| უნიფიცირებული დასახელება: | მორფინიMorphine | ||
| ა.თ.ქ. კლასიფიკაცია: | |||
N02AA01 | N ნერვული სისტემა | ||
| 02 ანალგეზიური საშუალებები | |||
| A ოპიოიდები | |||
| A ოპიუმის ბუნებრივი ალკალოიდები | |||
| ანოტაცია: | |||
| ფარმაკოლოგიური თვისება: | მორფინი - ნარკოტიკულ ანალგეტიკების ჯგუფის ძირითადი წარმომადგენელია, რომელსაც გააჩნია გამოხატული ტკივილგამაყუჩებელი მოქმედება. მორფინის ანალგეზიური ეფექტი ხშირად განპირობებულია ტკივილის აღქმის ცვლილებასთან, ნაწილობრივ კი ტკივილის ზღურბლის გაზრდასთან. ითვლება, რომ ანალგეზიურ ეფექტს განაპირობებს მეტაბოლიტი მორფინ-6-გლუკურონიდი. მორფინი ოპოიდურ აგონისტს წარმოადგენს. ახასიათებს მაღალი აფინიტეტი ოპიოიდურ (მიუ) რეცეპტორებთან და უფრო დაბალი (სიგმა) და (კაპპა) რეცეპტორებთან. ცენტრალურ ნერვულ სისტემაზე მოქმედება ხორციელდება რეცეპტორებთან კავშირის მეშვეობით, რაც იწვევს შემდეგ ეფექტებს: (მიუ) რეცეპტორი - სუპრასპინალური ანალგეზია, სუნთქვის დათრგუნვა, ეიფორია და ფსიქიური დამოკიდებულების განვითარება. (კაპპა) რეცეპტორი - სპინალური ანალგეზია, გუგის შევიწროვება და სედაციური მოქმედება (სიგმა) რეცეპტორი - დისფორია და ჰალუცინაციები ამასთან ერთად “ტრიგერ” ზონის რეცეპტორების სტიმულირების შედეგად მორფინი იწვევს გულისრევას. იგი აძლიერებს ანტიდიურეზული ჰორმონისა და ჰისტამინის გამონთავისუფლებას, ასევე იწვევს ყაბზობას. | ||
| გვერდითი მოვლენები: | სუნთქვის დათრგუნვა, გულისრევის შეგრძნება, პირღებინება, ეიფორია, შარდის გამოყოფის შემცირება, ზოგ შემთხვევაში შარდის შეკავება, ყაბზობა, გამოხატული სედაციური მოქმედება. | ||
| ჭარბი დოზირება: | დოზის გადაჭარბების შემთხვევაში ვითარდება ცნს-ის დათრგუნვა,, ზოგჯერ კომამდეც, სუნთქვის ცენტრის დეპრესია. მის ზოგჯერ შეჩერებამდე. ამ დროს ტარდება სიმპტომური თერაპია. ანტიდოტად გამოიყენება ნალოქსონი, ხოლო საჭიროების შემთხვევაში ფილტვების ხელოვნური ვენტილაცია. | ||
| ფარმაკოკინეტიკა: | ცილებთან შეკავშირება შეადგენს დაახლოებით 35%. მორფინი ძირითადად ღვიძლში განიცდის მეტაბოლიზმს გლუკურონის მჟავასთან შეკავშირების შედეგად, ძირითადად მორფინ-3-გლუკურონიდისა (არააქტიური მეტაბოლიტი) და მორფინ-6-გლუკურონიდის (აქტიური მეტაბოლიტი) წარმოქმნით. შეყვანილი დოზის 90% გამოიყოფა 24 სთ-ში. ნახევრადდაშლის პერიოდი პლაზმაში წარმოადგენს 2-4-სთ-ს. | ||
| ჩვენება: | ძლიერი ტკივილები, პრემედიკაცია ოპერაციული ჩარევის წინ ზოგადი ანესთეზიის ჩასატარებლად. | ||
| უკუჩვენება: | მორფინი არ არის ნაჩვენები ავადმყოფებისთვის ფილტვის ქრონიკული უკმარისობით. | ||
| განსაკუთრებული მითითებები: | ღვიძლისა და თირკმლების ქრონიკული დაავადებების მქონე ავადმყოფებსა და ხანდაზმულ პაციენტებში გამოყენებისას საჭიროა დოზის შემცირება. განმეორებითი გამოყენებისას სწრაფად ვითარდება შეჩვევის სინდრომი. არ არის სასურველი პრეპარატის ვენაში შეყვანა, თუ ექიმს არაა აქვს წინასწარ გამზადებული მორფინის ანტაგონისტი და ფილტვების ხელოვნური ვენტილაციის მოწყობილობა. გამოყენება სხვადასხვა დანადგარებთან მუშაობისა ავტომანქანის მართვის დროს: მორფინი მნიშვნელოვნად აქვეითებს რეაქციის სისწრაფეს, რის გამოც მისი გამოყენება არ შეიძლება ავტომობილის მართვის დროს, მექანიკურ მოწყობილობებთან მუშაობისას და ისეთი სამუშაოს შესრულების დროს, როდესაც განსაკუთრებული ყურადღებაა საჭირო. სედაციური ეფექტი იზრდება მისი ალკოჰოლთან ერთად გამოყენებისას. | ||
| ორსულობა და ლაქტაცია: | ფეხმძიმობის დროს პრეპარატის გამოყენება დასაშვებია. ლაქტაციის პერიოდში მისი გამოყენება არარის სასურველი. | ||
| ურთიერთქმედება სხვა მედიკამენტებთან: | სედაციური მოქმედება და სუნთქვის დათრგუნვა ძლიერდება ალკოჰოლის, საძილე და სედაციურ პრეპარატებთან მისი ერთდროული მიღების დროს. იგი შეუთავსებელია სამციკლურ ანტიდეპრესანტებთან. არ შეიძლება პრეპარატის შეყვანა მონოამინოქსიდაზას ინჰიბიტორებთან ერთად ან მათი გამოყენების შეწყვეტიდან 14 დღის განმავლობაში. | ||
| დოზირება და მიღების წესი: | ძლიერი ტკივილების დროს: მოზრდილებში 10 მგ კუნთებში, კანქვეშ ან უფრო იშვიათად ვენაში. პრემედიკაციისათვის გამოიყენება ინდივიდუალური დოზირება. |
Page generation time: 0. 021643715 sec.
