| უნიფიცირებული დასახელება: | ტრიჰექსიფენიდილიTrihexyphenidyl | ||
| ა.თ.ქ. კლასიფიკაცია: | |||
N04AA01 | N ნერვული სისტემა | ||
| 04 პარკინსონიზმის საწინააღმდეგო პრეპარატები | |||
| A ცენტრალური ქოლინობლოკატორები | |||
| A მესამეული ამინები | |||
| ანოტაცია: | |||
| ფარმაკოლოგიური თვისება: | იგი წარმოადგენს ცენტრალური მოქმედების ქოლინომაბლოკირებელ საშუალებას. გააჩნია აგრეთვე ეფექტორული ორგანოების ქოლინორეცეპტორების ბლოკირების უნარი. | ||
| ჩვენება: | ტრიჰექსიფენიდილი ნაჩვენებია პარკინსონიზმის (პოსტენცეფალიტური, ათეროსკლეროზული და იდიოპათური-წამლისმიერი მონოთერაპიის სახით და კომბინაციაში ლევოდოპასთან) დამატებითი მკურნალობისათვის. იგი გამოიყენება, როგორც ლევოდოპას დამხმარე პრეპარატი პარკინსონიზმის მკურნალობისათვის და ისეთი წამლისმიერი ექსტრაპირამიდული სიმპტომების (მაგრამ არა ტარდიული დისკინეზიების) შესამცირებლად, რომლებიც გამოწვეულია დიბენზოქსაზეპინებით, ფენოთიაზინებით და ბუტიროფენონებით. ის ასევე ნაჩვენებია ტორსიული დისტონიის, მათ შორის იდიოპათური, ოჯახური და სიმპტომატური ფორმების დროს. | ||
| დოზირება და მიღების წესი: | დოზირება ინდივიდუალურია. საწყისი დოზა უნდა იყოს მცირე, მისი შემდგომი თანდათანობითი გაზრდით, განსაკუთრებით პაციენტებში 60 წლის ასაკის ზევით. პრეპარატი ინიშნება ჭამის დროს, მის წინ, ან ჭამის შემდეგ. პაციენტებში ენცეფალიტის შემდგომ პერიოდში, რომელთაც აწუხებთ ჭარბი სალივაცია, პრეპარატი სასურველია მიღებულ იქნას ჭამის შემდეგ. იდიოპათური პარკინსონიზმის დროს: პარკინსონიზმის საწყისი მკურნალობისათვის პირველ დღეს ინიშნება 1 მგ დღეში აბები სახით. შემდგომში დოზა შეიძლება გაიზარდოს 2 მგ-ით 3-5 დღის განმავლობაში, სანამ სადღეღამისო დოზა არ მიაღწევს 6-10 მგ-ს. ბევრი პაციენტისთვის დოზა 6-10 მგ ეფექტურია, თუმცა ზოგიერთ პაციენტებში, განსაკუთრებით პოსტენცეფალიტურ პერიოდში იგი შეიძლება გაიზარდოს 12-15 მგ-მდე. მედიკამენტოზური პარკინსონიზმის დროს: პრეპარატის დოზირება მოითხოვს ექსტრაპირამიდული რეაქციების ემპირიულ კონტროლს ფენოთიაზინების, თიოქსანტენების და ბუტიროფენონების მიღების დროს. სადღეღამისო დოზა ჩვეულებრივ მერყეობს 5-15 მგ-მდე, თუმცა ზოგიერთ შემთხვევაში დამაკმაყოფილებელი ეფექტი ვლინდება 1 მგ დოზის მიღების დროს. რეკომენდებულია მკურნალობის დაწყება 1 მგ-ით. თუ ექსტრაპირამიდული მოვლენები არ მცირდება, შესაძლებელია დოზის პროგრესულად გაზრდა, სანამ სასურველი შედეგი არ იქნება მიღწეული. ტრიჰექსიფენიდილის გამოყენება ლევოდოპასთან კომბინაციაში: ამ შემთხვევაში ორივე პრეპარატის დოზა შეიძლება შემცირდეს. უნიშნავენ ფრთხილად, შესაძლო გვერდით მოვლენების გათვალისწინებით. ტრიჰექსიფენიდილის დოზა 3-6 მგ დღეში ჩვეულებრივ ადექვატურს წარმოადგენს ამ შემთხვევაში. პრეპარატის დღიურ დოზას ყოფენ 3 მიღებაზე ჭამის დროს. შედარებით უფრო მაღალ დოზები (>10 მგ დღეში) შეიძლება 4 ნაწილად გაიყოს: სამი დოზა ჭამის დროს და ერთი დოზა ძილის წინ. | ||
| გვერდითი მოვლენები: | გვერდითი მოვლენები ძირითადად უკავ-შირდება მის ანტიქოლინერგულ ეფექტებს: პირის სიმშრალე, თავბრუსხვევა, მხედველობის დაბინდვა, ნერვიული მდგომარეობა, სისუსტე, თავის ტკივილი. ცნს-ის სტიმულაცია ხშირად გამოიხატება მოუსვენრობით, აღგზნებადობით, დაბნეულობით, დელირიუმით და ჰალუცინაციებით, ან ეიფორიით მაღალი დოზების მიღების დროს პაციენტებში მაღალი მგრძნობელობით სხვა წამლების მიმართ, ფსიქიური დეზორიენტაცია ათეროსკლეროზით დაავადებულ პირებში; ასევე გამონაყარი, მსხვილი ნაწლავის დილატაცია, პარალიზური ილეუსი, ჩირქოვანი პაროტიტი, თვალშიდა წნევის მომატება. პროლონგირებული მკურნალობის დროს. გვერდითი ეფექტების არსებობა და სიმწვავე ხშირად დამოკიდებულია დოზაზე, ვინაიდან მისი შემცირება იწვევს მდგომარეობის გაუმჯობესებას. თუ მწვავე რეაქციას აქვს ადგილი, მკურნალობა უნდა შეწყდეს რამოდენიმე დღით და შემდეგ გაგრძელდეს უფრო მცირე დოზებით. | ||
| უკუჩვენება: | გლაუკომა, პროსტატის ჰიპერტროფია პრეპარატის ანტიქოლინერგული ეფექტის გამო, რომელიც თრგუნავს დეტრუზორის კუნთის მოქმედებას. ნაწლავთა პერისტალტიკის შემცირებას; წინაგულების ფიბრილაცია, ორსულობა, კუჭ-ნაწლავის ტრაქტის ობსტრუქციული დაავადებები პარალიზური ილეუსის განვითარებამდე. | ||
| ორსულობა და ლაქტაცია: | წინააღმდეგჩვენება. | ||
| განსაკუთრებული მითითებები: | პრეპარატი სიფრთხილით ინიშნება გულის დაავადებების დროს ტაქიკარდიით, არითმიით, ჰიპერტენზიით, ჰიპოტენზიით; პროსტატის ჰიპერტროფიის ან შარდვის გამოყოფის ნებისმიერი მოშლილობის, ღვიძლის ან თირკმელების დაავადებებისას, კუჭ-ნაწლავის და შარდ-სასქესო სისტემის ობსტრუქციული დაავადებების დროს. შესაძლებელია მენტალური სიმპტომების გამწვავება. პაციენტი უნდა იმყოფებოდეს ხანგრძლივი დაკვირვების ქვეშ, რათა თავიდან ავიცილოთ ალერგიული და სხვა არასასურველი რეაქციები. გერიატრიულ პაციენტებში, განსაკუთრებით 60 წლის ასაკის ზევით დოზირების მკაცრი კონტროლია საჭირო. გლაუკომის საწყისი სტადია შეიძლება გამწვავდეს პრეპარატის პარასიმპატოლიზური ეფექტის გამო. ანტიდისკინეზიური პრეპარატების პროლონგირებულმა მიღებამ შეიძლება დათრგუნოს ნერწყვდენა და ხელი შეუწყოს ისეთი დენტალური პათოლოგიების განვითარებას, როგორიცაა კარიესი, პერიოდონტული დაავადება, პირის ღრუს კანდიდოზი. ტრანსპორტის მართვის უნარზე ზემოქმედება ან რაიმე ტექნიკის მომსახურეობა:. პრეპარატის გვერდითი მოვლენებიდან გამომდინარე არ არის სასურველი ტრანსპორტის მართვა და იმ დანადგარებთან მუშაობა, რომელთა მომსახურებაც მოითხოვს ყურადღების მაქსიმალურ კონცენტრაციას. | ||
| ჭარბი დოზირება: | ჭარბი დოზირების ეფექტები მსგავსია ატროპინის ჭარბი დოზირების: ყველაზე ხშირია დეზორიენტაცია და ჰალუცინაციები. პერიფერიულ ეფექტებიდან: პირის სიმშრალე, გუგების გაფართოება, მხედველობის დაბინდვა, ტაქიკარდია, ცხელება, ამავე დროს შესაძლებელია ფიზოსტიგმინის გამოყენება, რომელსაც გააჩნია ცენტრალური და პერიფერიული ანტიქოლინესთერაზული თვისებები. | ||
| ურთიერთქმედება სხვა მედიკამენტებთან: | პოტენციურად საშიში პერიფერიული ანტიქოლინერგული ეფექტები შეიძლება განვითარდეს ანტიქოლინერგულ საშუალებებთან კომბინაციაში. ტრიჰექსიფენიდილმა შეიძლება გააძლიეროს უნებლიე მოძრაობები პარკინსონიზმის მქონე პაციენტებში, რომლებიც იღებენ ლევოდოპას. ლევოდოპას აბსორბცია შესაძლებელია შემცირდეს ტრიჰექსიფენიდილთან ერთად მისი მიღების დროს. ანტიკონვულსიურ მკურნალობაზე მყოფ პაციენტებში პრეპარატის მიღებამ შეიძლება გამოიწვიოს კრუნჩხვების გამწვავება. ტრიჰექსიფენიდილი წარმოადგენს სუსტ ფუძეს რის გამოც იგი ინაქტივირდება მჟავე საკვებით, როგორიცაა ციტრუსები და ხილის წვენები, რაც ამცირებს მისი მოქმედების ეფექტს. ალკოჰოლი აძლიერებს მეტაბოლიზმს და ამცირებს პრეპარატის კონცენტრაციას სისხლში და შესაბამისად მის თერაპიულ ეფექტს. ამიტომ მკურნალობის დროს ალკოჰოლის მიღება არ შეიძლება. |
Page generation time: 0. 026922761 sec.
