This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
უნიფიცირებული
დასახელება:
	
ჰიდროქლოროთიაზიდი
Hydrochlorothiazide
ა.თ.ქ. კლასიფიკაცია:
	
 
C03AA03	
C გულ-სისხლძარღვთა სისტემა
	
03 დიურეზული საშუალებები
	
A თიაზიდური დიურეზული საშუალებები
	
A თიაზიდური დიურეზული საშუალებები
ანოტაცია:
	
	
ორსულობა და ლაქტაცია:
	
ორსულობის I ტრიმესტრში და ლაქტაციის პერიოდში პრეპარატი არ ინიშნება.
ფარმაკოლოგიური თვისება:
	
ჰიდროქლოროთიაზიდის დიურეზული მოქმედება განპირობებულია ნატრიუმისა და ქლორის იონების რეაბსორბციის შემცირებით თირკმელების კლაკნილი მილაკების პროქსიმალურ (ნაწილობრივ დისტალურ) ნაწილში. კალიუმისა და ბიკარბონატების რეაბსორბცია ასევე ინჰიბირდება, თუმცა ნაკლები ხარისხით. ძლიერი ნატრიურეზული ეფექტის გამო იგი მიეკუთვნება აქტიურ სალურეზულ საშუალებებს. ავლენს დიურეზულ მოქმედებას როგორც აციდოზის, ასევე ალკალოზის დროს. აძლიერებს კალიუმის, მაგნიუმის, ბიკარბონატების გამოყოფას, აკავებს ორგანიზმში კალციუმის იონებს. პრეპარატის დიურეზული ეფექტი იწყება 2 სთ-ის შემდეგ, აღწევს მაქსიმუმს 4 სთ-ში და გრძელდება 12 სთ-ის განმავლობაში. პრეპარატი აქვეითებს არტერიულ წნევას და ამცირებს პოლიურიას უშაქრო დიაბეტით დაავადებულებში (მექანიზმი უცნობია). რიგ შემთხვევებში აქვეითებს თვალშიდა წნევას გლაუკომის დროს.
ჩვენება:
	
პრეპარატი გამოიყენება სხვადასხვა გენეზის შეშუპების (გულის ქრონიკული უკმარისობა, ნეფროზული სინდრომის, უშაქრო დიაბეტის, გლაუკომის (სუბკაფსულარული), თირკმელების უკმარისობის და არტერიული ჰიპერტონიის სამკურნალოდ.
დოზირება და მიღების წესი:
	
პრეპარატის დოზა დგინდება ინდივიდუალურად ექიმის მუდმივი მეთვალყურეობის ქვეშ. სასურველი ეფექტი უმჯობესია მიღწეულ იქნას და შენარჩუნდეს მცირე თერაპიული დოზებით. აბები მიზანშეწონილია მივიღოთ ჭამის შემდეგ. მოზრდილებში პრეპარატი, როგორც დიურეზული საშუალება ჩვეულებრივ ინიშნება დოზით 25-100 მგ დღეში ერთ ან 2 მიღებაზე. აღნიშნული დოზა შეიძლება მივიღოთ ყოველ 2 დღეში ერთხელ. შეშუპებითი სინდრომის დროს ჩვეულებრივი სადღეღამისო დოზა შეადგენს 25-100 მგ-ს. როგორც ჰიპოტენზიური საშუალების, პრეპარატის ჩვეულებრივი საწყისი სადღეღამისო დოზა შეადგენს 25-100 მგ-ს, შესაძლოა 100 მგ-ის მიღება დღეში ერთხელ. შემდგომში შესაძლებელია დოზის როგორც შემცირება, ასევე მომატება. მაქსიმალური სადღეღამისო დოზა როგორც დიურეზული საშუალების შეადგენს 200 მგ-ს, რამოდენიმე მიღებაზე დაყოფილი სახით. ჰიდროქლოროთიაზიდის კომბინაცია სხვა ჰიპოტენზიურ საშუალებებთნ შესაძლებელია, თუმცა არტერიული წნევის უეცარი დაქვეი-თების თავიდან ასაცილებლად სხვა ჰიპოტენზიური პრეპარატების დოზები შესაბამისად უნდა შემცირდეს. პოლიურიის შესამცირებლად უშაქრო დიაბეტის დროს, ჩვეულებრივი სადღეღამისო დოზა შეადგენს 50-150 მგ (შესაძლებელია დავყოთ რამოდენიმე მიღებაზე), დოზების შემდგომი შემცირებით. ბავშვებში საშუალო სადღეღამისო დოზა შეადგენს 2 მგ-ს/კგ სხეულის წონაზე 2 მიღებად: 2 წლამდე ასაკის ბავშვებში წონის მიხედვით ინიშნება დოზით 12.5-37.5 მგ. 3-დან 12 წლამდე ასაკის ბავშვებში პრეპარატი გამოიყენება დოზით 37.5-100 მგ დღეში, ხოლო 6 თვემდე ასაკის ბავშვებში აუცილებლობის შემთხვევაში პრეპარატის მაქსიმალური დოზა შეიძლება შეადგენდეს 3.5 მგ/კგ წონაზე დღეში.
გვერდითი მოვლენები:
	
ჰიდროქლოროთიაზიდის მიღებისას შესაძლოა განვითარდეს უმადობა, გულისრევა, ღებინება, ჩივილები კუჭ-ნაწლავის ტრაქტის მხრივ, მომატებული წყურვილის შეგრძნება, თავბრუსხვევა, კუნთების სპაზმი, ძილიანობა, თავის ტკივილი, ტაქიკარდია, მხედველობის დარღვევა, ალერგიული რეაქციები, ჰიპოგლიკემია, ჰიპომაგნიემია, ჰიპონატრიემია, ჰიპერკალციემია, ჰიპერურიკემია, ჰიპოქლორემიული ალკალოზი, ჰიპერგლიკემია; იშვიათად - თრომბოციტოპენია, ნეიტროპენია, პანკრეატიტი. ალერგიული რეაქციების წარმოშობის შემ-თხვევაში და შარდის გამოყოფის გაძნელებისას პრეპარატის მიღება უნდა შეწყდეს. ზემოთჩამოთვლილი სიმპტომების შესახებ უნდა ვაცნობოთ მკურნალ ექიმს. ჰიდროქლოროთიაზიდის ხანგრძლივად გამოყენების შემთხვევაში რეკომენდებულია პაციენტის კვების რაციონის გამდიდრება კალიუმის შემცველი პროდუქტებით (ხილი, ბოსტნეული).
უკუჩვენება:
	
პრეპარატის მიღება წინააღმდეგნაჩვენებია ანურიის დროს და სულფანილამიდების მიმართ მომატებული მგრძნობელობისას; თირკმელების ფუნქციის დარღვევის, ღვიძლის უკმარისობის, პოდაგრის მძიმე ფორმების და შაქრიანი დიაბეტის დროს.
განსაკუთრებული მითითებები:
	
პრეპარატის ხანგრძლივი დროით მიღებისას რეკომენდებულია კალიუმით მდიდარი საკვების მიღება. პრეპარატი სიფრთხილით ინიშნება ღვიძლისა და თირკმელების ფუნქციის უკმარისობის შემთხვევაში, პოდაგრისა და შაქრიანი დიაბეტის დროს. საგულე გლიკოზიდებთან, კორტიკოსტეროიდებთან, აკტჰ-თან მისი კომბინირებისას საჭიროა კალიუმის პრეპარატების და კალიუმის შემანარჩუნებელი დიურეზული საშუალებების დანიშვნა. თირკმელების უკმარისობის დროს საჭიროა სისხლის პლაზმაში ელექტროლიტების კონცენტრაციის და კრეატინინის კონტროლი. პრეპარატის მიღების დროს საჭიროა თავი შევიკავოთ ალკოჰოლური სასმელების გამოყენებისაგან. ვინაიდან პრეპარატი მოქმედებს სატრანსპორტო საშუალებების მართვის უნარზე, მისი მიღებისაგან საჭიროა თავი შევიკავოთ ისეთი სამუშაოების შესრულებისას, რომლებიც მოითხოვენ ყურადღების მაღალ კონცენტრაციას.
ურთიერთქმედება სხვა მედიკამენტებთან:
	
ჰიდროქლოროთიაზიდის მიღება სხვა სამკურნალო საშუალებებთან კომბინაციაში შესაძლებელია მხოლოდ ექიმის რეკომენდაციით. პრეპარატისა და ლითიუმის მარილების კომბინაცია არ არის რეკომენდებული. პრეპარატი სიფრთხილით გამოიყენება: - ჰიპოტენზიურ საშუალებებთან; - საგულე გლიკოზიდებთან; - ორალურ ანტიდიაბეტურ საშუალებებთან; - არადეპოლარიზაციული ტიპის მიორელაქსანტებთან; - ამანტადინთან; - კორტიკოსტეროიდულ პრეპარატებთან, კალციტონინთან; - ქოლესტირამინთან; - არასტეროიდულ ანთების საწინააღმდეგო საშუალებებთან; - ალკოჰოლთან, ბარბიტურატებთან, ნარკოტიკებთან.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 021511765 sec.