| უნიფიცირებული დასახელება: | ორნიდაზოლიOrnidazole | ||
| ა.თ.ქ. კლასიფიკაცია: | |||
P01AB03 | P პარაზიტების საწინააღმდეგო პრეპარატები, ინსექტიციდები და რეპელენტები | ||
| 01 პროტოზოას საწინააღმდეგო პრეპარატები | |||
| A პრეპარატები ამებიაზის და სხვა პროტოზოული ინფექციების მკურნალობისათვის | |||
| B ნიტროიმიდაზოლის წარმოებულები | |||
G01AF06 | G შარდსასქესო სისტემა და სასქესო ჰორმონები | ||
| 01 ანტისეპტიკური საშუალებები და მიკრობების საწინააღმდეგო პრეპარატები გინეკოლოგიური დაავადებების მკურნალობისათვის | |||
| A ანტისეპტიკური საშუალებები და მიკრობების საწინააღმდეგო პრეპარატები გინეკოლოგიური დაავადებების მკურნალობისათვის (კორტიკოსტეროიდებთან კომბინაციის გარდა) | |||
| F იმიდაზოლის წარმოებულები | |||
J01XD03 | J მიკრობების საწინააღმდეგო პრეპარატები სისტემური გამოყენებისათვის | ||
| 01 მიკრობების საწინააღმდეგო პრეპარატები სისტემური გამოყენებისათვის | |||
| X ანტიბაქტერიული სხვა პრეპარატები | |||
| D იმიდაზოლის წარმოებულები | |||
| ანოტაცია: | |||
| ფარმაკოლოგიური თვისება: | ორნიდაზოლი წარმოადგენს ანტიმიკრობულ და ანტიპროტოზოულ საშუალებას. იგი ეფექტურია Trichomonas vaginalis, Entomoeba histolytica-ს, Giardia lamblia-ს (Giardia intestinalis), აგრეთვე ზოგიერთი ანაერობული ბაქტერიების მიმართ როგორიცაა: Bacteroides, Clostridium spp., Fusobacterium spp., და ანაერობული კოკები. | ||
| ფარმაკოკინეტიკა: | პერორალურად მიღების შემდეგ ორნიდაზოლი სწრაფად შეიწოვება კუჭ-ნაწლავის ტრაქტიდან. მისი შეწოვის საშუალო სიდიდე შეადგენს 90%-ს. პრეპარატის მაქსიმალური კონცენტრაცია პლაზმაში აღინიშნება 3 საათის შემდეგ. პრეპარატის ცილებთან კავშირი შეადგენს დაახლოვებით 13 %-ს. აქტიური ნივთიერება აღწევს ზურგის ტვინის სითხეში, ასევე ორგანიზმის სხვა სითხეებსა და ქსოვილებში. პლაზმაში პრეპარატის ეფექტური კონცენტრაცია აღინიშნება 6-36 მგ/ლ დიაპაზონში. ჯანმრთელ მოხალისეებში პრეპარატის ყოველ 12 საათში დოზით 500 მგ-ის ან 1000 მგ-ის ხანგრძლივად მიღებისას კუმულაციის კოეფიციენტი უტოლდება 1,5-2,5-ს. იგი მეტაბოლიზდება ღვიძლში და წარმოქმნის ძირითადად 2-ჰიდროქსიმეთილ და αჰიდროქსიმეთილმეტაბოლიტს. ორთავე მეტაბოლიტი უცვლელი ფორმის ორნიდაზოლისგან განსხვავებით ნაკლებად აქტიურნი არიან Trichomonas vaginalis და ანაერობული ბაქტერიების მიმართ. მისი ნახევრადგამოყოფის პერიოდი შეადგენს დაახლოვებით 13 საათს. პრეპარატის ერთჯერადად მიღების შემდეგ დოზის 85% პირველი 5 დღის განმავლობაში ძირითადად გამოიყოფა მეტაბოლიტების სახით. მიღებული დოზის 4 % კი უცვლელი სახით გამოიყოფა თირკმელებით. | ||
| ჩვენება: | პრეპარატი გამოიყენება ტრიქომონიაზის (ქალებსა და მამაკაცებში Trichomonas vaginalis-ით გამოწვეული შარდსასქესო ორგანოების ინფექციები), ამებიაზის (Entamoeba histolytica-თი გამოწვეული ყველა ნაწლავური ინფექციები, მათ შორის ამებური დიზენტერია და ამებიაზის ყველა არანაწლავური ფორმები, განსაკუთრებით კი ღვიძლის აბსცესი და ლამბლიოზის სამკურნალოდ. | ||
| დოზირება და მიღების წესი: | ტრიქომონიაზის სამკურნალოდ პრეპარატი მიიღება დღეღამეში 2-ჯერ (დილას და საღამოს) 5 დღის განმავლობაში 1 აბის ოდენობით. იმისათვის, რომ თავიდან ავიცილოთ ხელახალი დასნებოვნება ყველა შემთხვევაში საჭიროა პარტნიორმაც ჩაიტაროს იდენტური მკურნალობის კურსი. ბავშვებში პრეპარატის მისაღები დღეღამური დოზა ერთ მიღებაზე შეადგენს 25 მგ/კგ წონაზე. ამებიაზის სამკურნალოდ მოცემულია შემდეგი სქემა: ამებური დიზენტერიით დაავადებულ პაციენტებისთვის რეკომენდებულია სამდღიანი მკურნალობის კურსი, ხოლო ამებიაზის სხვა ყველა დანარჩენი ფორმებისას კი 5-10 დღიანი მკურნალობის კურსი. 3 დღიანი მკურნალობის კურსის სადღეღამისო დოზა შეადგენს: მოზრდილები და 35 კგ-ზე მეტი სხეულის წონის მქონე ბავშვები: 3 აბი ერთჯერადად საღამოს; 4 აბი 60 კგ-ზე მეტი სხეულის წონის შემთხვევაში (2 აბი დოლას და საღამოს); 35 კგ სხეულის წონის მქონე ბავშვები: ლამბლიოზის სამკურნალოდ მოზრდილებსა და 35 კგ-ზე მეტი სხეულის წონის მქონე ბავშვებში პრეპარატი მიიღება ერთჯერადად 3 აბის ოდენობით საღამოს. 35 კგ-ზე ნაკლები წონის მქონე ბავშვებში პრეპარატი მიიღება 40 მგ/კგ-ზე დღეღამე-ში ერთხელ. მკურნალობის ხანგრძლივობა შეადგენს 1-2 დღეს. | ||
| გვერდითი მოვლენები: | პრეპარატის გამოყენებისას აღინიშნება სუსტად გამოხატული ძილიანობა, თავის ტკივილი და გულისრევა. ცალკეულ შემთხვევებში კი შემდეგი დარღვევები ცნს-ის მხრივ: თავბრუსხვევა, ტრემორი, კუნთების რიგიდობა, კოორდინაციის დარღვევა, კრუნჩხვები, დაღლილობა, გონების დროებითი დაკარგვა, სენსორული ან შერეული პერიფერიული ნეიროპათიის ნიშნები. აღინიშნებოდა აგრეთვე გემოს შეგრძნების დაკარგვა, ღვიძლის ფუნქციონალური სინჯების ცვლილება, მომატებული მგრძნობელობისა და კანის მხრივ რეაქციები. | ||
| უკუჩვენება: | პრეპარატის ან მის შემადგენლობაში შემავალი კომპონენეტების მიმართ მომატებული მგრძნობელობა. | ||
| ორსულობა და ლაქტაცია: | ექსპერიმენტული კვლევების შედეგად დადგენილია, რომ პრეპარატის გამოყენება ნაყოფზე არ ახდენს ტერატოგენურ და ტოქსიკურ მოქმედებას. იმის გამო, რომ ორსულ და მეძუძურ დედებში საკმარისი კვლევები არ არის ჩატარებული, ამიტომ ამ პერიოდში მისი გამოყენება რეკომენდებულია მხოლოდ აბსოლუტური ჩვენების დროს. | ||
| განსაკუთრებული მითითებები: | პრეპარატი სიფრთხილით ინიშნება ცნს-ის დაავადების მქონე პირებში მაგალითად, ეპილეფსიით და გაფანტული სკლეროზით შეპყრობილ პაციენტებში. ღვიძლის ფუნქციის და თავის ტვინის დაზიანებისას, აგრეთვე ბავშვებში, ორსულებსა და მეძუძურ დედებში, ალკოჰოლის ბოროტად გამოყენების შემთხვევაში, განსაკუთრებით კი პრეპარატის ჭარბი დოზით გამოყენებისას არსებობს განსაზღვრული რისკი. | ||
| ჭარბი დოზირება: | ჭარბი დოზირებისას აღინიშნება ზემოთაღნიშნული გვერდითი მოვლენების შედარებით გამოხატული ფორმა. მკურნალობა: სპეციფიური ანტიდოტი არ არსებობს; კრუნჩხვების დროს რეკომენდებულია დიაზეპამის გამოყენება. | ||
| ურთიერთქმედება სხვა მედიკამენტებთან: | იგი სხვა ნიტროიმიდაზოლის წარმოებულებისაგან განსხვავებით არ აინჰიბირებს ალდეჰიდდეჰიდროგენაზას და ამიტომ არ არსებობს ალკოჰოლთან შეუთავსებლობა. იგი აძლიერებს კუმარინული რიგის პერორალური ანტიკოაგულანტების მოქმედებას, რაც მოითხოვს დოზების შესაბამის კორექციას. იგი ახანგრძლივებს ვეკურონიუმის ბრომიდის მიორელაქსანტურ მოქმედებას. |
Page generation time: 0. 021760795 sec.
