| უნიფიცირებული დასახელება: | ლინესტრენოლიLynestrenol | ||
| ა.თ.ქ. კლასიფიკაცია: | |||
G03DC03 | G შარდსასქესო სისტემა და სასქესო ჰორმონები | ||
| 03 სასქესო ჰორმონები და სასქესო სისტემის მოდულატორები | |||
| D პროგესტაგენები | |||
| C ესტრენის წარმოებულები | |||
G03AC02 | G შარდსასქესო სისტემა და სასქესო ჰორმონები | ||
| 03 სასქესო ჰორმონები და სასქესო სისტემის მოდულატორები | |||
| A ჰორმონული კონტრაცეპტივები სისტემური გამოყენებისათვის | |||
| C პროგესტაგენები | |||
| ანოტაცია: | |||
| ჩვენება: | - პოლიმენორეა; - მენორაგია და მეტრორაგია; - პირველადი ან მეორადი ამენორეის და ოლიგომენორეის ზოგიერთი შემთხვევები; - პრედმენსტრუალური სინდრომი; - ენდომეტრიოზი; - სარძევე ჯირკვლების კეთილთვისებიანი სიმსივნეები; - მენსტრუაციის, ოვულაციის დათრგუნვის მიზნით; - ოვულაციური ტკივილები, დისმენორეა; - ნორმალური მენსტრუალური ციკლის გადავადებისათვის; - ესტროგენებით კომბინირებული მკურნალობის შემადგენლობაში პრე- და პოსტმენოპაუზის პერიოდებში ენდომეტრიუმის ჰიპერპლაზიის თავიდან აცილებისათვის.; - ორალური კონტრაცეპციის მიზნით. | ||
| დოზირება და მიღების წესი: | პოლიმენორეა: ენიშნებათ 1აბი დღეში ციკლის 14-დან 25-ე დღეზე. მენორაგია და მეტრორაგია: 2 აბი დღეში 10 დღის განმავლობაში. სისხლდენა ძირითადად წყდება რამოდენიმე დღის შემდეგ მკურნალობის დაწყებიდან. 3 მომდევნო ციკლის განმავლობაში აუცილებელია მკურნალობის განმეორება-1 აბი თვითოეული ციკლის 14-დან 25-ე დღეზე. იმ შემთხვევაში, როდესაც ჩატარებული მკურნალობა არაეფექტურია, საჭიროა შემდგომი დიაგნოსტიკა დარღვევების მიზეზების დასადგენად. პირველადი ან მეორადი ამენორეის და ოლიგომენორეის ზოგიერთი შემთხვევების დროს მკურნალობას იწყებენ ესტროგენების დანიშვნით, მაგ. ეთინილესტრადიოლით 20-50მკგ/დღეღამეში 25 დღის განმავლობაში. პარარელურად ენიშნებათ პრეპარატი ციკლის 14-დან 25-ე დღეზე 1 აბი დღეში. როგორც წესი, მენსტრუაციის მსგავსს სისხლდენებს ადგილი აქვს პრეპარატების მოხსნიდან მე-3 დღეზე. მკურნალობის მეორე ციკლს იწყებენ მენსტრუაციის მსგავსი სისხლდენების დაწყების მე-5 დღიდან, ამ დროს ესტროგენული პრეპარატი ენიშნებათ ციკლის 5-დან 25-ე დღეზე, ხოლო პრეპარატი-ციკლის 14-დან 25-ე დღეზე 1 აბი დღეღამეში. აღნიშნული მკურნალობის კურსის განმეორება საჭიროა როგორც მინიმუმ კიდევ ერთხელ. პრედმენსტრუალური სინდრომი: ენიშნებათ 1 აბი დღეში ციკლის 14-დან 25-ე დღეზე. ენდომეტრიოზი: 1-2 აბი დღეში, მინიმუმ 6 თვის განმავლობაში. სარძევე ჯირკვლების კეთილთვისებიანი სიმსივნეები: 1 აბი ყოველდღიურად ციკლის 14-დან 25-ე დღეზე როგორც მინიმუმ 3-4 თვის განმავლობაში. ოვულაციის დასათრგუნად, ტკივილების, დისმენორეის დროს ენიშნებათ 1ტაბ. დღეში. მკურნალობის დაწყება საჭიროა ციკლის არაუგვიანეს მე-5 დღიდან, უმჯობესია - I დღიდან. მკურნალობის კურსი შესაძლებელია გაგრძელდეს ხანგრძლივად (აბების მიღება არ წყდება არცერთი დღით). იმ შემთხვევაში, თუ ხანგრძლივი მკურნალობის პროცესში ადგილი აქვს საშვილოსნოდან პროფუზულ სისხლდენას, საჭირო ხდება პრეპარატის დოზის გაზრდა 2-3 აბამდე დღეში 3-5 დღის განმავლობაში. ნორმალური მენსტრუალური ციკლის გადავადება: ენიშნებათ 1 აბი დღეში 2 კვირით ადრე სავარაუდო მენსტრუაციის დაწყებამდე. იმ შემთხვევაში, როდესაც მკურნალობის კურსი იწყება არა უმცირეს 1 კვირით ადრე სავარაუდო მენსტრუაციის დაწყებამდე, საჭიროა დოზის გაზრდა 23 აბამდე დღეში. ამ შემთხვევაში ერთ კვირაზე მეტი ხნით მენსტრუაციის დაყოვნება სასურველი არ არის. დაგვიანებული მკურნალობის კურსის შემ-თხვევაში იზრდება საშვილოსნოდან პროფუზული სისხლდენის საშიშროება. აღნიშნულის გამო მკურნალობის კურსი არ უნდა დაიწყოს 3 დღეზე უფრო გვიან სავარაუდო მენსტრუაციის დაწყებამდე. პრე- და პოსტმენოპაუზის პერიოდებში ენდომეტრიუმის ჰიპერპლაზიის თავიდან აცილება ესტროგენებით კომბინირებული მკურნალობის შემადგენლობაში: ენიშნებათ 0.5-1 აბი დღეში 12-15 დღის განმავლობაში თვეში (მაგ. ყოველი კალენდარული თვის პირველი 2 კვირის განმავლობაში). ესტროგენული პრეპარატის მიღება ხდება მუდმივად მინიმალური ეფექტური დოზით. აბების მიღება ხდება პერორალურად, მცირეოდენ სითხესთან ერთად. შენიშვნა: ციკლის პირველ დღედ ითვლება მენსტრუაციის პირველი დღე. გვერდითი მოვლენები ენდოკრინული და გინეკოლოგიური სტატუსის მხრივ: პრეპარატის მუდმივად გამოყენების დროს პირველი 2 თვის განმავლობაში შესაძლებელია საშვილოსნოდან მენსტრუაციის შორის სისხლდენები ან სასქესო გზებიდან სისხლიანი გამონადენი (10%-ზე უფრო ხშირ შემთხვევებში). შემდგომში აღნიშნული მოვლენების სიხშირე თანდათან ქვეითდება. ციკლური ჰორმონული მკურნალობის ჩატარების დროს რიგ შემთხვევებში (110%) შესაძლებელია აგრეთვე ადგილი ჰქონდეს საშვილოსნოდან პროფუზულ სისხლდენას ან სისხლიან გამონადენს. დოზის ხანმოკლე მომატება უმეტეს შემთხვევებში ხელს უწყობს სისხლდენის შეჩერების პროცესს. შესაძლებელია აგრეთვე ლიბიდოს მომატება ან დაქვეითება (10%-ზე უფრო მეტ შემთხვევებში). იშვიათად (1% და უფრო მცირე) - ვირილიზაციის ნიშნები (ფერიმჭამელები, ჰირსუტიზმი); არარეგულარული მენსტრუაციები, ტკივილები სარძევე ჯირკვლებში. ღვიძლის, კუჭ-ნაწლავის ტრაქტის მხრივ: გულისრევა და სხვა დისპეფსიური მოვლენები; იშვიათად - ღვიძლის ფუნქციური სინჯების ცვლილებები, სიყვითლე. ნივთიერებათა ცვლის მხრივ: შესაძლებელია სხეულის წონაში მომატება; იშვიათად გაძლიერებული ოფლდენა, დაბალი სიმკვრივის ლიპოპროტეინების მაჩვენებლების მომატება და მაღალი სიმკვრივის ლიპოპროტეინების მაჩვენებლების დაქვეითება, გლუკოზის მიმართ ტოლერანტობის დაქვეითება, შეშუპებები. ც.ნ.ს.-ის მხრივ: იშვიათად თავის ტკივილი ან შაკიკი, თავბრუსხვევა, მომატებული აგზნებადობა, დეპრესიები. დერმატოლოგიური რეაქციები: იშვიათადკანზე გამონაყარი, ქავილი, ფერიმჭამელები. პრეპარატის ხანგრძლივად გამოყენების დროს ადგილი აქვს ვირილიზაციის ნიშნების განვითარებას. სისხლის შედედების სისტემის მხრივ: იშვიათად - შედედების მაჩვენებლების ცვლილებები. აღნიშნული გვერდითი რეაქციების უდიდესი ნაწილი დროებითი ხასიათისაა. | ||
| უკუჩვენება: | - ღვიძლის მძიმე დაავადებები (მათ შორის ქოლესტაზური სიყვითლე, ჰეპატიტი); - ჰეპათომა ან ღვიძლის მძიმე დაავადებები ანამნეზში, სანამ ღვიძლის სინჯების ფუნქციური მაჩვენებლები არ დაუბრუნდებიან ნორმის ფარგლებს; - როტორის სინდრომი; - დუბინ-ჯონსონის სინდრომი; - უცნობი ეთიოლოგიის ვაგინალური სისხლდენები; - მდგომარეობა, რომელიც შეიძლება გამწვავდეს სტეროიდული შენების სასქესო ჰორმონების მიღებით (მათ შორის ორსულთა ჰერპესი, ორსულთა სიყვითლე, ოტოსკლეროზი, ძლიერი ქავილი, პორფირია); - სავარაუდო ან დადგენილი ორსულობა. | ||
| ორსულობა და ლაქტაცია: | პრეპარატის მიღება ორსულობის პერიოდ-ში წინააღმდეგნაჩვენებია. მისი გამოყენების უსაფრთხოების ზომები ლაქტაციის პერიოდში დღეისათვის შესწავლილი არ არის. განსაკუთრებული მითითებები ქალებს, რომელთაც მიდრეკილება აქვთ ქლოაზმის გამოვლენის მიმართ, სტეროიდული პრეპარატების მიღების დროს მზის სხივების ზემოქმედებამ ან ხელოვნურმა ულტრაიისფერმა გამოსხივებამ კანზე შესაძლებელია გამოიწვიოს ან გააძლიეროს აღნიშნული მდგომარეობა. პრეპარატით ხანგრძლივი მკურნალობის დროს რეკომენდებულია პერიოდულად სამედიცინო გამოკვლევების ჩატარება. საჭიროა სისხლის ლიპიდური სპექტრის, სისხლის შედედების სისტემის კონტროლი, განსაკუთრებით სისხლის მიმოქცევის მოშლით დაავადებულ პაციენტ ქალებში. ღვიძლის ფუნქციების ლაბორატორიული მაჩვენებლების, სისხლის შედედების სისტემის, ნახშირწყლოვანი ცვლის დარღვევების დროს საჭიროა პრეპარატის მიღება შეწყდეს. ხანგრძლივ კონტროლს საჭიროებენ აგრეთვე მძიმე დეპრესიის ზოგიერთი ფორმით შეპყრობილი ქალები, რომელთა გამწვავებაც შესაძლებელია სტეროიდული ჰორმონების გამოყენების დროს. | ||
| ჭარბი დოზირება: | სიმპტომები: ლინესტრენოლი ხასიათდება ძალიან დაბალი ტოქსიკურობით. დოზის გადაჭარბების დროს შესაძლებელია გულისრევა და ღებინება. მკურნალობა: სიმპტომატური მკურნალობა (ჩვენებების მიხედვით). | ||
| ურთიერთქმედება სხვა მედიკამენტებთან: | სხვა გესტაგენური პრეპარატების მოქმედების შესწავლის საფუძველზე არსებობს ცალკეული მონაცემები იმის შესახებ, რომ გააქტივებული ნახშირი, ბარბიტურატები (პრიმიდონის ჩათვლით), ჰიდანტოინები და რიფამპიცინი აქვეითებენ პრეპარატის ეფექტურობას და პირიქით, ორგამეტრილის მიღებამ, შესაძლებელია გააძლიეროს ზოგიერთი ბეტა-ადრენობლოკატორების, ციკლოსპორინის და დააქვეითოს ინსულინის ეფექტი. | ||
| ფარმაკოლოგიური თვისება: | ლინესტრენოლი წარმოადგენს ენდოგენური პროგესტერონისათვის დამახასიათებელი ზოგიერთი თვისებების მქონე სინთეზურ პროგესტინს. ლინესტრენოლი ხასიათდება ენდომეტრიუმზე კარგად გამოხატული გესტაგენური მოქმედებით. იგი იწვევს ემდომეტრიუმის ტრანსფორმაციას პროლიფერაციის ფაზიდან სეკრეტორულ ფაზაში. პრეპარატი თრგუნავს ოვულაციის პროცესს და ხელს უწყობს მენსტრუალური ციკლის გადავადების პროცესს მისი ყოველდღიური მიღების პირობებში შესვენების გარეშე. პრეპარატის კონტრაცეპტული მოქმედების მექანიზმი განპირობებულია უპირატესი პერიფერიული გესტაგენური ზეგავლენით რეპროდუქციულ სისტემაზე, რაც გამოიხატება ცერვიკალური ლორწოს რაოდენობის შემცირებით და მისი სიბლანტის მომატებით, რაც აქვეითებს სპერმატოზოიდების პენეტრირების უნარს საშვილოსნოში. იგი აგრეთვე ამცირებს ფალოპის მილების სატრანსპორტო ფუნქციას. მისი გამოყენება ნაჩვენებია იმ შემთხვევაში, როდესაც აუცილებელია ძლიერი პროგესტაგენური მოქმედების გამოწვევა. | ||
| ფარმაკოკინეტიკა: | შეწოვა ლინესტრენოლი შიგნით მიღებისას სწრაფად აბსორბირდება. მეტაბოლიზმი იგი განიცდის მეტაბოლიზმს, რის შედეგადაც გარდაიქმნება ფარმაკოლოგიურად აქტიურ-ნორეთისტერონად. ნორეთისტერონის მაქსიმალური კონცენტრაცია სისხლის პლაზმაში აღინიშნება 2-4სთ-ის შემდეგ ლინესტრენოლის მიღებიდან. გამოყოფა ლინესტრენოლი და მისი მეტაბოლიტები ორგანიზმიდან გამოიყოფიან ძირითადად თირკმელების საშუალებით და მცირე რაოდენობით - ნაწლავების გავლით. |
Page generation time: 0. 021980998 sec.
