| უნიფიცირებული დასახელება: | ლანსოპრაზოლიLansoprazole | ||
| ა.თ.ქ. კლასიფიკაცია: | |||
A02BC03 | A საჭმლის მომნელებელი ტრაქტი და ნივთიერებათა ცვლა | ||
| 02 ანტაციდები, კუჭისა და 12-გოჯა ნაწლავის წყლულის საწინააღმდეგო პრეპარატები და ნაწლავებში მეტეორიზმის შესამცირებელი პრეპარატები | |||
| B კუჭისა და 12-გოჯა ნაწლავის წყლულის საწინააღმდეგო პრეპარატები | |||
| C პროტონური ტუმბოს ინჰიბიტორები | |||
| ანოტაცია: | |||
| ფარმაკოლოგიური თვისება: | ლანზოპრაზოლი წარმოადგენს H+, K+, ატფ-ზას სპეციფიკურ ინჰიბიტორს, რომელიც თავისი ფარამაკოლოგიური თვისებებით წააგავს ომეპრაზოლს. იგი მოქმედებს კუჭში მარილმჟავას სეკრეციის ბოლო ფაზაზე და ამცირებს კუჭის წვენის მჟავიანობას, მასტიმულირებელი ფაქტორის ბუნებისგან დამოუკიდებლად. კუჭის წვენის სეკრეციის შემცირების მექანიზმი რეალიზდება ე. წ. პროტონული ტუმბოს-ფერმენტ H+/K+ ატფ-აზას სპეციფიკური ინჰიბირებით, პრეპარატის კუჭის პარიეტული უჯრედების სეკრეტორულ ზედაპირზე ზემოქმედების შედეგად. | ||
| ორსულობა და ლაქტაცია: | ორსულობის I ტრიმესტრში პრეპარატი არ გამოიყენება. ორსულობის სხვა პერიოდში პრეპარატის გამოყენება შესაძლებელია მხოლოდ აუცილებლობის შემთხვევაში, როდესაც მოსალოდნელი სარგებლიანობა დედისათვის მნიშვნელოვნად აღემატება პოტენციურ რისკს ნაყოფისათვის. დადგენილი არ არის გადადის თუ არა პრეპარატი დედის რძეში, რის გამოც ლაქტაციის პერიოდში იგი არ ინიშნება. პრეპარატის უსაფრთხოება ბავშვებში დადგენილი არ არის. | ||
| ფარმაკოკინეტიკა: | პრეპარატის მაქსიმალური კონცენტრაცია სისხლის პლაზმაში შეადგენს 0.75-1.15 მგ/ლ, რომელიც აღინიშნება მისი პერორალური მიღებიდან 1.5-2.2 საათის შემდეგ. აბსოლუტური ბიოშეღწევადობა ჯანმრთელ მოხალისეებში შეადგენს 85%-ს. პრეპარატი განიცდის მეტაბოლიზმს ღვიძლში პირველადი გავლისას და ელიმინირდება ნაღველით და შარდით. იგი იშლება ორ მეტაბოლიტად; ლანზოპრაზოლსულფონად და ჰიდროქსილანზოპრაზოლად. ლანზოპრაზოლის ნახევარგამოყოფის პერიოდი შეადგენს 1.3-1.7 საათს. მისი 97-99% უკავშირდება პლაზმის ცილებს. პრეპარატის ანტიბაქტერიული ეფექტი H. pylori-ს მიმართ ხელს უშლის პეპტიური წყლულის განვითარებას იმ მიკროორგანიზმების დეზაქტივაცის გამო, რომლებმაც შეიძლება გამოიწვიონ კუ-ჭის წყლულის რეციდივი. | ||
| ჩვენება: | - კუჭისა და 12-გოჯა ნაწლავის წყლული გამწვავების ფაზაში; - პეპტიური წყლული; - რეფლუქს-ეზოფაგიტი; - ზოლინგერ-ელისონის სინდრომი. | ||
| დოზირება და მიღების წესი: | პრეპარატი ინიშნება დილით ჭამის წინ დოზით 30 მგ. პაციენტები 12-გოჯა-ნაწლავის წყლულით აგრძელებენ მკურნალობას 4-6 კვირის განამავლობაში, ხოლო კუჭის წყლულით და რეფლუქს-ეზოფაგიტით დაავადებულები - 8 კვირას. შემანარჩუნებელი დოზა შეადგენს 15 მგ-ს. ზოლინგერ-ელისონის სინდრომის დროს რეკომენდებული საწყისი დოზა შეადგენს 60 მგ-ს ერთხელ დღეში, რომელიც ინიშნება ინდივიდუალურად კლინიკური მდგომარეობის მიხედვით. 120 მგ-ზე მეტი დოზა ინიშნება დაყოფილი სახით. | ||
| გვერდითი მოვლენები: | ყველაზე ხშირია გასტროინტესტინური ჩივილები, კერძოდ დიარეა, რომელიც აღენიშნებათ 3.2% პაციენტებს, ზოგჯერ ადგილი აქვს ყაბზობას. სხვა გვერდითი მოვლენები დაკავშირებულია ცენტრალური ნერვული სისტემის ფუნქციის დარღვევასთან, ცვლილებებთან კანის მხრივ, აგრეთვე აღინიშნება ფარინგიტი, რინიტი, ხველება, თავის ტკივილი, თავბრუსხვევა, ძილის დარღვევა, დაღლილობა და ძილიანობა. სხვა გვერდითი მოვლენები ვლინდება ანორექსიით, პროტეინურიით, დერმატოლოგიური რეაქციებით და სხვა. | ||
| უკუჩვენება: | - მომატებული მგრძნობელობა პრეპარატის მიმართ; - კუჭის კიბო; - აქლორჰიდრია; | ||
| ჭარბი დოზირება: | ჭარბი დოზირების მკურნალობა სიმპტომატურია და შემანარჩუნებელი. | ||
| ურთიერთქმედება სხვა მედიკამენტებთან: | ლანზოპრაზოლი განიცდის მეტაბოლიზმს ციტოქრომ-P450 სისტემის მეშვეობით. იგი ხელს უწყობს აღნიშნული ფერმენტული სისტემის ინდუქციას. მისი ურთიერთქმედება სხვა პრეპარატებთან, რომლებიც მეტაბოლიზდებიან ამ სისტემით, როგორიცაა ვარფარინი, ანტიპირინი, ინდომეტაცინი, იბუპროფენი, ფენიტოინი, პროპრანოლოლი, პრედნიზოლონი ან დიაზეპამი, არ არის ბოლომდე შესწავლილი. | ||
| განსაკუთრებული მითითებები: | პაციენტებს, რომლებიც ღებულობენ ლანზოპრაზოლს, თეოფილინი ენიშნებათ დიდი სიფრთხილით ექიმის კონტროლის ქვეშ. ანტაციდები, რომლებიც შეიცავენ ალუმინს და მაგნიუმს უნდა გამოვიყენოთ ლანზოპრაზოლის მიღებიდან 2 სთ-ის შემდეგ. ღვიძლის ციროზით დაავადებულ პაციენტენში ლანზოპრაზოლის გამოყოფა გახანგრძლივებულია. |
Page generation time: 0. 020910011 sec.
