| უნიფიცირებული დასახელება: | ეპოეტინ ბეტაEpoetin beta | ||
| ა.თ.ქ. კლასიფიკაცია: | |||
B03XA01 | B სისხლწარმოქმნა და სისხლი | ||
| 03 ანემიის საწინააღმდეგო პრეპარატები | |||
| X ანემიის საწინააღმდეგო სხვა პრეპარატები | |||
| A ჰემოლიზის სხვა სტიმულატორები | |||
| ანოტაცია: | |||
| ფარმაკოლოგიური თვისება: | პრეპარატი წარმოადგენს ადამიანის რეკომბინანტულ ერითროპოეტინს (გლიკოპეპტიდურ ჰორმონს), რომელიც არის ზრდის ჰემატოპოეტური ფაქტორი. იგი ძვლის ტვინში ასტიმულირებს ერითროიდულ პროლიფერაციას და დიფერენციაციას, ზრდის რეტიკულოციტების სისხლმიმოქცევაში გადასვლას, ასტიმულირებს უჯრედებში ჰემოგლობინის სინთეზს. ვარაუდობენ, რომ უჯრედების ზედაპირზე ერითროპოეტინი ურთიერთქმედებს სპეციფიკურ ერითროპოეტინურ რეცეპტორებთან. | ||
| ჩვენება: | გამოხატული ანემია, რომელიც ვითარდება თირკმელების ქრონიკული უკმარისობის დროს. ძვლის ტვინის დაზიანებით და ზოგიერთი ქრონიკული დავადებებით გამოწვეული ანემია, მათ რიცხვში აპლასტური ანემია, მიელოდისპლაზური დაავადებებით გამოწვეული ანემია, ქრონიკული ანთებითი დაავადებებისას, შიდსი, კიბო. 750-1500 გ წონის მქონე დღენაკლულ ახალშობილებში, რომლებიც დაიბადნენ ორსულობის 34 კვირამდე ანემიის პროფილაქტიკა. დონორის სისხლის მოცულობის მოსამატებლად, რომელიც განკუთვნილია შემდგომი აუტოტრანსფუზიისათვის ჰემოტრანსფუზიის თავიდან აცილების მიზნით. | ||
| დოზირება და მიღების წესი: | პრეპარატის მიღების წესი და დოზირება დგინდება ინდივიდუალურად და დამოკიდებულია ანემიის მიმდინარეობაზე, პაციენტის მდგომარეობის სიმძიმეზე და დაავადების ხასიათზე. პრეპარატი შეჰყავთ პარენტულად, კანქვეშ, ვენაში. საწყისი დოზა შეადგენს 50-150 სე/კგ სხეულის წონაზე საშუალოდ კვირაში 3-ჯერ. | ||
| გვერდითი მოვლენები: | შესაძლებელია არტერიული ჰიპერტენზიის განვითარება, ენცეფალოპათია, რომელიც ხშირად ვითარდება ჰიპერტონული კრიზების დროს. იშვიათად - თრომბოციტოზი, თრომბოზული გართულებები, მიალგია, ჰიპერკალიემია, კანზე გამონაყარი. | ||
| უკუჩვენება: | არაკონტროლირებადი არტერიული ჰიპერტენზია, წინა თვის განმავლობაში გადატანილი მიოკარდიუმის ინფარქტი ან თავის ტვინის ინსულტი, არასტაბილური სტენოკარდია. თრომბოემბოლია ანამნეზში, ბეტა ეპოეტინის მიმართ მომატებული მგრძნობელობა. | ||
| განსაკუთრებული მითითებები: | პრეპარატი სიფრთხილით გამოიყენება ეპილეფსიის, თრომბოციტოზის, ღვიძლის უკმარისობის, სისხლძარღვოვანი უკმარისობის, ავთვისებიანი წარმონაქმნების დროს. აგრეთვე ნეფროსკლეროზით დაავადებულ პაციენტებში, რომლებიც არ იმყოფებიან ჰემოდიალიზზე, ვინაიდან შესაძლებელია თირკმელების ფუნქციის შედარებით სწრაფი გაუარესება. მკურნალობის ეფექტურობა მცირდება ორგანიზმში რკინის დეფიციტის, ინფექციური და ანთებითი დაავადებების, ჰემოლიზის დროს. ორსულობისა და ლაქტაციის პერიოდში პრეპარატს ნიშნავენ მხოლოდ იმ შემთხვევაში, როდესაც დედისთვის მოსალოდნელი სარგებელი მკვეთრად სჭარბობს ნაყოფზე მისი შესაძლო მოქმედების პოტენციურ რისკს. ექსპერიმენტის შედეგად არ არის დადგენილი პრეპარატის ტერატოგენული მოქმედება. მკურნალობის პერიოდში თავი უნდა შევიკავოთ იმ სამუშაოების შესრულებისაგან, რომლებიც მოითხოვენ ყურადღების მაქსიმალურ კონცენტრაციას. პრეპარატისა და იმ სამკურნალო საშუალებების ერთდროული გამოყენებისას, რომლებიც მოქმედებენ ჰემოპოეზზე (მაგალითად რკინის პრეპარატები), შესაძლებელია ეპოეტინ ბეტას მასტიმულირებელი მოქმედების გაძლიერება. |
Page generation time: 0. 020761807 sec.
