| უნიფიცირებული დასახელება: | პაკლიტაქსელიPaclitaxel | ||
| ა.თ.ქ. კლასიფიკაცია: | |||
L01CD01 | L სიმსივნის საწინააღმდეგო პრეპარატები და იმუნომოდულატორები | ||
| 01 სიმსივნის საწინააღმდეგო პრეპარატები | |||
| C ალკალოიდები მცენარეული წარმოშობის | |||
| D ტაქსოიდები | |||
| ანოტაცია: | |||
| ჩვენება: | - საკვერცხეების კიბო; - სარძევე ჯირკვლის კიბო; - ფილტვების კიბო; - საყლაპავის კიბო; - შარდის ბუშტის კიბო. | ||
| დოზირება და მიღების წესი: | დოზის შერჩევა ხდება ინდივიდუალურად. პაკლიტაქსელი შეჰყავთ ინტრავენურად ხანგრძლივად (3-დან 24 საათმდე). მონოთერაპიის დროს შეჰყავთ დოზით 175მგ/მ2. ინტერვალი შეყვანებს შორის შეადგენს 3 კვირას. | ||
| ფარმაკოლოგიური თვისება: | პაკლიტაქსელი წარმოადგენს ქიმიოთერაპიულ პრეპარატს, უჯრედის მიტოზის ინჰიბიტორს, რომელიც ასტიმულირებს უჯრედში მიკრომილების “შეკრებას” ცილა ტუბულინის დიმერიდან და ხელს უწყობს მათ სტაბილიზაციას დეპოლიმერიზაციის დათრგუნვის ხარჯზე, რაც არღვევს მიკრომილების ქსელის დინამიკური რეორგანიზაციის ნორმალურ პროცესს. ყველაფერი ეს მნიშვნელოვანია უჯრედის ფუნქციისათვის მიტოზის ეტაპზე და უჯრედული ციკლის ინტერფაზისათვის. | ||
| ფარმაკოკინეტიკა: | 3 და 24 საათის განამავლობაში პრეპარატის ინფუზიისას დოზით 135 და 175 მგ/მ2 მისი ნახევრადგამოყოფის პერიოდი შეადგენს 3,0-52,7 საათს. ხანგრძლივი ინფუზიის დროს, 3 საათის განმავლობაში, პრეპარატის ფარმაკოკინეტიკა დოზის გაზრდისას ღებულობს არახაზოვან ხასიათს. მკურნალობის მრავალჯერადი კურსის ჩატარებისას არ არის მონაცემები პრეპარატის კუმულაციის შესახებ. როგორც In vitro კვლევებით იქნა დადგენილი, პრეპარატის 89-98% იმყოფება პლაზმის ცილებთან შეკავშირებულ მდგომარეობაში. ციმეტიდინი, რანიტიდინი, დექსამეტაზონი ან დიფენჰიდრამინი არ მოქმედებენ პრეპარატის ცილებთან შეკავშირების ხარისხზე. პაკლიტაქსელის მეტაბოლიზმი ადამიანებში არ არის ბოლომდე შესწავლილი. პრეპარატის შეყვანილი დოზის 1,3-დან 12,6%-მდე გამოიყოფა შარდის მეშვეობით უცვლელი სახით. მეტაბოლიზმის ძირითადი პროდუქტებია ჰიდროქსილირებული მეტაბოლიტები. ფარმაკოკინეტიკური პარამეტრები მოწმობენ, რომ დიალიზი არ მოქმედებს ორგანიზმიდან პრეპარატის გამოყოფის სიჩქარეზე. | ||
| გვერდითი მოვლენები: | - ალერგიული რეაქციები (გამონაყარი კანზე, კვინკეს შეშუპება, ბრონქოსპაზმი); - ალოპეცია; - არტერიული ჰიპოტონია, ბრადიკარდია, არითმია; - გულისრევა, ღებინება, დიარეა, ყაბზობა, მუკოზიტი, მადის დაქვეითება; - რთრალგია, მიალგია, პერიფერიული ეშუპება, ჰიპერემია, თრომბოფლებიტი პრეპარატის შეყვანის ადგილას; - შესაძლებელია სისხლში ღვიძლის ფერმენტების და ბილირუბინის დონის გაზრდა. | ||
| უკუჩვენება: | - მომატებული მგრძნობელობა პრეპარატის მიმართ; - გამოხატული ნეიტროპენია (1500/მმ 2 ნაკლები); - ორსულობა და ლაქტაცია. | ||
| განსაკუთრებული მითითებები: | პაკლიტაქსელით მკურნალობა უნდა ჩატარდეს მხოლოდ ექიმის მიერ, რომელსაც აქვს ანტიბლასტომური პრეპარატების გამოყენების გამოცდილება. მომატებული მგრძნობელობის თავიდან ასაცილებლად ყველა ავადმყოფს უნდა ჩაუტარდეს პრემედიკაცია კორტიკოსტეროიდებით, H1-H2 ჰისტამინური რეცეპტორების ბლოკატორებით. მკურნალობის პერიოდში საჭიროა პერიფერიული სისხლის სურათის სისტემატური კონტროლი. პრეპარატი სიფრთხილით ინიშნება ღვიძლის ფუნქციის დაქვეითებისას. | ||
| ორსულობა და ლაქტაცია: | ორსულობის დროს წინააღმდეგნაჩვენებია. ლაქტაციის პერიოდში მკურნალობისას საჭიროა ძუძუთი კვების შეწყვეტა. | ||
| ჭარბი დოზირება: | ჭარბი დოზირების მოსალოდნელი გართულებებია: ძვლის ტვინის ფუნქციის დათრგუნვა, პერიფერიული ნეიროტოქსიურობა და მუკოზიტები. ჭარბი დოზირების შემთხვევაში ანტიდოტი უცნობია. | ||
| ურთიერთქმედება სხვა მედიკამენტებთან: | პრემედიკაცია ციმეტიდინით არ მოქმედებს პრეპარატის კლირენსზე. საკვერცხეების კარცინომის პირველადი მკურნალობის დროს პაკლიტაქსელის შეყვანა წინ უძღვის ცისპლატინის შეყვანას. თუ იგი შეყავთ ცისპლატინის შემდეგ, ავადმყოფებში აღინიშნება გამოხატული მიელოსუპრესია და პაკლიტაქსელის კლირენსის შემცირებით 20%-ით. ავადმყოფებში, რომლებიც ღებულობენ კეტოკონაზოლს, აღინიშნება პაკლიტაქსელის მეტაბოლიზმის ინდუცირება. საჭიროა პრეპარატის სიფრთხილით დანიშვნა ასეთ ავადმყოფებში. პაკლიტაქსელის მეტაბოლიზმი განიცდის კატალიზს ციტოქრომ PP450 CYP2C8 და CYP3A4 იზოენზიმებით. ამ შემთხვევაშიც საჭიროა პრეპარატის სიფრთხილით გამოყენება. |
Page generation time: 0. 021324469 sec.
