| უნიფიცირებული დასახელება: | ნორფლოქსაცინიNorfloxacin | ||
| ა.თ.ქ. კლასიფიკაცია: | |||
S01AX12 | S პრეპარატები გრძნობის ორგანოების დაავადებების მკურნალობისათვის | ||
| 01 პრეპარატები თვალის დაავადებების მკურნალობისათვის | |||
| A მიკრობების საწინააღმდეგო პრეპარატები | |||
| X მიკრობების საწინააღმდეგო სხვა პრეპარატები | |||
J01MA06 | J მიკრობების საწინააღმდეგო პრეპარატები სისტემური გამოყენებისათვის | ||
| 01 მიკრობების საწინააღმდეგო პრეპარატები სისტემური გამოყენებისათვის | |||
| M ანტიბაქტერიული პრეპარატები - ქინოლონის წარმოებულები | |||
| A ფტორქინოლონები | |||
| ანოტაცია: | |||
| ფარმაკოლოგიური თვისება: | ნორფლოქსაცინი წარმოადგენს ანტიმიკრობულ სინთეზურ საშუალებას ფთორქინოლონების ჯგუფიდან. მას გააჩნია ანტიმიკრობული ბაქტერიციდული მოქმედების ფართო სპექტრი. პრეპარატი იწვევს ბაქტერიული ფერმენტის დნმ-ჰირაზას ინჰიბირებას, რომელიც განაპირობებს სპირალიზაციას და დნმ-ს სტაბილიზაციას, რის შედეგადაც ირღვევა ბაქტერიულ უჯრედში ცილების სინთეზი, რაც იწვევს მიკროორგანიზმების დაღუპვას. პრეპარატი აქტიურია: Staphylococcus aureus, Neisseria gonorrhoeae, Neisseria meningitidis, E. Coli, Citrobacter spp., klebsiela, enterobacter, Hafnia, proteus (ინდოლდადებითი და ინდოლუარყოფითი შტამები), Salmonella, Shigella, Yersinia enterocolitica, Campylobacter jejuni, Aeromonas plesiomonas, Vibrio cholerae, Vibrio parahemolyticus, Haemophilus influenzae, Chlamydia legionella-ს მიმართ. ვარიაბელური მგრძნობელობა ნორფლოქსაცინის მიმართ გააჩნიათ: Enterococcus, streptococcus pyogenes, pneumoniae და viridans, Serratia marcescens, Pseudomonas aeruginisa, Acinetobacter, Mycoplasma hominis pneumoniae, Mycobacterium tuberculosis, Mycobacterium fortium. ნორფლოქსაცინის მიმართ მგრძნობელობა არ ახასიათებს Ureaplasma urealyticum უმრავლეს შტამებს, Nocardia asteroides, ანაერობულ ბაქტერიებს (მაგალითად, Bacteroides spp., Peptococcus, Peptostreptococcus, Eubacterium spp., Fusobacterium spp., Clostridium difficile), Treponema pallidum. | ||
| ფარმაკოკინეტიკა: | პრეპარატი კარგად შეიწოვება კუჭ-ნაწლავის ტრაქტიდან (აბსორბციის მაჩვენებელი ->20-40%), საკვების მიღება აბსორბციას აფერხებს. პრეპარატის თერაპიული კონცენტრაცია პლაზმაში აღინიშნება მიღებიდან 1 საათის შემდეგ. პლაზმის ცილებთან შეკავშირების ხარისხი შეადგენს 10-15%-ს. იგი ნაწილდება თირკმელების პარენქიმაში, საკვერცხეებში, სათესლე მილაკების სითხეში, წინამდებარე ჯირკვალში, მუცლის ღრუს და მცირე მენჯის ორგანოებში, ნაღველში, დედის რძეში. პრეპარატი გაივლის პლაცენტურ ბარიერს. იგი განიცდის უმნიშვნელო მეტაბოლიზმს ღვიძლში და ელიმინირდება ნაღველით და შარდით. ექსკრეცია თირკმელებით ხორციელდება როგორც გორგლოვანი ფილტრაციით, ასევე მილაკოვანი სეკრეციით. დღეღამის განმავლობაში გამოიყოფა დოზის 32%, დაახლოვებით 30% - განავალით, 5-8% კი მეტაბოლიტების სახით. | ||
| ჩვენება: | ინფექციურ-ანთებითი დაავადებები გამოწვეული ნორფლოქსაცინის მიმართ მგრძნობიარე მიკროორგანიზმებით: - საშარდე გზების მწვავე და ქრონიკული ინფექციები (გართულებული და გაურთულებელი); - სასქესო ორგანოების ინფექციები (პროსტატიტი, ეპიდიდიმიტი, ცერვიციტი, გონოკოკური ინფექციები, შანკროიდი); - მწვავე ბაქტერიული გასტროენტერიტი; - მუცლის ტიფი; - კუჭ-ნაწლავის ტრაქტის ინფექციები (სალმონელოზი, შიგელოზი, “მოგზაურთა დიარეა”); - სეფსისის პროფილაქტიკა ავადმყოფებში ნეიტროპენიით; - სასუნთქი გზების ინფექციები; - ყელ-ყურ-ცხვირის ინფექციები (მწვავე და ქრონიკული ოტიტი, ქრონიკული სინუსიტი, მწვავე ტონზილიტი და სხვა); სმენის ორგანოზე ქირურგიული ჩარევის დროს ინფექციური გართულებების პროფილაქტიკა; - ბაქტერიული ინფექციების პროფილაქტიკა ავადმყოფებში გრანულოციტოპენიით. - ადგილობრივი გამოყენებისათვის: კონიუქტივიტი, კერატიტი, კერატოკონიუნქტივიტი, რქოვანას წყლული, ბლეფარიტი, ბლეფაროკონიუნქტივიტი, თვალის ინფექციების პროფილაქტიკისათვის უცხო სხეულის ამოღების შემდეგ კონიუქტივიდან ან რქოვანადან. | ||
| დოზირება და მიღების წესი: | პრეპარატი ინიშნება პერორალურად ჭამამდე 1 საათით ადრე ან ჭამიდან 2 საათის შემდეგ. საშარდე გზების გაურთულებელი ინფექციების დროს - 400 მგ 2-ჯერ დღეში 3-10 დღის განმავლობაში; საშარდე გზების გართულებული ინფექციების დროს - 400 მგ 2-ჯერ დღეში 10-20 დღის განმავლობაში; საშარდე გზების ქრონიკული ინფექციების რეციდივის დროს - 12 კვირა. გაურთულებელი გონოკოკური ურეთრიტის, ფარინგიტის, პროქტიტის, ცერვიციტის დროს - ერთჯერადად 800-1200 მგ. მწვავე ბაქტერიული გასტროენტერიტის დროს - 400 მგ 2-ჯერ დღეში 5 დღის განმავლობაში, მუცლის ტიფის დროს - 400 მგ 2-ჯერ დღეში 14 დღის განმავლობაში. სეფსისის პროფილაქტიკისათვის ნეიტროპენიის დროს - 400 მგ 2-ჯერ დღეში 8 კვირის განმავლობაში. ყელ-ყურ-ცხვირის და სასუნთქი გზების ინფექციების დროს - 400 მგ 2-ჯერ დღეში 3-5 დღის განმავლობაში. ანტიმიკრობული მოქმედების ხანგრძლივობა შეადგენს 12 საათს. ოფთალმოლოგიურ პრაქტიკაში იყენებენ ადგილობრივად. ავადმყოფებში თირკმელების უკმარისობით (კრეატინინის კლირენსი <30 მლ/წუთში) ინიშნება 400 მგ დღეში. | ||
| გვერდითი მოვლენები: | პრეპარატის სისტემური გამოყენებისას შესაძლებელია გულისრევა, ღებინება და სხვა დისპეფსიური მოვლენები, თავის ტკივილი, თავბრუსხვევა, უძილობა. ზოგჯერ განგაშის შეგრძნება, გაღიზიანებადობა, ძალიან იშვიათად - ალერგიული რეაქციები (გამონაყარი კანზე, ქავილი). | ||
| უკუჩვენება: | - მომატებული მგრძნობელობა პრეპარატის და სხვა ქინოლონების მიმართ; - ორსულობა და ლაქტაციის პერიოდი; - ბავშვებში და 15 წლამდე ასაკის მოზარდებში; - გლუკოზო-6-ფოსფატდეჰიდროგენაზას დეფიციტი; - პრეპარატი სიფრთხილით ინიშნება ეპილეფსიის და კრუნჩხვითი სინდრომის, თირკმელების და ღვიძლის ფუნქციის დარღვევის დროს. | ||
| განსაკუთრებული მითითებები: | პრეპარატით მკურნალობის დროს ავადმყოფებმა უნდა მიიღონ სითხის საკმარისი რაოდენობა. ნორფლოქსაცინი სიფრთხილით გამოიყენება: ეპილეფსიის, სხვა ეტიოლოგიის კრუნჩხვითი სინდრომის, ღვიძლის და თირკმელების ფუნქციის დარღვევის დროს. ნორფლოქსაცინით მკურნალობის დროს საჭიროა ულტრაიისფერი სხივების ზემოქმედების თავიდან აცილება, ვინაიდან შესაძლებელია კანის ფოტოსენსიბილიზაციის განვითარება. | ||
| ჭარბი დოზირება: | სიმპტომები თავბრუსხვევა, გულისრევა, ღებინება, უძილობა, ცივი ოფლი (ძირითადი ჰემოდინამიკური მაჩვენებლების ცვლილებების გარეშე), კრუნჩხვები. მკურნალობა: კუჭის ამორეცხვა, ადექვატური ჰიდრატაციული თერაპია ფორსირებული დიურეზით, სიმპტომატური საშუალებების დანიშვნა. | ||
| ურთიერთქმედება სხვა მედიკამენტებთან: | ნორფლოქსაცინის ერთდროული გამოყენებისას ანტაციდურ საშუალებებთან ან პრეპარატებთან, რომლებიც შეიცავენ რკინას, თუთიას, მაგნიუმს, კალციუმს ან სუკრალფატს, მცირდება ნორფლოქსაცინის აბსორბცია (დროის ინტერვალი მათ დანიშვნებს შორის უნდა შეადგენდეს არანაკლებ 3 საათს). ნორფლოქსაცინის ერთდროული გამოყენებისას სოკოს საწინააღმდეგო პრეპარატებთან (ამფოტერიცინი B, კეტოკონაზოლი, მიკონაზოლი, ნისტატინი) აღინიშნება სინერგული მოქმედება. ნორფლოქსაცინი აძ ლიერებს თეოფილინის ტოქსიკურ ეფექტებს. |
Page generation time: 0. 022055495 sec.
