| უნიფიცირებული დასახელება: | ფენოტეროლიFenoterol | ||
| ა.თ.ქ. კლასიფიკაცია: | |||
R03CC04 | R სასუნთქი სისტემა | ||
| 03 პრეპარატები ბრონქული ასთმის მკურნალობისათვის | |||
| C სიმპატომიმეტური საშუალებები სისტემური გამოყენებისათვის | |||
| C სელექტიური ბეტა2- ადრენომიმეტური საშუალებები | |||
R03AC04 | R სასუნთქი სისტემა | ||
| 03 პრეპარატები ბრონქული ასთმის მკურნალობისათვის | |||
| A სიმპატომიმეტური საშუალებები ინჰალაციური გამოყენებისათვის | |||
| C სელექტიური ბეტა2- ადრენომიმეტური საშუალებები | |||
G02CA03 | G შარდსასქესო სისტემა და სასქესო ჰორმონები | ||
| 02 სხვა პრეპარატები გინეკოლოგიური დაავადებების მკურნალობისათვის | |||
| C სხვა პრეპარატები გინეკოლოგიური დაავადებების მკურნალობისათვის | |||
| A ტოკოლიზური პრეპარატები - სიმპათომიმეტური საშუალებები | |||
| ანოტაცია: | |||
| დოზირება და მიღების წესი: | (20 წვეთი -1 მლ); (1 წვეთი=50 მკგ ფენოტეროლი); ფენოტეროლის დოზა ინდივიდუალურია. მკურნალობის პროცესში პაციენტები იმყოფებიან ხანგრძლივი სამედიცინო მეთვალყურეობის ქვეშ. საწყისი დოზა მოზრდილებისათვის (მათ შორის ხანდაზმული პაციენტები) და ბავშვებისათვის 12 წლის ასაკის ზემოთ: ბრონქული ასთმის მწვავე შეტევა: სიმპტომების დაუყოვნებლივი კუპირებისათვის უმრავლეს შემთხვევაში საკმარისია 0.5 მლ (10 წვეთი-0.5 მგ ფენოტეროლი). მძიმე შემთხვევებში შესაძლებელია პრეპარატის შედარებით მაღალი დოზებით გამოყენება 1 მლ-დან 1.25 მლ-მდე (20-25 წვეთი - 1-1.25 მგ ფენოტეროლი). განსაკუთრებით მძიმე შემთხვევებში აუცილებელია დოზის გაზრდა 2 მლ-მდე (40 წვეთი 2 მგ ფენოტეროლი) ექიმის მეთვალყურეობის ქვეშ. ფიზიკურ დატვირთვასთან დაკავშირებული ასთმის პროფილაქტიკა: 0.5 მლ (10 წვეთი - 0.5 მგ ფენოტეროლი) 4-ჯერ დღეში. ბრონქული ასთმა და სასუნთქი გზების შექცევადი ობსტრუქციით გამოწვეული სხვა მდგომარეობები: განმეორებითი ინჰალაციის აუცილებლობის შემთხვევაში ენიშნებათ 0.5 მლ (10 წვეთი - 0.5 მგ ფენოტეროლი) 4-ჯერ დღეში. 6-12 წლამდე ასაკის ბავშვებში (სხეულის წონით 22-დან 36 კგ-მდე): ბრონქული ასთმის მწვავე შეტევა: სიმპტომების დაუყოვნებლივი კუპირებისათვის უმრავლეს შემთხვევაში საკმარისია 0.25-0.5 მლ (5-10 წვეთი 0.25-0.5 მგ ფენოტეროლი). მძიმე შემთხვევებში, როდესაც პაციენტი ხშირად საჭიროებს ინტენსიურ მკურნალობას, იყენებენ პრეპარატის შედარებით მაღალ დოზებს 1 მლ-მდე (20 წვეთი - 1 მგ ფენოტეროლი). ცალკეულ შემთხვევებში ექიმის მეთვალყურეობის ქვეშ შესაძლებელია დოზის გაზრდა 1.5 მლ-მდე (30 წვეთი - 1.5 მგ ფენოტეროლი). ფიზიკურ ვარჯიშთან დაკავშირებული ასთმის პროფილაქტიკა: 0.5 მლ (10 წვეთი - 0.5 მგ ფენოტეროლი) 4-ჯერ დღეში. ბრონქული ასთმა და სასუნთქი გზების შექცევადი ობსტრუქციით გამოწვეული სხვა მდგომარეობები: განმეორებითი ინჰალაციის აუცილებლობის შემთხვევაში ენიშნებათ 0.5 მლ (10 წვეთი - 0.5 მგ ფენოტეროლი) 4-ჯერ დღეში. ბრონქული ასთმა და სასუნთქი გზების შექცევადი ობსტრუქციით გამოწვეული სხვა მდგომარეობები: განმეორებითი ინჰალაციის შეზღუდვის გამო, მკურნალობა ტარდება მხოლოდ სამედიცინო კონტროლის ქვეშ. რეკომენდებული დოზები: დაახლოებით 50 მკგ/კგ წონაზე (5-20 წვეთი - 0.25-1 მგ) 3-ჯერ დღეში. მკურნალობა იწყება მცირე დოზით. გამოყენების წინ ფენოტეროლის რეკომენდებულ დოზას ხსნიან ფიზიოლოგიურ ხსნარში 3-4 მლ მოცულობამდე. დისტილირებული წყლის გამოყენება ნებადართული არ არის. ხსნარის გახსნა წარმოებს უშუალოდ გამოყენების წინ. ინჰალაციის შემდეგ დარჩენილი ხსნარის განმეორებით გამოყენება ნებადართული არ არის. ინჰალაციის ხანგრძლივობის კონტროლი ხორციელდება ხსნარის მოცულობის ცვლილების გზით. აუცილებლობის შემთხვევაში განმეორებითი ინჰალაციების დანიშვნა ხდება არანაკლებ 4 სთ-იანი ინტერვალით. ერთ ინჰალაციაში შესაძლებელია ფენოტეროლის 0.1%-იან ხსნართან ერთად შედიოდეს ანტიქოლინერგული და მუკოლიზური საშუალებები. | ||
| გვერდითი მოვლენები: | კუნთების მსუბუქი ტრემორი, მოუსვენრობა, ტაქიკარდია, თავბრუსხვევა ან თავის ტკივილი, გულის ფრიალი. შესაძლებელია ჰიპოკალიემიის განვითარება, აგრეთვე ზედა სასუნთქი გზების გაღიზიანება, ხველა, იშვიათ შემთხვევებში - ძლიერი ბრონქოსპაზმი. ცალკეულ შემთხვევებში აღინიშნება გულისრევა, ღებინება, საერთო სისუსტე, გამონაყარი და სხვა ალერგიული რეაქციები, არტერიული წნევის დაქვეითება, ჰიპერგლიკემია, პარადოქსული ბრონქოსპაზმი, ოფლიანობა, ართრალგია. იშვიათად - ფსიქიკის მოშლა. | ||
| ორსულობა და ლაქტაცია: | ორსულობის დროს პრეპარატის გამოყენება ხდება მხოლოდ განსაკუთრებული აუცილებლობის შემთხვევაში, როდესაც დედისათვის მოსალოდნელი სასარგებლო შედეგი მკვეთრად სჭარბობს ნაყოფზე უარყოფითი მოქმედების პოტენციურ რისკს. ფენოტეროლი იწვევს საშვილოსნოს კუმშვადობის შემცირებას. ფენოტეროლი ექსკრეგირებს დედის რძეში, ამიტომ ლაქტაციის პერიოდში მისი დანიშვნისას საჭიროა ძუძუთი კვება შეწყდეს. | ||
| განსაკუთრებული მითითებები: | პრეპარატი განსაკუთრებული სიფრთხილით ენიშნებათ: - არასაკმარისად კონტროლირებადი შაქრიანი დიაბეტი; - გადატანილი მიოკარდიუმის ინფარქტი და/ან გულისა და სისხლძარღვების მძიმე ორგანული დაავადებები; - თირეოტოქსიკოზი, ფეოქრომოციტომა; მწვავე ქოშინის დროს საჭიროა ექიმთან კონსულტაცია. პრეპარატის ხანგრძლივი გამოყენებისას: პრეპარატის მუდმივ, ხანგრძლივ მიღებასთან შედარებით, მისი პერიოდული გამოყენება (სიმპტომებზე დაყრდნობით) ნაკლებ რისკთან არის დაკავშირებული. აუცილებელია ანთების საწინააღმდეგო ბაზისური მკურნალობაც (მაგ. ინჰალაციური კორტიკოსტეროიდები), რომელიც სასუნთქ გზებში ამცირებს ანთებას და დაავადების მიმდინარეობის კონტროლირებისა და ფილტვებში არასასურველი ცვლილებების ჩამოყალიბების თავიდან აცილების საშუალებას იძლევა. ბრონქების ობსტრუქციის სიმპტომების კუპირებისათვის ბეტა2-აგონისტების მაღალი დოზების ხანგრძლივმა გამოყენებამ შეიძლება დაავადების მიმდინარეობის არაკონტროლირებადი დამძიმება გამოიწვიოს. ასეთ შემთხვევებში დაავადების სასიცოცხლოდ საშიში დამძიმების პროფილაქტიკისათვის აუცილებელია ავადმყოფის მკურნალობის ტაქტიკის გადასინჯვა და ანთების საწინააღმდეგო მკურნალობის ადექვატური შეფასება. ბეტა2-აგონისტებით მკურნალობისას არ სებობს ჰიპოკალიემიის განვითარების რისკი. პრეპარატი განსაკუთრებული სიფრთხილით ინიშნება მძიმე ასთმის დროს, რადგან ამ შემთხვევაში ბეტა2-აგონისტების და ქსანტინების ნაწარმების, გლუკოკორტიკოიდების ან შარდმდენების ერთდროულად დანიშვნისას იზრდება ჰიპოკალიემიის განვითარების რისკი. გარდა ამისა, ჰიპოქსიის დროს ჰიპოკალიემიის გავლენა გულის რითმზე გაძლიერებულია. საეჭვო შემთხვევებში აუცილებელია სისხლის პლაზმაში კალიუმის მაჩვენებლების მონიტორირება. ჭარბი დოზირება სიმპტომები: ხშირად - ტაქიკარდია, ტრემორი, თავბრუსხვევა, თავის ტკივილი, არტერიული ჰიპერტენზია ან ჰიპოტენზია,სტენოკარდიული ტკივილები, არითმია, სახის ჰიპერემია. მკურნალობა: სედატიური საშუალებები, ტრანკვილიზატორები. მძიმე შემთხვევებში ტარდება ინტენსიური მკურნალობა. სპეციფიკური ანტიდოტის სახით რეკომენდებულია ბეტა2-ადრენობლოკატორების გამოყენება. გარდა ამისა, ბრონქული ასთმით დაავადებულებში ბრონქების ობსტრუქციის შესაძლებელი გაძლიერების გამო, საჭიროა ანტიდოტის დოზის საგულდაგულოდ შერჩევა. | ||
| ურთიერთქმედება სხვა მედიკამენტებთან: | ბეტა-ადრენომიმეტური, ანტიქოლინერგული საშუალებები, ქსანტინის წარმოებულები და გლუკოკორტიკოსტეროიდები აძლიერებენ ფენოტეროლის მოქმედების ეფექტს. ბეტა-ბლოკატორებთან პრეპარატის კომბინაციით შესაძლებელია ფენოტეროლის ეფექტურობის მნიშვნელოვანი დაქვეითება. ბეტა-ადრენომიმეტური საშუალებები სიფრთხილით ენიშნებათ პაციენტებს, რომლებიც იღებენ მონოამინოქსიდაზას ინჰიბიტორებს და ტრიციკლურ ანტიდეპრესანტებს, რადგან აღნიშნული პრეპარატები იწვევენ ბეტა-ადრენომიმეტური საშუალებების მოქმედების გაძლიერებას. ზოგადი საანესთეზიო საშუალებებით ინჰალაცია, როგორიცაა: ჰალოტანი, ტრიქლორეთილენი ან ენფლურანი აძლიერებს ბეტა-ადრენომიმეტური საშუალებების მოქმედებას გულ-სისხლძარღვთა სისტემაზე. | ||
| ფარმაკოლოგიური თვისება: | ფენოტეროლი წარმოადგენს ბეტა2-ადრნორეცეპტორების მასტიმულირებელ საშუალებას, რომელიც შედარებით დიდ დოზებში იწვევს ბეტა1-ადრენორეცეპტორების სტიმულაციასაც. ბრონქებში ლოკალიზებული ბეტა2-ადრენორეცეპტორების სტიმულაცია Gს პროტეინის საშუალებით იწვევს ადენილატციკლაზას აქტივაციას, ცამფ-ის რაოდენობის გაზრდას და პროტეინკინაზა A-ს აქტივობის გაძლიერებას, რომლის მეშვეობით გლუვკუნთოვან უჯრედებში ადგილი აქვს ცილების ფოსფოლირებას, რაც იწვევს მიოზინის მსუბუქი ჯაჭვების კინაზას ფოსფოლირებას, ფოსფოინოზიტიდური ჰიდროლიზის ბლოკირებას და კალციუმით ტუმბოს მუშაობის სტიმულირებას, რაც საბოლოო ჯამში გამოიხატება Ca++-ის, იონების რაოდენობის შემცირებით და ბრონქოდილატაციით ფენოტეროლი იწვევს უკვე განვითარებული ბრონქოსპაზმის კუპირებას. მისი სისტემატურად მიღება ხელს უწყობს სენსიბილიზირებული პოხიერი უჯრედების მემბრანების სტაბილიზაციას, თრგუნავს მათ დეგრანულაციას, ალერგიის და ანთების (ჰისტამინი, ბრადიკინინი, პროსტაგლანდინები) მედიატორების, ისევე როგორც სხვა ბიოლოგიურად აქტიური ნივთიერებების გამოყოფას. გარდა ამისა, ფენოტეროლის შედარებით მაღალ დოზებში გამოყენებისას ძლიერდება მუკოცილიარული კლირენსი. ფენოტეროლი მაღალი აქტივობით ხასიათდება ბრონქების სპაზმით გამოწვეული მდგომარეობების დროს. იგი ხსნის ალერგენებით ან სხვა ფაქტორებით (ცივი ჰაერი, ფიზიკური გადაღლა, სტრესი) გამოწვეულ ბრონქოსპაზმს. | ||
| ჩვენება: | - ბრონქული ასთმის მწვავე შეტევის სიმპტომატური მკურნალობა; - ფიზიკური დატვირთვით გამოწვეული ასთმის პროფილაქტიკა; - სასუნთქი გზების შექცევადი ობსტრუქციით გამოწვეული მდგომარეობები. |
Page generation time: 0. 022383019 sec.
