| უნიფიცირებული დასახელება: | ციპროჰეპტადინიCyproheptadine | ||
| ა.თ.ქ. კლასიფიკაცია: | |||
R06AX02 | R სასუნთქი სისტემა | ||
| 06 ანტიჰისტამინური პრეპარატები სისტემური გამოყენებისათვის | |||
| A ანტიჰისტამინური პრეპარატები სისტემური გამოყენებისათვის | |||
| X სხვა ანტიჰისტამინური პრეპარატები სისტემური გამოყენებისათვის | |||
| ანოტაცია: | |||
| ფარმაკოლოგიური თვისება: | პრეპარატს გააჩნია ანტიალერგიული, ანტიჰისტამინური, ანტიქოლინერგული და სუსტად გამოხატული სედატიური მოქმედება. ანტიალერგიული ეფექტი განპირობებულია მისი ანტიჰისტამინური მოქმედებით და კაპილარების განვლადობის შემცირებით. პრეპარატი ასტიმულირებს მადას, აბლოკირებს აკრომეგალიის დროს სომატოტროპინის ჰიპერსეკრეციას და აკტჰ-ის სეკრეციას იცენკო-კუშინგის სინდრომის დროს. | ||
| ფარმაკოკინეტიკა: | პერორალური მიღების დროს იგი კარგად შეიწოვება კუჭ-ნაწლავის ტრაქტიდან. მისი Cmax სისხლში აღინიშნება 2 საათის განმავლობაში. თერაპიული კონცენტრაცია შენარჩუნებულია 4-6 საათის განმავლობაში. იგი კარგად ნაწილდება ორგანიზმში ც.ნ.ს.-ის ჩათვლით. არ არის დადგენილი აღწევს თუ არა იგი პლაცენტურ ბარიერში. ინტენსიურად მეტაბოლიზდება ღვიძლში. აბის ან სიროფის ერთჯერადი მიღებისას 2-20% ელიმინირდება ნაწლავებით, 34% უცვლელი სახით. თირკმელებით გამოიყოფა 40%კონიუგატების და გლუკურონიდების სახით. | ||
| ჩვენება: | ციპროჰეპტადინი როგორც ანტიალერგიული საშუალება გამოიყენება შრატისმიერი დაავადების დროს, ურტიკარიის, ვაზომოტორული და ალერგიული რინიტის, ეგზემის, ალერგიული დერმატიტის, ნეიროდერმატიტის, ანგიონევროზული შეშუპების დროს, აგრეთვე კუჭისა და 12-გოჯა ნაწლავის წყლულისა და ქრონიკული გასტრიტების სამკურნალოდ. | ||
| დოზირება და მიღების წესი: | ციპროჰეპტადინი ინიშნება პერორალურად. პრეპარატის დოზები და მკურნალობის ხანგრძლივობა დამოკიდებულია დაავადების ხასიათსა და პრეპარატის ინდივიდუალურ ამტანობაზე. საწყისი დოზის მიღება რეკომენდებულია ღამით. აბები: ალერგიული დაავადებების სამკურნალოდ პრეპარატი მოზრდილებში ინიშნება 2-8 მგ (0,5-2 აბი) 3-ჯერ დღეში. 6 თვიდან 2 წლამდე ასაკის ბავშვებში პრეპარატი ინიშნება მხოლოდ აუცილებლობის შემთხვევაში დოზით 0,4 მგ/კგ დღეში, მკურნალობის კურსი არ უნდა აღემატებოდეს 3-4 კვირას. 3-დან 6 წლამდე ასაკის ბავშვებში პრეპარატი ინიშნება დოზით 2 მგ (0,5 ტაბლე-ტი) 3-ჯერ დღეში, მაქსიმალურმა სადღეღამისო დოზამ შესაძლოა მიაღწიოს 8 მგ-ს. 7-დან 14 წლამდე ასაკის ბავშვებში ინიშნება დოზით 4 მგ 3-ჯერ დღეში, მაქსიმალური დღეღამური დოზა შეადგენს 16 მგ-ს. წყლულოვანი დაავადების სამკურნალოდ ციპროჰეპტადინი მოზრდილებში ინიშნება ჭამამდე 10-15 წთ-ით ადრე შემდეგი სქემის მიხედვით: პირველი დღე: პრეპარატი გამოიყენება დოზით 1 მგ (j აბი) ორჯერ დღეში, მეორე დღე: პრეპარატი მიიღება დოზით 1 მგ სამჯერ დღეში; მესამე დღე: პრეპარატი მიიღება დოზით 1 მგ ოთხჯერ დღეში; მეოთხე დღე: პრეპარატი მიიღება დოზით 2 მგ (Ѕ აბი) სამჯერ დღეში; მეხუთე დღე: პრეპარატი მიიღება დოზით 2 მგ ოთხჯერ დღეში; მისი მიღების მეექვსე დღიდან მეთხუთმეტე დღის ჩათვლით პრეპარატი ინიშნება დოზით 1 მგ ერთხელ დღეში. მეთექვსმეტე დღეს პრეპარატის დოზას ამცირებენ 1 მგ-მდე დღეში ერთხელ მისაღებად. ციპროჰეპტადინის კომბინირება ჩვეულებრივ დოზებში ანტაციდებთან შესაძლებელია. მოზრდილებში ალერგიული დაავადებების სამკურნალოდ პრეპარატი ინიშნება 5-20 მლ სიროფი 3-ჯერ დღეში. სიროფი: 3-დან 6 წლამდე ასაკის ბავშვებში - 5 მლ სიროფი 3-ჯერ დღეში. 7-დან 14 წლამდე ასაკის ბავშვებში - 10 მლ 3-ჯერ დღეში. | ||
| გვერდითი მოვლენები: | პრეპარატის მიღებისას შესაძლებელია გამოვლინდეს შემდეგი გვერდითი მოვლენები: ძილიანობა, ემოციის ფონზე არასრულფასოვნების სინდრომი, ტკივილების შეგრძნება ქვედა კიდურებში. ზემოთჩამოთვლილი გვერდითი მოვლენები დროებითი ხასიათისაა და პრეპარატის მიღების შეწყვეტასთან ერთად გაივლის. პრეპარატის მიღებისას იშვიათად აღინიშნება პირის სიმშრალე, ატაქსია, თავბრუსხვევა, თავის ტკივილი, ღებინება, აგზნება, მხედველობითი ჰალუცინაციები. | ||
| უკუჩვენება: | ციპროჰეპტადინის მიღება წინააღმდეგნაჩვენებია 6 თვემდე ასაკის ბავშვებში, სასუნთქი ორგანოების დაავადების, გლაუკომის, შეშუპების მიმართ მიდრეკილების, შარდის შეკავების დროს, აგრეთვე ორსულობისა და ლაქტაციის პერიოდში, პრეპარატის მიმართ ინდივიდუალური აუტანლობის შემთხვევაში. | ||
| განსაკუთრებული მითითებები: | ციპროჰეპტადინის მიღება წინააღმდეგნაჩვენებია ტრანსპორტის მართვის და იმ სამუშაოს შესრულების დროს, რომელიც მოითხოვს მაქსიმალურ ყურადღებას, სწრაფ ფსიქიურ და მოძრაობით რეაქციებს. | ||
| ურთიერთქმედება სხვა მედიკამენტებთან: | ციპროჰეპტადინის ერთდროული მიღება არ არის რეკომენდებული ტკივილგამაყუჩებელ პრეპარატებთან და მაო-ს ინჰიბიტორებთან, აგრეთვე ალკოჰოლის შემცველ სასმელებთან. |
Page generation time: 0. 021057642 sec.
