| უნიფიცირებული დასახელება: | ალოპურინოლიAllopurinol | ||
| ა.თ.ქ. კლასიფიკაცია: | |||
M04AA01 | M ძვალ-კუნთოვანი სისტემა | ||
| 04 პოდაგრის საწინააღმდეგო პრეპარატები | |||
| A პოდაგრის საწინააღმდეგო პრეპარატები | |||
| A შარდმჟავას სინთეზის ინჰიბიტირები | |||
| ანოტაცია: | |||
| ფარმაკოლოგიური თვისება: | პრეპარატს გააჩნია ფერმენტ ქსანტინოქსიდაზას ინჰიბირების უნარი, რომელიც მონაწილეობს ჰიპოქსნტინის ქსანტინად და ქსანტინის მჟავად გარდაქმნაში, რის შედეგადაც სისხლის შრატში მცირდება ურატების წარმოქმნა. პრეპარატს აგრეთვე იყენებენ ეპილეფსიის კომპლექსური თერაპიის დროს ბავშვებში, რასაც, არსებული მოსაზრებით, საფუძვლად უდევს ალოპურინოლის მაინჰიბირებელი ეფექტი ფერმენტ ტრიფტოფანპიროლაზაზე, რის შედეგადაც ძლიერდება სეროტონინის ბიოსინთეზი. | ||
| დოზირება და მიღების წესი: | ალოპურინოლს უნიშნავენ პერორალურად ჭამის შემდეგ. დოზა დამოკიდებულია შარდმჟავას რაოდენობაზე სისხლში. მისი მინიმალური თერაპიული სადღეღამისო დოზა შეადგენს 0.1გ, მაქსიმალური - 0.8გ. ჩვეულებრივ ზომიერად გამოხატული ჰიპერურიკემიის დროს (10მგ %) უნიშნავენ 0.2-0.4გ დღეში 2-3 კვირის განმავლობაში, ხოლო შემდეგ გადადიან შემანარჩუნებელ დოზაზე (0.2-0.3გ დღეღამის განმავლობაში დაყოფილი 2-3 მიღებაზე). პოდაგრის მძიმე ფორმების, მაღალი ჰიპერურიკემიის დროს (7მგ-ზე მეტი) პრეპარატი გამოიყენება დაყოფილი დოზებით (ერთჯერადად არაუმეტეს 0.2 გრამისა) 0.6-0.8გ დღეში, 2-4 კვირის განმავლობაში, შემდეგ კი გადადიან შემანარჩუნებელ დოზაზე (0.1-0.3გ დღეში). აღნიშნული დოზა მიიღება ხანგრძლივად, რამდენიმე თვის განმავლობაში. | ||
| ჩვენება: | ალოპურინოლი გამოიყენება ისეთი დაავადებების სამკურნალოდ, რომელთაც თან ახლავს ჰიპერურიკემია, პირველადი და მეორადი პოდაგრის, თირკმლის კენჭოვანი დაავადების, ურატების წარმოქმნისას, პირველადი და მეორადი ჰიპერურიკემიის, აგრეთვე პათოლოგიური პროცესების დროს ნუკლეოპროტეიდების გაძლიერებული დაშლით და შარდმჟავას რაოდენობის მომატებით სისხლში, სხვადასხვა სახის ჰემობლასტომების (მწვავე ლეიკოზი, ლიმფოსარკომა და ა. შ.), კორტიკოსტეროიდებით მასიური თერაპიის შემთხვევაში, როდესაც კატაბოლური პროცესების გაძლიერების შედეგად საგრძნობლად მატულობს პურინების რაოდენობა სისხლში, რასაც შეუძლია გამოიწვიოს შარდმჟავით განპირობებული ნეფროპათია და თირკმელების ფუნქციის დაზიანება. | ||
| გვერდითი მოვლენები: | ალოპურინოლს ჩვეულებრივ კარგად იტანს პაციენტი. პოდაგრის მკურნალობის საწყის სტადიაში შეიძლება აღინიშნებოდეს გამწვავება, რომელიც დაკავშირებულია შარდმჟავას მობილიზაციით პოდაგრული კვანძებიდან და სხვა დეპოებიდან. ზოგიერთ შემ-თხვევაში შეიძლება აღინიშნებოდეს დისპეფსიური მოვლენები, კანზე გამონაყარი, ტემპერატურის მომატება, ეოზინოფილია, სისხლის შრატში ტრანსამინაზების მაჩვენებლების გაზრდა, იშვიათად ჰეპატიტი, ინტერსტიციული ნეფრიტი, ძალიან იშვიათად ანგიოიმუნობლასტური ლიმფადენოპათია, კატარაქტა, მხედველობის დვრილის მხრივ ცვლილებები, გემოვნების შეცვლა, სტომა-ტიტი, უნაყოფობა, იმპოტენცია, შაქრიანი დიაბეტი, ჰიპერლიპიდემია, ფურუნკულოზი, ალოპეცია, თმის გაუფერულება, ანგინა, არტერიული ჰიპერტენზია, ბრადიკარდია, შე-შუპებები, ურემია, ჰემატურია, გინეკომასტია, გრანულემატოზური ჰეპატიტი, თრომბოციტოპენია, აგრანულოციტოზი, აპლასტური ანემია, ლეიკოპენია პაციენტებში თირკმელების ფუნქციის დარღვევით, არ-თრალგია, თავის ტკივილი, თავბრუსხვევა, ატაქსია, ძილიანობა, ადინამია, დეპრესია, კომა, პარეზები, პარესთეზიები, ნეიროპათიები, მხედველობის დარღვევა. | ||
| უკუჩვენება: | თირკმლების უკმარისობა, ორსულობა და ლაქტაციის პერიოდი, მომატებული მგრძნობელობა პრეპარატის მიმართ. | ||
| განსაკუთრებული მითითებები: | გასათვალისწინებელია, რომ მკურნალობა უნდა იყოს ხანგრძლივი, ვინაიდან ალოპურინოლის მიღების შეწყვეტისას მე-3-4 დღეს ისევ მატულობს ურიკოზურიის და ურიკემიის მოვლენები. პრეპარატის მიღებისას 2-3 დღეზე მეტი ინტერვალი არ არის სასურველი. ასიმპტომური ურიკემიის დროს ალოპურინოლი არ ინიშნება. ჰემობლასტომის მკურნალობის დროს ალოპურინოლის მიღებისას ერთდროულად სიმსივნის საწინააღმდეგო პრეპარატებთან (მეტოტრექსატი, მერკაპტოპურინი და სხვა) უნდა გავითვალისწინოთ, რომ ალოპურინოლი არა მხოლოდ თრგუნავს აღნიშნული პრეპარატების ენზიმურ დაჟანგვას და აძლიერებს მათ სიმსივნის საწინააღმდეგო ეფექტს, არამედ აგრეთვე საგრძნობლად აძლიერებს მათ ტოქსიკურობასაც, რის გამოც მათი დოზები უნდა შემცირდეს (50%ით). ბავშვებში პრეპარატი ინიშნება მხოლოდ ავთვისებიანი დაავადების დროს (განსაკუთრებით ლეიკოზის დროს) და ზოგიერთი ფერმენტული დარღვევების შემთხვევაში (ლეშ-ნიანის სინდრომი). უნდა გავითვალისწინოთ, რომ ალოპურინოლით ადექვატური თერაპიის შემთხვევაში შესაძლებელია მსხვილი ურატული კონკრემენტების დაშლა და მათი მოხვედრა შარდსაწვეთში. ალოპურინოლი და მისი მეტაბოლიტები გამოიყოფიან ჰემოდიალიზის მეშვეობით. ალოპურინოლი არ ინიშნება ერთდროულად რკინის შემცველ საშუალებებთან ერთად. პრეპარატს სიფრთხილით იყენებენ თირკმლების უკმარისობის დროს (არა უმეტეს 0.1 გ დღეში). ალოპურინოლის მიღებისას დიურეზი უნდა იქნას შენარჩუნებული არანაკლებ 2 ლ დღეღამეში (სასურველია შარდის ნეიტრალური რეაქცია). ალოპურინოლი ახანგრძლივებს 6-მერკაპტოპურინის, აზათიოპრინის, კუმარინული ანტიკოაგულანტების, ქლორპროპამიდის (ჰიპოგლიკემიურ) ეფექტებს (განსაკუთრებით პაციენტებში თირკმელების ფუნქციის უკმარისობით). ურიკოზურიული საშუალებები და სალიცილატები მაღალ დოზებში ამცირებენ ალოპურინოლის აქტივობას. |
Page generation time: 0. 023281006 sec.
