოლოგიური თვისება: | ეთამზილატი წარმოადგენს ანტიჰემორაგიულ საშუალებას. იგი იწვევს სისხლის შემადედებელი სისტემის ფიზიოლოგიური მექანიზმების სტიმულირებას, ამცირებს სისხლდენის ხანგრძლივობას, ზრდის თრომბოციტების რაოდენობას, მათ აქტივობას და სიცოცხლის ხანგრძლივობას. მისი ეფექტი ვლინდება სისხლდენის ხანგრძლივობის სტატისტიკური შემცირების და თრომბოციტების რიცხვის ზომიერი მომატების სახით. პრეპარატი არ მოქმედებს პროთრომბინის დროზე, არ გააჩნია ჰიპერკოაგულაციური თვისებები და არ უწყობს ხელს თრომბის წარმოქმნას. იგი პრაქტიკულად არ მოქმედებს პერიფერიული სისხლის შემადგენლობაზე, ცილებისა და ლიპოპროტეინების კონცენტრაციაზე. მისი მოქმედებით ფიბრინოგენის დონე იზრდება უმნიშვნელოდ, ხოლო ერითროციტების დალექვის სიჩქარე უმნიშვნელოდ მცირდება. ეთამზილატი იწვევს კაპილარების კედ-ლის განვლადობის შემცირებას. მისი ანგიოპროტექტული მოქმედების მექანიზმი განპირობებულია კაპილარების ენდოთელიუმზე და ენდოთელიუმშორისო სივრცის ძირითად ნივთიერებებზე ზემოქმედებით და მიკროცირკულაციის გაუმჯობესებით. | ||
| ფარმაკოკინეტიკა: | ეთამზილატის ჰემოსტატური ეფექტი ვლინდება სწრაფად. პრეპარატის მოქმედება იწყება ინტრავენური ინექციიდან 5-15 წუთის შემდეგ. მაქსიმალური ეფექტი აღინიშნება 1-2 საათის შემდეგ. მისი მოქმედების ხანგრძლივობა შეადგენს 4-6 საათს, რომელიც მცირდება შემდგომი 24 საათის განმავლობაში. პრეპარატის კუნთებში შეყვანისას მოქმედება ვლინდება უფრო ნელა, ხოლო პერორალური მიღებისას მაქსიმალური ეფექტი აღინიშნება 3 საათის შემდეგ. | ||
| ჩვენება: | კაპილარული სისხლდენის პროფილაქტიკა ოპერაციული ჩარევების დროს და მის შემდეგ: - ჰემორაგიული დიათეზის მკურნალობა (ვერლჰოფის დაავადება, ვილებრანდ-იურგენსის დაავადება, თრომბოპათია), სისხლის სისტემური დაავადებები თანმხლები ჰემორაგიული სინდრომით, რომელიც განპირობებულია ჰემოსტაზის სისხლძარღვოვანი ფაქტორით; - მეტრო-მენორაგიების მკურნალობა (ფუნქციური, ფიბრომიომა); - დიაბეტური მიკროანგიოპათიების დროს (განსაკუთრებით დიაბეტური რეტინოპათის ჰემორაგიული ფორმა, განმეორებითი სისხლჩაქცევა ბადურაში და ჰემოფტალმი); - შინაგანი სისხლდენების, მათ შორის ტრავმული სისხლდენების დროს, გადაუდებელ თერაპიაში სხვა საშუალებებთან კომბინაციაში. - ოტორინოლარინგოლოგიაში (პრეპარატით პრემედიკაცია უზრუნველყოფს კარგ ჰემოსტაზს ტონზილექტომიის, ადენოტომიის, ყურის მირკოქირურგიული ოპერაციების შემდეგ, ვინაიდან იგი აჩერებს სპონტანურ სისხლდენებს, ასევე დროებით სისხლდენებს ოპერაციული ჩარევის შემდეგ); - ოფტალმოლოგიაში (კერატოპლასტიკის დროს მცირდება არასასურველი გამოსავალი სისხლდენის გამო, ოპერაცია კატარაქტის გამო, ბადურას ჩამოფცქვნა, გლაუკომის შემთხვევაში ოპერაციების დროს იძლევა კარგ პრეოპერაციულ ჰემოსტაზს და ამცირებს პოსტოპერაციული ჰემორაგიების ხარისხს. აგრეთვე ხელს უწყობს დიაბეტური და პოსტკონტუზიური რეტინული და ვიტრეული სისხლდენების შეჩერებას); - სტომატოლოგიაში (აჩერებს სისხლდენებს პირის ღრუში ოპერაციების დროს, მაგალითად, კისტის, გრანულომის რეზექცია და კბილების ექსტრაქციის შემდეგ); - უროლოგიაში (ამცირებს პოსტოპერაციული ჰემორაგიების მოცულობას და ხანგრძლივობას პროსტატექტომიის შემდეგ, თირკმელების სიმსივნის სრული და ნაწილობრივი ამოკვეთის შემდეგ); - ქირურგიაში (ხანგრძლივი და სათუთი ჩარევა ძლიერ ვასკულარიზებულ ქსოვილებზე); გინეკოლოგიაში და მეანობაში (პოსტოპერაციული ჰემორაგიების პროფილაქტიკა ჰისტერექტომიის, უტეროტომიის, სიმსივნის ამოკვეთის, ორსულობის შეწყვეტის დროს, ასევე დასაშვებია ეთამზილატის გამოყენება, როგორც დამხმარე საშუალების, მოსალოდნელი აბორტის დროს, მშობიარობის შემდგომი და პოსტაბორტული სისხლდენის, მეტრორაგიების დროს და სხვა); - კუჭ-ნაწლავის ტრაქტიდან და ფილტვებიდან სისხლდენის დროს; - წამლისმიერი ჰემორაგიები, თუ ისინი არ არის გამოწვეული ანტიკოაგულაციური საშუალებების მიღებით. | ||
| დოზირება და მიღების წესი: | პროფილაქტიკის მიზნით შესაძლებელია ეთამზილატის 1-2 ამპულის (2-4 მლ) შეყვანა ინტრავენურად ან კუნთებში (რაც შეესაბამება პრეპარატის 0,25-0,5 გ-ს) 1 საათით ადრე ან 2-3 აბი (თითო 0,25 გ) 3 საათით ადრე ოპერაციამდე. აუცილებლობის შემთხვევაში შეჰგყავთ 1-2 ამპულა ინტრავენურად ოპერაციის დროს. სისხლდენის საშიშროების შემთხვევაში პროფილაქტიკის მიზნით შეჰყავთ 2-4 ამ-პულა ოპერაციის შემდეგ, ან უნიშნავენ 2-8 ტაბლეტს თანაბარი ინტერვალებით 24 საათის განამავლობაში. გადაუდებელ შემთხვევაში შეჰყავთ 1-2 ამპულა ინტრავენურად ან კუნთებში, შემდგომში ყოველ 4-6 საათში 1 ამპულა (ან 2-2 აბი). საინექციო ხსნარით გაჟ-ღენთილი ტამპონი შეიძლება გამოვიყენოთ ადგილობრივად ჭრილობაზე. დიაბეტური მიკროანგიოპათიების სამკურნალოდ (რეტინოპათია ჰემორაგიით) ინიშნება კურსობრივად 2-3 თვის განამავლობაში 1-2 აბი 3-ჯერ დღეში ან 1 ამპულა კუნთებში 2-ჯერ დღეში. | ||
| გვერდითი მოვლენები: | დისპეფსია, სიმძიმის შეგრძნება ეპიგასტრიუმის მიდამოში, თავის ტკივილი, თავბრუსხვევა, სახის ჰიპერემია, სისტოლური არტერიული წნევის დაქვეითება, პარესთეზიები ქვემო კიდურებში. | ||
| უკუჩვენება: | პრეპარატი პრაქტიკულად არატოქსიკურია. შესაძლებელია მისი კომბინაცია სხვა სამკურნალო საშუალებებთან, დამატება საინფუზიო ხსნარებთან. დაუშვებელია მისი მიღება, როგორც ერთადერთი საშუალების ანტიკოაგულანტებით გამოწვეული სისხლდენის დროს. არ შეიძლება მისი შერევა სხვა პრეპარატებთან ერთ შპრიცში. |
Page generation time: 0. 020958429 sec.
