| უნიფიცირებული დასახელება: | იპრატროპიუმის ბრომიდიIpratropium bromide | ||
| ა.თ.ქ. კლასიფიკაცია: | |||
R03BB01 | R სასუნთქი სისტემა | ||
| 03 პრეპარატები ბრონქული ასთმის მკურნალობისათვის | |||
| B სხვა პრეპარატები ინჰალაციური გამოყენებისათვის ბრონქული ასთმის მკურნალობისათვის | |||
| B ქოლინობლიკატორები | |||
R01AX03 | R სასუნთქი სისტემა | ||
| 01 პრეპარატები ცხვირის დაავადებების მკურნალობისათვის | |||
| A დეკოგესტანტები და სხვა პრეპარატები ადგილობრივი გამოყენებისათვის | |||
| X სხვა პრეპარატები ცხვირის დაავადებების დროს ადგილობრივი გამოყენებისათვის | |||
| ანოტაცია: | |||
| ფარმაკოლოგიური თვისება: | იპრატროპიუმი წარმოადგენს მეოთხეული ამონიუმის ნაერთს, რომელსაც გააჩნია ანტიქოლინერგული (პარასიმპათოლიზური) თვისებები. იპრატროპიუმის გამოყენებისას ბრონქოდილატაციას საფუძვლად უდევს პრეპარატის ადგილობრივი და არა სისტემური ანტიქოლინერგული მოქმედება. პაციენტებში ბრონქოსპაზმით, რომელიც გამოწვეულია ფიტვების ქრონიკული ობსტრუქციული დაავადებებით (ქრონიკული ბრონქიტი, ფილტვების ემფიზემა), გარეგანი სუნთქვის ფუნქციის მაჩვენებლები უმჯობესდება იპრატროპიუმის შეყვანიდან 15 წუთის შემდეგ, ხოლო მაქსიმალური ეფექტი აღინიშნება 1-2 საათის შემდეგ, რომელიც გრძელდება 6 საათის განმავლობაში. იპრატროპიუმი არ მოქმედებს უარყოფთად ლორწოს სეკრეციაზე, მუკოცილიარულ კლირენსზე და აირთა ცვლაზე. იპრატროპიუმის ბრონქოდილატაციური ეფექტი მწვავე ბრონქოსპაზმის დროს, დადასტურებულია კლინიკური კვლევით მოზრდილებში და 6 წლამდე ასაკის ბავშვებში. უმეტეს შემთხვევაში იპრატროპიუმი ინიშნება კომბინაციაში ბეტა-აგონისტებთან ერთად. არსებობს მცირერიცხოვანი მონაცემები იპრატროპიუმის ეფექტურობის შესახებ ბრონქოსპაზმის დროს, რომელიც გამოწვეული იყო ახალშობილებში და ჩვილ ბავშვებში ვირუსული ბრონქრიტით და ბრონქოპულმონური დისპლაზიით. | ||
| ჩვენება: | იპრატროპიუმის საინჰალაციო ხსნარი გამოიყენება ბრონქოდილატატორის სახით შემანარჩუნებელი ეფექტისათვის, ფილტვების ქრონიკული ობსტრუქციული დაავადების, მათ შორის ქრონიკული ბრონქიტის, ფილტვების ემფიზემის დროს. შესაძლებელია პრეპარატის კომბინირება ბეტა-აგონისტებთან მწვავე ბრონქოსპაზმის სამკურნალოდ, რომელიც გამოწვეულია ფილტვების ქრონიკული ობსტრუქციული დაავადებებით, მათ შორის ქრონიკული ბრონქიტით და ბრონქული ასთმით. | ||
| დოზირება და მიღების წესი: | (20 წვეთი =1 მლ-ს, 1 წვეთი =0.0125 მგ უწყლო იპრატროპიუმის ბრომიდს). დოზირების რეჟიმი ინდივიდუალურია. მკურნალობის დროს პაციენტი იმყოფება ექიმის მეთვალყურეობის ქვეშ. შემანარჩუნებელი მკურნალობა: მოზრდილებში (მათ შორის ხანდაზმულები) და ბავშვები 12 წლის ასაკის ზევით: 2.0 მლ (40 წვეთი =0.5 მგ) 3-4-ჯერ დღეში. ბავშვებში 6-დან 12 წლამდე ასაკის: 1.0 მლ (20 წვეთი =0.25 მგ) 3-4-ჯერ დღე-ში. ბავშვებში 6 წლამდე ასაკის: 0.4-1.0 მლ (8-20 წვეთი =0.1-0.25 მგ) 3-4-ჯერ დღეში. მწვავე ბრონქოსპაზმი: მოზრდილებში (მათ შორის ხანდაზმულები) და ბავშვები 12 წლის ასაკის ზევით: 2.0 მლ (40 წვეთი =0.5 მგ); შესაძლებელია განმეორებითი გამოყენება ავადმყოფის მდგომარეობის სტაბილიზაციამდე. ინტერვალს ინჰალაციებს შორის ადგენს ექიმი. შესაძლებელია იპრატროპიუმის ერთდროული გამოყენება საინჰალაციო ბეტა-აგონისტებთან. რეკომენდებული დოზის განზავება წარმოებს ფიზიოლოგიური ხსნარით პრეპარატის საბოლოო მოცულობის 3-4 მლ მიღებამდე. იგი თავსდება ნებულაიზერში, რის შემდეგაწარმოებენ ინჰალაციას დოზის დამთავრებამდე. პრეპარატის განზავება წარმოებს უშუალოდ ყოველი ინჰალაციის წინ. დარჩენილი დოზა შემდგომში არ გამოიყენება. პრეპარატის დოზა დამოკიდებულია ინჰალაციის წესზე და ნებულაიზერის ხარისხზე. ინჰალაციის ხანგრძლივობა დამოკიდებულია განზავებული ხსნარის მოცულობაზე. პრეპარატის დღეღამური დოზა, რომელიც აღემატება 2 მგ-ს მოზრდილებში და ბავშვებში 12 წლის ასაკის ზევით, ან 1 მგ-ს 12 წლამდე ასაკის ბავშვებში, ინიშნება ექიმის კონტროლის ქვეშ. რეკომენდებული დოზის გაზრდა დაუშვებელია, როგორც მწვავე ბრონქიტის მკურნა ლობისას, ასევე შემანარჩუნებელი თერაპიის დროს. ინჰალაციის არაეფექტურობის დროს ან ავადმყოფის მდგომარეობის გაუარესების შემთხვევაში, აუცილებელია ექიმთან კონსულტაცია. ქოშინის განვითარებისას და მისი სწრაფი პროგრესირების შემთხვევაში აუცილებელია ექიმის ინფორმირება. ცენტრალიზებული ჟანგბადის სისტემის გამოყენებისას ნაკადის რეკომენდებული სიჩქარე შეადგენს 6-8 ლ/წუთში. შესაძლებელია იპრატროპიუმის ერთდროული გამოყენება კომბინაციაში შემდეგ სეკრეტომუკოლიზურ საშუალებებთან და ბეტა-2 ადრენომიმეტურ საშუალებებთან. იპრატროპიუმი ერთდროულად არ ინიშნება ქრომოგლიკატის დინატრიუმის საინჰალაციო ხსნართან, ვინაიდან შეიძლება განვითარდეს პრეციპიტაცია. | ||
| გვერდითი მოვლენები: | ხშირ შემთხვევაში თავის ტკივილი, გულისრევა, პირის სიმშრალე. იპრატროპიუმის დაბალი სისტემური აბსორბციის გამო, გვერდითი მოვლენები, დაკავშირებული სისტემურ ანტიქოლინერგულ მოქმედებასთან, როგორიცაა: ტაქიკარდია, არითმია, აკომოდაციის დარღვევა, კუჭ-ნაწლავის ტრაქტის პერისტალტიკის დარღვევა, შარდის შეკავება, ატარებს გარდამავალ ხასიათს, ხოლო პაციენტებში საშარდე გზების ობსტრუქციით იზრდება შარდის შეკავების რისკი. როგორც სხვა ინჰალაციური თერაპიის დროს, მათ შორის ბრონქოდილატატორების გამოყენებისას, ხანდახან აღინიშნება ხველა, იშვიათად, ბრონქოსპასტიური რეაქციები. არსებობს მონაცემები ალერგიული რეაქციების შესახებ, მათ შორის: გამონაყარი, ენის, სახის, ტუჩების ანგიონევროზული შეშუპება, ურტიკარია, ხორხის სპაზმი, ანაფილაქსიური რეაქციები. თვალის მხრივ: გუგების გაფართოვება, თვალშიდა წნევის მომატება, ვიწროკუთხოვანი გლაუკომა, თვალის ტკივილი, მასში აეროზოლის მოხვედრისას, თვალის ტკივილი ან დისკომფორტი, არამკაფიო მხედველობა, თანმხლები კონიუნქტივური და კორნეალური ჰიპერემია წარმოადგენს ვიწროკუთხოვანი გლაუკომის სიმპტომებს. დაუშვებელია საინჰალაციო ხსნარის მოხვედრა თვალში. ინჰალაციისათვის იყენებენ ნებულაიზერებს ბუნიკით პირისათვის. თუ გამოიყენება ნებულაიზერი ნიღაბით, იგი უნდა იყოს შესაბამისი ზომის. აუცილებელია იმ პაციენტების გაფრთხილება, რომლებსაც აღენიშნებათ მიდრეკილება გლაუკომის განვითარებისადმი, რათა თავიდან იქნას აცილებული აეროზოლის მოხვედრა თვალში. | ||
| უკუჩვენება: | მომატებული მგრძნობელობა პრეპარატის შემადგენელი კომპონენტების მიმართ. | ||
| ორსულობა და ლაქტაცია: | იპრატროპიუმის უსაფრთხოება ორსულობის პერიოდში შესწავლილი არ არის. მისი დანიშვნა შესაძლებელია იმ შემთხვევაში, თუ მოსალოდნელი სარგებლიანობა დედისათვის აღემატება პოტენციურ რისკს ნაყოფისათვის. მონაცემები იპრატროპიუმის დედის რძეში გადასვლის შესახებ არ არსებობს. მართალია ცხიმში უხსნადი მეოთხეული ამინები აღწევენ დედის რძეში, ნაკლებად სავარაუდოა, რომ მან მნიშვნელოვნად იმოქმედოს ბავშვზე პრეპარატის ინჰალაციური გამოყენებისას. ვინაიდან მრავალი პრეპარატი გამოიყოფა დედის რძით, იპრატროპიუმიც სიფრთხილით ინიშნება ლაქტაციის პერიოდში. | ||
| განსაკუთრებული მითითებები: | იპრატროპიუმის 0.025% საინჰალაციო ხსნარი შეიცავს ანტიბაქტერიულ კონსერვანტს ბენზალკონიუმის ქლორიდს და სტაბილიზატორს დინატრიუმის ედეტატს. კლინიკური კვლევის მიხედვით აღნიშნული კომპონენტები ზოგიერთ პაციენტებში იწვევენ ბრონქების სანათურის შევიწროვებას. პრეპარატი სიფრთხილით ინიშნება პაციენტებში ვიწროკუთხოვანი გლაუკომის განვითარებისადმი მიდრეკილებით, ასევე პაციენტებში პროსტატის კეთილთვისებიანი ჰიპერპლაზიით და ურეთრის ობსტრუქციით. პაციენტებში მუკოვისციდოზით აღინიშნება კუჭ-ნაწლავის ტრაქტის პერისტალტიკის დარღვევა. იშვიათად, იპრატროპიუმის გამოყენებისას შესაძლებელია განვითარდეს დაუყოვნებელი ტიპის ჰიპერმგრძნობელობის რეაქცია, მათ შორის ჭინჭრის ციება, გამონაყარი, ბრონქოსპაზმი, ხორხის შეშუპება და ანაფილაქსია. | ||
| ჭარბი დოზირება: | ჭარბი დოზირების სპეციფიკური სიმპტომები გამოვლენილი არ არის. პრეპარატის თერაპიული მოქმედების ფართო სპექტრის გათვალისწინებით, დოზირებული აეროზოლის ადგილობრივი გამოყენება გამორიცხავს სერიოზული ანტიქოლინერგული სიმპტომების წარმოშობას. შესაძლებელია სისტემური ანტიქოლინერგული მოქმედების უმნიშვნელო გამოვლენა, როგორიცაა; პირის სიმშრალე, აკომოდაციის არღვევა, გულის რითმის დარღვევა. | ||
| ურთიერთქმედება სხვა მედიკამენტებთან: | ბეტა-ადრენერგული და ქსანტინების წარმოებულები აძლიერებს პრეპარატის ბრონქოლიზურ მრქმედებას. იპრატროპიუმის ერთდროული გამოყენებისას ინჰალაციურ ბეტა-ადრენომიმეტურ საშუალებებთან პაციენტებში ვიწროკუთხოვანი გლაუკომით, იზრდება მწვავე გლაუკომის შეტევის განვითარების რისკი. |
Page generation time: 0. 022497394 sec.
