This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
უნიფიცირებული
დასახელება:
	
გალანტამინი
Galanthaminum
ა.თ.ქ. კლასიფიკაცია:
	
 
N06DA04	
N ნერვული სისტემა
	
06 ფსიქოანალეფსიური საშუალებები
	
D დემენციის სამკურნალო პრეპარატები
	
A ქოლინესტერაზას ინჰიბიტორები
ანოტაცია:
	
	
უკუჩვენება:
	
- მომატებული მგრძნობელობა პრეპარატის მიმართ; - ბრონქული ასთმა, ბრადიკარდია, ატრიოვენტრიკულური ბლოკადა, სტენოკარდია, გულის დეკომპენსაცია, ეპილეფსია, ჰიპერკინეზი, ნაწლავების მექანიკური გაუვალობა ან საშარდე გზების ობტურაცია.
ფარმაკოლოგიური თვისება:
	
გალანტამინის ჰიდრობრომიდი წარმოადგენს შექცევადი ტიპის ანტიქოლინესთერაზულ საშუალებას, რომელიც ხელს უწყობს ქოლინერგული სინაფსის ნაპრალში აცეტილქოლინის დაგროვებას და ზრდის პოსტსინაფსური მემბრანის მგრძნობელობას მის მიმართ. იგი აძლიერებს ქოლინერგულ ტრანსმისიას ენდოგენური აცეტილქოლინის მოქმედების გაძლიერებით და პროლონგირებით, უზრუნველყოფს ნერვკუნთოვან გადაცემას ჩონჩხის კუნთებში, ავლენს ანტაგონიზმს არამადეპოლარიზებელი მიორელაქსანტების მიმართ. ამავე დროს, იგი ზრდის შინაგანი ორგანოების გლუვი კუნთების ტონუსს, აძლიერებს ეკზოკრინული ჯირკვლების სეკრეციას, იწვევს მიოზს, თვალშიდა წნევის დაქვეითებას, აკომოდაციის სპაზმს. პრეპარატი კარგად გაივლის ჰემატოენცეფალურ ბარიერს და აძლიერებს აგზნებით პროცესებს ცნსის ქოლინერგულ სინაფსებში.
ჩვენება:
	
- ანესთეზიოლოგიაში და ქირურგიაში - არადეპოლარიზაციული მიორელაქსანტების ეფექტის მოსახსნელად; - ნაწლავების და შარდის ბუშტის პოსტოპერაციული პარეზის და შარდის რეტენციის შემთხვევაში; ნევროლოგიაში - პოლიომიელიტის ნარჩენი მოვლენების (ფებრილური პერიოდის დამთავრების და აღდგენის დროს); - ნევრიტების, მიოპათიის, რადიკულონევრიტის, პოლინევრიტის, მიასთენიის, კუნთების პროგრესირებადი დისტროფიის, სპინალური და ნევრალგიური გენეზის კუნთების ატროფია, სპასტიური დამბლის, ინსულტის ნარჩენი მოვლენების, იმპოტენციის ზოგიერთი ფორმის დროს; - ფსიქიატრიაში - ოლიგოფრენიის დროს; - ფიზიოთერაპიაში - სმენის ნერვის და სხვა ნერვების ნევრიტების შემთხვევაში ელექტროფორეზისას; - მაობლიტირებელი ენდარტერიტის, დისჰიდროზის დროს; - რენტგენოლოგიაში - კუჭ-ნაწლავის ტრაქტის ფუნქციური დიაგნოსტიკისათვის; აგრეთვე თვალშიდა წნევის დასაქვეითებლად (წვეთებში).
დოზირება და მიღების წესი:
	
პრეპარატი შეჰყავთ პარენტერალურად: კანქვეშ, კუნთებში, ინტრავენურად. მკურნალობას იწყებენ მინიმალური ეფექტური დოზით, რომელსაც თანდათანობით ზრდიან. გალანტამინის ერთჯერადი დოზა მოზრდილებისათვის კანქვეშ შეადგენს 2,510 მგ-ს, ხოლო მაქსიმალური დღეღამური დოზა - 20 მგ-ს. ბავშვებში ერთჯერადი დოზა კანქვეშ: 1-დან 2 წლამდე - 0.25-0,5 მგ; 3-დან 5 წლამდე - 0.5-1.0 მგ; 6-დან 8 წლამდე - 0.75-2.0 მგ; 9-დან 11 წლამდე - 1.0-3.0 მგ; 12-დან 15 წლამდე - 1.25-.5,0 მგ; 15 წლის ზევით - 2-7 მგ. საჭიროებისას შესაძლებელია დოზების გაზრდა-მკაცრად ინდივიდუალურად. პრეპარატის ამტანობა ბავშებში საკმაოდ მაღალია. მკურნალობას იწყებენ მცირე დოზებით. მკურნალობის კურსის ხანგრძლივობა დამოკიდებულია დაავადების თავისებურებაზე და შეადგენს 40-60 დღეს. კურსის განმეორება შეიძლება 2-3 ჯერ 1-1.5 თვის ინტერვალით. მაღალი თერაპიული დოზა იყოფა 2-3 მიღებაზე. როგორც მიორელაქსანტების საწინააღმდეგო საშუალება გალანტამინი შეჰყავთ ინტრავენურად: მოზრდილებში ვენაში ერთჯერადი დოზა მოზრდილთათვის შეადგენს 10-25 მგ-ს, ბავშვებში 1 წლიდან- 15 წლამდე 1-10 მგ-ს. კუნთებში პრეპარატი შეჰყავთ მოზრდილებში ქოლეცისტოგრაფიის და ქოლანგიოგრაფიის დროს დოზით 1.0-5.0 მგ. ბავშვებში მხრის წნულის დამბლის დროს პრეპარატი ინიშნება კუნთებში, მზარდი დოზით 0.5-5.0 მგ დღეღამეში, რამოდენიმე კვირის განმავლობაში.
გვერდითი მოვლენები:
	
ძლიერი სალივაცია, ოფლიანობა, გულისრევა, ღებინება, თავბრუსხვევა, იშვიათად ბრადიკარდია. თვალის წვეთების გამოყენებისას - კონიუნქტივი, მსუბუქი შეწითლება, მხედველობის დარღვევა ქავილი; ც.ნ.ს.-ის მხრივ - აგზნება.
განსაკუთრებული მითითებები:
	
თირკმელების მძიმე უკმარისობის დროს აუცილებელია დოზის შემცირება. გალანტამინით მკურნალობა ტარდება კომპლექსში ფიზიოთერაპიულ პროცედურებთან ერთად, რომლებიც უნდა დაიწყოს პრეპარატის გამოყენებიდან 1-2 საათის შემდეგ.
ჭარბი დოზირება:
	
ჭარბი დოზირების შემთხვევაში პრეპარატის დღეღამური დოზა მცირდება ან მკურნალობა წყდება 2-3 დღით. შემდეგ ინიშნება უფრო მცირე დოზები. ჭარბი დოზირებისას აღინიშნება პარასიმპა-თიკური ნერვული სისტემის აგზნების ნიშნები: გულისრევა, ღებინება, დიარეა, ჰიპოტონია, ბრადიკარდია, ბრონქოსპაზმი, მძიმე შემთხვევაში - კრუნჩხვები, კომა, გაძლიერებული სეკრეცია. მკურნალობა ამ შემთხვევებში - სიმპტომატური საშუალებების გამოყენება, წყალმარილოვანი ხსნარების გადასხმა, დიურეზის ფორსირება. აუცილებლობის შემთხვევაში - სუნთქვის და გულ-სისხლძარღვთა სისტემის ხელოვნური მართვა; ანტიდოტის სახით ინიშნება ატროპინის მაღალი დოზები.
ურთიერთქმედება სხვა მედიკამენტებთან:
	
გალანტამინს ახასიათებს ანტაგონისტური მოქმედება - ქოლინობლოკატორების (ატროპინი, ჰომატროპინი), განგლიობლოკატორების (პენტამინი, პახიკარპინი), არამადეპოლარიზებელი მიორელაქსანტების (ტუბოკურარინი და სხვა) მიმართ. ამინოგლიკოზიდური ანტიბიოტიკები ამცირებენ მის თერაპიულ ეფექტს მიასთენიის დროს. გალანტამინის და სუქსამეთონიუმის ერ-თდროული გამოყენებისას აღინიშნება მათი მოქმედების პროლონგირება.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 020890958 sec.