| უნიფიცირებული დასახელება: | ოქსაცილინიOxacillin | ||
| ა.თ.ქ. კლასიფიკაცია: | |||
J01CF04 | J მიკრობების საწინააღმდეგო პრეპარატები სისტემური გამოყენებისათვის | ||
| 01 მიკრობების საწინააღმდეგო პრეპარატები სისტემური გამოყენებისათვის | |||
| C ბეტა-ლაქტამური ანტიბიოტიკები - პენიცილინები | |||
| F პენიცილინები, ბეტა-ლაქტამაზების მიმართ მდგრადი | |||
| ანოტაცია: | |||
| ფარმაკოლოგიური თვისება: | ოქსაცილინი წარმოადგენს ნახევრადსინთეზური პენიცილინების ჯგუფის ანტიბიოტიკს, რომელიც ხასიათდება ბაქტერიციდული მოქმედებით. იგი თრგუნავს ბაქტერიის უჯრედის კედლის სინთეზს, მასში შემავალ მუკოპეპტიდ მურეინის წარმოქმნის დარღვევის შედეგად. პრეპარატი მდგრადია პენიცილინაზების მიმართ, აქტიურია გრამდადებითი ბაქტერიების: Staphylococcus spp., (მათ შორის პენიცილინაზა მაპროდუცირებელი), Streptococcus spp., Corynebacterium diphtheriae, Bacilus anthracis; აგრეთვე ანაერობული სპორების წარმომქმნელი ჩხირების, გრამუარყოფითი კოკების: (Neisseria gonorrhoae, N. meningitidis); Actinomyces spp., Treponema spp. მიმართ. პრეპარატი არ იჩენს აქტიურობას მრავალი გრამუარყოფითი ბაქტერიების, რიკეტსიების, უმარტივესების, ვირუსების, სოკოების მიმართ. | ||
| ფარმაკოკინეტიკა: | პრეპარატის აბსორბცია სწრაფი და სრულია. მისი პერორალური მიღებისას ცილებთან კავშირი შეადგენს დაახლოებით 90%-ს, ოქსაცილინის კუნთებში შეყვანიდან 1-2 სთ-ის შემდეგ სისხლში აღინიშნება მისი მაქსიმალური კონცენტრაცია, რომელიც სწრაფად მცირდება 4 სთ-ის შემდეგ. პარენტერული შეყვანის შემდეგ სისხლში აღინიშნება უფრო მაღალი კონცენტრაცია ვიდრე მისი პერორალური მიღებისას. პლევრულ სითხეში პრეპარატის კონცენტრაცია აღწევს 10%-ს, სინოვიალურ და ასციტურ სითხეებში 50%-ს, ხოლო ნაღველში - 5-8%-ს სისხლის შრატში მი-სი კონცენტრაციის მიმართ. პრეპარატი არ აღწევს ჰემატოენცეფალურ ბარიერში. კუნ-თებში შეყვანილი პრეპარატის 40%-ზე მე-ტი სწრაფად გამოიყოფა შარდით, ასევე ნაღველით. | ||
| ჩვენება: | ინფექციები, რომლებიც მგრძნობიარენი არიან პრეპარატის მიმართ (მათ შორის ბენზილპენიცილინისა და ფენოქსიმეთილპენიცილინის მიმართ მდგრადნი): სეპტიცემია, პნევმონია, ემპიემა, აბსცესი, ფლეგმონა, ქოლეცისტიტი, პიელიტი, ცისტიტი, ოსტეომიელიტი, ოპერაციის შემდგომი ჭრილობისმიერი ინფექციები, ინფიცირებული დამწვრობა და ა. შ. | ||
| დოზირება და მიღების წესი: | ოქსაცილინი შეჰყავთ კუნთებში ან ვენაში. მოზრდილებსა და 6 წლის ასაკის ზევით ბავშვებში პრეპარატის სადღეღამისო დოზა შეადგენს 2-4 გ-ს, ხოლო ახალშობილებსა და დღენაკლულ ბავშვებში - 20-40 მგ/კგ-ზე. 3 თვემდე ასაკის ბავშვებში -60-80 მგ/კგ, 3 თვიდან 2 წლამდე ასაკის ბავ-შვებში - 1 გ, 2-დან 6 წლამდე ასაკის ბავშვებში - 2 გ-ს. პრეპარატის სადღეღამისო დოზა იყოფა 4-6 შეყვანაზე. მძიმე შემთხვევების დროს იგი შეიძლება გაიზარდოს 2-ჯერ. კუნთებში შესაყვანი საინექციო ხსნარის მომზადებისას 0.25 გ-იან ფლაკონს ხსნიან 1.5 მლ, ხოლო 0.5 გ- 3 მლ საინექციო წყალში. ვენაში შესაყვანი ხსნარის მოსამზადებლად ყოველ 0.25-0.5 გ პრეპარატს ხსნიან 5 მლ საინექციო წყალში ან ნატრიუმის ქლორიდის იზოტონურ ხსნარში და შეჰყავთ ნელა 5-10 წთ-ის განმავლობაში. პრეპარატის წვეთოვანი გზით შეყვანის შემთხვევაში მას ანზავებენ ნატრიუმის ქლორიდის იზოტონურ ხსნარში ან გლუკოზის 5%-იან ხსნარში 0.5-2 მგ/მლ კონცენტრაციამდე და შეჰყავთ 1-2 სთ-ის განმავლობაში წუთში 60-100 წვეთის სიჩქარით. შიგნით მისაღებად ერთჯერადი დოზა მოზრდილებში და 6 წლის ასაკის ზევით ბავ-შვებში შეადგენს 250-500 მგ-ს, ხოლო საშუალო სადღეღამისო 3,0 გ-ს. მძიმე ინფექციებისას დოზა შეიძლება გაიზარდოს 6-8 გ-მდე დღეში. ახალშობილთათვის სადღეღამისო დოზა შეადგენს 90-150 მგ/კგ-ზე, 3 თვემდე ასაკში-200 მგ/კგ-ზე, ხოლო 3 თვიდან 2 წლამდე-1,0 გ-ს. 2 წლიდან 6 წლამდე-2,0 გ-ს. მიღებათა სიხშირეა 4-6-ჯერ დღეში. მკურნალობის ხანგრძლივობა ჩვეულებრივ შეადგენს 7-10 დღეს. მძიმე ფორმის დაავადებების სამკურნალოდ (სეფსისი, სეპტიკური ენდოკარდიტი და სხვა) მკურნალობა შესაძლებელია გავახანგრძლივოთ 2-3 კვირის და მეტი ხნის განმავლობაში. | ||
| გვერდითი მოვლენები: | საჭმლის მომნელებელი სისტემის მხრივ: გულისრევა, ღებინება, დიარეა, ღვიძლის ფუნქციის დარღვევა. ალერგიული რეაქციის მხრივ: კანის ქავილი, ურტიკარია, იშვიათად ანგიონევროზული შეშუპება, ბრონქოსპაზმი, ანაფილაქსიური შოკი, ეოზინოფილია. შარდის გამომყოფი სისტემის მხრივ: ჰემატურია, პროტეინურია, ინტერსტიციული ნეფრიტი. ეფექტები, რომლებიც განპირობებულია ქიმიოთერაპიული მოქმედებით: დისბაქტერიოზი, პირის ღრუს კანდიდოზი, ფსევდომემბრანული კოლიტი, ვაგინური კანდიდოზი. ოქსაცილინის ვენაში შეყვანის შემთხვევაში შესაძლებელია თრომბოფლებიტის განვითარება. | ||
| უკუჩვენება: | პენიცილინისა და სხვა ბეტა-ლაქტამური ანტიბიოტიკების მიმართ მომატებული მგრძნობელობა. | ||
| განსაკუთრებული მითითებები: | ბრონქული ასთმისა და სხვა ალერგიული დაავადებების არსებობისას პრეპარატი სიფრთხილით ინიშნება. ორსულობისა და ლაქტაციის პერიოდში პრეპარატი გამოიყენება მხოლოდ აუცილებლობის შემთხვევაში, მკაცრი ჩვენების მიხედვით. ლაქტაციის პერიოდში პრეპარატის გამოყენების აუცილებლობისას საჭიროა ძუძუთი კვების შეწყვეტა. პრეპარატის გამოყენება ბენზილპენიცილინის მიმართ მგრძნობიარე მიკროორგანიზმებით გამოწვეული ინფექციების დროს მიზანშეწონილი არ არის. | ||
| ურთიერთქმედება სხვა მედიკამენტებთან: | ოქსაცილინის კონცენტრაციას სისხლში ზრდიან პრეპარატები, რომლებიც აბლოკირებენ თირკმლის მილაკოვან სეკრეციას (მაგ. პრობენეციდი). ბაქტერიოსტატული სამკურნალო საშუალებები ამცირებენ პრეპარატის ეფექტურობას. ანტაციდები და საფაღარათო საშუალებები ამცირებენ ოქსაცილინის აბსორბციას კუჭ-ნაწლავის ტრაქტიდან. |
Page generation time: 0. 021340383 sec.
